Önnur umferð Íslandsmótsins í skák hófst kl. 10

Önnur umferð Íslandsmótsins í skák hófst nú kl. 10. Í upphafi umferðar fékk Loftur Baldvinsson afhent verðlaun þ.e. máltíð fyrir tvo í Hamborgafabrikkunni fyrir skák fyrstu umferðar en hann vann alþjóðlega meistarann Braga Þorfinnsson með mikilli flugeldasýningu.

Aðstæður á skákstað eru einstakar og það er ekki amalegt útsýnið yfir alla Reykjavík og meira til af 20. hæðinni í Turninum í Borgartúni. 

Tíu skákir úr umferðinni eru sýndar beint á vef mótsins. 

Allmargar myndir frá umferðinni í gær má finna í myndaalbúmi fyrstu umferðar sem og myndir frá upphafi annarrar umferðar dagsins.

Síðari umferð dagsins hefst svo kl. 17 og þá fara hinir stigahærri að mætast.

• Heimasíða mótsins
• Chess-Results
• Beinar útsendingar 
• Myndir frá fyrstu umferð (PRP og GB)
• Myndir frá annarri umferð (GB)

Þrettán þúsund manns horfðu á úrslitaeinvígið í atskák

Um 13.000 manns horfðu á úrslitaeinvígi Arnars E. Gunnarssonar og Davíð Kjartanssonar á RÚV fyrir skemmstu. Það er fínt áhorf á þessum útsendignartíma. Um 5% þjóðarinnar horfðu því á einhver hluta af einvíginu.

Örn Leó sigraði á hraðkvöldi Hellis

Örn Leó Jóhannsson sigraði með 5,5v í sjö skákum á hraðkvöldi Hellis sem fram fór 27. maí. Tap í síðustu umferð gegn Elsu Maríu kom ekki að sök því Páll Andrason sem var eini keppandinn sem gat náð honum tapaði á sama tíma fyrir Eiríki Björnssyni. Sigrarnir í lokaumferðinni færðu Elsu Maríu og Eiríki annað og þriðja sætið. Örn Leó dró svo Kristófer Ómarsson  í happdrættinu og báðir fengu þeir úttektarmiða á Saffran.

Það verður ekki hraðkvöld meðan á Íslandsmótinu stendurá annan í hvítasunnu þannig að næsta hraðkvöld verður 10. júní nk. 

Lokastaðan á hraðkvöldinu:

Röð   Nafn                         Vinningar  M-Buch. Buch. Progr.

  1   Örn Leó Jóhannsson,              5.5      21.0  29.0   25.5
 2-3  Elsa María Kristínardóttir,      5        22.5  30.5   20.0
      Eiríkur Björnsson,               5        21.5  30.0   20.0
 4-6  Páll Andrason,                   4.5      21.0  28.5   21.5
      Gunnar Nikulásson,               4.5      19.5  27.0   16.0
      Kristófer Ómarsson,              4.5      19.0  24.0   16.0
 7-8  Jóhanna Björg Jóhannsdóttir,     4        19.0  25.5   16.0
      Sigurður Ingason,                4        18.0  23.5   15.0
9-11  Jón Úlfljótsson,                 3.5      21.0  26.5   17.0
      Vigfús Ó. Vigfússon,             3.5      19.5  26.0   14.0
      Hjálmar Sigurvaldason,           3.5      13.0  17.5   11.0
 12   Óskar Long,                      3        15.5  21.0   10.0
 13   Finnur Kr.Finnsson,              2.5      18.5  24.5   11.0
 14   Björgvin Kristbergsson,          2        13.5  18.0    6.0
 15   Pétur Jóhannesson,               1        15.0  19.0    5.0
 16   Sindri Snær Kristófersson,       0        16.0  21.5    0.0