Omar efstur á KORNAX-mótinu

Omar Salama (2265), sem vann Einar Hjalta Jensson (2301) í sjöttu umferð KORNAX-mótsins - Skákþings Reykjavíkur, er efstur með 5,5 vinning. Eiginkona hans, Lenka Ptácníková, sem vann Júlíus Friðjónsson (2185), er önnur með 5 vinninga. Fimm skákmenn hafa 4,5 vinning og þar á meðal Davíð Kjartansson (2323) sem á inni frestaða skák gegn Einari Hjalta sem fram fer á morgun.

Pörun sjöundu umferðar, sem fram fer á sunnudag, er væntanleg á morgun. 

Öll úrslit 6. umferðar má finna hér. 

Stöðu mótsins má finna hér.

• Heimasíða TR (beinar útsendingar)
• Myndaablúm (GB)
• Chess-Results

Guðmundur vann í næstsíðustu umferð

Alþjóðlegi meistarinn Guðmundur Kjartansson (2408) hélt áfram góðu gengi á alþjóðlegu móti í Sevilla í Spáni rétt eins og íslenska handboltaliðið sem einnig er statt í Sevilla. Í áttundu og næstsíðustu umferð, sem fram fór í dag, vann vann  spænska skákmanninn Pablo Munoz Martin (2229). Guðmundur hefur 6 vinninga og er í 8.-21. sæti

Enski stórmeistarinn Stewart Haslinger (2535) er efstur með 7,5 vinning.

Í lokaumferðinni, sem fram fer í fyrramálið, mætir Guðmundur Ítalanum Davide Sgnaolin (2269).

223 skákmenn taka þátt í mótinu og þar af eru 11 stórmeistarar og 13 alþjóðlegir meistarar. Guðmundur er nr. 19 í stigaröð keppenda. Ekki er að sjá að beinar útsendingar séu frá mótinu. Mótið er 9 umferðir.

• Heimasíða mótsins
• Chess-Results

Hjörvar með jafntefli í dag

Alþjóðlegi meistarinn Hjörvar Steinn Grétarsson (2516) gerði jafntefli við úkraínska stórmeistarann Alexander Kovchan (2579) í sjöttu umferð c-flokks Tata Steel-mótsins sem fram fór í dag. Hjörvar hefur 3½ vinning og er í 4.-7. sæti.

Stórmeistararnir Sabino Brunello (2572), Ítalíu, og Fernando Peralta (2617), Argentínu, eru efstir með 5 vinninga.

Hjörvar mætir Peralto í sjöundu umferð sem fram fer á morgun. 

Í c-flokki eru meðalstigin 2476 skákstig en 14 skákmenn tefla þar allir við alla. Hjörvar er nr. 6 í stigaröð keppenda.

• Heimasíða mótsins
• Beinar útsendingar (hefjast almennt kl. 12:30)

Carlsen efstur í Wijk aan Zee

Magnus Carlsen er orðinn einn efstur á Tata Steel-mótinu eftir sigur á Ivan Sokolov (2667) í sjöttu umferð sem fram fór í kvöld. Anand (2772) og Karjakin (2780) eru hálfum vinningi á eftir Norðmanninum en þeir gerðu báðir jafntefli í dag. Hou Yifan (2603) vann Anish Giri (2726) sem hefur ekki náð sér á strik.

Úrslit 6. umferðar:

van Wely, L. - Wang, H.	1-0
Nakamura, H. - L'Ami, E.	½-½
Giri, A. - Hou, Y.	0-1
Caruana, F. - Karjakin, S.	½-½
Aronian, L. - Leko, P.	1-0
Carlsen, M. - Sokolov, I.	1-0
Harikrishna, P. - Anand, V.	½-½

 

Staða efstu manna:

• 1. Carlsen (2861) 4½
• 2.-3. Anand (2772) og Karjakin (2780) 4 v.
• 4.-6. Nakamura (2769), Harikrishna (2698) og Aronian (2802) 3½ v.

Í a-flokki eru meðalstigin 2732 skákstig en 14 skákmenn tefla þar allir við alla.

• Heimasíða mótsins
• Beinar útsendingar (hefjast almennt kl. 12:30)

KORNAX-mótið: Bein útsending frá sjöttu umferð

Sjötta umferð KORNAX-mótsins - Skákþings Reykjavíkur hefst í kvöld kl. 19:30. Venju samkvæmt eru 6 skákir sýndar beint frá umferðinni. Útsendingu frá umferðinni má nálgast hér.

 

 

Skákirnar sem sýndar eru beint eru:

• Omar Salama (4½) - Einar Hjalti Jensson (4+fr)
• Lenka Ptácníková (4) - Júlíus Friðjónsson (4½)
• Davíð Kjartansson (3½ + fr.) - Oliver Aron Jóhannesson (4)
• Daði Ómarsson (4) - Dagur Ragnarsson (4)
• Sævar Bjarnason (3½) - Þór Már Valtýsson (3½)
• Halldór Pálsson (3½) - Vignir Már Stefánsson (3½)

• Heimasíða TR (beinar útsendingar)
  
• Myndaablúm (GB)
• Chess-Results

Nýtt fréttaskeyti Skákakdemíunnar

Nýtt fréttaskeyti Skákakademíunnar er komið út. Meðal efnis er:

• Goðinn-Mátar - viðtal við Hermann Aðalsteinsson og Jón Þorvaldsson
• Hallgerður Helga í just checking
• Skákþraut vikunnar 

Fréttaskeytið fylgir með sem viðhengi.

Skrár tengdar þessari bloggfærslu:

• Fréttaskeytti Skákakademíunnar. nr. 11

Rúnar og Haraldur efstir á Skákþingi Akureyrar

Önnur umferð Skákþings Akureyrar var tefld í gærkveldi. Engin jafnteflisdeyfð var yfir mönnum og var knúinn fram sigur í öllum skákum.

Úrslitin urðu sem hér segir:

• Rúnar - Jakob                1-0
• Símon - Hreinn               1-0
• Hjörleifur - Haraldur         0-1
• Karl Egill - Sigurður A     0-1
• Jón Kristinn - Andri         0-1

Þeir Haraldur Haraldsson og Rúnar Ísleifsson hafa unnið báðar skákir sínar til þessa og eru því efstir. Á hæla þeim koma þeir Sigurður Arnarson og Andri Freyr Björgvinsson með 1,5 vinning. Þriðja umferð verður tefld á sunnudag og þá eigast þessir við: Sigurður-Rúnar, Jakob-Símon, Andri-Karl, Haraldur-Jón Kristinn og Hreinn-Hjörleifur

Fimm skákmenn efstir og jafnir á Fastus-mótinu

Fimm skákmenn eru efstir og jafnir á Fastus-mótinu - Gestamóti Goðans með 2½ vinning að lokinni 3. umferð sem fram fór í gær. Það eru Karl Þorsteins (2464), Ingvar Þór Jóhannesson (2340), Sigurbjörn Björnsson (2391), Þröstur Þórhallsson (2441) og Sigurður Daði Sigfússon (2334). Fjórum skákum var frestað og því getur staðan breyst töluvert. Öll úrslit 3. umferðar má finna hér.

Stöðu mótsins má finna hér.

Búið er að raða í 4. umferð sem fram fer á fimmtudagskvöld nk. Þá mætast meðal annars: Karl-Sigurður Daði, Lenka-Þröstur og Ingvar Þór-Sigurbjörn.

Röðun í 4. umferð má finna hér.

Mótið fer fram í húsakynnum Skákskóla Íslands, Faxafeni 12.

• Heimasíða Goðans-Máta
• Chess-Results

Skákkeppni vinnustaða fer fram 1. febrúar

Taflfélag Reykjavíkur býður öllum vinnustöðum að taka þátt í Skákkeppni vinnustaða 2013 sem fram fer í félagsheimili T.R, Skákhöllinni Faxafeni 12, föstudaginn 1. febrúar 2013 og hefst kl. 19.30

Upplýsingar og keppnisfyrirkomulag:

Dagsetning: Föstudagur 1. febrúar kl. 19.30

Staður: Taflfélag Reykjavíkur, Faxafeni 12 (Skeifunni)

Sveitakeppni: Þetta er liðakeppni/sveitakeppni og tefla 3 í hverju liði. Vinnustaðirnir geta sent fleira ein eitt lið til keppni. Liðin verða þá auðkennd sem A-lið, B-lið o.s.frv. Hvert lið getur haft 1-2 varamenn.

Umferðir: Fjöldi umferða fer eftir þátttöku (7-11 umferðir). Umhugsunartími er 10 mínútur á mann.

Keppnisfyrirkomulag: svissneskt kerfi og flestir vinningar gilda.

Verðlaun:

1. verðlaun: Eignabikar fyrir vinnustaðinn og farandbikar til vörslu í 1 ár auk verðlaunapeninga (medalíur) fyrir keppendur

2. verðlaun: Eignabikar fyrir vinnustaðinn auk verðlaunapeninga (medalíur) fyrir keppendur

3. verðlaun: Eignabikar fyrir vinnustaðinn auk verðlaunapeninga (medalíur) fyrir keppendur

Þátttökugjald er kr. 15.000 á hverja sveit.

Upplýsingar veitir Ríkharður Sveinsson, stjórnarmaður í Taflfélagi Reykjavíkur. Netfang: [e-mail] gsm: 7722990.

Skráning og staðfesting þátttöku: skráning fer fram á heimasíðu Taflfélags Reykjavíkur, www.taflfelag.is  á sérstöku skráningarformi eða með því að senda skráningu á[e-mail]

Þátttökugjaldið greiðist inn á reikning Taflfélags Reykjavíkur. Reikningsnúmer: 0101-26-640269. Kennitala: 640269-7669. Vinsamlegast setjið í skýringu: VINNUST

Verið velkomin að taka þátt í Skákkeppni vinnustaða 2013 - hlökkum til að sjá ykkur!

Guðmundur tapaði í sjöundu umferð

Alþjóðlegi meistarinn Guðmundur Kjartansson (2408) tapaði í dag fyrir aserska stórmeistaranum Azer Mirzoev (2547) í sjöundu umferð alþjóðlegs mót í Sevilla. Guðmundur hefur 5 vinninga og er í 16.-36. sæti.

Enski stórmeistarinn Stewart Haslinger (2535) er efstur með fullt hús. Í áttundu og næstsíðustu umferð, sem fram fer á morgun, teflir Guðmundur við spænska skákmanninn Pablo Munoz Martin (2229).

223 skákmenn taka þátt í mótinu og þar af eru 11 stórmeistarar og 13 alþjóðlegir meistarar. Guðmundur er nr. 19 í stigaröð keppenda. Ekki er að sjá að beinar útsendingar séu frá mótinu. Mótið er 9 umferðir.

• Heimasíða mótsins
• Chess-Results