Skákþáttur Morgunblaðsins: Tveir titlar á NM stúlkna í Stavangri

Íslensku stúlkurnar sem tóku þátt í Norðurlandamóti einstaklinga 10-20 ára í Stavangri í Noregi fyrir hálfum mánuði náðu afbragðsárangri, þeim besta á þessum vettvangi frá upphafi keppninnar.

Í elsta flokknum vann Jóhanna Björg Jóhannsdóttirglæsilegan sigur, hlaut 4 vinninga af fimm mögulegum, og Sigríður Björg Helgadóttir varð í 4. sæti af 10 keppendum, hlaut 3 vinninga.

Í B-flokknum sem skipaður var stúlkum á aldrinum 11-15 ára vann Hrund Hauksdóttir með umtalsverðum yfirburðum, hlaut 4 ½ vinning af fimm en Veronika Magnúsdóttir varð í 6. sæti með 2 ½ vinning.

Í C-riðli þar sem yngstu stúlkurnar 10 ára og yngri tefldu, þ.ám. hin 9 ára gamla Nancy Davíðsdóttir, varð Sóley Lind Pálsdóttir í 3. sæti með 3 vinninga og fékk bronsverðlaun en Nancy var einnig með 3 vinninga en lægri á stigum og raðast í 5. sæti.

Davíð Ólafsson, einn reyndasti kennari Skákskóla Íslands, var fararstjóri og þjálfari stúlknanna. Hann er jafnframt landsliðsþjálfari ólympíuliðs kvenna sem teflir í Istanbúl í Tyrklandi í haust. Davíð fór með stóran hóp stúlkna á skákmót í Tékklandi sl. haust og er uppskeran úr þeirri keppnisferð að koma æ betur í ljós. Það er alveg kristaltært að báðir sigurvegararnir, þær Jóhanna og Hrund, hafa bætt sig verulega undanfarið sem kemur m.a. fram í hærri elo-stigatölu og meira sjálfsöryggi við skákborðið. Jóhanna náði strax forystunni og varð að lokum ½ vinningi fyrir ofan sænsku stúlkuna Jessicu Bengtsson sem varð í 2. sæti. Jóhanna var farsæl í lokaumferðinni þegar andstæðingi hennar sást yfir fremur einfalda leið til að tryggja allmikla liðsyfirburði. Hrund var hinsvegar öryggið uppmálað allt mótið og varð vinningi á undan norsku stúlkunni Edit Machlik sem náði 2. sæti. Stíll hennar lætur lítið yfir sér. Hún byggir taflið yfirleitt upp á fremur rólegan hátt en mestar framfarir hjá henni koma fram í stöðum sem bjóða upp á taktíska möguleika, m.ö.o. slagkrafturinn hefur aukist sem kemur skýrt fram í skákinni við norsku stúlkuna sem hér fylgir og tefld var í 1. umferð:

Hanna Kyrkjebo - Hrund Hauksdóttir

Kóngspeðsbyrjun

1. e4 e5 2. Rf3 Rc6 3. Rc3 Bc5 4. Rxe5 Bxf2+ 5. Kxf2 Rxe5 6. d4 Rg6 7. Bc4 d6 8. Hf1 Rf6 9. Kg1 h6 10. De2 O-O 11. Df2 Be6 12. Bd3 De7

Hrund óttaðist ekki 13. Bxh6 sem hægt er að svara með 13. ... Rg4! og vinnur mann.

13. Bd2 Had8 14. Hae1 Hfe8 15. d5

Vinnur peð en gefur eftir e5-reitinn sem kalla má dágóðar bætur.

15. ... Bc8 16. Dxa7 Rg4 17. h3 R4e5 18. De3 Dh4 19. Df2 He7 20. Dxh4 Rxh4 21. He3 Hde8 22. Hg3 Rhg6 23. Be2 Rd7 24. Bg4 Rc5 25. Bf5 Kh7 26. Hgf3 Bxf5 27. exf5 Re5 28. Hf4 Rcd7!

Góður varnarleikur sem hindrar framrás f-peðsins. Hvítur er peði yfir og á góða möguleika en varnir svarts eru að sama skapi traustar.

29. Rb5 Rf6 30. Ha4?

Hér var best að leika 30. Hd4 en af einhverjum ástæðum gefur hvítur d5-peðið.

30. ... Rxd5 31. Ha7 b6 32. b3 Rc6 33. Ha4 He2 34. Hd1 H8e5 35. c4 Rde7 36. Rxc7 Hxf5 37. Be1 Rg6 38. Bg3 Rce5 39. Hf1 Hg5 40. Kh2?

Hér var 40 Hf2 eini leikurinn.

40. ... Rh4!

Skyndilega er Hrund komin með óstöðvandi kóngssókn.

41. Bxh4 Hgxg2+ 42. Kh1 Hh2+ 43. Kg1 Heg2 mát!

 Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 6. maí

Skákþættir Morgunblaðsins

[Event "Nordic for girls 2012"] [Site "Stavanger"] [Date "2012.03.23"] [Round "1"] [White "Kyrkjebø, Hanna B"] [Black "Hauksdottir, Hrund"] [Result "0-1"] [WhiteElo "1536"] [BlackElo "1627"] [PlyCount "86"] [EventDate "2012.??.??"] 1. e4 e5 2. Nf3 Nc6 3. Nc3 Bc5 4. Nxe5 Bxf2+ 5. Kxf2 Nxe5 6. d4 Ng6 7. Bc4 d6 8. Rf1 Nf6 9. Kg1 h6 10. Qe2 O-O 11. Qf2 Be6 12. Bd3 Qe7 13. Bd2 Rad8 14. Rae1 Rfe8 15. d5 Bc8 16. Qxa7 Ng4 17. h3 N4e5 18. Qe3 Qh4 19. Qf2 Re7 20. Qxh4 Nxh4 21. Re3 Rde8 22. Rg3 Nhg6 23. Be2 Nd7 24. Bg4 Nc5 25. Bf5 Kh7 26. Rgf3 Bxf5 27. exf5 Ne5 28. Rf4 Ncd7 29. Nb5 Nf6 30. Ra4 Nxd5 31. Ra7 b6 32. b3 Nc6 33. Ra4 Re2 34. Rd1 R8e5 35. c4 Nde7 36. Nxc7 Rxf5 37. Be1 Ng6 38. Bg3 Nce5 39. Rf1 Rg5 40. Kh2 Nh4 41. Bxh4 Rgxg2+ 42. Kh1 Rh2+ 43. Kg1 Reg2# 0-1

Búdapest: Fyrsta tapskák Dags

Dagur Arngrímsson (2381) tapaði sinni fyrstu skák í dag á First Saturday-mótinu í Búdapest er hann tapaði fyrir ungverska stórmeistaranum Dr. Andras Flumbort (2503) í áttundu umferð.  Dagur hefur 4,5 vinning og er í 5.-6. sæti. 

Í 9. umferð, sem fram fer á morgun, teflir Dagur við bandaríska FIDE-meistarann Alexander Battey (2403). 

12 skákmenn tefla í SM-flokki og eru meðalstigin 2393 skákstig.  Til að fá stórmeistaraáfanga þarf 8,5 vinning.

• First Saturday-mótið
• Chess-Results

Caruana efstur á Sigeman & Co - mótinu

Fabiano Caruana (2770) er efstur með 3 vinninga eftir 4 umferðir á Sigeman & Co-mótinu sem nú er í gangi í Malmö í Svíþjóð.  Nils Grandlius (2556), Chao Li (2703) og Peter Leko (2723) eru í 2.-4. sæti með 2,5 vinning.

Staðan:

• 1. Caruana (2770) 3 v.
• 2.-4. Grandelius (2556), Chao Li (2703) og Peter Leko (2723) 2,5 v.
• 5.-6. Berg (2587) og Giri (2693) 2 v.
• 7. Hector (2560) 1,5 v.
• 8. Tikkanen (2566) 0 v.

Síðustu umferðirnar fara fram mánudag- miðvikudag.  Taflið hefst kl. 12 nema að lokaumferðin hefst kl. 10.

• Heimasíða mótsins
• Beinar útsendingar

 

 

Hraðskákmót öðlinga fer fram á miðvikudag

Hraðskákmót öðlinga fer fram miðvikudaginn 16. maí kl. 19.30 í félagsheimili T.R. að Faxafeni 12.

Mótið er opið fyrir alla 40 ára og eldri (f. 1972 og síðar).

Tefldar verða 7 umferðir með 7 mín. umhugsunartíma.

Í lok mótsins fer fram verðlaunaafhending fyrir Hraðskákmótið sem og Skákmót öðlinga sem lauk s.l. miðvikudagskvöld.

Þátttökugjald er kr. 500 og er í því innifalið kaffi og góðgæti.

Skákmenn 40+ eru hvattir til að fjölmenna!

Úrslitaeinvígi Íslandsmótsins í atskák fer fram í dag kl. 14:45 á RÚV

Úrslitaeinvígi Hjörvar Steins Grétarssonar og Guðmundar Gíslasonar fer fram á sunnudag á íslandsmótinu í atskák.  Tefla þeir í beinni útsendingu á RÚV og hefst útsendingin kl. 14:45.  Tefldar verða 2 atskákir og verði jafnt tefla þeir bráðabanaskák (armageddon).

Útsendingin verður í umsjón Helga Ólafssonar og Björns Þorfinnssonar.  

Búdapest: Dagur með jafntefli í 7. umferð

Dagur Arngrímsson (2381) gerði jafntefli við ungverska stórmeistarann Zoltan Varga (2451) í sjöundu umferð First Saturday-mótsins sem fram fór í Búdapest í dag.  Dagur hefur 4,5 vinning og er í 3.-5. sæti. 

Í 8. umferð, sem fram fer á morgun, teflir Dagur við ungverska stórmeistarann Dr. Andras Flumbort (2503) en sá er efstur með 5,5 vinning. 

12 skákmenn tefla í SM-flokki og eru meðalstigin 2393 skákstig.  Til að fá stórmeistaraáfanga þarf 8,5 vinning.

• First Saturday-mótið
• Chess-Results

Stigamót Hellis fer fram 16.-18. maí

Stigamót Taflfélagsins Hellis verður haldið í tíunda sinn dagana 16.-18. maí.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning á mótið er á heimasíðu Hellis:  http://www.hellir.blog.is. 

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Sigurður Daði Sigfússon.

Umferðatafla:

• 1.-4. umferð, miðvikudaginn 16. maí (19:30-23:30)
• 5. umferð, fimmtudaginn 17. maí (11-15)
• 6. umferð, fimmtudaginn 17. maí (17-21)
• 7. umferð, föstudaginn 18. maí (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Hilmir Freyr vann vormót Skákakademíu Kópavogs og Skákskóla Íslands

Vormót Skákakademíu Kópavogs og Skákskóla Íslands sem var jafnframt lokamót vorannar en þessir aðilar hafa staðið fyrir á reglulegum æfingum undanfarin misseseri í Stúkunni á Kópavogsvelli. Starfssemi hefur verið í aðalumsjón  Helga Ólafssonar skólastjóra Skákskóla Íslands.

Vormótið fór fram í Stúkunni sl. föstudag og voru skákstjórar þeir Helgi Ólafsson og Björn Ívar Karlsson.  Keppendur voru 24 talsins og voru þar á ferðinni marir slyngustu skákmenn á grunnskólaaldri í Kópavogi.  Eftir harða keppni stóð Hilmir Freyr Heimisson uppi sem sigurvegari en hann náði að leggja að velli helstu keppinauta sína, þá Birki Karl Sigurðssob og Dawid Kolka. Þeir fengu allir glæsileg verðlaun  í mótslok.  

Í mótslok var dregið var um aukaverðlaun og hlaut þau Sindri Snær Kristófersson.  Sérstök verðlaun fyrir góða mætingu og ástundun hlaut Arnar Hauksson en hann missti aldrei út æfingu. Lokaniðurstaðan varð þessi: 

 

Rank	Name	Rtg	Pts	BH.
1	Hilmir Freyr Heimisson	1602	7	32
2	Birkir Karl Sigurðsson	1810	6	31
3	Dawid Kolka	1350	5	31½
4	Róbert Leó Jónsson	1250	5	31½
5	Róbert Örn Vigfússon	1175	4½	25½
6	Björn Hólm Birkisson	0	4	31
7	Guðmundur Agnar Bragason	0	4	29½
8	Elvar Ingi Guðmundsson	0	4	27½
9	Bárður Örn Birkisson	0	4	26
10	Kjartan Gauti Gíslason	0	4	23
11	Kormákur Kolbeins	0	4	21
12	Ágúst Unnar Kristinsson	0	3½	25
13	Axel Óli Sigurjónsson	0	3½	20½
14	Jón Otti Sigurjónsson	0	3	25½
15	Benedikt Árni Björnsson	0	3	24½
16	Aron Ingi Woodard	0	3	21½
17	Þorsteinn Björn Guðmundsson	0	3	18½
18	Hafþór Helgason	0	2½	25
19	Sindri Snær Kristófersson	0	2½	18½
20	Arnar Hauksson	0	2	22
21	Orri Fannar Björnsson	0	2	21
22	Andri Snær Þórarinsson	0	2	18
23	Jón Þór Jóhannsson	0	1½	17½
24	Máni Steinn Þorsteinsson	0	1	21

 

HM: Aftur jafntefli í 24 leikjum

Gelfand og Anand gerðu jafntefli í 2. skák heimsmeistaraeinvígis þeirra sem nú fer fram í Moskvu.  Rétt eins og í fyrstu umferð voru tefldir 24 leikir.  Frídagur er á morgun.  Þriðja skák einvígisins fer fram á mánudag og hefst kl. 11.   Henrik Danielsen er með myndbandsskýringar frá hverri skák sem finna má á Chessdom. 

Alls tefla þeir 12 skákir. 

• Heimasíða einvígisins
• ChessBomb
• Myndbandsskýringar Henriks
  

Aðalfundur SÍ fer fram 19. maí

Aðalfundur Skáksambands Íslands fer fram laugardaginn 19. maí nk.  Fundurinn fer fram í húsnæði TR, Faxafeni 12 og hefst kl. 10.