Björn Ívar Grænmetismeistari - hver verður blómameistarinn?

Grænmetismótið 2012 var heldur betur vel mannað - fyrrum landsliðsmenn og núverandi landsliðskonur voru mætt til leiks í Sumarskákhöllina í gær til að berjast um grænmetiskörfur sem Sölufélag garðyrkjumanna lagði til mótshaldsins. Fyrir mótið mátti telja þá fyrrum félaga úr Ólympímeistaraliði Íslands frá 1995, Björn Þorfinsson og Jón Viktor Gunnarsson sigurstranglegasta.

Jóni Viktori gekk ágætlega framan af en Björn var týndur og tröllum gefinn um miðjan hóp enda margir sterkir skákmenn meðal þátttakenda. Fór svo að Jón Viktor komst á fyrsta borð fyrir fimmtu og síðustu umferðina. Þar mætti hann ofjarli sínum í Eyjamanninum Birni Ívari Karlssyni, sem veitti Jón þó grið er hann þrálék með unnið tafl. Jafnteflið dugði Birni til sigurs og fékk hann veglega grænmetiskörfu að launum.

Bestum árangri barna náði Hilmir Freyr Heimisson sem hlaut þrjá vinninga. Landsliðskonan Jóhanna Björg Jóhannsdóttir var svo dreginn út úr hópi keppenda að móti loknu og fékk einnig grænmetiskörfu. Á meðan á mótinu stóð gæddu keppendur sér á ljúffengum og andoxandi tómötum; hvoru tveggja kirsuberja tómötum sem og hinum hefðbundnu.

Næsta mót í Grænu seríunni fer fram í hádeginu næsta föstudag klukkan 12:00 og verður þá teflt um veglega blómvendi.

Heildarúrslit:

Rk.	Name	Pts.	TB1
1	Björn Karlsson	4,5	14,5
2	Jón Viktor Gunnarsson	4	15,5
3	Elsa María Kristínardóttir	4	14,5
4	Stefán Már Pétursson	4	13
5	Stefán Bergsson	4	12
6	Hrafn Jökulsson	3	16
7	Rúnar Berg	3	15,5
8	Jóhanna Björg Jóhannsdóttir	3	15
9	Hilmir Freyr Heimisson	3	13
10	Vignir Vatnar Stefánsson	3	12
11	Björn Þorfinnsson	3	11
	Gauti Páll Jónsson	3	11
13	Svandís Rós Ríkharðsdóttir	2	13
14	Jakob Petersen	2	12,5
15	Jón Birgir Einarsson	2	12
16	Hjálmar Sigurvaldason	2	11,5
17	Gunnlaugur Karlsson	2	11
18	Arnar Valgeirsson	2	10,5
19	Bjarni Þór Guðmundsson	2	8,5
20	Þorvarður F. Ólafsson	1,5	15
21	Óskar Víkingur Davíðsson	1	11,5
22	Hjálmar Skarphéðinsson	1	10
23	Númi Sigfússon	1	10

 

Myndaalbúm (ÁHS)

Hjörvar og Bragi í beinni frá fyrstu umferð opna skoska meistaramótsins

Níu íslenskir skákmenn taka þátt í opna skoska meistaramótinu sem hófst á hádegi í dag í Glasgow í Skotlandi.  Meðal þeirra eru alþjóðlegu meistararnir Hjörvar Steinn Grétarsson (2507) og Bragi Þorfinnsson (2465) og FIDE-meistarinn Róbert Lagerman (2315).  

Skákir Hjörvars og Braga í fyrstu umferð eru báðar sýndar beint. Hjörvar teflir við ungversku skákkonuna Boglarka Bea (2178), sem er FIDE-meistari kvenna en Bragi við Skotann Alan Grant (2155).  Beinar útsendingar má nálgast hér.

Aðrir íslenskir skákmenn sem taka þátt eru: Nökkvi Sverrisson (1973), Mikael Jóhann Karlsson (1929), Emil Sigurðarson (1808), Jón Trausti Harðarson (1774), Birkir Karl Sigurðsson (1709) og Óskar Long Einarsson (1571).

114 skákmenn taka þátt í mótinu og þar af eru 10 stórmeistarar og 13 alþjóðlegir meistarar.  Hjörvar er nr. 8 í stigaröð keppenda og Bragi nr. 13.  

• Heimasíða mótsins
• Beinar útsendingar (umferðir hefjast kl. 12, nema 7. umferð hefst kl. 11:30)
• Úrslitaþjónusta

"Svindlmálið" skekur norskt skáklíf

Á helsta skákvef Noregs, heimasíðu Bergens Schakklub, má finna ýmiss gögn um "svindlmálið" svokollaða sem kom upp á N1 Reykjavíkurskákmótinu.

Norska skáksambandið sendi frá sér yfirlýsingu 2. júli þar sem fram kemur að sambandið hafi ákveðið að áfrýja málinu ekki til FIDE.  Jafnframt eru birt úrskurðir sambandsins.  Á síðunni má finna yfirlýsingu frá Øystein Brekke, skákdómara, sem gagnrýnir að nöfn sakborninga hafi verið birt. 

Lokaniðurstaða málsins var sú að sonurinn var sýknaður en faðirinn fékk eins árs bann.

Áhugasamir geta lesið meira um málið á heimasíðu Bergens Schakklub og geta kynnt sér ýmiss gögn málsins.

 

Skákhátíð á Ströndum 2012: Frábær veisla við ysta haf

Skákhátíð á Ströndum hefur unnið sér fastan sess í íslensku skáklífi og hefur nú verið haldin þriðju vikuna í júní fimm ár í röð. Margir hafa kynnst undraheimi Strandasýslu í fyrsta sinn, aðrir njóta þess að endurnýja kynni sín af einstakri náttúru og mannlífi. Það er einkenni á hátíðinni að þar tefla jafnt meistarar sem byrjendur, heimamenn og gestir úr öllum landsfjórðungum.

Að þessu sinni byrjaði hátíðin á Hólmavík föstudaginn 22. júní, þegar Róbert Lagerman tefldi fjöltefli við 24 andstæðinga. Róbert var heiðursgestur hátíðarinnar, enda hefur hann tekið þátt í skipulagningu hennar frá upphafi, og auk þess margoft heimsótt Strandamenn og tekið þátt í ótal skákviðburðum.

Óhætt er að segja að fáir meistarar hafi mætt jafn sterkum hópi í fjölteflinu, enda margir af gestum hátíðarinnar sem notuðu tækifærið til að liðka fingurna í skák á móti Róbert. Fjölteflið var nýhafið þegar Róbert fékk símtal um veikindi í nánustu fjölskyldu, en hann beit á jaxlinn og tefldi áfram einsog sannur herforingi. Hann stóð að lokum uppi öruggur sigurvegari, en varð þó að játa sig sigraðan í nokkrum skákum, m.a. á móti hinum bráðefnilegu Hilmi Frey Heimissyni og Jóni Kristni Þorgeirssyni.

Gauti Páll og Inga sigruðu í Djúpavík

Frá Hólmavík lá leiðin í Djúpavík, þar sem Eva Sigurbjörnsdóttir og Ásbjörn Þorgilsson hafa í rúmlega aldarfjórðung rekið eitt skemmtilegasta hótel landsins. Sú var tíð að síldarverksmiðjan í Djúpavík var sú stærsta á landinu, en nú er hún safn og minnisvarði um veröld sem var. Eva og Ásbjörn hafa frá upphafi tekið virkan þátt í Skákhátíð á Ströndum. Árin 2008, 2009 og 2010 voru haldin stórmót í gömlu verksmiðjunni. Helgi Ólafsson sigraði fyrstu tvö árin en Jóhann Hjartarson sigraði 2010 á 75 ára Afmælismóti Friðriks Ólafssonar.

Í Djúpavík hafa líka frá upphafi verið haldin tvískákarmót, sem tvímælalaust verða að teljast með allra skemmtilegustu mótum ársins. Að þessu sinni voru 10 lið skráð til leiks og var leikgleðin allsráðandi.

Að lokum stóðu þau Gauti Páll Jónsson og Ingibjörg Edda Birgisdóttir uppi sigurvegarar, en ,,Forsetalið" Gunnars Björnssonar og félaga varð að gera sér annað sætið að góðu. Í þriðja sæti urðu félagarnir Halldór Blöndal og Hilmir Freyr Heimisson.

Glæsileg verðlaun á Afmælismóti Róberts

Laugardaginn 23. júní var stóra stundin runnin upp: Afmælismót Róberts Lagerman í samkomuhúsinu í Trékyllisvík. Keppendur voru 44 og í þeim hópi voru m.a. stórmeistararnir Jóhann Hjartarson og Helgi Ólafsson, Bolvíkingurinn knái Guðmundur Gíslason, afmælisbarnið Róbert, Gunnar Björnsson forseti SÍ, Stefán Bergsson framkvæmdastjóri SÍ og grúi skákmanna af öllum stærðum og gerðum, og voru í þeim hópi sum efnilegustu börn og ungmenni landsins.

Þar var keppt um sérlega vegleg verðlaun: Forláta sérsmíðaðan hrók eftir handverksmanninn og snillinginn Valgeir Benediktsson í Árnesi. Valgeir og fjölskylda hans hafa á síðustu árum byggt upp Minja- og handverkshúsið Kört í Trékyllisvík, en þar er varðveitt saga Árneshrepps og boðið upp á handverk eftir íbúa sveitarinnar. Óhætt er að segja að Kört sé einstakt í íslenskri safnaflóru, og Valgeir er frægur fyrir stórkostlega muni sem hann smíðar. Að auki fékk sigurvegarinn sérsmíðaðan silfurhring eftir silfursmiðinn Úlfar Daníelsson. Á hringinn er letrað, með rúnaletri, kjörorð skákhreyfingarinnar: Við erum ein fjölskylda.

Einsog við mátti búast stóð keppnin um efsta sætið milli stórmeistaranna, og Helgi virtist ætla að sigra með fullu húsi eftir að leggja Jóhann í innbyrðis viðureign. Gunnar Björnsson sýndi þó hvað í honum býr með því að sigra Helga, svo stórmeistararnir sigldu að lokum jafnir í mark. Þeir deildu því efsta sætinu og titlinum Trékyllisvíkurmeistarinn 2012. Báðir fengu þeir silfurhring að launum, en hrókurinn góði mun hafa árleg vistaskipti hjá þeim félögum. Hér verður að koma fram að það var Áróra Hrönn Skúladóttir, skákmamma með meiru, sem lét gera þrjá silfurhringa í tilefni hátíðarinnar og gaf þá til mótshaldsins. Þriðji hringurinn kom vitanlega í hlut afmælisbarnsins Róberts. Hafi Áróra djúpa þökk fyrir framlag sitt!

Meðan á mótinu stóð var Ingólfur Benediktsson bóndi í Árnesi heiðraður fyrir óþreytandi stuðning við framkvæmd Skákhátíðar á Ströndum. Hann hefur á liðnum árum verið boðinn og búinn við að hjálpa í smáu sem stóru, og sama er að segja um hans góða heimilisfólk. Ingólfur hlaut, sem örlítinn viðurkenningarvott flugmiða fyrir tvo með Flugfélaginu Ernir, sem heldur uppi áætlunarflugi á Gjögur, sem er ,,millilandaflugvöllur" Árneshrepps, en Ernismenn hafa líka frá upphafi stutt við bakið á Skákhátíð á Ströndum með ráðum og dáð.

Þá var að vanda valinn best klæddi keppandi mótsins, og að þessu sinni kom sá heiðurstitill í hlut Hrannars Jónssonar. Í umsögn dómnefndar Hrannar hrós fyrir að vera í senn einsog amerísk filmstjarna og rammíslenskur töffari. Verðlaunin voru ekki af lakari endanum: silkiklútur frá Samarkand í Úsbekistan, sem Jóhanna Kristjónsdóttir ferðafrömuður gaf af þessu tilefni.

 Háttvísasti keppandinn var valinn Gunnar Finnsson fyrrverandi skólastjóri í Trékyllisvík og víðar, en hans er minnst í Árneshreppi af miklum hlýhug enda hélt hann uppi skáklífi í sveitinni á níunda áratugnum.

Leikar fóru því svo að Jóhann og Helgi fengu 8 vinninga af 9 mögulegum, en næstur kom Guðmundur Gíslason. Meðal þeirra sem náðu 6,5 vinningi var hinn ungi og bráðefnilegi Akureyringur, Jón Kristinn Þorgeirsson, sem sýndi og sannaði að hann á framtíðina fyrir sér. Ingibjörg Edda Birgisdóttir varð efst kvenna og feðgarnir Ingólfur Benediktsson og Númi Fjalar Ingólfsson náðu bestum árangri heimamanna.

Eftir frábært Afmælismót Róberts var slegið upp stórfenglegri grillveislu með þátttöku gesta og heimamanna. Þar flutti Jóhann Hjartarson bráðskemmtilega ræðu til heiðurs afmælisbarninu og rifjaði upp óborganlegar sögur frá skólaárum þeirra. Róbert þakkaði með tölu, sem sýndi að hann er ekki síðri ræðumaður en skákmaður.

Um kvöldið var svo blásið til sannkallaðs stórleiks á íþróttavellinum í Trékyllisvík. Þar mættust lið Gesta og Ungmennafélagsins Leifs heppna, og er óhætt að segja að áhorfendur hafi fengið að fylgjast með mest spennandi knattspyrnuleik sumarsins. Eftir miklar sviptingar urðu lokatölur 8-8!

 

Jóhann Krumlumeistari í Norðurfirði

Sunnudaginn 24. júní var komið að síðasta viðburðinum á Skákhátíð á Ströndum 2012: Hraðskákmóti í Kaffi Norðurfirði.

Þar sýndi Jóhann Hjartarson mátt sinn og megin og sigraði í öllum 6 skákum sínum, en Guðmundur Gíslason hreppti silfrið.

Verðlaunin voru að sönnu stórfengleg: Skúlptúr úr rekaviði eftir Guðjón Kristinsson frá Dröngum, en hann er einn helsti hleðslu- og útskurðarmeistari landsins.

Eftir frábært mót í Norðurfirði héldu svo sumir keppendur í sundlaugina í fjörunni í Krossnesi -- og voru að sjálfsögðu með sundlaugarsett með sér, svo nú er hægt að tefla í þessari einstöku laug, við undirleik Norður-Atlantshafsins.

Fjölmargir lögðu sitt af mörkum svo hægt væri að halda Skákhátíð á Ströndum 2012, og má nefna útgerðarfélagið Brim, menntamálaráðuneytið, Skáksamband Íslands, Flugfélagið Erni, Hótel Djúpavík, Kaupfélag Steingrímsfjarðar, Forlagið, Sögur útgáfu, Henson, Securitas, Steinegg o.fl.

Þakkir til heimamanna, sem tóku gestum tveim höndum! Sjáumst á Ströndum að ári: Næsta hátíð verður 21. til 23. júní 2013!

MYNDAALBÚM

Fjöltefli á Hólmavík (HJ)

Tvískákmót í Djúpavík (HJ o.fl.)

Afmælismót Róberts í Trékyllisvík (HJ o.fl.)

Krumlumótið í Kaffi Norðurfirði (HJ og Elísa Ösp Valgeirsdóttir)

 

Græna serían: Ingvar Þór Ávaxtameistarinn -- hver sigrar á Grænmetismótinu á föstudaginn?

Ingvar Þór Jóhannesson sigraði með glæsibrag á Ávaxtamótinu í Sumarskákhöllinni á föstudag. Þetta var fyrsta mótið í Grænu seríunni, sem Skákakademían heldur til að fagna sól og sumri. Í hádeginu nú á föstudaginn er röðin komin að Grænmetismótinu og svo tekur Blómaskákmótið við í næstu viku.

Hraðskákmótin í Grænu seríunni eru öllum opin og á fyrsta mótinu voru á fjórða tug keppenda á öllum aldri. Vignir Vatnar Stefánsson fékk verðlaun fyrir besta árangur barna á Ávaxtaskákmótinu, en hann hlaut 4 vinninga af 5, og tapaði ekki skák.

Þá er Græna sería haldin til að vekja athygli á Sumarskákmótum SR sem nú standa sem hæst, við frábærar aðstæður að Þingholtsstræti 47, í hátíðarsal Kvennaskólans. Gengið er inn beint á móti þýska og breska sendiráðinu.

Skákáhugamenn á öllum aldri eru hvattir til að mæta í hádeginu á föstudaginn, taka skák og gæða sér á hnossgætinu frá Sölufélagi garðyrkjumanna!

Myndir frá Ávaxtamótinu 2012 (HJ)

Grænmetismót í sumarskákhöllinni á föstudaginn!

Í sumar mun Skákakademían standa fyrir hraðskákmótum í hádeginu á föstudögum, sem kallast Græna serían. Ávaxtamótið var það fyrsta í röðinni. Mótið var nú haldið í annað sinn eftir góða frumraun í fyrra. Rétt eins og þá var keppendum boðið upp á dýrindis ávexti frá Banönum ehf. Aukin heldur kepptu þeir 34 keppendur sem mættir voru til leiks um þrjár veglegar áxaxtakörfur. Tefldar voru fimm umferðir með 5 mínútna umhugsunartíma.

Áður en að mótið hófst fór Hjörvar Steinn Grétarsson yfir eina af ótal skákum sem hann hefur teflt að undanförnu. Hlýddu margir á fyrlesturinn sem heppnaðist vel enda Hjörvar góður skákkennari. Hjörvar var sigurstranglegastur fyrir mótið, en Ávaxtakóngurinn frá því í fyrra, Ingvar Þór Jóhannesson, var staðráðinn í að verja titilinn. Fór svo að það tókst og Ingvar Þór því unnið bæði Ávaxtmótin sem haldin hafa verið. Hjörvar varð annar og Vignir Vatnar Stefánsson þriðji og hlaut fyrir það barnaverðlaunin og stóra ávaxtakörfu rétt eins og Ingvar. Ein karfa var dregin út og hana fékk Jóhann Arnar Finnsson Fjölnispiltur.  

Í hádeginu næsta föstudag mun svo fara fram Grænmetismótið 2012. Taflið hefst 12:00 og og eru keppendur beðnir um að mæta tímanlega. Tefldar verða 5 umferðir með 5 mínútna umhugsunartíma. Dýrindis grænmeti í boði frá Sölufélagi garðyrkjumanna. Sumarskákhöllin er staðsett í Þingholtsstrætinu, beint á móti þýska og breska sendiráðinu.

Myndasafn SÍ komið á nýjan stað

Myndasafn SÍ er komið á nýjan stað á Internetinu, er nú vistað á http://www.skakmyndir.com/.  Þar má finna margar mjög skemmtilegar myndir af íslenskum og erlendum skákmönnum í gegnum tíðina.  Ritstjóra finnst sérstaklega skemmtilegt að skoða myndir frá hinum skrautlega níunda áratug (eigtís).  Læt hér fylgja með nokkur sýnishorn.  Tengil á skákmyndirnar má jafnframt finna í tenglasafni Skák.is, undir lykilvefir, á vinstri hluta síðunnar.  

 

Andri Áss Grétarsson, Davíð Ólafsson og Gunnar Björnsson

 

Þröstur Þórhallson, Íslandsmeistari í skák, árið 1986 en þá hann tók þátt í landsliðsflokki í fyrsta sinn

 

Friðrik Ólafsson og Héðinn Steingrímsson spá í spilin

 

 Ingibjörg Edda Birgisdóttir árið1999

 

 Helgi Ólafssson og Garry Kasparov á Heimsbikarmótinu 1988

 

Miklu fleiri myndir á http://www.skakmyndir.com/

 

Norðurlandamótunum seinkar

Eins og fram kom nýlega hér á Skák.is var fyrir skemmstu ákveðið að helstu Norðurlandamótin í skák fari fram í Karlstad í Svíþjóð. 

Dagsetningum á þeim mótum hefur verið lítisháttar breytt þar sem í ljós kom að upphaflegar dagsetningar rákust á sænsku og norsku landsmótin í liðakeppni.

Mótið fer fram 19.-27. janúar.   

Fréttatilkynning mótshaldara:

Press Release on new dates for the Nordic Championships in Karlstad, Sweden 2013th.

As the originally scheduled dates for the Nordic Championships unfortunately coincides with both the Norwegian and the Swedish national leagues, the organizer Chessclub Gustaf Fröding has, after negotiations with Best Western Hotel Gustaf Fröding and the Nordic Chess Federation, decided that the Championships will instead be played from Saturday January 19^th until Sunday, January 27^th.

Nánar má lesa um mótið og ákvörðun SN í meðfylgjandi viðhengi (PDF) - ath. röng dagsetning í viðhengi.

Skrár tengdar þessari bloggfærslu:

• Fréttatilkynning SN vegna Norðurlandamót í skák 2013

Pistill Hilmis Freys frá Ítalíu

Hilmir Freyr Heimisson hefur skrifað pistil um skákmót sem hann tók þátt í Salento í maí sl

Pistill frá Ítalíu, Open Internazionale di Scacchi del Salento 2012 - Ecoresort le Sirené

19. - 26.maí 2012

Eftir flug til Amsterdam, lest til Eindhoven, rútuferð á flugvöllinn í Eindhoven og þaðan með flugi til Brindisi, þar sem við þurftum að bíða eftir að vera ferjuð yfir til Gallipoli (ferð sem tók rúma klukkustund) vorum við komin á áfangastað um miðnætti. Ferðalagið tók um 18 klukkustundir.

Daginn eftir hófst svo mótið kl.16

B-mótið var 8 umferðir.

1. umferð: Andstæðingurinn var Matteo Piccinno ungur Ítali með 1227 stig, ég vann hann örugglega í 24 leikjum. Ég var með svart.

2. umferð: Andstæðingurinn var Andrea Fasiello Ítali (1934). Ég tapaði skákinni þrátt fyrir að hafa teflt ágætlega. Ég var með hvítt. Andrea Fasiello er góður í skák.

3. umferð: Andstæðingurinn var sem fyrr stigahærri en ég, Cesare Caleffi (1958) frá Ítalíu. Ég var með svart og tapaði skákinni 1) d4 - d5 2) Rf3 - Rf6 3) Bg5 - Re4 4) Bh4 - Dd6 5) c3 - hér lék ég Bf5 en hefði átt að leika Dh6 þá hefði ég verið með betri stöðu eftir því sem Caleffi sagði þegar við fórum yfir skákina.

4. umferð: Ég var staðráðinn í að vinna eftir tvö töp í röð. Andstæðingurinn var Enrico Frangi (1647), ég var með hvítt. Ég mátaði hann í 21. leik og mun sýna skákina að neðan.

5. umferð: Andstæðingurinn félagi minn Vignir Vatnar (1512). Vignir Vatnar hafði hvítt var kominn á flug í mótinu og vann mig eftir 65 leiki. Ég lék af mér biskup og tapaði þannig. Við erum vanir að vinna hvorn annan til skiptis, hann hafði betur í þetta sinn.

6. umferð: Andstæðingurinn var Bassini Massimo (1588) ég var með hvítt og vann eftir 39 leiki. Ég lék Drottningarbragði.

7.umferð: Andstæðingurinn var Gaetani Quaranta Ítali (1838) sem tapaði fyrir Vigni Vatnari í fyrstu umferð, hann ætlaði sér ekki að vera þurrkaður út af tveimur íslenskum drengjum og telfdi hratt á móti mér. Ég lenti skiptimanni undir í 6. leik. Eftir það var róðurinn erfiður og skákinni lauk með tapi mínu eftir 59 leiki.

8.umferð: Andstæðingurinn var Jacopo Calogiuri (1440) frá Ítalíu. Ég var ákveðinn í að vinna seinustu umferð og gerði það í 26 leikjum. Ég náði að drepa riddarann hans í 19. leik og vann þannig skákina. Ég var með hvítt.

Ég var ekki sáttur með 4 vinninga af 8 en lærdómurinn af fyrsta móti erlendis var ómetanlegur. Andstæðingar mínir voru langflestir til í að fara yfir skákirnar með mér eftir að þeim lauk og það var frábært. Ég fékk 2.verðlaun U16 ára og var glaður með það, enda félagi minn Vignir Vatnar í því fyrsta.

Ég ég vil þakka IM Birni Þorfinnssyni fyrir frábæran stuðning á Ítalíu og GM Helga Ólafssyni fyrir að æfa mig fyrir mótið. Stuðningsaðilum þakka ég líka.

Bestu kveðjur og takk fyrir stuðninginn.

Hilmir Freyr Heimisson.

Veljið skák (2 alls): 1: Heimisson, Hilmir Freyr - Frangi, Enrico 2: Heimisson, Hilmir Freyr - Frangi, Enrico

[Event "Salento internacional chess tournament "] [Site "?"] [Date "2012.06.22"] [Round "4"] [White "Heimisson, Hilmir Freyr"] [Black "Frangi, Enrico"] [Result "1-0"] [ECO "D63"] [WhiteElo "1752"] [BlackElo "1647"] [PlyCount "41"] 1. d4 d5 2. c4 c6 3. Nf3 Nf6 4. Nc3 e6 5. Bg5 Be7 6. Rc1 Nbd7 7. e3 O-O 8. cxd5 exd5 9. Bd3 h6 10. Bh4 g5 11. Bg3 Re8 12. h4 g4 13. Ne5 Nf8 14. h5 N8h7 15. Qc2 Be6 16. Bf4 Kg7 17. f3 Qc8 18. fxg4 Bxg4 19. Nxf7 Kxf7 20. Bxh7 Nxh7 21. Qg6+ 1-0

[Event "Salento internacional chess tournament "] [Site "?"] [Date "2012.06.22"] [Round "4"] [White "Heimisson, Hilmir Freyr"] [Black "Frangi, Enrico"] [Result "1-0"] [ECO "D63"] [WhiteElo "1752"] [BlackElo "1647"] [PlyCount "41"] 1. d4 d5 2. c4 c6 3. Nf3 Nf6 4. Nc3 e6 5. Bg5 Be7 6. Rc1 Nbd7 7. e3 O-O 8. cxd5 exd5 9. Bd3 h6 10. Bh4 g5 11. Bg3 Re8 12. h4 g4 13. Ne5 Nf8 14. h5 N8h7 15. Qc2 Be6 16. Bf4 Kg7 17. f3 Qc8 18. fxg4 Bxg4 19. Nxf7 Kxf7 20. Bxh7 Nxh7 21. Qg6+ 1-0

Skákþáttur Morgunblaðsins: Magnús Carlsen vann Tal-mótið

Með sigri yfir Englendingnum Luke McShane í síðustu umferð skreið Magnús Carlsen fram úr helstu keppinautum sínum á minningarmótinu um Mikhail Tal sem lauk á þriðjudaginn og varð enn efstur. Hann er nú langstigahæsti skákmaður heims en hafði fyrir Tal-mótið ekki teflt síðan í Wijk aan Zee í janúar sl. Mótið var geysilega spennandi en lokaniðurstaðan varð þessi:

1. Magnús Carlsen 5 ½ v.(af 9) 2. - 3. Caruana og Radjabov 5 v. 4. - 7. Morozevitsj, Kramnik, Aronjan og Grischuk 4 ½ v. 8. - 9. Nakamura og McShane 4 v. 10. Tomashevsky 3 ½ v.

Magnús var ekki einn í efsta sæti fyrr en eftir lokaumferðina og toppaði því á réttum tíma. Sigurskák hans yfir Radjabov í fimmtu umferð umferð þótti sláandi lík frægri sigurskák Capablanca yfir Ilja Kan frá 1936 og þegar hann lagði Luke McShane í lokaumferðinni voru menn fljótir að benda á samsvörun við sigur Keres yfir Max Blau árið 1959.

Í upphafi fór Alexander Morozevitsj mikinn en tapaði þá skyndilega þrem skákum. Kramnik var einnig í vænlegri stöðu þegar skammt var til loka en tapaði þá fyrir McShane og Caruana. Mótið var hressandi tilbreyting frá heimsmeistaraeinvígi Anands og Gelfands á dögunum.

Skákhátíðin á Ströndum tileinkuð Róbert Harðarsyni

Skákhátíðin á Ströndum sem fram fer um helgina er að þessu sinni tileinkuð Róbert Harðarsyni sem verður fimmtugur síðar á þessu ári. Það fer vel á því en Róbert hefur um langt skeið verið í hópi fremstu skákmanna þjóðarinnar. Framlag hans til samfélags skákhreyfingarinnar er síst ofmetið; Róbert hefur tekið mikinn þátt í skákmótahaldi Hróksins, hefur reglulega heimsótt Barnspítala Hringsins og teflt við krakkana sem þar dvelja, hefur haldið utan um skákmótahald hjá Vin og svo mætti lengi telja. Margháttuð dagskrá er fyrirhuguð á Ströndum þessa helgina, fjöltefli Róberts fór fram í Hólmavík á fimmtudaginn, á föstudaginn var svo tvískákarmót í Djúpavík og aðalmótið á laugardeginum. Fjölmargir kunnir meistarar boðuðu komu sína á skákhátíðina sem haldin var í fyrsta sinn sumarið 2008. Róbert hefur ávallt verið talinn stórhættulegur sóknarskákmaður og ýmsir kunnir meistarar fengið að kynnast því. Á Reykjavíkurskákmótinu 1984 lagði hann einn þekktasta stórmeistara Hollendinga að velli í fyrstu umferð:

Róbert Harðarson - Hans Ree

Frönsk vörn

1. e4 e6 2. d4 d5 3. Rd2 Rf6 4. e5 Rfd7 5. Bd3 c5 6. c3 Rc6 7. Rgf3!?

Sjaldgæfur leikur sem byggist á peðsfórninni 7. ... cxd4 8. cxd4 Db6 9. O-O. Á þessum tíma var afbrigðið lítt þekkt og flestir kusu að leika 7. Re2 og síðan - Rf3.

7. ... Be7 8. O-O g5 9. dxc5 Rxc5 10. Bc2 g4 11. Rd4 Rxe5 12. f4 gxf3 13. R2xf3 Rg6 14. De2 b6 15. Bh6 Ba6 16. De3!

Óvænt ákvörðun. Róbert lætur hrókinn flakka. Búast mátti við 16. Rb5 ásamt - a4 eftir atvikum.

16. ... Bxf1 17. Hxf1 Dc7 18. b4 Rd7 19. Rb5 Dc6?

Ree vissi greinilega ekki sitt rjúkandi ráð og eftir þennan slaka leik fór hann niður í logum, 19. .... Db7 var betra.

20. Rfd4 Db7

21. Hxf7! e5

Ekki var um annað að ræða, 21. ... Kxf7 er svarað með þrumuleiknum 22. Rd6+! og næst kemur 23. Dxe6 mát!

22. Hxe7+! Kxe7 23. Dg5+ Rf6 24. Bxg6 exd4 25. De5+ Kd8 26. Dxf6+ De7 27. Dxh8+

- og nú var Ree búinn að fá nóg og gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 24. júní 2012.

Skákþættir Morgunblaðsins

[Event "Reykjavik op"] [Site "Reykjavik"] [Date "1984.??.??"] [Round "1"] [White "Hardarson, Robert"] [Black "Ree, Hans"] [Result "1-0"] [ECO "C06"] [WhiteElo "2295"] [BlackElo "2480"] [PlyCount "53"] [EventDate "1984.02.??"] [EventType "swiss"] [EventRounds "11"] [EventCountry "ISL"] [Source "ChessBase"] [SourceDate "1999.07.01"] 1. e4 e6 2. d4 d5 3. Nd2 Nf6 4. e5 Nfd7 5. Bd3 c5 6. c3 Nc6 7. Ngf3 Be7 8. O-O g5 9. dxc5 Nxc5 10. Bc2 g4 11. Nd4 Nxe5 12. f4 gxf3 13. N2xf3 Ng6 14. Qe2 b6 15. Bh6 Ba6 16. Qe3 Bxf1 17. Rxf1 Qc7 18. b4 Nd7 19. Nb5 Qc6 20. Nfd4 Qb7 21. Rxf7 e5 22. Rxe7+ Kxe7 23. Qg5+ Nf6 24. Bxg6 exd4 25. Qe5+ Kd8 26. Qxf6+ Qe7 27. Qxh8+ 1-0