Sigurður A. Herlufsen “einna snjallastur að jafnaði”

Mikil gróska er í starfsemi Riddarans, skákklúbbs eldri borgara á höfuðborgarsvæðinu, með aðsetri að Strandbergi, félagsheimili Hafnarfjarðarkirkju, en þar er teflt alla miðvikudaga kl. 13-17, 11 umferðir með 10 mín. umhugsunartíma. 

Til marks um það má nefna að 29 öldungar mættu þar til tafls nú í vikunni í "Vonarhöfn",

í von um vinning, en svo heitir salurinn sem nú er teflt í, helmingi stærri en "Oddi", fundarstofan sem áður var notuð.

Alls lögðu 57 skákmenn þangað leið sína á sl. ári, mismunandi oft eins og gengur, en Guðfinnur R. Kjartansson átti sóknarmetið, sótti staðinn 51 sinni af 52 mótum og hafði 392.5 vinninga upp úr krafsinu af 561 mögulegum, var með 7.7 v. að meðaltali  af 11.

Einna snjallastur yfir árið að jafnaði var þó Sigurður A. Herlufsen með 8.01 v. að vegnu meðaltali en hann tók þátt í 44 mótum; 3. Stefán Þ. Guðmundsson með 7.44 v. (44) ; 4. Össur Kristinsson með 6.89 v. (45);  5. Sigurður E. Kristjánsson með 6.47 v. (43); 6. Björn Víkingur Þórðarson með 6.32 v. (44) og 7. Páll G. Jónsson með 6.31 v. (49) o.s.frv.

Meðaltalsárangur þessi er miðaður við þá sem tók þátt í  26 mótum eða fleiri,  þ.e. helmingi þeirra móta sem haldin voru á árinu 2009, sem ákveðið hafði verð að leggja til grundvallar útnefningu skákmeistara klúbbsins.  Fenginn hafði verið nýr verðlauna- og farandgripur í þessu sambandi, tréstyttan  "Bjarni Riddari", sem Sigurður fékk fyrstur manna nafn sitt skráð á gullnu letri og honum var afhentur með pomp og prakt á aðalfundi klúbbsins í gær af Einari S. Einarssyni, formanni, sem var endurkjörinn með lófaklappi.  Með honum eru í stjórn: Guðfinnur R. Kjartansson, varaform.; Eiríkur Viggósson, gjaldkeri; Sigurberg H. Elentínusson og Össur Kristinsson, meðstj., Varamenn eru þeir: Bjarni Linnet og Sverrir Gunnarsson og endurskoðandi Gísli Gunnlaugsson.

Á mótinu í gær var Jóhann Örn Sigurjónsson, hlutskarpastur með 8.5 v.; Þór Valtýsson var jafn honum að vinningum í 2. sæti og þriðji Sigurður E. Kristjánsson með 7.5.v. en hart er barist fyrir hverjum punkti og því hafa skákreglur nýlegar verið hertar til samræmisvið reglur FIDE. Engin mildi né miskunn þó um vináttuskákmót sé að ræða.

Fyrirhugað er að efna til "Viðeyjarmóts að vori", miðvikudaginn  26. maí nk. kl. 13-17 sem haldið er í samvinnu við Ása  og er opið öllum skákmönnum 60 ára og eldri. Stefnt er að því

að þetta verði árlegur viðburður og hluti af sumardagskrá eyjunnar.  

Mótið verður nánar kynnt þegar nær dregur.

Myndir frá Einari S. Einarssyni

Heimasíða riddarans 

Páll Andrason sigraði á fjölmennu og gríðarsterku sumarskákmóti Fjölnis

Rúmlega 40 grunnskólanemendur mættu til leiks á sumardagsskákmót Fjölnis sem haldið var á hátíðarsvæði Grafarvogshverfis í Rimaskóla.  Páll Andrason nýbakaður Íslandsmeistari og fyrirliði grunnskólasveitar Salaskóla í Kópavogi vann mótið og hlaut 5,5 vinninga af 6 mögulegum. Í stúlknaflokki sigraði Elín Viggósdóttir úr Engjaskóla sem leitt hefur öfluga stúlknasveit skólans síðustu tvö árin.  Elín hlaut 4 vinninga.

Mótið var bæði fjölmennt og mjög vel skipað okkar efnilegustu krökkum á grunnskólaaldri. Það kom því ekki á óvart að keppni yrði jöfn og úrslit ekki ljós fyrr en síðustu skákinni lauk. Næstir á eftir Páli komu þeir Jón Trausti Harðarson, Dagur Ragnarsson og Kristinn Andri Kristinsson allir í Rimaskóla með 5 vinninga.

Svandís Rós Ríkharðsdóttir í Rimaskóla varð önnur í stúlknaflokki einnig með 4 vinninga eins og Elín. Þær Aldís Birta Gautadóttir og Honey Grace úr Engjaskóla hlutu 3 vinninga.

Fjöldi foreldra og gesta fylgdust með mótinu sem að allra mati tókst frábærlega í allri framkvæmd.
Rótarýklúbbur Grafarvogs gaf sigurvegurum í drengja og stúlknaflokki verðlaun og afhenti Jón Sigurðsson formaður klúbbsins sigurvegurum verðlaunabikara og peninga í lok mótsins. Hrói höttur pítsustaður í Rimahverfi styrkti mótið og fengu 15 þátttakendur gjafabréf frá fyrirtækinu fyrir frábæra frammistöðu.

Úrslit Sumarskákmóts Fjölnis á sumardaginn fyrsta 2010 Þátttakendur : 41

1   
Páll Andrason                      5,5   vinninga   af   6

2 - 4
Jón Trausti Harðarson        5  vinninga
Dagur Ragnarsson
Kristinn Andri Kristinsson

5-6
Oliver Aron Jóhannesson    4,5  vinninga
Theodór Rocha

7-14
Birkir Karl Sigurðsson             4 vinninga
Guðmundur Lee
Elín Viggósdóttir
Dagur Kjartansson
Heimir Páll Ragnarsson
Vignir Vatnar Stefánsson
Svandís Rós Ríkharðsdóttir
Aldís Birta Gautadóttir

15-19
Kristófer Jóel Jóhannesson        3,5  vinninga
Hafþór Andri Helgason
Honey Grace
Friðrik Ómarsson
Andri Jökulsson

Fyrsta fimmtudagsmóts sumarsins fer fram í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Heimsmeistaraeinvígi Anand og Topalov hefst á laugardag

Heimsmeistaraeinvígi Indverjans Anand og Búlgarans Topalov hefst á laugardag í Sofíu í Búlgaríu.  Anand hefur titil að verja.    Einvígið átti að hefjast á morgun en Eyjafjallajökull hafði þar áhrif á og var einvíginu frestað um einn dag en Anand þurfti að leggja á sig 40 klukkustunda akstur frá Þýskalandi til Búlgaríu þar sem ekki var hægt að fljúga.  Á meðan ferðalaginu stóð horfði Indverjinn á Lord of the Rings-seríuna eins og lesa má um í afar skemmtilegri grein á ChessBase.

Lesendur geta spáð hvor sigrar í könnun hér á vinstri hluta síðunnar.

Fyrsta einvígisskákin hefst kl. 14 á íslenskum tíma en síðari einvígisskákir hefjast kl. 12 að íslenskum tíma.  Dagskrá einvígisins er sem hér segir (UTC jafngildir íslenskum tíma):

• April 24 – 17.00 EEST (14.00 UTC) - Game 1
• April 25 – 15.00 EEST (12.00 UTC) - Game 2
• April 26 – Rest Day
• April 27 – 15.00 EEST (12.00 UTC) - Game 3
• April 28 – 15.00 EEST (12.00 UTC) - Game 4
• April 29 – Rest Day
• April 30 – 15.00 EEST (12.00 UTC) - Game 5
• May 1 – 15.00 EEST (12.00 UTC) - Game 6
• May 2 – Rest Day
• May 3 – 15.00 EEST (12.00 UTC) - Game 7
• May 4 – 15.00 EEST (12.00 UTC) - Game 8
• May 5 – Rest Day
• May 6 – 15.00 EEST (12.00 UTC) - Game 9
• May 7 – 15.00 EEST (12.00 UTC) - Game 10
• May 8 – Rest Day
• May 9 – 15.00 EEST (12.00 UTC) - Game 11
• May 10 – Rest Day
• May 11 – 15.00 EEST (12.00 UTC) - Game 12
• May 12 – Rest Day
• May 13 – Tie breaks

Heimasíða einvígisins

 

Sumarskákmót Fjölnis fer fram í dag

Skákdeild Fjölnis heldur sitt árlega sumarskákmót á sumardaginn fyrsta, n.k. fimmtudag 22. apríl. Mótið fer fram í Rimaskóla og hefst kl. 11.00.  Mótinu lýkur með verðlaunaafhendingu kl. 12.45. Gengið inn um íþróttahús. Tefldar verða sex umferðir. Umhugsunartími verður sjö mínútur. Allir grunnskólanemendur eru velkomnir á mótið og mótið er ókeypis fyrir þátttakendur.

Rótarýklúbbur Grafarvogs gefur eignarbikara og verðlaunapeninga sem skiptast jafnt á drengi og stúlkur.  Auk þess verður fjöldi verðlauna, pítsugjafabréf frá Hróa hetti, geisladiskar ofl. Skráning á staðnum en þátttakendur eru beðnir um að mæta tímanlega fyrir kl. 11:00.   lok mótsins verður heilmikil hverfishátíð við Rimaskóla frá kl. 13.00- 16.00. Tónlist, dans, leiktæki og veitingasala.
 

Íslandsmót Víkingaskákfélaga

Fyrsta Íslandsmót Víkingaskákfélaga verður haldið í húsnæði Vinjar við Hverfisgötu í dag, fimmtudaginn og hefst taflmennska kl. 19.30. Sex lið hafa skráð sig til leiks með þriggja manna sveitir og eru tímamörk 15. mínútur á skákina. Búist er við hörku barátu jafnra liða um sjálfan Íslandsmeistaratitilinn í Víkingaskák.

Þetta er í fyrsta skipti sem þessi keppni verður haldin, en teflt verður um stóran farandbikar og eignarbikar, auk þess sem veitt verða sérstök verðlaun fyrir árangur á hverju borði. Búist er við að baráttan um efsta sætið verði á milli Víkingaklúbbsins A, Hauka og Hellis. Þó geta önnur lið komið á óvart.

Við hvetjum áhugasama Víkingaskákmenn að fylgjast með einstæðum viðburði í Víkingaskákinni í húsnæði Vinjar, Hverfisgötu 47 Reykjavík. Þau lið sem hafa skráð sig til leiks eru:

1. Víkingaklúbburinn A (liðstjóri: Gunnar Fr. Rúnarsson)
2. Víkingaklúbburinn B (liðstjóri: Halldór Ólafsson)
3. Haukar (liðstjóri: Ingi Tandri Traustason)
4. Hellir
5. Skákfélag Vinjar (liðstjóri: Arnar Valgeirsson)
6. Guttormur Tutti (liðstjóri: Þorgeir Einarsson)

Skákstjóri verður Haraldur Baldursson.

Heimasíða Víkingaklúbbsins

Bragi Halldórsson og Halldór Pálsson efstir öðlinga

Bragi Halldórsson (2230) og Halldór Pálsson (1947) eru efstir á Skákmóti öðlinga með 3,5 vinning að lokinni fjórðu umferð, sem fram fór í kvöld.   Nokkuð er um frestaðir skákir en skák Hauks Bergmanns (2142), sem var efstur fyrir umferðina með fullt hús, og Kristjáns Guðmundsson ( 2259), sem er öskutepptur erlendis, var frestað en Kristján hefur aðeins teflt tvær skákir og unnið báðar.  

Auk Hauks hafa Eiríkur Björnsson (2013), Þorsteinn Þorsteinsson (2271), Jóhann H. Ragnarsson (2124), Birgir Rafn Þráinsson (1636) og Ingimundur Sigurmundsson (1760) 3 vinninga. 

• Heimasíða TR
• Chess-Results

 

Rúnar héraðsmeistari HSÞ

Rúnar Ísleifsson  varð héraðsmeistari HSÞ í skák, en héraðsmótinu lauk á Laugum nú í kvöld.
Rúnar fékk 5 vinninga af 7 mögulegum. Í öðru sæti varð Pétur Gíslason með 4,5 vinninga og Ármann Olgeirsson varð í þriðja sæti með 4 vinninga. Þetta var í annað sinn sem Rúnar verður héraðsmeistari í skák en fyrri titilinn vann Rúnar árið 2008.

Lokastaðan:

1.  Rúnar Ísleifsson              5 vinn af 7.
2.  Pétur Gíslason                4,5
3.  Ármann Olgeirsson         4
4.  Smári Sigurðsson            3,5
5.  Hermann Aðalsteinsson  2,5
6.  Sigurbjörn Ásmundsson  1
7.  Árni Garðar Helgason      0,5

Vetrarstarfi Goðans lýkur svo með lokaæfingunni að viku liðinni á Húsavík.

Heimasíða Goðans

Meistaramót Skákskóla Íslands 2010

Meistaramót Skákskóla Íslands fyrir starfsárið 2009/2010 hefst föstudaginn 28. maí. Tefldar verða sjö umferðir eftir svissneska kerfinu. Þátttökurétt hafa allir nemendur skólans og allir þeir sem tekið hafa þátt í námskeiðum á vegum  skólans eða hlotið þjálfun á vegum skólans.  

Núverandi meistari Skákskólans er Sverrir Þorgeirsson. 

Þátttökuréttur:

• Allir nemendur skólans og þeir sem tekið hafa þátt í námskeiðum á vegum skólans.
• Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

Dagskrá mótsins verður með eftirfarandi hætti:

Umferðafjöldi: Sjö umferðir. Í þrem fyrstu umferðunum verða tefldar atskákir en fjórar lokaumferðirnar eru kappskákir.

 

Tímamörk: Atskákir 25 10  þ.e 25 mínútur að viðættum 10 sekúndum fyrir hvern leik. 

Kappskákir: 1 ½ klst. á 30 leiki fyrir hvorn keppenda og síðan 15 10 til að ljúka skákinni þ.e. 15 mínútur og 10 sekúndur í viðbót á hvorn leik

Fyrirkomulag: Svissneska kerfið.

Skákstig: Mótið verður reiknað til skákstiga, en þrjár fyrstu umferðirnar til At-skákstiga.

Verðlaun:

A:

1. verðlaun:

Meistaratitill Skákskóla Íslands 2009/2010 og farandbikar. Einnig  flugfar m/Flugleiðum á Evrópuleið* og uppihalds kostnaði kr. 30 þús.

2. verðlaun: Flugfarmiði á leiðum Flugfélags Íslands innanlands.  

3. - 5. verðlaun: Vandaðar skákbækur.

Sérstök stúlknaverðlaun:

Farmiði á leiðum Flugfélags Íslands innanlands.

 

Aldursflokkaverðlaun. 

1. Tvenn verðlaun fyrir þá keppendur sem ná

bestum árangri í hópi 14 ára og yngri

2. Tvenn verðlaun fyrir þær

stúlkur sem bestum árangri ná í mótinu.

Verðlaun fyrir keppendur 12 ára og yngri.

1. - 3. verðlaun: Vandaðar skákbækur.

 

* ^{Mótshaldarinn áskilur sér rétt til að finna hagstæðasta fargjald sem hægt er að fá enda verði tilkynnt um ferðir með góðum fyrirvara.} 

 

B:

 

Dagskrá:

• 1. umferð: Föstudagurinn 28.maí kl. 18  
• 2. umferð: Föstudagurinn 28.maí kl. 19
• 3. umferð. Föstudagurinn 28.maí kl. 20.
•  
• 4. umferð: Laugardagurinn 29. maí kl. 10-14  
• 5. umferð: Laugardagurinn 29. maí 15 - 19
•  
• 6. umferð: Sunnudagurinn 30. maí kl. 10.-14.
• 7. umferð: Sunnudagurinn 30. maí kl. 15-19.

 

^{* Hljóti einhver stúlka 1. eða 2. verðlaun mun 2. sæti meðal stúlkna gilda til sérstakra stúlknaverðlauna.}

 

Verðlaunaafhending fer fram strax að móti loknu.

Þátttöku skal tilkynna í síma SÍ 5689141 eða á netfangið [e-mail] eða [e-mail]

Mótsnefnd áskilur rétt til að gera breytingar á fyrirfram boðaðri dagskrá.

NM stúlkna frestað

Norðurlandamóti stúlkna sem átti að fara fram um helgina hefur verið frestað vegna þess að flugsamgöngur til og frá Norðurlöndunum þykja ekki vera nógu öruggar vegna gossins í Eyjafjallajökli.

Fyrirhugað er að halda mótið þess í stað í ágúst-september og er helgin 27.-29. ágúst líklegur valkostur.