Sigurmundssynir og Sigurður efstir á Atskákmeistari SSON

Að loknum 9 umferðum af 13 á Atskákmeistaramóti SSON eru þeir bræður Ingimundur og Úlfhéðinn Sigmundssynir efstir ásamt Sigurði H. Jónssyni með 7 vinninga.

Þessir þrír hafa allir teflt af feikna öryggi og ekki tapað skák.  Bræðurnir mættust í gærkvöldi og sættust á skiptan hlut, sömuleiðis þeir Ingimundur og Sigurður.

Mótinu lýkur næstkomandi miðvikudag með fjórum síðustu umferðunum.

• Heimasíða SSON
• Chess-Results

Jóhanna sigraði á hraðkvöldi Hellis

Það mættu 14 á hraðkvöld Hellis sem haldið var 15. október sl. Það náðist því ekki að manna tvo riðla en í staðinn var teflt í einum flokki allir við alla með 5 mínútna umhugsunartíma. Jóhanna Björg Jóhannsdóttir sigraði á hraðkvöldinu með 12v í þrettán skákum og tapaði bara einni gegn Gunnari Nikulássyni. Annar varð Páll Andrason með 11v og þriðji Örn Leó Jóhannsson með 10v. Í lokin dró svo Jóhanna í happdrættinu og upp kom Óskar í annað skiptið í röð.

Næsta skákkvöld í Hellisheimilinu verður svo hraðkvöld mánudaginn 22. október kl. 20.

Lokastaðan á hraðkvöldinu:

Röð   Nafn                           Vinn.   Berg. Wins

  1   Jóhanna Björg Jóhannsdóttir,     12    72.50   12
  2   Páll Andrason,                   11    60.00   11
  3   Örn Leó Jóhannsson,              10    49.00   10
  4   Elsa María Kristínardóttir,       9    49.00    9
 5-6  Vignir Vatnar Stefánsson,         8    38.00    8
      Jón Úlfljótsson,                  8    34.50    7
 7-9  Gunnar Nikulásson,              6.5    31.75    5
      Kristófer Ómarsson,             6.5    27.00    6
      Vigfús Ó. Vigfússon,            6.5    23.25    6
 10   Hafliði Hafliðason,               6    22.00    6
 11   Björgvin Kristbergsson,         3.5    12.00    3
12-13 Pétur Jóhannesson,                2     5.00    1
      Óskar Víkingur Davíðsson,         2     2.00    2
 14   Vilhjálmur Atlason,               0     0.00    0

Friðrik með hvítt í skák dagsins -- Bein útsending

Friðrik Ólafsson stórmeistari hefur hvítt í fjórðu umferð minningarmótsins um Bent Larsen gegn John N. Hansen. Friðrik hefur 2 vinninga eftir þrjár umferðir.

Hann gerði jafntefli í fyrstu tveimur umferðunum, en vann fallegan og sannfærandi sigur í gær.

BEIN ÚTSENDING HÉR

 

Skákbúðir að Úlfljótsvatni um næstu helgi

Áhugasömum skákkrökkum á barna-og unglingsaldri sem æfa með íslenskum skákfélögum stendur til boða tveggja daga æfinga- og skemmtiferð á vegum Skákdeildar Fjölnis, Skákakademíu Reykjavíkur og Skákskóla Íslands. Skákbúðirnar verða í útilífsmiðstöð skáta við Úlfljótsvatn. Í skákinni skiptir aldur litlu máli.

Umsjón og fararstjórn verður á höndum þeirra Helga Árnasonar formanns Skákdeildar Fjölnis, Stefáns Bergssonar framkvæmdastjóra Skákakademíunnar og Andreu Margrétar Gunnarsdóttur frá Skákfélagi fjölskyldunnar.

Fjöldi skákkennara og leiðbeinenda verða til staðar og halda utan um alla skákkennslu og skákmót sem boðið verður upp á.

Verð á hvern þátttakenda er 8.000 kr fyrir þessa tvo daga. Innifalið i gjaldinu er allur matur, kennsla, skálaleiga, námsgögn, þátttökugjald í skákmóti og rútuferð fram og til baka. Þátttakendurur eiga ekki að hafa með sér nesti né peninga til ferðarinnar.

Aðstaða öll við Úlfljótsvatn telst einstök fyrir skákbúðir og þar er umhverfið fallegt. Svefnskálar, matsalur og hópherbergi eru til staðar fyrir samstilltan hóp. Í frjálsum tíma er boðið upp á frábæra aðstöðu á skipulögðu útivistarsvæði sem höfðar til allra þátttakenda. Reglur eru í gildi í ferðinni líkt og um skólaferðalag væri að ræða. Brjóti nemandi alvarlega af sér verður hann við fyrsta tækifæri sendur heim á kostnað foreldra.

Skákbúðir við Úlfljótsvatn eru einstakt tækifæri fyrir áhugasama skákkrakka til að fá góða skákkennslu og efla samfélag við aðra skákkrakka. Dagskrá skákbúðanna er í samræmi við skákbúðir Fjölnis í Vatnaskógi apríl 2011 sem heppnuðust mjög vel. Skráning fer fram á skrifstofu Skáksambands Íslands s. 568 9141 netfang [e-mail] og hjá Skákakademíu Reykjavíkur netfang [e-mail]. Upplýsingar veitir Helgi Árnason s. 6648320

Heppilegt er að hafa meðferðis:

- Svefnpoka eða sængurfatnað

- Fatnað til skiptanna (nærföt, sokka, buxur, skyrtu, peysu)

- Lopapeysu, vettlinga, ullarsokka, trefil og húfu

- Vindheldan galla

- Stígvél og inniskó                                                                          

- Íþróttafatnað

- Handklæði, tannbursta og tannkrem

- Skemmtileg spil

- Myndavél / Ipod (ekki tekin ábyrgð á þessum tækjum)

 

Dagskrá skákbúða 20. - 21. okt. 2012:

laugardagur : 20. okt.                                                            

                                                                       

kl. 10:00          Brottför frá BSÍ                                              

-    10:15          Brottför frá N1 Ártúnsbrekku             

-    11:00          Móttaka við Úlfljótsvatn                     

-    11:30          Frjáls tími úti og inni                          

-    12:30          Hádegisverður                                    

-    13:15          Skákkennsla (hópar)                               

-    15:00          Kaffi.                                                                  

-    15:30      Frjáls tími - göngutúr

-    17:00          Skákkennsla (hópar)   

-    19:00          Kvöldverður.                                      

-    19:30          Frjáls tími                                

-    20:30          Kvöldvaka,  tvískák og spilatími                                               

-    22:00          Kvöldhressing og spjall á herbergjum

-    23:15          Hljóð komið á í herbergjum

 

sunnudagur : 21. okt.

kl. 09:00          Morgunmatur

kl. 09:30          Frjáls tími úti og inni

kl. 11:30          Hádegismatur

kl. 12:30          Einstaklings hraðskákmót

kl. 14:30          Verðlaunaafhending - 

kl. 15:00          Heimferð frá Úlfljótsvatni   

kl. 16:00          Ferðarlok við BSÍ       

Dagskrárlok

Jón Viktor öruggur sigurvegari Tölvuteksmótsins - Daði skákmeistari TR

Alþjóðlegi meistarinn Jón Viktor Gunnarsson (2410) gerði jafntefli við Sævar Bjarnason (2090) í níundu og síðustu umferð Tölvuteksmótsins - Haustmóts TR sem fram fór í kvöld.  Jón vann öruggan sigur á mótinu varð vinningi fyrir ofan Lenku Ptácníková (2264) sem varð önnur.  Sævar varð þriðji. Daði Ómarsson (2206) varð efstur TR-inga og er því skákmeistari TR í fyrsta sinn.

Rimskælingar röðuðu sér í þrjú efstu sætin í b-flokki.  Dagur Ragnarsson (1916) og Jón Trausti Harðarson (1813) urðu efstir Oliver Aron Jóhannesson (2018) varð hálfum vinningi á eftir þeim. Dagur telst sigurvegari flokksins á stigum og fær því keppnisrétt í a-flokki að ári.

Dawid Kolka (1603) sigraði í opnum flokki.  Hilmir Freyr Heimisson (1711) og Bjarnsteinn Þórsson (1335) urðu í 2.-3. sæti.  Sá síðarnefndi var að tefla á sínu fyrsta kappskákmóti í áratugi! Dawid hefur þar með áunnið sér rétt til að tefla í b-flokki að ári.

Skákstjórn var í örggum höndum Ólafs S. Ásgrímssonar og Ríkharðs Sveinssonar.

Minnt er á Hraðskákmót TR sem fram fer á sunnudag og hefst kl. 14.  Að því loknu fer fram verðlaunaafhending fyrir Tölvuteksmótið.

Úrslit 9. umferðar í a-flokki:

Bo.	Rtg	Name	Result	Name	Rtg
1	2264	Ptácníková Lenka	1 - 0	Karlsson Mikael Jóhann	1933
2	2206	Ómarsson Daði	1 - 0	Björnsson Sverrir Örn	2154
3	2410	Gunnarsson Jón Viktor	½ - ½	Bjarnason Sævar Jóhann	2090
4	2156	Þórhallsson Gylfi Þór	½ - ½	Ragnarsson Jóhann Hjörtur	2081
5	2132	Maack Kjartan	1 - 0	Jensson Einar Hjalti	2305

Lokastaðan:

Rk.		Name	Rtg	Club/City	Pts.
1	IM	Gunnarsson Jón Viktor	2410	TB	7,5
2	WGM	Ptácníková Lenka	2264	Hellir	6,5
3	IM	Bjarnason Sævar Jóhann	2090	Vinjar	6
4	FM	Jensson Einar Hjalti	2305	Goðinn	5
5		Ómarsson Daði	2206	TR	4,5
6		Maack Kjartan	2132	TR	3,5
7		Ragnarsson Jóhann Hjörtur	2081	TG	3,5
8		Þórhallsson Gylfi Þór	2156	SA	3
9		Karlsson Mikael Jóhann	1933	SA	3
10		Björnsson Sverrir Örn	2154	Haukar	2,5

B-flokkur:

Lokastaða efstu manna:

• 1.-2. Dagur Ragnarsson (1916) og Jón Trausti Harðarson (1813) 6½ v.
• 3. Oliver Aron Jóhannesson (2018) 6 v.
• 4. Eiríkur Björnsson (1970) 5½ v.
• 5. Emil Sigurðarson (1839) 4½ v.

Nánar á Chess-Results

C-flokkur (opinn flokkur):

Lokastaða efstu manna:

• 1. Dawid Kolka (1603) 7 v.
• 2.-3. Hilmir Freyr Heimisson (1711) og Bjarnsteinn Þórsson (1335) 6½ v.
• 4. Gauti Páll Jónsson (1481) 6 v.
• 5.-7. Ingvar Egill Vignisson (1564), Sóley Lind Pálsdóttir (1358) og Vignir Vatnar Stefánsson 5½ v.

Sjá nánar á Chess-Results.

• Heimasíða TR
• Chess-Results
• Myndaalbúm (GB, ÞB og BJ)
• Myndaalbúm (TR-síða)

Henrik vann í fyrstu umferð í Kaupmannahöfn

Henrik Danielsen (2524) lætur yfirleitt ekki langan tíma líða á milli móta. Í gær lauk hann þátttöku á BSF-mótinu og í dag hóf hann þátttöku á Copenhagen Cup. Í fyrstu umferð vann hann norska FIDE-meistarann Brede Krisvik (2342). 

Á morgun eru tefldar tvær umferðir.  Í þeirri fyrri mætir hann danska stórmeistaranum Carsten Høi (2370) og í þeirri síðari mætir hann danska FIDE-meistaranum Bjørn Møller Ochsner (2322).

Tíu skákmenn taka þátt í mótinu og þar af eru 2 stórmeistarar.  Henrik er stigahæstur keppenda. Tefldar eru 2 umferðir alla daga nefna upphafsdag og hefjast þær kl. 8 og 13:30.

• Heimasíða mótsins
• Beinar útsendingar
• Chess-Results

 

Lokaumferð Tölvuteksmótsins - Hausmóts TR fer fram í kvöld

Níunda og síðasta umferð Tölvuteksmótsins - Haustmóts TR fer fram í kvöld og hefst kl. 19:30. Jón Viktor, sem hefur þegar tryggt sér sigur á mótinu, mætir Sævari Bjarnasyni, sem er í 2.-3. sæti ásamt Lenku Ptácníková.  Lenka mætir hins vegar Mikaeli Jóhanni Karlssyni.

Hraðskákmót Taflfélags Reykjavíkur verður haldið í húsnæði félagsins að Faxafeni 12 sunnudaginn 21. október kl. 14:00

Tefldar verða 2x7 umferðir eftir Swiss Perfect kerfi. Umhugsunartími 5 mín á skák.

Þátttökugjald kr 500 fyrir 16 ára og eldri, en frítt fyrir 15 ára og yngri.

Þrenn verðlaun verða i boði.

Að loknu hraðskákmótinu fer fram verðlaunaafhending fyrir Tölvuteksmótið 2012 - Haustmót T.R.

Núverandi Hraðskákmeistari T.R. er Halldór Pálsson.

• Heimasíða TR

• Bein útsending frá níundu umferð Tölvuteksmótsins

Friðrik vann Andersson í 3. umferð

Friðrik Ólafsson (2431) vann Svíann Kaj Andersson (2051) í 3. umferð minningarmóts um Bent Larsen sem nú fer fram í Álaborg í Danmörku. Friðrik hefur 2 vinninga.

Í 4. umferð, sem fram fer á morgun, teflir Friðrik við Danann John N Hansen (2087).

Danski alþjóðlegi meistarinn Jens Kristiansen (2419) og þýski stórmeistarinn og goðsögnin Wolfgang Uhlmann (2325) eru efstir með fullt hús vinninga.

61 skákmaður tekur þátt í mótinu og þar á meðal 4 stórmeistarar.  Það eru auk Friðriks; Miso Cebalo (2416), Króatíu, Oleg Chernikov (2415), Rússlandi og þýska goðsögnin Wolfgang Uhlmann (2325). Tefldar eru 7 umferðir.

• Heimasíða mótsins 
• Beinar útsendingar (hefjast kl. 9)

Íslandsmót kvenna hefst á föstudag

Íslandsmót kvenna hefst föstudaginn 19. október í húsnæði Skáksambands Íslands, Faxafeni 12, Reykjavík.  Teflt verður í einum flokki, þ.e. mótið opið öllum konum/stúlkum.

Nú þegar eru 9 skákkonur skráðar til leiks en nálgast má keppendalistann á Chess-Results. Búast má við að það bætist vel við á keppendalistannfram að móti.

Tímamörk:   90 mín. + 30 sek. á leik.

Dagskrá:         

• Föstud., 19. okt., kl. 19, 1. umferð
• Mánud., 22. okt., kl. 19, 2. umferð
• Miðvikud., 24. okt., kl. 19, 3. umferð
• Föstud., 26. okt., kl. 19, 4. umferð
• Sunnud., 28. okt., kl. 13, 5. umferð
• Mánud., 29. okt., kl. 19, 6. umferð
• Miðvikud., 31. okt., kl. 19, 7. umferð

Verðlaun:       

• 1. 40.000.-
• 2. 25.000.-
• 3. 15.000.-

Skráning fer fram hér á Skák.is.  

• Heimasíða mótsins
• Chess-Results

KR-pistill: Birgir Berndsen í banastuði

Skæður skákbakteríu faraldur geisaði grimmt í gærkvöldi á Alþjóðlega handþvottadeginum vestur í KR-heimili. Hvað sem öllum handþvotti leið í eiginlegum skilningi þvoðu menn þar hendur sínar af öllu misjöfnu.   Könnuðust ekki við nein brögð í tafli og hvítþvoðu sig af öllum jafnteflistilhneigingum. Allir vinningar væru velfengnir, byggðust á hreinum snilldartöktum og lævísum brellum eða með hjálp andstæðingsins.    

Í síðustu viku var það alþjóðlegi geðheilbrigðisdagurinn sem haldinn var hátíðlegur en nú dagur tileinkaður mikilvægi handþvottar í tíma og ótíma. Þetta vekur vissulega upp hugleiðingar um hreinlæti við skákborðið. Er nægilega vel að því hugað. Óvíða komast menn í jafn beina handsnertingu og við skákiðkun. Bæði takast menn í hendur áður en skákin hefst og  tefla síðan oft á tíðum með óhreinum taflmönnum sem þeir skiptast á að snerta og á skítugum skákdúkum. Algengt er að  keppendur snæði með höndunum milli skáka án þess að hugsa um að sápuþvo sér um hendurnar áður, sem þó væri líklega æskilegt að teflendur,  sérstaklega  ungmenni,  myndu að temja sér. 

Mikilvægi handþvottar í sóttvarnarskyni uppgötvaðist aðeins fyrir 700 árum, sem helsta vörn til að koma í veg fyrir smit milli manna og  nú ekki síst hvað varðar fjölónæmar bakteríur auk farsótta.  Áður fyrr var handþvottur aðallega iðkaður í tengslum við trúarlegar athafnir.  Nú til dags er ónæmiskerfi mannsins og almenn sýkingarhætta mjög ofarlega á baugi og því kannski ekki úr vegi að leiða hugann aðeins að þessum málum líka við skákborðið. Hvernig væri að hafa sótthreinsunarkrem og klúta tiltæka á skákstöðum. Svo mætti þvo taflmennina með þeim líka og dúkanna af og til.  

Það var þröng á þingi í Frostaskjólinu þegar ýtt var á klukkurnar upp úr klukkan hálf átta. Hátt á þriðja tug spenntra keppenda mættir til tafls, sem tilbúnir voru til að leggja allt í sölurnar til að máta mótherjann eða falla með sæmd ella.  Sú varð líka  raunin því sjaldan þessu vant vannst mótið með  aðeins 9½ vinningi af 13 mögulegum. Allir urðu að bíta í það súra epli að að lúta í gras, tapa  nokkrum skákum að þessu sinni vegna stórra eða smárra yfirsjóna eða þá á tíma. Vikuna áður hafði hinn ungi meistari Hjörvar Steinn Grétarsson heiðrað KR-inga með þátttöku sinni og unnið með fullu húsi og jafnað þar með vallarmet Róberts Hess frá því í fyrra enda þar skáksnillingar á ferð.   

Allra snjallastur eftir harða og tvísýna baráttu efstu manna varð að þessu sinni hinn afar snjalli  og fagureygði  Birgir Berndsen, sem sýndi það enn og sannaði að fáir standast  honum snúning á góðum degi.  Úrslitin réðust ekki fyrr en í síðustu umferð með hjálp annarra.  Birgir vann einnig mótið fyrir hálfum mánuði og stal þá senunni frá Gunnarunum þremur, Birgissyni, Gunnarssyni og Skarphéðinsyni, sem títt erið hafa í toppbaráttunni að undanförnu, ásamt Jóni G. Friðjónssyni, þá er hann mætir til leiks.  Næst komu þeir Gunnar Birgisson og Jón G. Friðjónsson með 9 vinninga og hinn síungi og eitilharði altmeister Gunnar Gunnarsson með 8. 5.

Önnur úrslit má sjá á meðf. mótstöflu og myndum.

 

 

Meira á www.kr.net

Myndaalbúm (ESE)