Skák.is

Bloggfærslur mánaðarins, mars 2012

12.3.2012 | 15:42

Ítalskur æskumaður og bosnískur reynslubolti: Caruana mætir Sokolov

Ivan Sokolov þarf að leggja allt undir í skák sinni við Fabiano Caruana í 8. umferð N1 Reykjavíkurskákmótsins sem hefst klukkan 16.30 í Hörpu. Caruana er nú einn í efsta sæti með 6,5 af 7 mögulegum, en Sokolov hefur hálfum vinningi minna.

Sokolov er sá erlendur skákmeistari sem unnið hefur flesta sigra á Íslandi. Hann sigraði á Reykjavíkurmótunum 2010 og 2011, en hafði áður unnið alþjóðlegt skákmót á Akureyri 1994, Minningarmót Jóhanns Þóris Jónssonar í Ráðhúsinu 2001 og hin sterku Mjólkurskákmót á Hótel Selfossi 2002 og 2003. Þá leiddi Sokolov Hrókinn í þrígang til sigurs á Íslandsmóti skákfélaga. Alls hefur bosníski meistarinn, sem býr í Hollandi, unnið 9 gull á Íslandi.

Fabiano Caruana er langstigahæsti skákmaður heims undir tvítugu. Hann hefur þotið upp heimslistann og hefur með frábærri frammistöðu á N1 Reykjavíkurskákmótinu náð 6. sæti á heildarlistanum. Caruana er 19 ára, alinn upp í Bandaríkjunum, en býr á Ítalíu og teflir undir ítölskum fána. Árangur Caruana í fyrstu 7 umferðunum í Hörpu jafngildir 2885 skákstigum.

Sokolov er 43 ára og hefur verið atvinnumaður í skák í 25 ár. Hann hefur sigrað á stórmótum, er eftirsóttur ráðgjafi og skipuleggjandi, auk þess að þjálfa efnilega meistara.

Augu skákheimsins beinast að Caruana og Sokolov í Hörpu -- en alls ganga 200 skákmenn til leiks, svo hundrað spennandi skákir eru í uppsiglingu!

(Myndin er af Ivan Sokolov leggja Þresti Þórhallssyni lífsreglurnar í Hörpu.)

Spil og leikir | Slóð | Facebook | Athugasemdir (0)

12.3.2012 | 12:10

Umfjöllun um N1 Reykjavíkurskákmótð á Chessbase

Alina L´ami hefur skrifað aðra grein um N1 Reykjavíkurskakmótið á Chessbase. Þar hælir hún mótshaldinu mjög sem og landi og þjóð.

Umfjöllunina má lesa á Chessbase.

Spil og leikir | Slóð | Facebook | Athugasemdir (0)

12.3.2012 | 11:15

Hádegisfyrirlestur á morgun - Einvígi aldarinnar

Þriðjudaginn 13. mars kl. 12:05 mun Helgi Ólafsson stórmeistari í skák segja frá „einvígi aldarinnar" í hádegisfyrirlestri í Þjóðminjasafni Íslands. Fyrirlesturinn er hluti af fyrirlestraröðinni Fræðslufyrirlestrar Þjóðminjasafns Íslands. Aðgangur er ókeypis og allir velkomnir.

Skákeinvígið var háð í Reykjavík sumarið 1972. Þar tókust á fulltrúar risaveldanna á tímum „Kalda stríðsins", Bandaríkjamaðurinn Bobby Fischer og sovéski heimsmeistarinn Boris Spassky. Í tilefni þess að í ár eru liðin 40 ár frá einvíginu stendur nú í Þjóðminjasafni Íslands sýningin Einvígi aldarinnar. Fischer og Spassky - 40 ár. Á sýningunni eru munir og myndir sem tengjast skákeinvíginu 1972 en sýningin er unnin í samvinnu Skáksambands Íslands og Þjóðminjasafns Íslands.

Spil og leikir | Slóð | Facebook | Athugasemdir (0)

12.3.2012 | 01:27

N1 Reykjavíkurskákmótið: Myndband 6. og 7. umferðar

Indverjinn viðkunnalegi, Vijay Kumar, hefur sent frá sér myndband sjöttu og sjöundu umferðar. Kumar var þreyttur eftir erfiðan dag eins og margir í dag og sofnaði víst við skákstjóraborðið!

Meðal efnis í myndbandi dagsins er viðtal við Caruana.

Spil og leikir | Slóð | Facebook | Athugasemdir (0)

12.3.2012 | 01:07

N1 Reykjavíkurskákmótið: Skákir sjöundu umferðar

Strákarnir sem sjá um innsláttur skáka hafa skilað af sjöundu umferðinni sem fylgir hér með.

Veljið skák (97 alls):

Spil og leikir | Breytt s.d. kl. 01:10 | Slóð | Facebook | Athugasemdir (0)

12.3.2012 | 00:59

Pallborðið: Simon og Ingvar

Simon Williams og Ingvar Þór Jóhannesson voru með pallborðið í kvöld og fjölluðu um 6. og 7. umferð á fjörlegan hátt.

reykjavikopen on livestream.com. Broadcast Live Free

Spil og leikir | Slóð | Facebook | Athugasemdir (0)

11.3.2012 | 22:28

Caruana efstur á N1 Reykjavíkurskákmótinu

Hermann Guðmundsson playing 1. d4 for Cheparinov

Ítalinn ungi, Fabiano Caruana er efstur með 6,5 vinning að lokinni sjöundu umferð N1 Reykjavíkurskákmótsins sem fram fór í kvöld í Hörpu. Caruana vann Búlgarann Ivan Cheparinov. Ekki dugði Búlgarnum aðstoð Hermanns Guðmundssonar, forstjóra N1, sem lék fyrsta leik umferðarinnar.

Ivan Sokolov og Ísraelinn Boris Avrukh eru í 2.-3. sæti með 6 vinninga. Meðal þeirra sem hafa 5,5 vinning má nefna heimsmeistara kvenna Hou Yifan sem vann Hannes Hlífar Stefánsson.

Bragi Þorfinnsson, sem gerði jafntefli við Úkraínumanninn sterka Yuriy Kryvoruchko, Henrik Danielsen, Héðinn Steingrímsson, Hjörvar Steinn Grétarsson og Guðmundur Kjartansson eru efstir Íslendinga í 10.-31. sæti með 5 vinninga.

Meðal athyglisverðra úrslita má nefna að Guðmundur Gíslason gerði jafntefli við hollenska stórmeistarann Erwin L´ami, Kristján Eðvarðsson vann alþjóðlega meistarann Björn Þorfinnsson, Einar Hjalti Jensson gerði enn jafntefli við töluvert stigahærri andstæðing, að þessu sinni spænskan FIDE-meistara. Ingvar Örn Birgisson og Dagur Kjartansson unnu mun stigahærri andstæðinga og hafa báðir átt mjög gott mót.

Donika Kolica, Hrund Hauksdóttir, Össur Skarphéðinsson and Gunnar Björnsson

Öll úrslit 7. umferðar má finna hér.

Stöðu mótsins má finna hér.

Áttunda og næstsíðasta umferð hefst á mánudag kl. 16:30. Skákskýringar hefjast kl. 19 í umsjón Jóhanns Hjartarsonar. Þá mætast meðal annars:

Caruana - Sokolov
Avrukh - Cheparinov
Hjörvar - Papin
Ipatov - Bragi
Kristiansen - Héðinn
Guðmundur - Williams
Perez - Henrik

Pörun áttundu umferðar í heild sinni má finna hér.

Vefsíður

Spil og leikir | Slóð | Facebook | Athugasemdir (0)

11.3.2012 | 20:00

Skákþáttur Morgunblaðsins: Heimsmeistari kvenna teflir í Hörpu

Þátttaka heimsmeistara kvenna, Hou Yifan, á Reykjavíkurskákmótinu sem hefst í Hörpu á þriðjudaginn er sérstakt ánægjuefni. Á fyrsta Reykjavíkurmótinu sem fram fór árið 1964 var Nona Gaprindhasvili, þá nýbakaður heimsmeistari, meðal þátttakenda og á heimaslóð hennar í Georgíu byggðist upp í kringum hana hópur skák-valkyrja. Hou Yifan, sem er nýorðin 18 ára, kemur fram eftir áratuga sigurgöngu stallsystra sinna frá Kína en sá er munur á henni og Nonu, að á sjöunda áratugnum var gríðarlegur styrkleikamunur á konum og körlum og Nona var sjaldnast í færum með að vinna þá bestu. Á mótinu í Gíbraltar í janúar, þar sem Hou Yifan varð í efsta sæti ásamt Nigel Short og náði árangri sem metinn er uppá 2872 elo-stig, voru helstu fórnarlömb hennar margir af bestu skákmönnum heims: Alexei Shirov, Le Queang, Zoltan Almasi og síðast en ekki síst Judit Polgar en uppgjör þeirra vakti feiknarlega athygli og sigur Hou Yifan markaði ákveðin þáttaskil í skáksögunni. Hún hefur léttan og frísklegan stíl og mikinn sigurvilja til að bera, eins og kom fram í viðreigninni við besta skákmann Vietnam:

Hou Yifan - Le Queang Liem

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. f4 e6 7. Be2 Dc7 8. O-O Be7 9. Kh1 O-O 10. a4 Rc6 11. Be3 He8 12. Bf3

Þekkt byrjun úr einvígjum Karpovs og Kasparovs sem alltaf lék 12. .... Hb8.

12. ... Ra5 13. Bf2 Rd7 14. De1 b6 15. e5 Bb7 16. Bg3 dxe5 17. fxe5 Hac8 18. Hd1 Bb4 19. Df2 Hf8 20. Re4! Rxe5 21. Bf4 Bxe4 22. Bxe4 Bd6 23. Rf3?

Peðsfórnin var ágæt en hér var best að leika 23. De2 eða 23. b3.

23. ... f5! 24. Bxe5 Bxe5 25. Bd3 Bxb2 26. Hb1 Bc3 27. Rg5 De7 28. De3 Rc4 29. Bxc4 Hxc4 30. Hxb6 Bd4 31. Dd3 Hxa4 32. Hxe6!

Þó sanna megi að svarta staðan sé betri tekst Hou Yifan alltaf að skapa vandamál í stöðu svarts, 32. ... Dxg5 er nú svarað með 33. Db3! sem hótar hróknum og 34. He8+.

32. .. Da3 33. De2 h6

- sjá stöðumynd 1 -

34. Hxh6! gxh6 35. De6 Kg7 36. Dd7 Kg6 37. Re6 Bc5?

37. ... Hf7 hélt jafntefli. „Houdini" tilkynnir: þvingað mát í 10 leikjum!

38. Dg7+ Kh5 39. Rxf8 Bxf8 40. Df7

- og svartur gafst upp.

Hver er besti leikurinn?

Þessi staða - sjá stöðumynd - kom upp á Norðurlandamóti ungmenna í Finnlandi á dögunum. Hallgerður Helga Þorsteinsdóttir var með svart gegn Finnanum Henri Torrkola og var í miklu tímahraki , lék 44. .... H6h3+ og tapaði eftir45. Kg4. Þetta er mögnuð staða. Hver er besti leikur svarts? „Houdini" bendir á að Hallgerður gat leikið 44. ... Kf7!sem er afar útsmoginn leikur. Eftir 45. a8(D) kemur 45. ... g4+! 46. Kxg4 Hg6+ 46. Kf3 Hxg1! og engin vörn finnst við hótuninni 46. ... Hg3mát. 45. Kg4 lítur betur út en eftir 45. ... H6h4+ 46. Kf5 g4! 47. Haa1 Hf2!! vinnur svartur, t.d. 48. Haf1 Hh5+ 49. Kxg4 Hg5+ og 50. ... Hh2 mát!

Það er aðeins ein vörn í stöðunni eftir 44. ... Kf7, „tölvuleikur" af bestu gerð, 45. Haa1! - til að hafa g1-hrókinn valdaðan. Svartur verður þá að þvinga fram jafntefli með 45. ... g4+! 46. Kxg4 H6h4+ o.s.frv.

Þetta er gott dæmi um yfirburði tölvuforrita í flóknum stöðum og skýrir vel þá miklu tortryggni sem ríkir stundum á skákmótum nú til dags.

Helgi Ólafsson helol@simnet.is

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 4. mars 2012

Skákþættir Morgunblaðsins

Spil og leikir | Breytt 5.3.2012 kl. 09:23 | Slóð | Facebook | Athugasemdir (0)

11.3.2012 | 18:05

N1 Reykjavíkurskákmótið: Skákir 6. umferðar

Skákir sjöttu umferðar eru komnar í hús. Innsláttardrengirnir, Patrekur Maron, Þormar Leví, Guðmundur Kristinn og Birkir Karl að vinna vel!

Veljið skák (97 alls):

Spil og leikir | Breytt s.d. kl. 18:06 | Slóð | Facebook | Athugasemdir (0)

11.3.2012 | 16:30

Bein útsending úr Hörpu

Sjöunda umferð N1 Reykjavíkurskákmótsins hefst nú kl. 16:30. Hér má finna beina vefútsendingu frá umferðinni. Skákskýringar Jóns L. Árnasonar hefjast kl. 19.

reykjavikopen on livestream.com. Broadcast Live Free

Spil og leikir | Breytt s.d. kl. 17:43 | Slóð | Facebook | Athugasemdir (0)

« Fyrri síða | Næsta síða »