Skákþing Garðabæjar hefst á morgun

Skákþing Garðabæjar hefst fimmtudaginn 27. október 2011.   Tefldar verða 7 umferðir og verður mótið reiknað til íslenskra og alþjóðlegra stiga.  

Mótsstaður: Garðatorg 1 (gamla Betrunarhúsið). gengið inn um inngang nr. 8 á torgið (frá Hrísmóum) að hliðinu til inn um dyr til hægri og upp á 2 hæð. Best er að aka meðfram Hönnunarsafninu til að komast að innganginum. 

Umferðatafla:

• 1. umf. Fimmtudag 27. okt. kl. 19.30.
• 2. umf. Fimmtudag 3. nóv. kl. 19.30
• 3. umf. Fimmtudag 10. nóv. kl. 19.30
• 4. umf. Fimmtudag 17. nóv. kl. 19.30
• 5. umf. Fimmtudag 24. nóv. kl. 19.30
• 6. umf. Fimmtudag 1. des. kl. 19.30
• 7. umf. Fimmtudag 8. des. kl. 19.30

Boðið verður upp 3 mögulega daga til að tefla frestaðar skákir. Það er ljóst að a.m.k. 3 skákmenn þurfa að fresta skákum og taka þarf slíkt fram áður en mót hefst.

• 8. nóvember
• 22. nóvember
• 6. desember

Keppnisfyrirkomulag er Svissneskt kerfi. 
Tímamörk eru 90 mínútur og 30 sek. sem bætist við hvern leik. 

Ath. í ár verður bætt við B flokki fyrir skákmenn með 1499 stig eða minna. 
Umhugsunartími þar er 30 mín + 30 sek. á leik. 

Verðlaun auk verðlaunagripa:

• 1. verðlaun. 25 þús. 
• 2. verðlaun 10 þús.
• 3. verðlaun 5 þús.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4000 kr. 

Mótið er um leið skákþing Taflfélags Garðabæjar. (keppt er um titilinn ef jafnt)


Aukaverðlaun:   

• Efst(ur) 16 ára og yngri.(1995=
• Efst(ur) í B flokki: Bókarvinningur auk grips. 

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun. 

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld

Félagsmenn. Fullorðnir 2500 kr. 17 ára og yngri ókeypis.

Utanfélagsmenn. Fullorðnir 3500 kr. Unglingar 17 ára og yngri 2000 kr


Skráning er á staðnum frá hálftíma fyrir mót en mjög æskilegt er að menn skrái sig fyrirfram á síðunni hér að ofan eða í síma 860 3120. 

Skákstjóri er Páll Sigurðsson

Skákmeistari Garðabæjar 2010 var Leifur Ingi Vilmundarson

Sjá má upplýsingar um mótið 2010 á chess-result

Smelltu hér til að skrá þig á mótið 2011. 

Sjá má skráða keppendur með því að smella hér

Dagur sigraði unglingameistaramóti Hellis - Dawid unglingameistari félagsins

 Dagur Ragnarsson sigraði á unglingameistarmóti Hellis sem fram fór í gær og í fyrradag. Dagur fékk 6 vinninga í sjö skákum og tryggði sér sigurinn með því að vinna Dawid Kolka í hreinni úrslitaskák í lokaumferðinni. Dagur er vel að sigrinum kominn, tefldi heilt yfir vel í mótinu. Tapaði bara einni skák í þriðju umferð á móti Oliver en leit eftir það aldrei aftur og raðaði inn vinnum í seinni hlutanum eins og margir sigurvegar á þessu móti. 

Næstir voru komu fjórir vaskir keppendur með 5 vinninga en það voru Oliver Aron Johannesson, Vignir Vatnar Stefánsson, Birkir Karl Sigurðsson og Dawid Kolka. Eftir stigaútreikning þá hlaut Oliver annað sætið og Vignir það þriðja. Dawid Kolka varð unglingameistari Hellis sem efsti Hellismaðurinn og Hildur Berglind Jóhannsdóttir varð stúlknameistari Hellis. Dawid tapaði í fyrstu umferð en tók Monrad vindinn upp töfluna eftir það og tryggði sér titilinn strax í næst síðustu umferð með því að vinna Oliver og setja þar með strik í reikinginn hans. Efstir 12 ára og yngri voru svo Vignir Vatnar, Dawid og Gauti Páll í þessari röð.

Lokastaðan:

 

• 1.   Dagur Ragnarsson                    6v/7
• 2.   Oliver Aron Jóhannesson          5v        (25,5)
• 3.   Vignir Vatnar Stefánsson          5v        (24)
• 4.   Birkir Karl Sigurðsson                5v        (22)
• 5.   Dawid Kolka                              5v        (21,5)
• 6.   Dagur Kjartansson                    4,5v
• 7.   Jón Trausti Harðarson               4,5v
• 8.   Gauti Páll Jónsson                     4v        (21)
• 9.   Jakob Alexander Petersen        4v         (19,5)
• 10. Hildur Berglind Jóhannsdóttir    4v         (17)
• 11. Hilmir Freyr Heimisson               3,5v
• 12. Heimir Páll Ragnarsson             3,5v
• 13. Björn Hólm Birkisson                 3,5v
• 14. Mikael Kravchuk                        3,5v
• 15. Tara Sóley Mobee                     3,5v
• 16. Jón Otti Sigurjónsson                3v
• 17. Róbert Leó Jónsson                   3v
• 18. Sindri Snær Kristófersson          2,5v
• 19. Þorsteinn Magnússon                2,5v
• 20. Bárður Örn Birkisson                  2,5v 
• 21. Símon Þórhallsson                      2v
• 22. Axel Óli Sigurjónsson                  2v
• 23. Pétur Steinn Atlason                   1v
• 24. Kamilla Burasevska                     1v

 

Heimasíða Hellis

Myndaalbúm mótsins (VOV)

Liberec Open - Pistill fjórðu umferðar

Jóhanna Björg Jóhannsdóttir (1803) – Tadeus Klecker (2209) 0-1
Þetta er annar andstæðingurinn sem Jóhanna fær sem er u.þ.b. 400 stigum hærri en hún.  Eftir að hafa fengið ágætis stöðu úr byrjuninni tefldi hún miðtaflið ónákvæmt og fékk heldur verra.  Eftir það tefldi hún reyndar mjög vel, líkt og hún hefur verið að gera allt mótið, og var komin með jafnteflisstöðu en slæm ákvörðun í endataflinu kostaði hana punktinn.  Slæmt, því jafntefli hefði að sjálfsögðu verið mjög viðundani úrslit.

 

 Hallgerður Helga Þorsteinsdóttir (2023) – Marcel Bednar (2257) 0-1

Andstæðingur Hallgerðar var tékkneskur jafnaldri hennar sem er um 220 stigum hærri.  Því miður lék hún mjög ónákvæmum leik í byrjuninni og sá aldrei til sólar í skákinni í dag.  Hún kemur örugglega til baka á morgun.

 

Viteslav Musil (2005) – Sigríður Björg Helgadóttir (1716) 1-0
Sigríður tefldi mjög vel í dag og hafði greinilega í fullu tré við þennan andstæðing þó að hann sé um 300 stigum hærri en hún.  Því miður lék hún mjög illa af sér í steindauðri jafnteflisstöðu og tapaði.  Hún hristir þetta bara af sér á morgun með góðum sigri!

 

 Tinna Kristín Finnbogadóttir (1803) – Pavel Haase (1503) 1-0

Átakalítill sigur hjá Tinnu í dag.  Hún var búin að plana skákina nánast frá upphafi til enda áður en sest var að tafli í dag.  Litli drengurinn sem hún tefldi við í dag (held að hann sé 8 ára) átti aldrei möguleika og var mátaður af öryggi.

 

 Hrund Hauksdóttir (1592) – Walter Voith (1786) 1-0

Annan daginn í röð tefldi Hrund alveg glimrandi vel.  Hún er virkar einfaldlega mun betri en þessir kallar sem eru 200 stigum hærri en hún.  Andstæðingurinn í dag sá sig knúinn til að fórna manni þegar staða hans var að hrynja saman til að fá sprikl í endatafli.  Hrund tefldi hins vegar endataflið af öryggi og átti andstæðingurinn aldrei von.

 

 Jan Paldus (1540) – Elsa María Kristínardóttir (1708) 0-1

Aldrei spurning í dag!  Unglingurinn sem telfdi á móti Elsu í dag átti aldrei neina möguleika.  Elsa tefldi skákina af öryggi, gaf engin færi á sér og landaði öruggum sigri.  Hún á klárlega eftir að landa fleirum í þessu móti.

 

Árangurinn í dag var alveg ágætur þó að ég vilji alltaf fá fleiri vinninga.  Sérstaklega var sárt að horfa upp á Sigríði og Jóhönnu tapa skákum sem þær voru klárlega að landa jafntefli í.  Það er þó varla hægt að kvarta yfir þremur vinningum af sex þegar stelpurnar eru miklu stigalægri á fjórum borðum.  Nú er bara að fá enn fleiri vinninga í fimmtu umferðinni.

 

 Slóðin á mótið er:  http://www.czechtour.net/liberec-open/
Slóðin á úrslit er: http://chess-results.com/tnr58314.aspx?art=2&rd=4&lan=1&turdet=YES&flag=30 

 

Davíð Ólafsson

 

Liberec Open - Úrslit íslensku stelpnanna í fjórðu umferð og pörun fimmtu umferðar

Jóhanna Björg Jóhannsdóttir (1803) - Tadeus Klecker (2209) 0-1
Hallgerður Helga Þorsteinsdóttir (2023) - Marcel Bednar (2257) 0-1
Viteslav Musil (2005) - Sigríður Björg Helgadóttir (1716) 1-0
Tinna Kristín Finnbogadóttir (1803) - Pavel Haase (1503) 1-0
Hrund Hauksdóttir (1592) - Walter Voith (1786) 1-0
Jan Paldus (1540) - Elsa María Kristínardóttir (1708) 0-1

Þrír vinningar af sex þar sem stelpurnar voru stigalægri á fjórum borðum er svo sem í lagi en ég hefði viljað fá fleiri vinninga. 

Á morgun tefla stelpurnar við:
Jindrich Janicek (2095) - Jóhanna Björg Jóhannsdóttir (1803)
Lubos Jina (1811) - Hallgerður Helga Þorsteinsdóttir (2023)
Martin Richter (2012) - Tinna Kristín Finnbogadóttir (1803)
Hrund Hauksdóttir (1592) - Olaf Kallert (1949)
Elsa María Kristínardóttir (1708) - Remel Oney (1844)
Sigríður Björg Helgadóttir (1716) - Franz Keller (1383)

Pistill síðar

Slóðin á mótið er:  http://www.czechtour.net/liberec-open/
Slóðin á úrslit er: http://chess-results.com/tnr58314.aspx?art=2&rd=4&lan=1&turdet=YES&flag=30

Davíð Ólafsson

Áskrift að Tímaritinu Skák

Stjórn Skáksambands Íslands hefur til athugunar þann möguleika að endurvekja Tímaritið Skák. Hugmyndin er að gefa út árstímarit í mars þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað yrði til verka í alla staði þar sem andi gamla blaðsins svifi yfir vötnum. Gengið er út frá því að blaðið verði 90-100 bls. í fallegu broti.

Slík útgáfa er mjög dýr og því ljóst að grundvöllur hennar næst eingöngu ef áhugi meðal skákmanna fyrir því að kaupa blaðið er umtalsverður. Áætlað er að blaðið muni kosta um kr. 2.000. Til að kanna útgáfugrundvöll fyrir slíku ársriti stendur Skáksambandið fyrir könnun meðal skákmanna á því hvort þeir muni kaupa slíkt rit.

Þeir sem eru tilbúnir að styðja málefnið og kaupa Tímaritið Skák árlega á 2.000 kr. eru vinsamlegast beðnir að skrá sig hér.

Þór Valtýsson sterkastur hjá Ásum í dag

Það mættu margir sterkir í Stangarhyl í dag, þar á meðal gamlir þungaviktarmenn í skák. Má þar nefna Hauk Angantýsson og Kára Sólmundarson,sem hafa ekki teflt mikið undanfarin ár.  Þór Valtýsson varð efstur með átta vinninga af níu mögulegum.  í öðru til fimmta sæti urðu fjórir skákmenn jafnir með sex vinninga, eins og sjá má í heildarúrslitum.

Úrslit dagsins:

• 1          Þór Valtýsson                                                            8 vinninga
• 2-5       Bragi G Bjarnarson                                                   6
•             Kári Sólmundarson                                                   6
•             Kristján Guðmundarson                                            6
•             Valdimar Ásmundsson                                              6
• 6-9       Magnús V Pétursson                                                 5.5
•             Sæbjörn Guðfinnsson                                                5.5
•             Þorsteinn Guðlaugsson                                              5.5
•             Haukur Angantýsson                                                5.5
• 10-11   Jón Víglundsson                                                        5
•             Jón Bjarnason                                                            5
•             Ásgeir Sigurðsson                                                     5
• 13-17   Jónas Ástráðsson                                                       4.5
•             Óli Árni Vilhjálmsson                                                           4.5
•             Baldur Garðarsson                                                    4.5
•             Haraldur A Sveinbjörnsson                                       4.5
•             Jón Steinþórsson                                                       4.5
• 18-20   Gísli Árnason                                                            4
•             Halldór Skaftason                                                     4
•             Viðar Arthúrsson                                                       4
• 21-25   Einar S Einarsson                                                      3.5
•             Hlynur Þórðarson                                                      3.5
•             Birgir Ólafsson                                                          3.5
•             Finnur Kr Finnsson                                                   3.5
•             Friðrik Sófusson                                                        3.5
• 26        Grímur Jónsson                                                         3
• 27        Hrafnkell Guðjónsson                                                           1.5
• 28        Eiður Á Gunnarsson                                                  o.5                                                                                                                                                                          

Íslandsmót kvenna hefst 4. nóvember

Íslandsmót kvenna 2011 fer fram dagana 4. - 18. nóvember nk. í húsnæði Skáksambands Íslands, Faxafeni 12, Reykjavík.  Að þessu sinni verður teflt í einum flokki, þ.e. opið öllum konum/stúlkum. 

Tímamörk:   90 mín. + 30 sek. á leik.

Dagskrá:        

• Föstud., 4. nóv. kl. 19, 1. umferð
• Sunnud. 6. nóv., kl. 18, 2. umferð
• Þriðjud., 8. nóv., kl. 19, 3. umferð
• Föstud., 11. nóv., kl. 19, 4. umferð
• Sunnud., 13. nóv., kl. 11, 5. umferð
• Þriðjud., 15. nóv., kl. 19, 6. umferð
• Föstud., 18. nóv., kl. 19, 7. umferð

Verðlaun:

• 1. 40.000.-
• 2. 25.000.-
• 3. 15.000.-

Tilkynna skal þátttöku til Skáksambands Íslands í síma 568 9141 eða email: [e-mail] fyrir 1. nóvember nk.

Kjósarsýsludeild Rauða kross Íslands og Skákfélag Vinjar með skákmót á fimmtudag

Kjósarsýsludeild Rauða kross Íslands og Skákfélag Vinjar halda skákmót, fimmtudaginn 27. október klukkan 13:15 í húsnæði deildarinnar að Þverholti 7 í Mosfellsbæ.

Tefldar verða sex umferðir með sjö mínútna umhugsunartíma og með gráðu upp á vasann mun Róbert Lagerman stýra og dæma.

Verðlaun fyrir 3 efstu sætin og happadrætti.  Heitt á könnunni!

Félagar í hinu nýja - eða endurvakta- Skákfélagi Mosfellsbæjar sérstaklega hvattir til að mæta!
Allir velkomnir og kostar ekkert að vera með.

Oliver Aron og Vignir Vatnar efstir á Unglingameistaramóti Hellis

Eftir fyrri hlutann á Unglingameistaramóti Hellis eru Oliver Aron Jóhannesson og Vignir Vatnar Stefánsson efstir og jafnir með 3,5v í fjórum skákum eftir innbyrðis jafntefli í 4. umferð. Fast á hæla þeirra koma Birkir Karl Sigurðsson, Dagur Ragnarsson, Gauti Páll Jónsson, Dawid Kolka og Heimir Páll Ragnarsson með 3v. Mótinu er fram haldið þriðjudaginn 25. október þegar síðustu þrjár umferðirnar fara fram. Það hefur mörgum reynst drjúgt að standa sig vel í seinni hlutanum.

Staðan eftir 4. umferðir:

• 1.   Oliver Aron Jóhannesson        3,5v/4
• 2.   Vignir Vatnar Stefánsson        3,5v
• 3.   Birkir Karl Sigurðsson              3v
• 4.   Dagur Ragnarsson                  3v
• 5.   Gauti Páll Jónsson                   3v
• 6.   Dawid Kolka                            3v
• 7.   Heimir Páll Ragnarsson           3v
• 8.   Dagur Kjartansson                 2,5v
• 9.   Jón Trausti Harðarson            2,5v
• 10. Hilmir Freyr Heimisson            2v
• 11. Símon Þórhallsson                  2v
• 12. Hildur Berglind Jóhannsdóttir 2v
• 13. Jakob Alexander Petersen      2v
• 14. Mikael Kravchuk                      2v
• 15. Tara Sóley Mobee                   2v
• 16. Jón Otti Sigurjónsson             1,5v
• 17. Axel Óli Sigurjónsson              1,5v
• 18. Björn Hólm Birkisson              1,5v
• 19. Bárður Örn Birkisson              1,5v
• 20. Róbert Leó Jónsson               1v
• 21. Pétur Steinn Atlason              1v
• 22. Sindri Snær Kistófersson        1v
• 23. Þorsteinn Magnússon             0v
• 24. Kamilla                                    0v

Í 5. umferð tefla á efstu borðum:

• 1.  Birkir Karl - Oliver aron
• 2.  Dagur Ragnarsson - Vignir Vatnar
• 3.  Gauti Páll - Dawid Kolka
• 4.  Jón Trausti - Heimir Páll
• 5.  Símon Þórhallsson - Dagur Kjartansson
• 6. Hildur Berglind - Hilmir Freyr

Liberec Open - Pistill þriðju umferðar

Fínn dagur í dag og þrír og hálfur vinningur af sex í hús þrátt fyrir að stelpurnar væru mikið stigalægri í fjórum af skákum dagsins. Á tímabili leit út fyrir að við værum að fá enn fleiri vinninga.  Það er þó ekki hægt annað en að vera ánægður með daginn.

Jóhanna Björg Jóhannsdóttir (1803) - Christian A. Erikssen (2126) ½ - ½
Jóhanna tefldi við einn af dönunum í dag. Stelpan er að tefla feikilega vel á þessu móti og ber enga virðingu fyrir skákmönnum sem eru u.þ.b. 300 stigum hærri.  Hún tefldi byrjunina vel og í framhaldinu fékk hún mjög góða stöðu og var með betra allan tíman.  Hún lék þó ónákvæmum leik í framhaldinu og eftir það var staðan alltaf dautt jafntefli.  Samt sem áður eru þetta fín úrslit hjá Jóhönnu sem er komin með tvo og hálfan vinning af þremur mögulegum þar sem meðalstig andstæðinganna eru 2133 stig, þ.e. 330 stigum hærra en Jóhanna hefur sjálf!

Jaroslav Novotny (2023) - Tinna Kristín Finnbogadóttir (1803) 1 - 0
Tinna tefldi við hinn tékkneska Novotny í dag sem er um 200 stigum hærri. Hún tefldi þessa skák ágætlega framan af en missti síðan algerlega þráðinn í miðtaflinu og fór út í mjög vafasamar aðgerðir sem kostuðu hana skákina. Tinna kemur einfaldlega til baka á morgun.

Karl Horak (1828) - Hallgerður Helga Þorsteinsdóttir (2023) 0 - 1
Hallgerður tefldi mun stigalægri andstæðing í dag.  Hún tefldi skákina af miklu öryggi og vann fínan sigur.  Þá er það bara baráttan í efri hlutanum á morgun.

Elsa María Kristínardóttir (1708) - Stansilav Splichal (2195) 0 - 1
Munurinn á Elsu Maríu og andstæðingi hennar í dag er "aðeins" um 500 stig.  Það var þó ekki að sjá lengi vel.  Elsa tefldi mjög vel framan af og var með töluvert betri stöðu. Það var augljóst að tékkanum var farið að líða mjög illa við borðið enda sá hann fram á að vera að tapa annarri skákinni í mótinu á móti íslensku stelpunum (tapaði fyrir Jóhönnu í fyrstu). Elsa gætti þó ekki að sér og allt í einu átti tékkinn kost á snoturri fléttu sem gaf honum gjörunna stöðu.  Sá brosti breitt þegar hann sá fram á unna stöðu.

Alexander Bulano (1817) - Hrund Hauksdóttir (1592) 0 -1
Hrund tefldi við Alexander hinn þýska í dag.  Eigum við að ræða þetta eitthvað frekar?  Eins og ég minntist á í gær, þá eru þeir sem eru 200 stigum hærri en Hrund hér engu betri en hún!  Hún gjörsamlega valtaði yfir andstæðinginn og var í raun augljóst allan tíman að Hrund er mikið sterkar en sá þýski (sjá skákina hér að neðan).  Flottur sigur hjá henni í dag.

Jan Hanus (1493) - Sigríður Björg Helgadóttir (1716) 0 - 1
Sigríður Björg tefldi við hinn tékkneska Hanus sem Tinna tefldi við í gær.  Líkt og á móti Tinnu þá átti sá tékkneski aldrei séns og tapaði örugglega.  Ég á frekar von á því að hann yrði mjög feginn að fá ekki fleiri íslenskar stúlkur í þessu móti!  Fín skák hjá Sigríði sem var greinilega búin að jafna sig eftir vonbrigði gærdagsins.

Bulano,Alexander (1817) - Hauksdottir,Hrund (1592) [D46]
Liberec Open 2011 (3), 24.10.2011
1.d4 d5 2.Rf3 Rf6 3.e3 e6 4.Bd3 Be7 5.0–0 Rbd7 6.c4 c6 7.b3 0–0 8.Rc3 dxc4 9.bxc4 c5 10.Bb2 b6 11.Dc2 Bb7 12.Had1 h6 13.dxc5 Bxc5 14.Rb5 Db8 15.De2 a6 16.Rbd4 e5 17.Rb3 e4 18.Rxc5 bxc5 19.Bxf6 exf3 20.gxf3 Rxf6 21.Hb1 Dc7 22.Kh1 Hab8 (Hrund sagði eftir skákina að hún hefði séð 22...Rg4 um leið og hún var búin að leika) 23.Hg1 Hfd8 24.Bf5 Da5 25.Hg3 Dd2 26.He1 Dxe2 27.Hxe2 g6 28.Kg2 Kf8 29.Bc2 Bc8 30.Kf1 Hb4 31.e4 Rh5 32.Hg1 Rf4 33.He1 Bh3+ 0–1

Á morgun tefla stelpurnar við:
Jóhanna - Tadeus Klecker (2209)
Hallgerður - Marcel Bednar (2257)
Viteslav Musil (2005) - Sigríður
Tinna - Pavel Haase (1503)
Hrund - Walter Voith (1786)
Jan Paldus (1540) - Elsa

Slóðin á mótið er:  http://www.czechtour.net/liberec-open/
Slóðin á úrslit er: http://chess-results.com/tnr58314.aspx?art=2&rd=2&lan=1&turdet=YES&flag=30

Davíð Ólafsson