Smári æfingameistari Goðans

Snorri Hallgrímsson varð efstur á síðustu skákæfingu vetrarins hjá Goðanum í gærkvöld. Snorri fékk 4 vinninga af 5 mögulegum. Tefldar voru skákir með 15 mín umhugsunartíma á mann.

Úrslit gærkvöldsins:

1.   Snorri Hallgrímsson        4 af 5
2.   Ævar Ákason                  3,5
3.   Smári Sigurðsson            3
4.   Sigurbjörn Ásmundsson  2
5.   Hermann Aðalsteinsson  1,5
6.   Hlynur Snær Viðarsson    1 

Skákæfingar Goðans hefjast aftur í september.

Smári Sigurðsson fékk afhentan æfingabikar Goðans að lokinni skákæfingunni í gærkvöld því hann var með flesta samanlagða vinninga eftir skákæfingar vetrarins, alls 74.
Smári er því æfingameistari Goðans árið 2012.

Úrslitin í samanlögðu:

Smári Sigurðsson                    74
Hermann Aðalsteinsson          67
Snorri  Hallgrímsson                59
Ævar Ákason                           58
Sigurbjörn Ásmundsson          51,5
Heimir Bessason                      36
Hlynur Snær Viðarsson             34
Sighvatur Karlsson                   17
Sigurgeir Stefánsson               16
Orri Freyr Oddsson                  10
Stephen Jablon                        9
Sigurjón Benediktsson             8
Benedikt Þór Jóhannsson         6
Júlíus Bessason                        6
Árni Garðar Helgason               6,5
Valur Heiðar Einarsson            4,5
Viðar Njáll Hákonarson            1,5

Yfirlýsing frá Skáksambandi Íslands

Skáksamband Íslands ítrekar þá yfirlýsingu sem gefin var út í fyrra í tengslum við sölu Guðmundar G. Þórarinssonar á munum úr Einvígi aldarinnar.  Skáksambandið harmar sem fyrr sölu sögulegra muna tengdum Einvígi aldarinnar úr landi. 

Í ljósi frétta Morgunblaðsins og Ríkissjónvarpsins í gær þess efnis að til stæði að selja einvígisborð í einkaeign úr landi hefur stjórn SÍ ákveðið skipa nefnd sem hefur það verksvið að rannsaka hvað varð um muni tengda einvíginu og hvernig sölu og varðveislu á þeim var háttað í kjölfar einvígisins og reyna að kortleggja hvar þeir munir eru í dag.

Nefndinni er ætlað er skoða gögn SÍ og önnur aðgengileg gögn, ræða við forsvarsmenn skákhreyfingarinnar í byrjun áttunda áratugarins, sem og þá aðila sem tengdust sölu muna frá Einvígi aldarinnar.  Með skipan þessarar nefndar er það von Skáksambandsins að hin ýmsu atriði er varði muni Einvígis aldarinnar komist á hreint.

Skáksambandið hvetur jafnframt þá sem hafa verðmæta muni tengda Einvíginu að hafa samband við skrifstofu sambandsins.

Oliver Aron Jóhannesson vann sumarskákmót Fjölnis 2012

Sumnarskákmót Fjölnis var að þessu sinni haldið 1. maí og fór fram við góðar aðstæður í Rimaskóla. Mótið var fjölmennt og þátttakendur voru flestir reyndir og öflugir skákmenn. Rimaskólameistarinn og verðlaunahafinn á heimsmeistaramóti áhugamanna, Oliver Aron Jóhannesson sýndi mikið öryggi og virtist fyrirhafnarlítið landa enn einum sigurlaununum. Hann hlaut 5,5 vinninga af 6 mögulegum.

Hinir gríðarsterku félagar hans í A sveit Rimaskóla, Dagur Ragnarsson 5 vinningar og Jón Trausti Harðarson 4,5 vinningar komu næstir. Alvöru íslenskir skákmenn þarna á ferðinni.

Yngstu meistararnir okkar, þau Vignir Vatnar úr Hörðuvallaskóla og Nansý Davíðsdóttir Rimaskóla urðu í næstu sætum með 4,5 vinninga eins og Jón Trausti og tefldu afar skemmtilega.

Stelpurnar Svandís Rós, Hrund og Elín Nhung voru allan tímann í toppbaráttunni líkt og Jóhann Arnar Finnsson Rimaskóla sem skellti Vigni Vatnari í fyrstu umferð og Felix Steinþórssyni sem vann fyrstu þrjár skákirnar sínar.

Athyglisverðasta skákin var tvímælalaus jafnteflisskák þeirra Joshua Davíðssonar í 1. bekk Rimaskóla og Vignis Vatnars sem eftir hnífjafna skák emdaði með því að Joshua pattaði Vigni, átti kóng og hrók á móti kóngi. Þarna eigum við Íslendingar aldeilis efnilega skákmenn sem fylgst verður með næstu árin og vonandi áratugina. Rimaskólakrakkar voru mjög áberandi í efstu sætum og voru 9 þeirra í 12 efstu sætunum.

Rótarýklúbburinn Reykjavík - Grafarvogur gaf verðlaunagripi og var Björn Viggósson forseti klúbbsins heiðursgestur mótsins og afhenti sigurvegurum verðlaunin. Með honum í för var Hilmar bróðir hans en á æskuheimili þeirra bræðra var teflt daglega. Tefldar voru sex umferðir og hver vinningur því dýrmætur. Fimmtán efstu skákmenn mótsins hlutu verðlaun, pítsu og bíómiða en auk Rimaskólakrakka og Felixar hlutu þeir bræðrasynirnir Hilmir Hrafnsson og Bjarki Arnaldarson verðlaun og Hofstaðaskólapilturinn Ísak Logi Einarsson.

Stefán Bergsson frá Skákakademíu Reykjavíkur sá um mótstjórn ásamt Helga Árnasyni formanni skákdeildar Fjölnis. Í skákhléi var öllum keppendum, foreldrum og starfsmönnum mótsins boðið upp á pítsur og gos eins og þeim lysti. Góður endir á árangursríku vetrarstarfi Skákdeildar Fjölnis.

Lokastaðan:

 

Rk.	Name	Pts.	TB1
1	Oliver Aron Jóhannesson	5,5	23
2	Dagur Ragnarsson	5	25,5
3	Jón Trausti Harðarson	4,5	22,5
4	Vignir Vatnar Stefánsson	4,5	21
5	Nansý Davíðsdóttir	4,5	19
6	Svandís Rós Ríkharðsdóttir	4	24,5
7	Jóhann Arnar Finnsson	4	20,5
8	Hrund Hauksdóttir	4	20,5
9	Elín Nhung	4	19
10	Felix Steinþórsson	3,5	22,5
11	Joshua Davíðsson	3,5	20,5
12	Kristófer Jóel Jóhannesson	3,5	19
13	Hilmir Hrafnsson	3,5	18
14	Bjarki Arnaldarson	3	21
15	Ísak Logi Einarsson	3	18
16	Ásdís Birna Þórarinsdóttir	3	18
17	Kristófer Halldór Kjartansson	3	16,5
18	Kristall Máni	3	16
19	Tristan Ingi Ragnarsson	3	15,5
20	Axel Hreinn Hilmisson	3	14,5
21	Róbert Orri Árnason	3	14
22	Viktor Andri	2,5	15
23	Mikael Maron	2,5	13
24	Kasper Piotr	2,5	12,5
25	Alísa Helga Svansdóttir	2	22,5
26	Mikolaj Óskar	2	19
27	Björn Ingi	2	17
28	Júlíus Örn Finnsson	2	17
29	Tinna Sif Aðalsteinsdóttir	2	16,5
30	Ísabella Schöbel	2	13
31	Sæmundur Árnason	1,5	15
32	Þorgeir Sölvi	1	16
33	Iðunn Ísafold	1	11

 

Myndaalbúm (HÁ)

Skákdeild Fjölnis útnefndi Hrund afreksmeistara og Svandísi æfingameistara 2011 - 2012

Vetrarstarfi Skákdeildar Fjölnis lauk með glæsilegu sumarskákmóti þann 1. maí. Af því tilefni valdi skákdeildin Hrund Hauksdóttur sem afreksmeistara deildarinnar og Svandísi Rós Ríkharðsdóttur sem æfingameistara fyrir starfsárið 2011 - 2012. Stúlkur hafa verið áberandi meðal sterkustu liðsmanna deildarinnar allt frá stofnun hennar árið 2004 og hefur nafn Hrundar verið þar ofarlega á blaði frá upphafi.

Ekki þarf að tíunda afrek Hrundar í vetur jafn glæsileg sem þau jú eru. Hún varð nýlega Norðurlandameistari stúlkna í B - flokki. Hún er Íslandsmeistari stúlkna í eldri flokki, Íslandsmeistari grunnskóla með A sveit Rimaskóla í opnum flokki og einnig í stúlknaflokki. Hún er Íslandsmeistari unglingasveita með A sveit Fjölnis og hefur náð góðum árangri á öllum þeim skákmótum sem hún hefur tekið þátt í bæði hér innanlands sem erlendis.

Svandís Rós er Íslandsmeistari stúlkna í yngri flokk, Norðurlandameistari barnaskólasveita með skaksveit Rimaskóla, Íslandsmeistari grunnskólasveita í stúlknaflokki með skáksveit Rimaskóla og nýkrýndur stúlknameistari Reykjavíkur. Framfarir Svandísar Rósar í skákinni í vetur hafa verið gífurlega miklar og er ekki síst því að þakka að hún hefur varla sleppt úr skákæfingum sem henni hafa staðið til boða. Þess má geta að Fjölniskrakkar hafa verið mjög sigursælir á öllum barna-og unglingaskákmótum vetrarins og einstaklega áhugasöm varðandi skákæfingar og skákmót.

Skákdeild Fjölnis óskar þessum ungu afreksstúlkum til hamingju og vill þakka öllum þeim fjölmörgu sem mætt hafa á skákæfingar og skákmót á vegum deildarinnar fyrir ánægjulegt og árangursríkt samstarf.

Kristófer og Sigurður Arnar Suðurlandsmeistarar í skólaskák

Í dag á frídegi verkalýðsins fór fram kjördæmismótið í skólaskák fyrir Suðurland.  Það voru keppendur frá 5 skólum í umdæminu sem áttu keppendur, sem öttu kappi í tveimur flokkum þ.e. 1.-7 bekkur og 8.-10. bekkur. 

Mótið var í nokkuð öruggum höndum skákmeistara Suðurlands, kjördæmisstjóra sem og landsmótsstjóra.

Í eldri flokki voru 7 keppendur en 8 í þeim yngri.

Tefldar voru 10 mín skákir allir við alla.

Sigurvegari yngri flokks var Sigurður Arnar Magnússon frá Grunnskóla Vestmannaeyja

Sigurvegari eldri flokks var Kristófer Gautason einnig frá Grunnskóla Vestmannaeyja. 

Þessir tveir hafa því unnið sér inn réttinn til að taka þátt í landsmótinu í skólaskák sem fram fer í Stórutjarnarskóla í Þingeyjarsveit næstu helgi.

Verðlaunasæti:
eldri:
1.  Kristófer Gautason Grunnskóla Vestmannaeyja     6 v
2. Emil Sigurðarson Grunnskóla Bláskógabyggðar       5v
3. Daði Steinn Jónsson Grunnskóla Vestmannaeyja    4v

yngri:
1. Sigurður Arnar Magnússon Grunnskóla Vestmannaeyja    7v
2. Haraldur Baldursson Grunnskólanum Hellu                       5v
3. Sunna Skeggjadóttir Flóaskóla                                        4v

                 Kjördæmisstjóri Magnús Matthíasson

Stigamót Hellis fer fram 16.-18. maí

Stigamót Taflfélagsins Hellis verður haldið í tíunda sinn dagana 16.-18. maí.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning á mótið er á heimasíðu Hellis:  http://www.hellir.blog.is

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Sigurður Daði Sigfússon.

Umferðatafla:

• 1.-4. umferð, miðvikudaginn 16. maí (19:30-23:30)
• 5. umferð, fimmtudaginn 17. maí (11-15)
• 6. umferð, fimmtudaginn 17. maí (17-21)
• 7. umferð, föstudaginn 18. maí (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Munir úr einvígi aldarinnar á uppboði í Danmörku

Í gær birtist frétt í Morgunblaðinu um muni úr einvígi aldarinnar sem hafa verið settir á uppboð í Kaupmannahöfn í Danmörku.  Í kjölfarið hefur verið um málið fjallað í fjölmiðlun, bæði á RÚV og í Morgunblaðinu.  Í frétt RÚV er meðal annars rætt við Margréti Hallgrímsdóttur þjóðminjavörð, og Pál G. Jónsson, eiganda munanna.  Í frétt Mbl-sjónvarps er einnig viðtal við Pál.  

• Frétt RÚV 
• Frétt Mbl-sjónvarps
• Frétt Mbl.is

Jón Trausti Unglingameistari Reykjavíkur 2012 - Svandís Rós Stúlknameistari Reykjavíkur 2012

Barna-og unglingameistaramót Reykjavíkur sem og Stúlknameistaramót Reykjavíkur fór fram í skákhöll Taflfélags Reykjavíkur sunnudaginn 29. apríl. Mótið var opið fyrir börn á grunnskólaaldri.

Þrenn verðlaun voru veitt fyrir þrjú efstu sætin í mótinu, þrenn verðlaun fyrir efstu stúlkur og svo þrenn verðlaun fyrir 12 ára og yngri (fædd 1999 og síðar). Þau sem eru búsett í Reykjavík eða eru félagar í reykvískum taflfélögum tefldu um titilinn Unglingameistari Reykjavíkur 2012 og Stúlknameistari Reykjavíkur 2012.

Þátttakendur voru 52 sem er töluverð aukning frá því í fyrra en þá tóku 40 krakkar þátt. Þetta var því sannkölluð uppskeruhátíð fyrir skákkrakkana sem flest hver hafa stundað skákina af miklum móð í allan vetur. Einnig var gaman að sjá að nokkrir voru í þessu móti að stíga sín fyrstu skref í þátttöku á skákmótum. Yngsti þátttakandinn var Elsa Kristín Arnaldardóttir sem er nýlega orðin fimm ára og því enn í leikskóla! Þrátt fyrir mikinn fjölda fór mótið einkar vel fram og heyra mátti saumnál detta á meðan á taflmennsku stóð!

Tefldar voru 7 umferðir með 15 mín. umhugsunartíma á skák. Teflt var í einum flokki og var keppnin jöfn og spennandi.

Jón Trausti Harðarson og Oliver Aron Jóhannesson komu jafnir í mark með 6,5 vinning af 7. Jón Trausti var hærri á stigum og hlaut því 1. sætið og titilinn Unglingameistari Reykjavíkur 2012. Í Stúlknameistaramótinu var keppnin engu að síður jöfn og spennandi. Þar voru jafnar stöllurnar Svandís Rós Ríkharðsdóttir og Hrund Hauksdóttir með 5 vinninga. Svandís Rós var hærri á stigum og varð því Stúlknameistari Reykjavíkur 2012. Fyrstu verðlaun í flokki 12 ára og yngri (f. 1999 og síðar) hlaut Svandís Rós einnig og hún varð jafnframt í 5. sæti í þessu geysisterka móti! Allt voru þetta mjög verðugir sigurvegarar.

Flestir keppendur mótsins komu frá Taflfélagi Reykjavíkur eða 16. Frá Fjölni komu 8 keppendur, 7 keppendur frá Helli og 1 frá T.G, 1 frá SFÍ, 1 frá Haukum og 1 frá Taflfélagi Akraness. 17 keppendur voru ekki skráðir í félag.

Fyrstu þrjú sætin í hverjum verðlaunaflokki skipuðu eftirfarandi keppendur:

1. Jón Trausti Harðarson fékk 6,5 v. af 7 (33 stig) og er Unglingameistari Reykjavíkur 2012.:
2. Oliver Aron Jóhannesson 6,5 vinn. (32,0 stig)
3. Dagur Ragnarsson 5,5 vinn (31,5 stig)
4. Birkir Karl Sigurðarson 5,5 vinn (29,5 stig)

Stúlknameistaramót Reykjavíkur:

1. Svandís Rós Ríkharðsdóttir fékk 5 v. (30 stig) og er Stúlknameistari Reykjavíkur 2012.
2. Hrund Hauksdóttir 5 vinn. (29,5 stig)
3. Veronika Steinunn Magnúsdóttir 4,5 vinn (29,0 stig)
4. Elín Nhung 4,5 vinn. (24,5 stig)

Í flokki 12 ára og yngri (fædd 1999 og síðar).

1. Svandís Rós Ríkharðsdóttir 5 vinn. (30,0 / 21,5 stig)
2. Vignir Vatnar Stefánsson 5 vinn. (30,0 / 17,0 stig)
3. Dawid Kolka 5 vinn. (28,5 stig)
4. Hilmir Freyr Heimisson 5 vinn (27,0 stig)

Heildarúrslit:

1 Jón Trausti Harðarson    6,5   33,0   29,8
2 Oliver Aron Jóhannesson    6,5   32,0   28,8
3 Dagur Ragnarsson        5,5   31,5   22,3
4 Birkir Karl Sigurðarson    5,5   29,5   21,8
5 Svandís Rós Ríkharðsdóttir    5,0   30,0   21,5
6 Vignir Vatnar Stefánsson    5,0   30,0   17,0
7 Hrund Hauksdóttir       5,0   29,5   16,5
8 Dawid Kolka             5,0   28,5   17,0
9 Hilmir Freyr Heimisson    5,0   27,0   16,5
10 Veronika Steinunn Magnúsdóttir    4,5   29,0   16,8
11 Jóhann Arnar Finsson    4,5   27,5   16,5
12 Elín Nhung              4,5   24,5   13,8
13 Mikael Kravchuk         4,0   31,0   15,5
14 Felix Steinþórsson      4,0   29,5   12,5
15 Gauti Páll Jónsson      4,0   29,0   14,5
16 Jakob Alexander Petersen    4,0   28,0   14,0
17 Kristófer Halldór Kjartansson    4,0   28,0   13,5
18 Axel Óli Sigurjónsson    4,0   28,0   13,5
19 Bjarni Þór Guðmundsson    4,0   26,0   12,5
20 Jón Otti Sigurjónsson    4,0   25,0   11,5
21 Hilmir Hrafnsson        4,0   24,0   12,8
22 Alec Elías Sigurðarson    4,0   24,0   11,0
23 Andri Már Hannesson     4,0   22,5   11,8
24 Kormákur Máni Kolbeinsson    4,0   22,0   10,0
25 Rafnar Friðriksson      3,5   28,5   13,3
26 Róbert Leó Jónsson      3,5   25,0    9,3
27 Bergmann Óli Aðalsteinsson    3,5   23,5    7,8
28 Donika Kolica           3,5   23,0    7,8
29 Haraldur Daði Þorvaldsson    3,5   22,0    8,8
30 Bjarki Arnaldarson      3,5   20,5    6,8
31 Ellert Kristján Georgsson    3,0   32,5   11,5
32 Kolbeinn Ólafsson       3,0   26,5    7,0
33 Guðmundur Agnar Bragason    3,0   24,5    8,5
34 Óskar Víkingur Davíðsson    3,0   24,5    7,5
35 Daníel Snær Eyþórsson    3,0   23,5    8,5
36 Mateusz Jakubek         3,0   20,0    6,0
37 Sara Hanh               3,0   18,5    4,0
38 Ingibergur Valgarðsson    3,0   14,5    4,0
39 Björn Ingi Helgason     2,5   27,0    7,0
40 Róbert Orri Árnason     2,5   21,0    6,3
41 Jón Hrafn Barkarson     2,5   20,0    4,8
42 Sindri Dagur Birnisson    2,5   20,0    3,8
43 Sana Salah Karim        2,5   14,0    2,8
44 Þórður Hólm Hálfdánarson    2,0   23,5    5,0
45 Gabríel Máni Ómarsson    2,0   20,5    4,0
46 Sindri Snær Kristófersson    2,0   20,0    4,0
47 Stefán Orri Davíðsson    2,0   18,5    3,5
48 Mateusz Gerwatoski      1,5   21,5    1,8
49 Elsa Kristín Arnaldardóttir    1,5   21,0    2,3
50 Hubert Jakubek          1,5   18,5    2,8
51 Helena Þórisdóttir      1,0   16,0    0,5
52 Mir Salah Karim         0,5   16,5    0,8

Mótshaldari var Taflfélag Reykjavíkur. Skákstjórar voru Torfi Leósson og Sigurlaug Regína Friðþjófsdóttir sem einnig tók myndir. Birna Halldórsdóttir sá um veitingar á meðan mótinu stóð.

Pistill: Sigurlaug Regína Friðþjófsdóttir.

Myndaalbúm (SRF)

Sumarskákmót Fjölnis fer fram í dag

Sumarskákmót Fjölnis fer fram í Rimaskóla þriðjudaginn 1. maí. Skákdeild Fjölnis lýkur vetrarstarfi sínu með veglegu sumarskákmóti í Rimaskóla þriðjudaginn 1. maí frá kl. 11:00 - 13:00.  Þátttakendur eru beðnir um að mæta tímanlega til skráningar. Rótarýklúbbur Grafarvogs veitir sigurvegurum mótsins veglega eignarbikara; í eldri flokki 1996 - 2000, yngri flokki 2001 - 2005 og stúlknaflokki. Fjöldi vinninga í boði, m.a. í formi pítsugjafabréfa og bíómiða.

Tefldar verða sex umferðir og umhugsunartíminn eru 7 mínútur á hverja skák.

Í skákhléi verður hægt að kaupa pítsu og gosdrykk á 200 kr.

Skákdeildin mun útnefna afreksmann og æfingameistara deildarinnar 2011 - 2012 á skákmótinu og heiðra nýjustu afreksmenn skákdeildar Fjölnis, þau Hrund Hauksdóttur Norðurlandameistara stúlkna og Oliver Aron Jóhannesson, hinn 14 ára gamla bronsverðlaunahafa frá heimsmeistaramóti áhugamanna 2012.

Skákdeild Fjölnis hvetur alla grunnskólakrakka til að fjölmenna á þetta síðasta skákmót vetrarins.

Þátttakan er ókeypis.