Páll sigraði á fimmtudagsmóti

Páll Andrason sigraði á Fimmtudagsmótinu í T.R. í kvöld með 6 vinninga af 7 og fór hann taplaus í gegnum kvöldið. Mótið var jafnt og spennandi og góð stemning hjá þeim 25 skákmönnum sem lögðu leið sína í Faxafenið þrátt fyrir kalsaveður.  Skákstjórar voru Áslaug Kristinsdóttir og Sigurlaug Regína Friðþjófsdóttir.  

Úrslit urðu annars sem hér segir:

 

1. Páll Andrason 6 v. af 7

2. Stefán Már Pétursson 5 1/2 v.

3. Unnar Þór Bachmann 5 v.

4. Örn Leó Jóhannsson 5 v.

5. Ingi Tandri Traustason 5 v.

6. Eggert Ísólfsson 4 1/2 v.

7. Oliver Aron Jóhannesson 4 1/2 v.

8. Elsa María Kristínardóttir 4 v.

9. Eiríkur Örn Brynjarsson 4 v.

10. Jon Olav Fivelstad 4 v.

11. Peter Alexander 4 v.

12. Csaba Daday 3 1/2 v.

13. Atli Jóhann Leósson 3 1/2 v.

14. Sietske Greew 3 1/2 v.

15. Jón Trausti Harðarson 3 v.

16. Áslaug Kristinsdóttir 3 v.

17. Vignir Vatnar Stefánsson 3 v.

18. Óskar Long Einarsson 3 v.

19. Gauti Páll Jónsson 3 v.

20. Pétur Jóhannesson 3 v.

21. Birkir Karl Sigurðsson 2 1/2 v.

22. Eyþór Trausti Jóhannsson 2 1/2 v.

23. Kristinn Andri Kristinsson 2 v.

24. Kristján Sverrisson 2 v.

25. Björgvin Kristbergsson 1 v.

Íslandsmót barna- og unglingasveita

Íslandsmót barna- og unglingasveita 2010 fer fram í Garðaskóla Garðabæ, laugardaginn 20. nóvember næstkomandi.   Hvert lið er skipað 4 einstaklingum auk varamanna á grunnskólaaldri, það er, fæddir 1995 eða síðar.

Reglugerð um mótið:  http://skaksamband.is/?c=webpage&id=249

Þátttökugjöld á sveit eru 2000 kr.

Þátttaka tilkynnist annað hvort til Taflfélags Garðabæjar í netfangið: [e-mail].

TR A urðu Íslandsmeistarar árið 2009 eftir langa sigurgöngu Hellismanna.

Aronian og Mamedyarov efstir á minningarmóti um Tal

Aserinn Mamedyarov (2763) sigraði Úkraínumanninn Eljanov (2742) í sjöttu umferð minningarmótsins um Tal sem fram fór í Moskvu í dag.  Öðrum skákum lauk með jafntefli. Mamedyarov er efstur ásamt Aronian (2801).  

Staðan:

• 1. Aronian (2801) og Mamedyarov (2763) 4 v.
• 3.-6. Karjakin (2760), Wang Hao (2727), , Nakamura (2741) og Grischuk (2771) 3½ v.
• 7. Kramnik (2791) 3 v.
• 8. Gelfand (2741) 2 v.
• 9.-10. Eljanov(2742) og Shirov (2735) 1½ v.

• Heimasíða mótsins
• Beinar útsendingar (hefjast kl. 12)
  

 

Strandbergsmótið - Æskan og ellin fer fram á laugardag

Strandbergsmótið í skák  "Æskan og Ellin", verður haldið í sjöunda sinn,  laugardaginn 13. nóvember  nk. í Strandbergi, safnaðarheimili Hafnarfjarðarkirkju og hefst kl. 13.  Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið vel heppnuð  og til mikillar ánægju fyrir alla þátttakendur,  jafnt yngri sem eldri.    

Að mótinu standa auk Hafnarfjarðarkirkju, RIDDARINN, skákklúbbur  eldri borgara,  í samvinnu við  Skákdeild Hauka, Hafnarfirði. Á síðasta ári var 80 árs  aldursmunur milli yngsta og elsta keppandans.

Vegleg peningaverðlaun í öllum flokkum, auk  verðlaunagripa  og  vinningahappdrættis!

100.000  kr.  verðlaunasjóður

• Aðalverðlaun :  25.000;  15.000;  10.000,
• Aldursflokkaverðlaun:  5.000; 3.000, 2.000

Þátttaka á Strandbergsmótum er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri.

Sigurvegarar undanfarinna móta hafa verið þessir:

2009: Jóhann Örn Sigurjónsson; (2. Dagur Andri Friðgeirsson)

2008 og 2007 : Hjörvar Steinn Grétarsson;

2006: Jónas Þorvaldsson ( 2. Ingvar Ásbjörnsson)

2005: Gunnar Kr. Gunnarsson; 2004 Ingvar Ásumundsson

Strandbergmótið hefst kl. 13 laugardaginn 13. nóvember nk. í Hásölum Strandbergs  og stendur til  kl 17.     Tefldar verða 9 umferðir eftir svissneska kerfinu með 7 mínútna umhugsunartíma á skákina.  

Mótinu lýkur síðan  með veglegu kaffisamsæti  og verðlaunaafhendingu.

Einar S. Einarsson er formaður mótsnefndar og Páll Sigurðsson, skákstjóri.

sjá má skráningu hér
https://spreadsheets.google.com/ccc?key=0AphEeJmswOI4dFg2TWtGR1VTQ0pSaEsydkRjSVpWcWc&hl=en&authkey=CIr68tYP

og  á chess results.
http://chess-results.com/Tnr39985.aspx?lan=1 

 

Ingimundur atskákmeistari SSON

Ingimundur og Emil urðu jafnir og efstir með 8 vinninga, Magnús Matt sem leiddi mótið fyrir síðustu 4 umferðir kvöldsins varð að láta sér 3.sætið lynda eftir tap gegn Ingimundi og jafntefli við Ingvar Örn.

Emil vann Ingu, Magnús Garðarsson og Magnús Bjarka en tapaði fyrir Magnúsi Gunnarssyni, en er jafn Ingimundi að vinningum en Mundi vinnur á stigum.

Ingimundur átti svo sannarlega einstaka endurkomu eftir að hafa tapað fyrstu tveimur skákum mótsins fyrir Emil og Sigurjóni, þá vann hann átta skákir í röð.  Frábær árangur hjá kallinum sem nær að verja titilinn frá því í fyrra.

Lokastaðan:

 

Rk.	Name	Rtg	Pts.	TB1
1	Sigurmundsson Ingimundur	1950	8	35
2	Sigurðarson Emil	1630	8	33,75
3	Matthíasson Magnús	1725	7,5	29,5
4	Gunnarsson Magnús	1990	7	30,75
5	Birgisdóttir Inga	0	6	20,25
6	Birgisson Ingvar Örn	0	5	18,25
7	Njarðarson Sigurjón	0	4	14
8	Garðarsson Magnús	1525	3,5	9,5
9	Vilmundarson Gunnar	0	3,5	8,5
10	Pálmarsson Erlingur Atli	1510	2,5	9,5
11	Snæbjörnsson Magnús Bjarki	0	0	0

 

• Heimasíða SSON
• Chess-Results

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Afmælismót til heiðurs Hrafni Jökulssyni í Rauðakrosshúsinu

Í tilefni þess að skákfrömuðurinn Hrafn Jökulsson átti hálft stórafmæli nýlega, heldur Skákfélag Vinjar afmælismót piltinum til heiðurs.

Mótið verður haldið á mánudaginn, 15. nóv. í Rauðakrosshúsinu, Borgartúni 25 og hefst kl. 13:30.

Hrafn var upptekinn á afmæli sínu þann 1. nóvember en nú er komið að því semsagt.

Hrafn Jökulsson- ásamt liðsmönnum Hróksins- setti upp mót með gestum Vinjar auk nokkurra erlendra meistara árið 2003. Þó skákborð hafi lengi verið til á svæðinu varð ekki aftur snúið eftir viðburðinn sem var upphafið að mánudagsæfingum í athvarfinu sem síðar varð að stofnum alvöru félags. Nú er Skákfélag Vinjar með tvö lið á Íslandsmótinu. Já, og yfir fjörutíu félagsmenn.

Fyrr á árinu gekk þessi ungi maður einmitt til liðs við Skákfélag Vinjar og teflir með A liði félagsins í þriðju deild.

Frændi Hrafns, Bragi Kristjónsson bóksali kemur að afmælismótinu með skemmtilegum hætti, en hann og fólkið hans í Bókinni.ehf hefur tekið til bækur "með sál" þar sem svæði sem eiga stað í hjarta afmælisbarnsins eru í öndvegi: vesturbærinn, Strandir og Grænland. Fá allir þátttakendur bók í afmælisgjöf.

Að sjálfsögðu tekur varaforseti Hróksins, Róbert Lagerman að sér skákstjórn í móti þar sem tefldar verða sjö umferðir með sjö mínútna umhugsunartíma. Svo er alltaf heitt á könnunni í Rauðakrosshúsinu.

Skákáhugafólk hvatt til að mæta á fyrsta afmælismótið sem fram fer í Rauðakrosshúsinu, Borgartúni 25 og taka þátt í litlu og skemmtilegu ævintýri Hrafni til heiðurs.

Kappteflið um Skákseglið

Nú stendur yfir hjá Riddaranum Kappteflið um Skákseglið,  GP-mótaröð til minningar um Grím heitin Ársælsson, sem hefði orðið 70 þann 17. nóvember nk. hefði hann lifað. Þátttakendur eru nær 30 talsins og hart barist fyrir hverjum vinningi því lokastaðan í hverju móti gefur stig sem úrslitin ráðast af.  Fylgt er stífustu reglum FIDE, enda gamalreyndir skákmenn að leik, misjafnlega tapsárir og engin annars bróðir.

Sjá nánar á www.galleryskak.net (Riddarinn) og myndaalbúm mótsins (Einar S. Einarsson).

     Staðan eftir 2 mót af 4:

•       Jóhann Örn Sigurjónsson       8         10       =18
•       Þór Valtýsson                            6           6        =12
•       Sigurður A. Herlufsen             10          -        =10
•       Guðfinnur R. Kjartansson        -            8        =  8
•       Friðgeir K. Hólm                        -            5        =  5
•        Ingimar Halldórsson                5                    =  5
•       Páll G. Jónsson                         4                     =  4
•       Ingimar Jónsson                                     4       =  4
•       Sigurður E. Kristjánsson         3           -         =  3
•       Össur Kristinsson                      2           1        =  3
•       Gísli Gunnlaugsson                  -            3        =  3
•       Stefán Þ. Guðmundsson         -            2        =  2
•       Björn Víkingur Þórðarson        1            -        =  1

Helgi og Davíð ráðnir landsliðsþjálfarar fram yfir Ól 2012

Skáksamband Íslands hefur ákveðið að endurnýja ráðningarsamninga við Helga Ólafsson sem landsliðsþjálfara karla og Davíð Ólafsson sem landsliðsþjálfara kvenna.  Bæði lið stóðu sig mjög vel á síðasta Ólympíuskákmóti sem fram fór í Síberíu í september-október.  Þeir eru ráðnir fram yfir Ólympíuskákmótið í Tyrklandi haustið 2012. Á næstunni munu landsliðsþjálfararnir kalla saman afrekshópa sem æfa undir þeirra handleiðslu næstu misseri.  

Byggt verður áfram á góðu starfi undangengins árs þar sem tókst að skapa fasta umgjörð um landsliðshópana með reglulegum æfingum. Með markvissum hætti er ætlunin að styrkja landslið Íslands í skák enn frekar og bæta árangur í mikilvægustu sveitakeppnum landsliða.

Barna- og unglingameistaramót T.R. fer fram nk. sunnudag

Barna- og unglingameistaramót T.R sem og Stúlknameistaramót Taflfélags Reykjavíkur fer fram sunnudaginn 14. nóvember í Skákhöllinni Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í einum flokki. Verðlaun verða veitt fyrir þrjú efstu sætin í mótinu og þar fyrir utan hlýtur efsti T.R.-ingurinn titilinn Unglingameistari T.R. 2010. Þá verða veitt verðlaun fyrir þrjár efstu stúlkurnar og þar fyrir utan hlýtur efsta stúlkan úr T.R. titilinn Stúlknameistari T.R. 2010. Til viðbótar verða veitt verðlaun fyrir þrjú efstu sætin í aldursflokknum 12 ára og yngri.  

Mótið er opið öllum krökkum 15 ára og yngri.  Skráning fer fram á [e-mail] (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 14. nóv. frá kl. 13.30- 13.45. 

Aðgangur á mótið er ókeypis.