Fjórir skákmenn efstir á Haustmóti SA - unga kynslóðin fer mikinn

Sjöunda umferð Haustmóts Skákfélags Akureyrar var tefld í gærkvöldi. Teflt var í nýju húsnæði Skákfélagsins í vesturenda Íþróttahallarinnar við Skólastíg, en aðstaðan þar er öll  hin vandaðasta (nánar síðar). Eitthvað hefur þó farið úrskeiðis í flutningunum, því bókin alræmda sem allajafnan hefur að geyma vísbendingar um úrslit fannst hvergi. Úrslit urðu því flest hin ólíklegustu, en yngsta kynslóðin vann allar sínar skákir gegn sér stigahærri andstæðingum.

Mikael Jóhann (1816) reið fyrstur á vaðið og vann Sigurð Arnarson (2049). Jón Kristinn Þorgeirsson (1605) átti næsta leik, en hann lagði Jóhann Óla Eiðsson (1711) að velli og að lokum hafði Hersteinn Heiðarsson (1175) betur gegn Hauki Jónssyni (1460).

Eftir umferðina eru fjórir skákmenn efstir með 5 vinninga. Sem fyrr er erfitt að draga ályktanir þar sem töluvert er af frestuðum skákum.

Athygli er vakin á því að næsta umferð (8) fer fram þriðjudaginn 26. október  kl. 19:30 en ekki nk. sunnudag. Lokaumferðin fer svo fram þriðjudaginn 2. nóvember kl. 19:30.

Úrslit:

Tómas Veigar Sigurðarson - Jón Magnússon                       1-0
Sigurður Arnarson - Mikael Jóhann Karlsson                      0-1
Jón Kristinn Þorgeirsson - Jóhann Óli Eiðsson                    1-0
Haukur H. Jónsson - Hersteinn Heiðarsson                         0-1
Jakob Sævar Sigurðsson - Andri Freyr Björgvinsson          Frestað

Staðan:

Jón Kristinn Þorgeirsson                                           5 vinningar
Tómas Veigar Sigurðarson                                        5 + frestuð skák
Jóhann Óli Eiðsson                                                    5 + frestuð skák
Sigurður Arnarson                                                     5
Mikael Jóhann Karlsson                                            3½
Jakob Sævar Sigurðsson                                           2½ + 2 frestaðar skákir
Andri Freyr Björgvinsson                                          2½ + 2 frestaðar skákir
Hersteinn Heiðarsson                                                 2
Haukur H. Jónsson                                                    1
Jón Magnússon                                                          ½

Í næstu umferð mætast:

Jón Magnússon - Hersteinn Bjarki Heiðarsson
Mikael Jóhann Karlsson - Haukur H. Jónsson
Jóhann Óli Eiðsson - Sigurður Arnarson
Andri Freyr Björgvinsson - Jón Kristinn Þorgeirsson
Tómas Veigar Sigurðarson - Jakob Sævar Sigurðsson

 

• Heimasíða SA
• Mótið hjá Chess-Results 
• Skákir 1. - 7. umferðar

Guðmundur sigraði á hraðkvöldi Hellis

Guðmundur Gíslason sigraði á hraðkvöldi Hellis sem fram fór 18. október sl. Guðmundur fékk 6 vinninga í sjö skákum á hraðkvöldinu og var það aðeins Elsa María sem náði að slá hann út af laginu í þriðju umferð en lengra komust andstæðingar hans ekki. Jafnir í 2.- 3. sæti voru svo Magnús Sigurjónsson og Stefán Bergsson með 5 vinninga. Skammt þar frá var svo Sæbjörn Guðfinnsson þannig að Bolvíkingar röðuðu sér í þrjú af fjórum efstu sætum.

Þátttakendur voru 25 sem er ein mesta þátttaka á þessum skákkvöldum síðan Hellir flutti í Álfabakkann.

Í upphafi hraðkvöldsins fór fram verðlaunaafhending fyrir Meistaramót Hellis.   Myndir frá henni má nálagst í myndaalbúmi. 

Lokastaðan á hraðkvöldinu:

Röð     Nafn                                           Vinn.

 

•  1       Guðmundur Gíslason,                       6/7
•  2-3    Magnús Sigurjónsson,                     5
•           Stefán Bergsson,                             5
•  4-7    Sæbjörn Guðfinnsson,                     4.5
•           Elsa María Kristínardóttir,                4.5
•           Patrekur Maron Magnússon,           4.5
•           Vigfús Ó. Vigfússon,                        4.5
•  8-9    Eiríkur Örn Brynjarsson,                  4
•           Páll Andrason,                                 4
• 10-17 Birkir Karl Sigurðsson,                     3.5
•           Jón Úlfljótsson,                                3.5
•           Rafn Jónsson,                                  3.5
•           Stefán Már Pétursson,                     3.5
•           Oliver Aron Jóhannesson,                3.5
•           Guðmundur Kristinn Lee,                  3.5
•           Örn Leó Jóhannsson,                       3.5
•           Kristófer Jóel Jóhannesson,              3.5
• 18-22 Kristinn Andri Kristinsson,                 3
•           Jón Birgir Einarsson,                          3
•           Vignir Vatnar Stefánsson,                 3
•           Jón Trausti Harðarson,                      3
•            Dawid Kolka,                                    3
• 23-24 Pétur Jóhannesson,                          2
•            Estanislao Plantada,                        2
• 25       Björgvin Kristbergsson,                    1

Myndaalbúm frá verðlaunaafhendingu

Páll Andrason sló við sterkum Víkingaskákmönnum

Afmælismót formanns Víkingaklúbbins var mjög skemmtilegt mót, þar sem níu keppendur voru mættir til leiks. Meðal þeirra voru þrír kornungir skákmenn úr Skákfélagi Íslands, sem voru komnir til að fá Vîkingatafl að gjöf frá klúbbnum fyrir góða mætingu. Tefldar voru 9. umferðir (allir við alla) með 7 mínútna umhugsunartíma. Mótið var gífurlega spennandi og ungu mennirnir komu ferskir inn. Páll Andrason átti gífurlega gott mót og náði m.a að vinna sterka meistara og stóð að lokum uppi sem sigurvegari. Svo skemmtilega vildi til að hann mætti Gunnar Fr. í hreinni úrslitaskák í síðustu umferð, þar sem Gunnar þurfti að vinna skákina til að komast yfir Pál á vinningum. Jafntefli nægði Páli til sigurs og þau urðu úrslitin eftir mikið tímahrak.

Úrslit:

1. Páll Andrason 7.5 vinningar
2. Gunnar Fr. Rúnarsson 7. v
3. Tómas Björnsson 6.5 v
4. Jon Birgir Einarsson 6
5. Guðmundur Lee 5.5
6. Sigurður Ingason 4.5
7. Halldór Ólafsson 3
8. Birkir Karl Sigurðsson 2
9. Arnar Valgeirsson 2
10. Orri Víkingsson (skotta) 0

Heimasíða Víkingaklúbbins

Henrik vann í fimmtu umferð í Skanderborg

Stórmeistarinn Henrik Danielsen (2529) vann serbneska stórmeistarann Sinisa Drazic (2546) í fimmtu umferð alþjóðlega mótsins í Skanderborg, í Danmörku sem fram fór í dag.   Henrik hefur 3½ vinning og er sem stendur einn í öðru sæti en ekki er öllum skákum umfeðarinnar lokið..  

Efstur er pólski stórmeistarinn Kamil Miton (2629) með 4 vinninga.  

Í sjöttu umferð, sem fram fer á morgun, teflir Henrik við danska alþjóðlega meistarann Klaus Berg (2417).  Skákin hefst kl. 12 og er sýnd beint.

Alls taka 10 skákmenn þátt í mótinu og tefla allir við alla.   Þrír stórmeistarar taka þátt á mótinu og er Henrik þriðji stigahæstur.  Stigahæstur er pólski stórmeistarinn Kamil Miton (2629), sem er félagsmaður í Taflfélagi Vestmannaeyja.

• Heimasíða mótsins
• Skákirnar í beinni

Viðeyjarmót öldunga

RIDDARINN & ÆSIR,  skákklúbbar eldri borgara á höfuðborgarsvæðinu, efna til sameiginlegs haustmóts öldunga, 62 ára og eldri, í VIÐEYJARSTOFU, föstudaginn 22. október 2010, kl. 13-17. 

Telfdar verða 9 umferðir með 10 mínútna umhugsunartíma.. 

Góð verðlaun og fríar veitingar

Anddakt í Viðeyjarkirkju: Sr. Gunnþór Ingason.

Mótsetning: Einar S. Einarsson                                                                                                          

VERÐLAUNASJÓÐUR KR. 100.000

• 1. verðlaun kr. 25.000
• 2. verðlaun kr. 15.000
• 3. verðlaun kr. 10.000
• 4.-12.verðl. kr.   5.000
• Aukaverðlaun -  5.000

 

VERÐLAUNAGRIPIR

 Gefandi: Jói Útherji

 

Þátttaka tilkynnist til klúbbanna, (Einars S. eða Finns F), 

eða á netfang: [e-mail]

Siglt með Eldingu frá Sundahöfn/Skarfabakka kl. 12 og 12.30,

Ferjutollur með afslætti kr. 900

 

 STYRKTARAÐILAR:

•  BORGUN
•  VALITOR
•  MP-BANKI
•  POINT
•  TOPPFISKUR
•  TM

Skrár tengdar þessari bloggfærslu:

• vi_ey_2010_-.jpg

Henrik tapaði í fjórðu umferð í Skanderborg

Stórmeistarinn Henrik Danielsen (2529) tapaði fyrir pólska Eyjamanninum Kamil Miton (2629) í fjórðu umferð alþjóðlega mótsins í Skanderborg í Danmörku.   Henrik hefur 2,5 vinning og er í 3.-4. sæti.

Í fimmtu umferð, sem fram fer á morgun, teflir Henrik við serbneska stórmeistarann Sinisa Drazic (2546).  Skákin hefst kl. 12 og er sýnd beint.

Miton er efstur með 3,5 vinning en ítalski alþjóðlegi meistarinn Sabino Brunello (2497) er annar með 3 vinninga.  

Alls taka 10 skákmenn þátt í mótinu og tefla allir við alla.   Þrír stórmeistarar taka þátt á mótinu og er Henrik þriðji stigahæstur.  Stigahæstur er pólski stórmeistarinn Kamil Miton (2629), sem er félagsmaður í Taflfélagi Vestmannaeyja.

• Heimasíða mótsins
• Skákirnar í beinni

Pistill frá Íslandsmeisturunum

Guðmundur Daðason, formaður Taflfélags Bolungarvíkur, hefur skrifað pistil um fyrri hluta Íslandsmóts skákfélaga á heimasíðu félagsins.

Heimasíða TB

Hraðkvöld hjá Helli í kvöld - verðlaunaafhending Meistaramóts á undan

Taflfélagið Hellir heldur hraðkvöld mánudaginn 18. október og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Verðlaunaafhending vegna Meistaramóts Hellis verður  mánudaginn 18. október á undan hraðkvöldinu og hefst kl. 20.

Eftirtaldir hlutu verðlaun á Meistaramóti Hellis

Aðalverðlaun:

1. Hjörvar Steinn Grétarsson kr. 25.000
2. Þorvarður Fannar Ólafsson kr. 15.000
3. Stefán Bergsson, Bjarni Jens Kristinsson, Atli Antonsson og Agnar Darri Lárusson kr. 2500 hver. 

Aukaverðlaun:

• Skákmeistari Hellis, Hjörvar Steinn Grétarsson: Deep Rybka 4 Aquarium (DVD) 
• Besti árangur undir 2200 skákstigum, Stefán Bergsson: Rybka Aquarium
• Besti árangur undir 1800 skákstigum, Atli Antonsson:  ChessOK Aquarium 2010. 
• Besti árangur undir 1600 skákstigum, Agnar Darri Lárusson: Rybka 4 UCI. 
• Besti árangur stigalausra, Ingvar Egill Vignisson og Vignir Vatnar Stefánsson: Kr. 2500 hvor 
• Unglingaverðlaun (15 ára og yngri), Páll Andrason, Dagur Kjartansson og Birkir Karl Sigurðsson:  Kennsluforrit að eigin vali fyrir 25$ 
• Kvennaverðlaun, Tinna Kristín Finnbogadóttir, Jóhanna Björg Jóhannsdóttir og Elsa María Kristínardóttir:  Kennsluforrit að eigin vali fyrir 25$. 

 

Skákþáttur Morgunblaðsins: Ísland bætti sig um 24 sæti í opnum flokki Ólympíumótsins

Íslensku liðin sem tefldu á Ólympíumótinu í Khanty Manyisk í Síberíu bættu árangur sinn verulega frá síðasta Ólympíumóti. Allir íslensku þátttakendurnir hækkuðu á stigum og karlasveitin, sem varð í 40. sæti af 148 þátttakendum, bætti sig um 24 sæti frá síðasta móti og var 14 sætum ofar en styrkleikaröð fyrir mótið gerði ráð fyrir. Þátttaka karlasveitarinnar var undir smásjá, einkum vegna skipunar liðsins. Undirrituðum var í árslok 2009 boðið að þjálfa liðið og gegna starfi liðsstjóra og var síðar falið að gera tillögu um skipan liðsins. Sú tillaga var síðan samþykkt af stjórn SÍ og hlaut harða gagnrýni. Fannst ýmsum úr skákdeild Hauka valið beinast gegn einstaklingi úr þeirra röðum. Eftir afhroðið í Dresden 2008, þar sem Ísland varð í 64. sæti, hlaut að liggja í augum uppi að enginn úr þeirri sveit gat gengið í landslið Íslands á eigin forsendum. Að sinna ekki á neinn hátt æfingum landsliðshópsins og hætta síðan við þátttöku með litlum fyrirvara á Skákþingi Íslands var ekki í boði ef menn vildu komast í lið. Að endingu voru valdir Hannes Hlífar Stefánsson, Héðinn Steingrímsson, Bragi Þorfinnsson, Björn Þorfinnsson og Hjörvar Steinn Grétarsson. Þessir einstaklingar, hver með sín sérkenni, náðu vel saman.

„Nýliðarnir" voru drýgstir á lokasprettinum. Bragi og Björn Þorfinnssynir hlutu 3 ½ vinning af fjórum í lokaumferðunum tveimur. Sveitin hlaut 26 ½ vinning af 44 mögulegum um 60% vinningshlutfall og 13 stig. Hefði orðið mun ofar ef vinningar sveita með 13 stig væru látnir gilda en ekki flókinn útreikningur mótsstiga. Þannig hlutu Svíar aðeins 24 vinninga og 13 stig en reiknast samt í 34. sæti. Athyglisverð staðreynd er sú að Ísland var á svipuðu róli og ofursveit Búlgaríu sem hafnaði í 31. sæti með 13 stig og 26 ½ vinning en meðalstigin þar voru tæplega 2700 stig.

Ólympíumótsins í Khanty Manyisk verður sennilega minnst fyrir góða framkvæmd og frábæra frammistöðu Vasilí Ivantsjúk sem leiddi Úkraínumenn til sigurs. Ivantsjúk hlaut 8 vinninga úr tíu skákum á 1. borði. Efstu lið urðu:

1. Úkraína 19 stig 2. Rússland 18 stig 3. Ísrael 17 stig 4. Ungverjaland 17 stig 5. Kína 16 stig.

Í tíundu umferð mættu Íslendingar sveita Litháa með feðgana Evgenij Svesnikov, sem vann Hannes Hlífar óvænt, og Vladimir Svesnikov sem varð að láta í minni pokann fyrir Braga Þorfinnssyni á þriðja borði:

Bragi Þorfinnsson - Vladimir Svesnikov

Katalónsk byrjun

1. d4 d5 2. c4 e6 3. Rf3 Rf6 4. g3 dxc4 5. Bg2 c5 6. O-O Rc6 7. Da4 Bd7 8. Dxc4 b5 9. Dd3 Hc8 10. dxc5 Bxc5 11. Rc3 O-O 12. Bg5 Rb4 13. Bxf6 gxf6 14. Dd2 Bc6 15. Dh6 He8 16. Had1 Bf8 17. Dh5 Db6 18. a3 Rc2 19. Hc1 Bxf3

Sennilega eru þessi uppskipti misráðin.

20. Dxf3 Rd4 21. Dg4+ Kh8 22. Hcd1 Hed8 23. Dh5 Kg8 24. e3 Rb3 25. Be4 f5

Betra var 25. ... h6.

Sjá stöðumynd

26. Rd5!

Þrumuleikur sem byggist á valdleysi hróks á c8, t.d. 26. ... exd5 27. Bxf5 h6 28. Bxc8 Hxc8 29. Dg4+ og vinnur.

26. ... Hxd5 27. Hxd5 Bg7

eða 27. ... fxe4 28. Hg5+ Bg7 29. Dh6 og vinnur.

28. Hd7 Hf8 29. Bg2 Bxb2 30. Dg5+ Bg7 31. Hfd1 h6 32. De7 a5 33. Hb7 Da6 34. Hd8 Hxd8 35. Dxf7+ Kh8

- og svartur gafst upp um leið.

Fjallað verður um frammistöðu kvennaliðsins í næsta pistli.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 10. október 2010.

Skákþættir Morgunblaðsins

Jóhann Óli og Sigurður efstir

Sjötta umferð Haustmóts Skákfélags Akureyrar var tefld í dag. Úrslit urðu eftir bókinni ef frá er talið jafntefli í skák Mikaels (1825) og Jóns Kristins (1610). Jóhann Óli og Sigurður Arnarson eru efstir með fimm vinninga eins og staðan er nú, en erfitt er að draga ályktanir þar sem nokkuð er um frestaðar skákir.

Úrslit 6. umferðar.

Jón Magnússon - Haukur H.Jónsson                                   0-1
Hersteinn Bjarki Heiðarsson - Sigurður Arnarson                0-1
Mikael Jóhann Karlsson - Jón Kristinn Þorgeirsson             ½-½
Jóhann Óli Eiðsson - Jakob Sævar Sigurðsson                     Frestað
Andri Freyr Björgvinsson - Tómas Veigar Sigurðarson       Frestað

Staðan:

Jóhann Óli Eiðsson                                                    5vinningar + frestuð skák
Sigurður Arnarson                                                     5
Tómas Veigar Sigurðarson                                        4+ frestuð skák
Jón Kristinn Þorgeirsson                                           4
Mikael Jóhann Karlsson                                            2½
Jakob Sævar Sigurðsson                                            2½+ frestuð skák
Andri Freyr Björgvinsson                                         2½+ frestuð skák
Hersteinn Bjarki Heiðarsson                                     1
Haukur H. Jónsson                                                    1
Jón Magnússon                                                          ½

Í sjöundu umferð mætast:

Tómas Veigar Sigurðarson - Jón Magnússon
Jakob Sævar Sigurðsson - Andri Freyr Björgvinsson
Jón Kristinn Þorgeirsson - Jóhann Óli Eiðsson
Sigurður Arnarson - Mikael Jóhann Karlsson
Haukur H. Jónsson - Hersteinn Bjarki Heiðarsson

• Heimasíða SA
• Mótið hjá Chess-Results 
• Skákir 1. - 5.umferðar