Sigur á báða bóga í öðlingakeppni Reykvíkinga og Akureyringa

Í dag lauk öðlingakeppni milli Reykvíkinga og Akureyringa. Eins og í fyrra mættust keppendur á miðri leið því keppt var í Fróðvangi í Vatnsdal. Keppt var á 11 borðum bæði hraðskákir og atskákir. Í gær fór atskákskeppnin fram og höfðu keppendur 15 mínútur til umhugsunar á hverja skák og keppt var í 2 riðlum.

Sex keppendur voru í a-riðli og 5 í b-riðli. Leikar fóru svo í a-riðli að Reykvíkingar unnu með 38 vinningum gegn 28. Í a-riðli endaði viðureignin 20 ½ gegn15 ½ og í b-riðli 17 ½ gegn 12 ½ .

Í dag var síðan keppt í hraðskák með bændaglímufyrirkomulagi. Allir Akureyringarnir tefldu við alla Reykvíkingana með 5 mín. umhugsunartíma á skák. Leikar fóru svo að Skákfélagsmenn sigruðu með 62 vinningum gegn 59.

Bæði lið gátu því borið höfuðið hátt eftir mótið sem fór í alla staði vel fram.

Jón Kristinn Íslandsmeistari í skólaskák - Oliver og Dagur efstir í eldri flokki

Jón Kristinn Þorgeirsson hafði fáheyrða yfirburði í yngri flokki Landsmótsins í skólaskák.  Jón Kristinn vann alla ellefu andstæðinga sína!  Vignir Vatnar Stefánsson, yngsti keppandinn, varð annar með 8 vinninga og Símon Þórhallsson varð þriðji með 7,5 vinning.   Oliver Aron Jóhannesson og Dagur Ragnarsson urðu efstir og jafnir í eldri flokki og tefla úrslitaeinvígi um titilinn síðar í maí.  Dagur Kjartansson og Emil Sigurðarson urðu í 3.-4. sæti og fékk Dagur þriðja sætið á stigum.  

Jón Kristinn vann mótið annað árið í röð.   Árangur Símons kom verulega skemmtilega á óvart en hann sló við mörgum mun stigahærri skákmönnum.   Símon flutti til Akureyrar fyrir um ári síðan og hefur bætt sig gífurlega á þeim tíma.  Jón Kristinn og Símon eru bekkjarbræður í Lundarskóla. 

Miklu meiri spennan var í eldri flokki.   Þar skiptust menn á forystu.  Skólabræðurnir Oliver Aron og Dagur Ragnarsson komu jafnir í mark en Oliver vann Dag Kjartansson í lokaumferðinni, en Dagur Kjartansson var efstur fyrir hana.   

Framkvæmd mótsins var til mikillar fyrirmyndar.   Hermann Aðalsteinsson, formaður Goðans og hans fólk, stóð frábærlega að mótshaldinu og Ingibjörg Edda Birgisdóttir, nýr Landssmótsstjóri,  sýndi mikið öryggi og ljóst að skákhreyfingin hefur eignast nýjan frábæran Landsmótsstjóra.  Erfitt að feta í fótspor Páls Sigurðssonar sem hefur verið Landsmótsstjóri við góðan orðstýr árum saman. 

Frásagnir og myndir frá þessu stórskemmtilega og vel skipulagð Landsmóti í skólaskák má lesa um á heimasíðu Goðans.

 

Myndir frá verðlaunaafhendingunni væntanlegar síðar.

 

Lokastaðan í eldri flokki:

Rank	Name	Rtg	Club	Pts
1	Oliver Aron Jóhannesson	1757	Reykjavík	8½
2	Dagur Ragnarsson	1974	Reykjavík	8½
3	Dagur Kjartansson	1652	Reykjavík	8
4	Emil Sigurðsson	1821	Suðurland	8
5	Jón Trausti Harðarson	1773	Reykjavík	7½
6	Birkir Karl Sigurðsson	1810	Reykjanes	7
7	Hrund Hauksdóttir	1555	Reykjavík	7
8	Andri Freyr Björgvinsson	1424	Norðurland Eystra	5
9	Snorri Hallgrímsson	1323	Norðurland Eystra	2½
10	Donika Kolica	1092	Reykjavík	2
11	Mikael Máni Freysson	0	Austurland	1
12	Hlynur Snær  Viðarsson	1096	Norðurland Eystra	1

Lokastaðan í yngri flokki:

Rank	Name	Rtg	Club	Pts
1	Jón Kristinn Þorgeirsson	1779	Norðurland Eystra	11
2	Vignir Vatnar Stefánsson	1585	Reykjanes	8
3	Símon Þórhallsson	1197	Norðurland Eystra	7½
4	Hilmir Freyr Heimisson	1459	Reykjanes	7
5	Kristófer Jóel Jóhannesson	0	Reykjavík	7
6	Gauti Páll Jónsson	1410	Reykjavík	6½
7	Nansý Davíðsdóttir	1313	Reykjavík	6
8	Hilmir Hrafnson	1000	Reykjavík	6
9	Haraldur Halldórsson	0	Suðurland	2
10	Tinna Ósk Rúnarsdóttir	0	Norðurland Eystra	2
11	Wiktor Tómasson	0	Austurland	2
12	Halldór Broddi Þorsteinsson	0	Norðurland Vestra	1

 

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Dagur Kjartansson efstur í eldri flokkur - teflir úrslitaskák við Oliver

Dagur Kjartansson er efstur í eldri flokki Landsmótsins í skák.   Dagur hefur 8 vinninga.  Í 2.-3. sæti með 7,5 vinning eru Dagur Ragnarsson og Oliver Aron Jóhannesson með 7,5 vinning.  Dagur Kjartansson og Oliver mætast í úrslitaskák og ljóst að annar hvor þeirra verður Íslandsmeistari eða lendir mögulega í úrslitakeppni við Dag Ragnarsson.   Lokaumferðin hefst nú kl. 11

Jón Kristinn Þorgeirsson er með algjöra yfirburði í yngri flokki en hann hefur fullt hús eftir 10 umferðir.  Spennan en hin verðlaunasætin er þó mikil en í 2.-4. sæti með 7 vinninga eru Vignir Vatnar Stefánsson, Símon Þórhallsson og Hilmir Freyr Heimisson.   

Í gær fór fram Landsmótið í tvískák.   Þar unnu Dagur Kjartansson og Kristófer Jóel Jóhannesson öruggan sigur.  Hrund Hauksdóttir og Donika Kolica urðu í 2. sæti.  

Frásagnir og myndir frá þessu stórskemmtilega og vel skipulagð Landsmóti í skólaskák má lesa um á heimasíðu Goðans. 

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Verkísmótið góð þátttaka, spennandi keppni og einstök verðlaun

Það stefnir í góða þátttöku og spennandi viðureignir í Verkísmótinu í skák á miðvikudaginn kemur kl: 16.

Meðal nýrra liða eru sveitir Íslandsbanka og Hafgæði sf., en þar fer landsliðsmaðurinn Hjörvar Steinn Grétarsson fyrir sínum mönnum.

Meðal annarra þátttakenda eru lið Símans, Morgunblaðsins, Eimskips, Icelandic Excursions og Verkís, en alls eru 11 lið skráð.

Mótið hefur vakið eftirtekt og umtal, enda leit að skákmóti með betri verðlaun ef frá er talið sjálft Reykjavíkurskákmótið. Þá eru aðstæður til fyrirmyndar í Tjarnarsal Ráðhússins og fríar veitingar fyrir keppendur.

Til að koma til móts við fjölda fyrirspurna sem að mótshöldurum hefur borist frá skákmönnum, sem að vilja eiga ógleymanlega stund í Ráðhúsinu gefst skákmönnum nú kost á að senda tölvupóst til [e-mail] með hugmynd að þátttökugjaldi og meðlimum sveitar. Fyrirtæki, sem að gjarnan vilja vera með í mótinu, en hafa ekki skákmenn sjálf hafa haft samband og er ætlunin að para þau saman við skákhópa þannig að þau skipti með sér þátttökugjaldinu. Fyrstir koma fyrstir fá!

Fréttablaðið er með umfjöllun um mótið á forsíðu og miðopnu:

http://visir.is/viljum-koma-til-mots-vid-venjulega-skakahugamenn/article/2012705049913

Mogginn:

http://www.mbl.is/frettir/innlent/2012/05/03/skakmot_i_tilefni_afmaelis_einvigis_aldarinnar/

Útvarpsviðtal sem að tekið var í beinni á fimmtudagsmorgun þar sem að hugmyndafræði mótsins er útskýrð:

http://vefutvarp.visir.is/upptokur?itemid=11099

Vefsíða mótsins: http://www.firmakeppnin.blog.is

Verðlaunin: http://www.firmakeppnin.blog.is/blog/firmakeppnin/entry/1237817/

Fésbók:

http://www.facebook.com/profile.php?id=100003387882089

Það ætti enginn að missa af stórkostlegri upplifun á miðvikudaginn kemur og hver veit nema þú farir drekkhlaðinn vinningum útí sólina!

Búdapest: Dagur með jafntefli í fyrstu umferð

Í gær hófst First Saturday-mótið í Búdapest.  Alþjóðlegi meistarinn, Dagur Arngrímsson (2381) teflir þar í SM-flokki.  Í fyrstu umferð gerði hann jafntefli við ungverska alþjóðlega meistarann David Horvath (2420).  Frídagur er í dag.  Á morgun teflir hann svo við ítalska alþjóðlega meistarann Federico Manca (2424).

12 skákmenn tefla í SM-flokki og eru meðalstigin 2393 skákstig.  Til að fá stórmeistaraáfanga þarf 8,5 vinning.

• First Saturday-mótið
• Chess-Results (ekki komið)

Jón Kristinn hefur tryggt sér sigur í yngri flokki - Dagur R. efstur í þeim eldri

Jón Kristinn Þorgeirsson hefur tryggt sér sigur í yngri flokksins Landsmótsins í skólaskák en níundu umferð er nýlokið.  Jón Kristin vann Vigni Vatnar og hefur 2,5 vinnings forskot á Símon Þórhallsson og Hilmi Frey Heimisson sem eru í 2.-3. sæti.

Spennan er öllu meiri í eldri flokki.   Þar er Dagur Ragnarsson efstur með 7,5 vinning, nafni hans Kjartansson er annar með 7 vinninga og Oliver Aron Jóhannesson þriðji með 6,5 vinning.  

Tvær umferðir verða tefldar fyrir hádegi á morgun.

Í gær var farið í heimsókn í fjós og fjárhús á Stórutjarnarbúinu.  Í gær var einnig stundum bogfimi og í dag var hópferð farin í Dalakofann á Laugum og horft á bikarúrslitaleikinn í enska boltanum.  Frásagnir og myndir frá þessu má finna á heimasíðu Goðans, http://godinn.blog.is/blog/godinn/.  Í þessum töluðum orðum fer fram Landsmótið í tvískák. 

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Ingvar með jafntefli við Baburin - Bragi tapaði fyrir Howell

Ingvar Þór Jóhannesson (2331) gerði jafntefli við írska stórmeistarann Alexander Baburin (2535) í bresku deildakeppninni í dag.   Bragi Þorfinnsson (2421) tapaði hins vegar fyrir enska stórmeistaranum David Howell (2614).   Klúbbur þeirra félaga, Jukes of Kent, beið afhroð, tapaði 0,5-7,5 en Ingvar var sá eini sem náði punkti.

• Breska deildakeppnin
• Beinar útsendingar

Henrik í 3.-11. sæti í Köben

Stórmeistarinn Henrik Danielsen (2498) vann Danann Bo Jacobsen (2337) í sjöundu umferð Copenhages Chess Challange sem fram fór í dag.  Henrik hefur 5 vinninga og er í 3.-11. sæti.  Hannes Hlífar Stefánsson tapaði fyrir þýska alþjóðlega meistaranum Thorstein Michael Haub (2476), hefur 4,5 vinning og er í 12.-19. sæti.

Kjartan Maack (2133) og Atli Jóhann Leósson (1715) en sá síðarnefndi vann Óskar Long Einarsson (1591).  Kjartan hefur 4 vinninga, Atli 2 vinninga en Óskar 1 vinning. 

Færeyski alþjóðlegi meistarinn Helgi Dam Ziska (2450) er efstur með 6 vinninga en Haub er annar með 5,5 vinning.   Áttunda og næstsíðasta umferð fer fram í fyrramálið og hefst kl. 8.  Allar skákir mótsins eru sýndar beint!

66 skákmenn taka þátt og þar af eru 6 stórmeistarar.  Hannes og Henrik eru nr. 3 og 4 í stigaröð keppenda.   Mótið er 9 umferðir en er aðeins teflt á 5 dögum.  Tefldar eru 2 skákir alla daga nema fyrsta daginn.  Skákirnar hefjast kl. 8 og 13 á íslenskum tíma.

• Heimasíða mótsins
• Chess-Results
• Beinar útsendingar (borð 1-15)
  

 

Dagur Ragnarsson og Jón Kristinn efstir á Landsmótinu í skólaskák

Landsmótið í skólaskák er í fullum gangi í Stórutjarnaskóla sem fram fer í Þingeyjarsveit um helgina undir öruggri stjórn Landsmótsstjórans Ingibjargar Eddu Birgisdóttur og Allsherjar-Goðans Hermanns Aðalsteinssonar.  

Dagur Ragnarsson er efstur með 6,5 vinning í eldri flokki en nafni hans Kjartansson með 6 vinninga.   Oliver Aron Jóhannesson er þriðji með 5,5 vinning.

Jón Kristinn Þorgeirsson er efstur í yngri flokki með fullt hús eftir átta umferðir.  Hilmir Freyr Heimisson er er annar með 6,5 vinning og Vignir Vatnar Stefánsson er þriðji með 6 vinning.  Jón Kristinn á eftir mæta þeim báðum.

Níunda og síðasta umferðin í dag fer fram að loknum bikarúrslitaleik Chelsea og Liverpool.  Mótið klárast með tveimur umferðum á morgun.

• Heimasíða Goðans
• Chess-Results 
• Myndaalbúm af heimasíðu Goðans (HA)

 

Bragi og Ingvar í beinni frá Bretlandi

Bragi Þorfinnsson (2421) og Ingvar Þór Jóhannesson (2331) eru að tafli um helgina í bresku deildakeppninni.   Bragi teflir við enska stórmeistarann Dawid Howell (2614) en Ingvar við írska stórmeistarann Alexander Baburin (2535).  

• Breska deildakeppnin
• Beinar útsendingar