Afmælismót Friðriks Ólafssonar í Djúpavík

Dagana 19. til 21. júní verður Skákhátíð í Árneshreppi 2010. Hápunktur verður Afmælismót Friðriks Ólafssonar í Djúpavík, laugardaginn 19. júní. Mótið er öllum opið og meðal keppenda verða meistararnir Jóhann Hjartarson, Helgi Ólafsson, Guðfríður Lilja Grétarsdóttir, Gunnar Björnsson, Ingólfur Benediktsson og Björn Torfason og Friðrik, sem í ár fagnar 75 ára afmæli. Sérstakur gestur hátíðarinnar er Ivan Sokolov, sem sigrað hefur á fjölda alþjóðlegra móta, hérlendis sem erlendis.

Þetta er þriðja árið í röð sem Hrókurinn og félagar efna til skákhátíðar í Árneshreppi. Árið 2008 sigraði Helgi Ólafsson á Minningarmóti Páls Gunnarssonar og tryggði sér sæmdarheitið Djúpavíkurmeistari í skák. Helgi varði titilinn með glæsilegum sigri á Minningarmóti Guðmundar Jónssonar frá Stóru-Ávík, sem fram fór í Djúpavík í fyrra.

Mótið er öllum opið. Keppnisgjald er 1500 krónur en ókeypis fyrir börn, 18 ára og yngri, og fólk eldra en 60 ára. Þá er ókeypis fyrir konur, enda fer Afmælismót Friðriks fram á sjálfan kvennadaginn.

Teflt er í gömlu síldarverksmiðjunni í Djúpavík, sem reist var á fjórða áratug síðustu aldar og var þá stærsta verksmiðja á Íslandi. Andblær liðins tíma, einstök náttúrufegurð og blómlegt mannlíf í Árneshreppi skapa frábært andrúmsloft fyrir hátíð, þar sem skákunnendur úr öllum áttum koma saman.

Það er sérlega ánægjulegt að hátíðin í ár skuli tileinkuð afmæli Friðriks Ólafssonar, sem fyrstur Íslendinga varð stórmeistari í skák og var um árabil í hópi fremstu skákmanna heims.

Hátíðin hefst á föstudagskvöldið 18. júní með tvískákmóti, en það er skemmtilegt keppnisform þar sem tveir eru saman í liði. Afmælismót Friðriks Ólafssonar er haldið laugardaginn 19. júní og daginn eftir verður hraðskákmót í Kaffi Norðurfirði. Þá verður efnt til hliðarviðburða af ýmsu tagi, auk þess grillað verður og efnt í mikla brennu. Þá gefst gestum að sjálfsögðu tími til að kynnast dásemdum Árneshrepps og njóta lífsins þar sem vegurinn endar.

Veitt verða peningaverðlaun á Afmælismóti Friðriks Ólafssonar en ekki er minna vert um vinninga frá fólkinu í Árneshreppi. Í fyrra gátu menn unnið bátsferð á Hornstrandir, gistingu í rómantísku smáhýsi á heimskautsbaug, gómsætt lambalæri, listilega prjónaðar húfur, trefla og vettlinga, útskorna muni úr rekaviði og fleira og fleira.

Búast má við mörgum góðum gestum, auk þess sem heimamenn á Ströndum fjölmenna að vanda. Æskilegt er að keppendur skrái sig sem fyrst og gangi frá gistingu. Nánari upplýsingar og skráning hjá Hrafni Jökulssyni í [e-mail] og Róbert Lagerman í [e-mail] eða 6969658.

Dagskrá Skákhátíðar í Árneshreppi 2010:

Föstudagur 18. júní: Tvískákmót í Djúpavík, klukkan 20.

Laugardagur 19. júní: Afmælismót Friðriks Ólafssonar í Djúpavík, klukkan 13. Verðlaunaafhending klukkan 17. Grill og brenna um kvöldið.

Sunnudagur 20. júní: Hraðskákmót í Kaffi Norðurfirði, klukkan 13

 

Gististaðir í Árneshreppi:

• Hótel Djúpavík, sími 4514037
• Gistihús Norðurfjarðar, sími 554 4089
• Gistihúsið Bergistangi í Norðurfirði, sími 4514003
• Finnbogastaðaskóli (tjaldstæði, svefnpokapláss), sími 4514012
• Ferðafélag Íslands, Norðurfirði, sími 4514017

 

Fróðlegar vefsíður:

• www.skakhatid.blog.is
• www.djupavik.is
• www.nordurfjordur.is
• www.strandir.is
• www.litlihjalli.it.is
• www.freydis.is
• www.strandakrakkar.blog.is
• www.trekyllisvik.is

 

Skákfélag Íslands – nýtt skákfélag

Nýtt skákfélag, Skákfélag Íslands, hefur sótt um aðild að Skáksambandi Íslands. Tilgangur félagsins er eins og hjá öðrum skákfélögum að iðka skáklistina en félagið mun leggja sérstaka áherslu á notkun Internetsins í starfi sínu, s.s. við kennslu, æfingar og keppni. Nafn félagsins tekur mið af því að félagið er ekki staðbundið heldur sækir félagið félagsmenn sína úr öllum landshlutum.

Formaður félagsins er Kristján Örn Elíasson  og meðstjórnendur Sigurður Daði Sigfússon og Guðmundur Ólafur Hauksson.

Nýkrýndir Íslandsmeistarar grunnskólasveit 2010, sem koma úr Salaskóla Kópavogi, hafa allir gengið til liðs við hið nýja félag en þeir eru Páll Snædal Andrason, Eiríkur Örn Brynjarsson, Guðmundur Kristinn Lee, Birkir Karl Sigurðsson og Ómar Yamak.               

Starfsemi Skákfélags Íslands verður betur kynnt á næstu vikum.

Nökkvi og Kristófer skólaskákmeistarar Vestmannaeyja

Skólaskákmót Vestmannaeyja fór fram í dag. Teflt var í tveimur flokkum, yngri (1.-7. bekk) og eldri flokk (8.-10. bekk). Eldri flokkurinn var fámennur, eins og venjan hefur verið undanfarin ár, en þar tefldu Nökkvi Sverrisson og Daði Steinn Jónsson 4 skáka einvígi um titilinn. Nökkvi sigraði með 2,5 vinningi gegn 1,5 vinningi og er því skólaskákmeistari Vestmannaeyja 2010 í eldri flokki. Þeir félagar, Nökkvi og Daði, verða hins vegar báðir fulltrúar Vestmannaeyja á Suðurlandsmótinu.

Í yngri flokki var margt um manninn, en 30 krakkar mættu til leiks. Keppnin var hörð og fjörug en Kristófer Gautason var í sérflokki og lagði alla andstæðinga sína. Næstir voru 4 keppendur, Sigurður Arnar Magnússon, Róbert Aron Eysteinsson, Jörgen Freyr Ólafsson og Lárus Garðar Long. Þeir munu há aukakeppni um sæti á Suðurlandsmótinu.

Árgangaverðlaun:

1. bekkur: Arnar Gauti Egilsson og Richard Óskar Hlynsson

2. bekkur: Máni Sverrisson og Tómas Bent Magnússon

3. bekkur:  Auðbjörg Helga Sigþórsdóttir og Þráinn Sigurðsson

4. bekkur: Birta Birgisdóttir

5. bekkur: Úrslit ráðast í aukakeppni

7. bekkur: Kristófer Gautason

8. bekkur: Daði Steinn Jónsson

10. bekkur: Nökkvi Sverrisson

Erlingur Þorsteinsson í Fjölni

Erlingur Þorsteinsson (2123) er genginn aftur til liðs við Fjölni eftir árs veru í Goðanum. 

Sumarskákmót Fjölnis fer fram á fimmtudaginn

Skákdeild Fjölnis heldur sitt árlega sumarskákmót á sumardaginn fyrsta, n.k. fimmtudag 22. apríl. Mótið fer fram í Rimaskóla og hefst kl. 11.00.  Mótinu lýkur með verðlaunaafhendingu kl. 12.45. Gengið inn um íþróttahús. Tefldar verða sex umferðir. Umhugsunartími verður sjö mínútur. Allir grunnskólanemendur eru velkomnir á mótið og mótið er ókeypis fyrir þátttakendur.

Rótarýklúbbur Grafarvogs gefur eignarbikara og verðlaunapeninga sem skiptast jafnt á drengi og stúlkur.  Auk þess verður fjöldi verðlauna, pítsugjafabréf frá Hróa hetti, geisladiskar ofl. Skráning á staðnum en þátttakendur eru beðnir um að mæta tímanlega fyrir kl. 11:00.   lok mótsins verður heilmikil hverfishátíð við Rimaskóla frá kl. 13.00- 16.00. Tónlist, dans, leiktæki og veitingasala.
 

Skákþing öðlinga: Pörun 4. umferðar

Nú liggur fyrir pörun í fjórðu umferð skákmóts öðlinga sem fram fer á morgun.

Pörun 4. umferðar (miðvikudagur kl. 19:30):

 

Name	Pts.	Result	Pts.	Name
Gudmundsson Kristjan	2½		3	Bergmann Haukur
Bjornsson Eirikur K	2½		2½	Thorsteinsson Thorsteinn
Thorsteinsson Bjorn	2½		2½	Halldorsson Bragi
Ragnarsson Johann	2½		2½	Thrainsson Birgir Rafn
Gardarsson Halldor	2		2½	Palsson Halldor
Isolfsson Eggert	2		2	Sigurmundsson Ingimundur
Ulfljotsson Jon	2		2	Fridthjofsdottir Sigurl  Regin
Jonsson Loftur H	2		2	Sigurmundsson Ulfhedinn
Hjartarson Bjarni	1½		2	Kristinsson Magnus
Sigurdsson Pall	1½		1½	Gunnarsson Magnus
Jonsson Sigurdur H	1		1½	Jonsson Pall G
Matthiasson Magnus	1		1	Hreinsson Kristjan
Breidfjord Palmar	1		1	Thoroddsen Arni
Bjornsson Gudmundur	1		1	Thorarensen Adalsteinn
Ingason Gudmundur	1		1	Gudmundsson Einar S
Gudmundsson Sveinbjorn G	1		1	Einarsson Thorleifur
Jensson Johannes	½		½	Vikingsson Halldor
Eliasson Jon Steinn	½		½	Schmidhauser Ulrich
Adalsteinsson Birgir	½		½	Johannesson Petur
Kristbergsson Bjorgvin	0	1		bye
Halldorsson Haukur	1	0		not paired

 

 

 

Hörkumót í Rauðakrosshúsinu - Róbert sigraði

Þátttökumetinu í skákinni í Rauðakrosshúsinu var gjörsamlega rústað í dag þegar tuttuguogfjórir mættu til leiks klukkan 13:30.  Það var líf og fjör í Borgartúninu, enda teflt á tólf borðum innan um prjónahóp, tölvuunnendur og fræðsluhópa, en eins og í Hálsaskógi voru allir vinir.

Þess ber að geta að Stefán Bergsson átti stórleik með því að bjóða sex nemendum Skákakademíunnar á mótið. Einhvern toll hefur þó norðlenska dansiballið tekið, því kappinn endaði í miðjum hóp með 50% vinningshlutfall. En mótið var sterkt...

 

Skákstjórinn Róbert Lagerman fékk heldur betur að hafa fyrir sigrinum því óárennilegur hópur gerði tilkall til efsta sætis. Róbert var kátur í lokin eftir jafntefli við Ingvar Þór Jóhannesson og hafði með því náð sigri, hlaut sex og hálfan af sjö, en tefldar voru sjö umferðir með sjö mínútna umhugsunartíma.  Einar Kristinn Einarsson kom annar með sex og Ingvar Þór þriðji með 5,5.

Fimm vinninga hlutu Gunnar Freyr Rúnarsson og Ingi Tandri Traustason.

 

Bókaforlagið Bjartur gaf vinninga fyrir efstu sætin og greinilegt að jólabækurnar trekktu. Dregið var í happadrætti þar sem Kristinn Andri Kristinsson og Kjartan Guðmundsson kræktu í skákbækur.

Vel var gert við þátttakendur og aðra gesti í kaffiveitingum og meðlæti og bara almenn hamingja á mánudegi.

 

En svona endaði þetta:

 

1     Róbert Lagerman                            6.5       

2     Einar K. Einarsson                           6        

3     Ingvar Þór Jóhannesson                   5.5      

4-5  Gunnar Freyr Rúnarsson                  5             

  Ingi Tandri Traustason                           5       

6-12  Jorge Fonseca                             4              

 Kjartan Guðmundsson                           4        
      Árni Pétursson                                  4             

Gunnar Friðrik Ingibergsson                    4             

Kristinn Andri Kristinsson                       4             

Jón Gauti Magnússon                              4             

Ásgeir Sigurðsson                                   4       

13-14 Stefán Bergsson                           3.5           

Jón Úlfljótsson                                        3.5     

15-19 Guðmundur V. Guðmundsson       3           

Haukur Halldórsson                                3             

Arnar Valgeirsson                                   3             

Magnús Aronsson                                   3             

 Axel Björnsson                                       3       

20-21 Snæþór Bjarnason                        2            

Óskar Einarsson                                      2             

       22-23 Sindri Steingrímsson               1             

Helgi Gunnarsson                                     1         

24   Helgi Ólafsson                                   0       

Páll og Róbert Leó kjördæmismeistarar Reykjaness

Kjördæmismót Reykjaness fór fram í Garðabergi í Garðabæ í dag.  Róbert Leó Jónsson sigraði í yngri flokki og Páll Andrason í eldri flokki.

Róbert Leó Jónsson, Hjallaskóla. kom inn sem varamaður fyrir Kópavog og sá og sigraði örugglega í öllum skákum sínum. Hann ásamt Kristjönu Ósk Kristinsdóttur, Flataskóla í Garðabæ, tryggðu sér sæti á Landsmóti sem fram fer í 6.-9. maí næstkomandi í Reykjavík.

Lokastaðan í yngri flokki:

 

Rk.	Name	RtgN	Club/City	Pts.
1	Jonsson Robert Leo	1305	Hjallaskóli	5
2	Kristinsdottir Kristjana Osk	0	Flataskóli	4
3	Palsdottir Soley Lind	0	Hvaleyrarskóli	2
4	Heimisson Baldur Bui	0	Salaskóli	2
5	Marelsson Magni	1085	Hvaleyrarskóli	2
6	Gudmundsson Einar Kari	0	Hofstaðaskóli	0

Magni, Baldur og Sóley tefldu svo aukakeppni um 3 sætið.   Þar hafði Sóley sigur og fékk því bronsið.   

Í eldri flokki sigraði Páll Andrason, Salaskóla í Kópavogi örugglega og tryggði sér ásamt Friðrik Þjálfa Stefánssyni, Grunnskóla Seltjarnarness, sæti á Landsmóti í skólaskák í maí.

Lokastaðan í eldri flokki:

Rk.	Name	RtgI	RtgN	Club/City	Pts.
1	Andrason Pall	1604	1830	Salaskóli	2,5
2	Stefansson Fridrik Thjalfi	1770	1685	Grsk. Seltjarnarness	2
3	Sigurdsson Birkir Karl	1448	1575	Salaskóli	1,5
4	Richter Jon Hakon	0	1215	Öldutúnsskóli	0

 

Sjá má öll úrslit í báðum flokkum (fyrir utan aukakeppni) á chess-results.com

http://chess-results.com/?tnr=33070&redir=J&lan=1

Salaskóli Íslandsmeistari grunnskólasveita

 

 

 

Skáksveit Salaskóla er Íslandsmeistari grunnskólasveita fór fram í Skákhöllinni Faxafeni 12, um helgina.  Salaskóli hafði nokkra yfirburði og fékk sveitin 33 vinninga af 36 mögulegum og 5 vinningum meira en skáksveit Laugarlækjaskóla sem endaði í 2. sæti.  Rimaskóli varð í þriðja sæti.   26 sveitir tóku þátt sem þýðir að töluvert á annað hundrað manns var báða dagana á skákstað.

Skákstjórar voru Magnús Matthíasson, Haraldur Baldursson, Kristján Örn Elíasson og Rúnar Berg.

Myndaalbúm frá mótinu má finna hér og von er á fleiri myndum.  Myndsmiðir eru hvattir til að senda myndir á ritstjóra í netfangið [e-mail]

Sigursveit Salaskóla, Íslandsmeistara grunnskóla 2010: 

• 1.       Páll Snædal Andrason
• 2.       Eiríkur Örn Brynjarsson
• 3.       Guðmundur Kristinn Lee
• 4.       Birkir Karl Sigurðsson
• 5.       Ómar Yanak (varamaður)

Sigurvegarar sveita A-F:
 

• Sigurvegari A-sveita:      Salaskóli - Íslandsmeistari grunnskóla 2010
• Sigurvegari B-sveita:      Hagaskóli
• Sigurvegari C-sveita:      Laugalækjarskóli
• Sigurvegari D-sveita:      Salaskóli
• Sigurvegari E-sveita:      Salaskóli
• Sigurvegari F-sveita:      Salaskóli

 

Borðaverðlaun:

 

 

 

 

 

 

• 1. borð: Páll Snædal Andrason (Salaskóla) og Mikael Jóhann Karlsson (Brekkuskóla) 8 vinningar af 9 mögulegum
• 2. borð: Eiríkur Örn Brynjarsson (Salaskóla) 9 vinningar af 9 mögulegum
• 3. borð: Oliver Aron Jóhannesson (Rimaskóla) 8 vinningar af 9 mögulegum
• 4. borð: Birkir Karl Sigurðsson (Salaskóla) 9 vinningar af 9 mögulegum

Lokastaðan:

 

•   1.          Salaskóli A                          33
•   2.          Laugalækjarskóli A          28
•   3.          Rimaskóli A                        26.5
•   4.          Hagaskóli B                        20.5
• 5.-6.       Salaskóli B                          19.5
• Vatnsendaskóli                19.5
• 7.-10.    Laugalækjarskóli B          19
• Hvaleyrarskóli                   19
• Brekkuskóli                        19
• Rimaskóli B                        19
• 11.-14.  Hólabrekkuskóli               18.5
• Hjallaskóli A                       18.5
• Laugalækjarskóli C          18.5
• Hagaskóli A                        18.5
• 15.          Hjallaskóli B                       18
• 16.          Salaskóli C                          17.5
• 17.-18.  Rimaskóli C                        17
• Salaskóli D                          17
• 19.          Hjallaskóli C                       16.5
• 20.-21.  Árbæjarskóli                     15.5
• Hallormsstaðarskóli        15.5
• 22.          Salaskóli E                           15
• 23.          Rimaskóli D                        13
• 24-25.   Snælandsskóli                   12
• Hjallaskóli D                       12
• 26.          Salaskóli F                           2.5

Skólaskákmót Reykjavíkur

Skólaskákmót Reykjavíkur í yngri flokki (1.-7. bekkur) og eldri flokki (8.-10. bekkur) fer fram mánudaginn 26. apríl og þriðjudaginn 27. apríl. Taflið hefst báða dagana klukkan 17:00. Á mánudeginum verða tefldar 4 umferðir en 3 á þriðjudeginum.  

Athygli skal vakin á því að mótið er ekki opið að þessu sinni. Þeir einir hafa rétt til þátttöku sem hafa unnið skólamót síns skóla. Einstaka skólum verða gefin fleiri en eitt sæti ef tilefni er til þess. Í þeim tilvikum verður einkum litið til íslenskra skákstiga. Mælst er til þess að strax eftir páska fari fram skólaskákmót í þeim skólum sem hafa ekki þegar haldið þau. Tilkynna skal keppendur og skóla á netfangið [e-mail] í síðasta lagi föstudaginn 23. apríl.  

Tefldar verða 7 umferðir á mótinu með 15 mínútna umhugsunartíma. Teflt verður í Taflfélagi Reykjavíkur að Faxafeni 12. Þrjú efstu sætin í eldri flokki gefa sæti á landsmót og tvö efstu sætin í yngri flokki gefa sæti á landsmó