Jóhann Örn skákmeistari hjá Ásum

Æsir í Ásgarði héldu sitt meistaramót í dag. Tuttugu og átta skákmenn mættu til leiks, tefldar voru ellefu umferðir með 10 mínútna umhugsunartíma.  Þarna mættu margir gamlir meistarar og skemmtu sér á 64 reitum í nokkra klukkutíma. Jóhann Örn Sigurjónsson kom sá og sigraði með 10 vinningum af 11 mögulegum. Jóhann vann þetta mót líka 2011.

Björn Þorsteinsson kom fast á hæla honum með 9 vinninga. Sæbjörn Larsen fékk síðan bronsið með 8 ½  vinning.

Þór Valtýsson varð efstur í aldurshópnum 60-70 ára með 7 vinninga. Trausti Pétursson varð efstur í hópnum 70-80 ára einnig með 7 vinninga.  Kári Sólmundarson varð svo efstur af öldungunum 80 ára og eldri með 6½ vinning.þessir þrír fengu allir gullpening.

Næsta þriðjudag verður svo haldið vorhraðskákmót þá verða tefldar níu umferðir með 7 mínútna umhugsunartíma.  Þá verða veitt verðlaun fyrir bestan samanlagðan árangur vetrarins á skákdögum.

Nánari úrslit :

 

• 1        Jóhann Örn Sigurjónsson                           10 v
• 2        Björn Þorsteinsson                                     9
• 3        Sæbjörn Larsen                                 8.5
• 4-5    Þór Valtýsson                                   7
•           Trausti Pétursson                              7
• 6        Kári Sólmundarson                           6.5
• 7-12  Einar S Einarsson                                       6
•           Jón Víglundsson                               6
•           Össur Kristinsson                                       6
•           Stefán Þormar                                   6
•           Ari Stefánsson                                  6
•           Þorsteinn Guðlaugsson                     6
• 13-16 Haraldur Axel                                   5.5
•           Ásbjörn Guðmundsson                     5.5
•           Bragi G Bjarnarson                           5.5
•           Óli Árni Vilhjálmsson                       5.5
• 17-18 Gísli Árnason                                    5
•           Jón Steinþórsson                              5

Næstu tíu fengu aðeins færri vinninga.

Myndaalbúm (ESE)

Björn vann í fimmtu umferð í Selento og er í 3.-4. sæti

Björn Þorfinnsson (2388) vann ítalska FIDE-meistarann Francesco Bentivegna (2276) í 5. umferð alþjóðlega mótsins í Selento í Ítalíu sem fram fór í dag.  Björn hefur 3½ vinning og er í 3.-4. sæti.  Í sjöttu umferð, sem fram fer á morgun og hefst kl. 14, teflir Björn við ítalska alþjóðlega meistarann Roberto Mogranzini (2461), sem er annar með 4 vinninga. Þýski stórmeistarinn Igor Khenkin (2670) er efstur með 4½ vinning.

Hilmir Freyr Heimisson (1752) vann sína skák í dag í 4. umferð í b-flokki en Vignir Vatnar Stefánsson (1512) tapaði.  Vignir hefur 2½ vinning en Hilmir hefur 2 vinninga.  Þeir mætast í 5. umferð. 

22 skákmenn tefla í a-flokki og þar af eru 4 stórmeistarar og 6 alþjóðlegir meistarar.  Björn er nr. 8 í stigaröð keppenda.  

• Heimasíða mótsins
• Beinar útsendingar (hefjast almennt kl. 13:30 eða 14:00)

 

Skákuppboðið vekur athygli í Danaveldi

Skákuppboðið á einvígisborði og fylgihlutum, sem Páll G. Jónsson er að selja á uppboði í Bruun Rasmussen, vekur mikla athygli í Danaveldi.  Útboðslýsingin er nú aðgengileg.  Um málið er m.a. fjallað á Politiken, Jyllands Posten, Börsen og á heimasíðu danska skáksambandsins.   Einnig fjallar íslenski vefurinn Pressan um uppboðið.

Fram kemur í uppboðslýsingunni (bls. 274-281) að Guðmundur G. Þórarinsson, fyrrverandi forseti SÍ, haldi ræðu sem heitir "Reflection of the Cold War Superpowers´ Mind Game" þegar borðið verður sýnt 31. maí nk.  Einnig kemur fram að annar fyrrverandi forseti SÍ, Einar S. Einarsson, verði einnig viðstaddur.  

• Uppboðsbæklingurinn (bls. 274-281)
• Uppboðslýsingin og myndir
• Umfjöllun danska skáksambandsins
• Umfjöllun Politiken
• Umfjöllun Jyllandsposten
• Umfjöllun Börsen
• Umfjöllun Pressunar

 

Skákþing Norðlendinga fer fram um Hvítasunnuhelgina

Skákþing Norðlendinga 2012

Akureyri 25.-28. maí 2012

150 ára afmælismót Akureyrarkaupstaðar

100 ára afmælismót Júlíusar Bogasonar skákmeistara

Skákþingið hefur verið haldið árlega frá 1935 og er nú háð í 78. sinn.  Sérstaklega verður vandað til mótshaldsins nú í tilefni af því að 150 ár eru liðin frá því Akureyrarbær öðlaðist kaupstaðaréttindi. Þá er með mótshaldinu þess minnst að í ár eru 100 ár liðin frá fæðingu Júlíusar Bogasonar skákmeistara. Júlíus varð skákmeistari Akureyrar 19 sinnum og  5 sinnum skákmeistari Norðlendinga.

Teflt verður í félagsheimili Skákfélags Akureyrar, Íþróttahöllinni við Skólastíg (gengið inn að vestan).  

Dagskrá:

Tefldar verða 7 umferðir eftir svissnesku kerfi, 3 atskákir og 4 kappskákir.  

Föstudagur 25. maí kl. 20.00: 1.-3. umferð. Atskák, 25 mín/mann.
Laugardagur 26. maí kl. 10.00: 4. umferð. Kappskák, 90 mín + 30 sek/leik.
Laugardagur 26. maí kl. 16.00: 5. umferð. Kappskák, 90 mín + 30 sek/leik.
Sunnudagur 27. maí kl. 13:00: 6. umferð. Kappskák, 90 mín + 30 sek/leik.
Mánudagur 28. maí kl. 10.00: 7. umferð. Kappskák, 90 mín + 30 sek/leik.

Mánudagur 28. maí kl. 14.30: Hraðskákmót Norðlendinga.

Mótið verður reiknað til íslenskra skákstiga og til FIDE-skákstiga.

Keppni í kvennaflokki fer fram laugardaginn 26. maí og hefst kl. 10.00. Þetta að því tilskildu að næg þátttaka fáist. Lágmark er 6 keppendur svo mótið fari fram. Tefldar verða atskákir, 5-7. umferðir.  

Þátttökugjald:   kr. 4000 fyrir 17 ára og eldri, kr. 2000 fyrir 16 ára og yngri.  Þátttaka í hraðskákmótinu er innifalin. Þeir sem einungis tefla í hraðskákmótinu greiða kr. 500 fyrir þátttökuna.  Þátttökugjald í kvennaflokki kr. 1000.

Verðlaun:

1. verðlaun kr. 50.000

2. verðlaun kr. 30.000

3. verðlaun kr. 20.000

4. verðlaun kr. 10.000

Skákmeistari Norðlendinga  kr. 25.000

Efstur skákmanna með 1801-2000 kr. 15.000

Efstur skákmanna með 1800 stig og minna kr. 15.000

Hver þátttakandi vinnur aðeins ein verðlaun.

Öllum er heimil þátttaka á mótinu, en aðeins þátttakendur með lögheimili á Norðurlandi geta unnið þá meistaratitla sem teflt verður um, þ.e. Skákmeistari Norðlendinga, (í meistaraflokki, kvennaflokki og unglingaflokki) og Hraðskákmeistari Norðlendinga.  

Skráning:  í netfangið [e-mail] og er skráningarfrestur til miðnættis 24. maí. Þeir sem mæta til leiks eftir að skráningarfrestur er liðinn geta ekki verið vissir um að fá sæti á mótinu. 

Keppendalista má finna á Chess-Results.

21.000 manns horfðu á úrslitaeinvígi Íslandsmótsins í atskák á RÚV

Yfir 21.000 manns horfðu á úrslitaeinvígi Íslandsmótsins í atskák sem fram fór á RÚV 13. maí sl. Uppsafnað áhorf mældist 9% og það þrátt fyrir að úrslitaleikir Manchester-liðanna hafi verið í gangi á sama tíma.  

Þetta eru umtalsvert hærri tölur en í tveimur síðustu atskákeinvígum sem fram fóru í sjónvarpi 2007 og 2009. 

Alexander Ipatov fjallar um N1 Reykjavíkurskákmótið

Tyrkneski stórmeistarinn Alexander Ipatov fjallar um N1 Reykjavíkurskákmótið á vefsíðu sinni.  Þar segir Ipatov m.a.:

An amazing country and wonderful organization of the event! That was my first visit to Iceland and I got only superb impressions. The venue of festival was Harpa Concert Hall, maybe the most spectacular venue for chess event ever.

Á vefsíðu Ipatov má m.a. finna myndir, myndbönd og frásagnir frá heimsókninni.

Bloggsíða Ipatov

Björn tapaði í 4. umferð - Vignir á sigurbraut

Björn Þorfinnsson (2388) tapaði fyrir þýska stórmeistaranum Igor Khenkin (2670) í 4. umferð alþjóðlegs móts í Salento í Ítalíu sem fram fór í dag.  Björn hefur 2½ vinning og er í 5.-8. sæti.  Í 5. umferð, sem fram fer á morgun og hefst kl. 13:30, teflir Björn við við ítalska FIDE-meistarann Francesco Bentivegna (2276).  

Vignir Vatnar Stefánsson (1512) heldur áfram að brillera og í 3. umferð b-flokks, sem fram fór í dag, vann hann mun stigahærri andstæðing (1937).   Vignir hefur 2½ vinning og er í 2.-6. sæti.   Hilmir Freyr Heimisson (1752) tapaði sinni skák og hefur 1 vinning.  

22 skákmenn tefla í a-flokki og þar af eru 4 stórmeistarar og 6 alþjóðlegir meistarar.  Björn er nr. 8 í stigaröð keppenda.  

• Heimasíða mótsins
• Beinar útsendingar (hefjast almennt kl. 13:30 eða 14:00)

 

Sigurður A kókmeistari

Hið árlega Coca-cola hraðskákmót fór fram í gær, 20. maí. Til leiks voru mættir 10 ofurhugar og tefldu tvöfalda umferð.

1	Sigurður Arnarson	15
2	Áskell Örn Kárason	15
3	Tómas V Sigurðarson	13
4	Haki Jóhannesson	10½
5	Sigurður Eiríksson	9½
6	Jón Kristinn Þorgeirsson*	7
7	Sveinbjörn Sigurðsson	6
8	Logi Rúnar Jónsson	5½
9	Símon Þórhallsson	5
10	Ari Friðfinnsson	2½

Þeir Sigurður og Áskell komu jafnir í mark, en sá fyrrnefndi var úrskurðaður sigurvegari eftir nákvæman stigaútreikning.  Áskell fékk í sárabót titilinn Coke-light meistari SA.  Fráfarandi meistari, Jón Kristinn Þorgeirsson gat ekki lokið mótinu og varð að gefa 7 síðustu skákir sínar vegna sauðburðar.

Anand jafnaði metin gegn Gelfand með sigri í aðeins 17 leikjum

Anand vann Gelfand í aðeins 17 leikjum í áttundu skák heimsmeistaraeinvígis þeirra og jafnaði þar með metin í einvíginu, sem nú er 4-4.  Sennilega ein stysta vinningsskák í heimsmeistaraeinvígi um áratugaskeið. 

Frídagur er á morgun.  Níunda skák einvígisins fer fram á miðvikudag og hefst kl. 11

Henrik Danielsen er með myndbandsskýringar frá hverri skák sem finna má á Chessdom. 

Alls tefla þeir 12 skákir. 

• Heimasíða einvígisins
• ChessBomb
• Myndbandsskýringar Henriks
  

Margir meistarar á Skákhátíð á Ströndum: Skráið ykkur sem fyrst!

Skáktilboð á Hótel Djúpavík

Gistihús í Norðurfirði

Tjaldstæði og gisting í Finnbogastaðaskóla

,,Við hlökkum mikið til að koma á Strandir," segir Jóhann Hjartarson stórmeistari, sem verður stigahæsti keppandinn á Skákhátíð á Ströndum 22.-24. júní. Þetta er fimmta sumarhátíðin í Árneshreppi og er ástæða til að hvetja skákáhugamenn til að skrá sig sem fyrst.

Von er á fleiri stórmeisturum á Skákhátíð á Ströndum, en skráðum keppendum fjölgar dag frá degi. Af öðrum kunnum köppum má nefna Róbert Lagerman, Sævar Bjarnason, Stefán Bergsson, Hrannar Jónsson, Magnús Matthíasson,  Heimi Páll Ragnarsson, Hilmi Frey, Heimisson, Snorra Bergsson, Ingibjörgu Eddu Birgisdóttur og Gunnar Björnsson.

Þá er von á góðum hópi úr Skákfélagi Vinjar, auk þess sem vonast er til að hinir öflugu skákmenn Akureyrar og nærsveita fjölmenni. Þá tefla Strandamenn að vanda fram öflugum fulltrúum

Margir gistimöguleikar eru í Árnheshreppi og skal sérstaklega vekja athygli á góðu tilboði sem Hótel Djúpavík gerir gestum skákhátíðarinnar.

Hótel Djúpavík gerir gestum Skákhátíðar á Ströndum gott boð: Gisting í 2 nætur í tveggja manna herbergi, tveir kvöldverðir og tveir morgunverðir fyrir 16.000 krónur. Netfang: [e-mail] Sími: 451 4037.

Gistiheimilið í Norðurfirði býður uppá svefnpokapláss eða uppábúin rúm í vistlegum húsakynnum. Netfang: [e-mail] Sími: 554 4089.

 Gistiheimilið Bergistanga býður upp á svefnpokapláss fyrir einstaklinga og hópa, með eldunaraðstöðu. Einnig notaleg herbergi með uppábúnum rúmum. Sími: 451 4003

Finnbogastaðaskóli. Svefnpokapláss fyrir einstaklinga og fjölskyldufólk. Mjög góð hreinlætis- og eldunaraðstaða.  Fín  aðstaða á tjaldstæðum við skólann.

Skákhátíð á Ströndum hefur stofnað Facebook-síðu, en einnig er hægt að skrá sig hjá Hrafni [e-mail] ,  Róbert  í [e-mail] Andreu [e-mail], sem einnig veita frekari upplýsingar um ævintýraferð á Strandir.