Hannes, Bragi og Guðmundur efstir á Íslandsmótinu í skák

Hannes Hlífar Stefánsson, Bragi Þorfinnsson og Guðmundur Gíslason eru efstir með tvo vinninga að lokinni 2. umferð landsliðsflokks Íslandsmótsins í skák sem fram fór í íþróttamiðstöðinni í Lágafelli í dag.  Hannes vann Dag Arngrímsson, Bragi sigraði Sverri Þorgeirsson og Guðmundur hafði betur gegn Róberti Lagerman.  Ingvar Þór Jóhannesson sigraði Þröst Þórhallsson með fórnum og látum og Stefán Kristjánsson og Björn Þorfinnsson gerðu jafntefli í fjörugri skák.  Þorvarður F. Ólafsson vann svo Daða Ómarsson í lengstu skák umferðarinnar. 

Þriðja umferð fer fram á morgun í báðum flokkum og hefjast þær kl. 14.  Í landsliðsflokki mætast þá m.a.:  Björn - Hannes, Bragi - Ingvar Þór og Guðmundur og Sverrir.

Úrslit 2. umferðar:

Kristjansson Stefan	½ - ½	Thorfinnsson Bjorn
Stefansson Hannes	1 - 0	Arngrimsson Dagur
Olafsson Thorvardur	1 - 0	Omarsson Dadi
Lagerman Robert	0 - 1	Gislason Gudmundur
Thorgeirsson Sverrir	0 - 1	Thorfinnsson Bragi
Johannesson Ingvar Thor	1 - 0	Thorhallsson Throstur

Staðan:

Rk.		Name	Rtg	Club/City	Pts.
1	GM	Stefansson Hannes	2574	Hellir	2
2	IM	Thorfinnsson Bragi	2396	Bolungarvík	2
3		Gislason Gudmundur	2382	Bolungarvik	2
4	IM	Kristjansson Stefan	2466	Bolungarvík	1,5
5	FM	Johannesson Ingvar Thor	2343	Hellir	1
6	IM	Arngrimsson Dagur	2383	Bolungarvík	1
7		Olafsson Thorvardur	2206	Haukar	1
8	IM	Thorfinnsson Bjorn	2376	Hellir	0,5
9	GM	Thorhallsson Throstur	2407	Bolungarvík	0,5
10		Thorgeirsson Sverrir	2177	Haukar	0,5
11		Omarsson Dadi	2127	TR	0
12	FM	Lagerman Robert	2347	Hellir	0

• Heimasíða mótsins
• Chess-Results
• Skákirnar í beinni
• Myndir frá mótinu

Kasparov sækir um íslenskan ríkisborgararétt

Fyrrverandi heimsmeistari í skák, Garry Kasparov, hefur sótt um íslenskan ríkisborgararétt.  Kasparov, sem hefur ekki verið í náðinni hjá Pútin forseta mun víst ekki telja sér lengur vært í Rússlandi.   Kasparov, sem kom til landsins í fyrradag, mun hafa hitt Össur Skarphéðinsson, utanríkisráðherra, í gær og sótt þá formlega um ríkisborgararétt.  Honum segist ávallt hafa liðið mjög vel á Íslandi, hér eigi hann marga góða vini, og hér langi honum að eiga aðsetur þótt hann yrði ekki á landinu allt árið í kring.

Kasparov mun í dag mæta á skákstað í Lágafellinu í Mosfellsbæ um kl. 14 en hann mun einmitt hafa fest kaup á húsi í bænum.  Kasparov mun skýra 1-2 skákir frá Íslandsmótinu auk þess sem hann ætlar að fara yfir feril Smyslov í örfáum orðum en þeir mættust einmitt í áskorendaeinvígi 1984 og þekktust vel. 

Allir velkomnir.   

Bikarmót SA hefst í dag

Bikarmót Skákfélags Akureyrar 2010 hefst á morgunn
skírdag 1. apríl kl. 13.30 í Íþróttahöllinni. Umhugsunnartími á keppenda
er 25.
mínútur. Dregið er fyrir hverja umferð, hvaða keppendur tefla saman.
Keppnisgjald kr. 500 fyrir 16 ára og eldri. Keppandi fellur úr leik
eftir að
hafa tapað þrem vinningum. Mótið er reiknað til
atskákstiga.

Fimmtudagsmót hjá TR í kvöld - skírdag

Að venju fer fram fimmtudagsmót T.R. í kvöld kl. 19.30.  Tefldar verða 7
umferðir með 7 mínútna umhugsunartíma.  Mótin
fara fram í félagsheimili T.R., skákhöllinni að Faxafeni 12, og opnar
húsið kl. 19.10.  Glæsilegur verðlaunapeningur er í boði fyrir
sigurvegarann.Mótin
eru öllum opin og er aðgangseyrir kr. 500 fyrir 16 ára og eldri en
frítt er fyrir 15 ára og yngri.  Boðið er upp á kaffi ásamt léttum
veitingum án endurgjalds.