Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.

Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Jafnframt er ítrekað að á síðasta móti vetrarins verður happdrætti þar sem dregnir verða út þrír vinningar, kr. 40.000, 20.000 og 10.000.  Allir sem hafa mætt á minnst fimm mót í vetur verða með í útdrættinum og því oftar sem er mætt, því meiri líkur eru á að verða dreginn út.

Síðasta mót vetrarins verður haldið fimmtudaginn 28. maí.

Unglingameistaramót Reykjavíkur fer fram á laugardag

Unglingameistaramót Reykjavíkur verður haldið í Skákhöllinni Faxafeni 12 laugardaginn 9. maí kl. 14. Þátttökurétt eiga allir unglingar á grunnskólaaldri en unglingameistaranafnbótina og farandbikarinn hlýtur efsti keppandi sem búsettur er í Reykjavík.

Umhugsunartími er 15 mínútur á mann til að ljúka skák og verða tefldar sjö umferðir. Veittir verða verðlaunagripir fyrir þrjú efstu sætin. Núverandi Unglingameistari Reykjavíkur er Dagur Andri Friðgeirsson. Skráning fer fram á staðnum og hefst kl. 13.30.

Stúlknameistaramót Reykjavíkur fer fram á sunnudag

Stúlknameistaramót Reykjavíkur fer fram í Skákhöllinni í Faxafeni sunnudaginn 10. maí og hefst kl. 14.

Tefldar verða sjö umferðir eftir Monrad-kerfi og er umhugsunartími fyrir hverja skák 15 mínútur á hvorn keppanda.

Þetta er í sjötta skipti sem Taflfélagi Reykjavíkur heldur mótið, en þess má geta að Hallgerður Helga Þorsteinsdóttir hefur borið sigur úr býtum fimm ár í röð!

Keppt er um veglegan farandbikar sem hjónin Ólafur S. Ásgrímsson og Birna Halldórsdóttir gáfu. Einnig verða eignarbikarar fyrir þrjú efstu sætin.

Öllum stúlkum á grunnskólaaldri í landinu er heimil þátttaka og geta unnið eignarbikar, en titilinn og farandbikarinn hreppir sú sem efst er að vinningum þeirra er búsettar eru í Reykjavík.

Skráning fer fram á staðnum og hefst kl. 13.30.

Björn efstur á öðlingamóti

Björn Þorsteinsson (2204) vann Jóhann H. Ragnarsson (2108) í fimmtu umferð skákmóts öðlinga, sem fram fór í kvöld, og er efstur með 4,5 vinning.  Jóhann, Þorsteinn Þorsteinsson (2288) og Þór Valtýsson (2090) koma næstir með 4 vinninga.  Sjötta og næstsíðasta umferð er á óvenjulegum tíma en hún fer fram nk. mánudagskvöld.  

Úrslit 5. umferðar:

 

Bo.	Name	Pts.	Result	Pts.	Name
1	Ragnarsson Johann	4	0 - 1	3½	Thorsteinsson Bjorn
2	Thorsteinsson Thorsteinn	3	1 - 0	2½	Sigurdsson Pall
3	Gunnarsson Magnus	2½	0 - 1	3	Valtysson Thor
4	Palsson Halldor	2½	0 - 1	2½	Halldorsson Bragi
5	Vigfusson Vigfus	2½	1 - 0	2½	Grigorianas Grantas
6	Jonsson Sigurdur H	2	0 - 1	2½	Bjornsson Eirikur K
7	Gunnlaugsson Gisli	2	1 - 0	2	Thrainsson Birgir Rafn
8	Matthiasson Magnus	2	0 - 1	1	Fridthjofsdottir Sigurl  Regin
9	Thorhallsson Pall	1	1 - 0	1	Solmundarson Kari
10	Gudmundsson Einar S	1	0 - 1	1	Breidfjord Palmar
11	Johannesson Petur	0	½ - ½	0	Kristbergsson Bjorgvin

Staðan:

Rk.		Name	RtgI	RtgN	Club/City	Pts.	Rp	rtg+/-
1		Thorsteinsson Bjorn	2204	2180	TR	4,5	2426	18
2		Ragnarsson Johann	2108	2060	TG	4	2231	8,1
3	FM	Thorsteinsson Thorsteinn	2288	2250	TV	4	2245	-0,9
4		Valtysson Thor	2090	2025	SA	4	2195	7,9
5		Halldorsson Bragi	2238	2205	Hellir	3,5	2178	-3
6		Bjornsson Eirikur K	2046	1980	TR	3,5	2154	4,3
7		Vigfusson Vigfus	2051	1930	Hellir	3,5	1988	-4,3
8		Gunnlaugsson Gisli	1830	1795	Bolungarvik	3	1758	-2,8
9		Gunnarsson Magnus	2118	2055	SSON	2,5	2033	-5,7
10		Sigurdsson Pall	1894	1905	TG	2,5	1890	-2
11		Grigorianas Grantas	0	1575	SSON	2,5	1997
12		Palsson Halldor	1952	1850	TR	2,5	1855	-2,5
13		Jonsson Sigurdur H	1879	1815	SR	2	1961	5,4
14		Fridthjofsdottir Sigurl  Regin	1789	1685	TR	2	1817	-10,1
15		Thorhallsson Pall	0	2045	TR	2	1694
16		Matthiasson Magnus	0	1700	SSON	2	1830
17		Breidfjord Palmar	0	1790	SR	2	1637
18		Thrainsson Birgir Rafn	0	1610	Hellir	2	1511
19		Solmundarson Kari	1886	1835	TV	1	1530	-15,5
		Gudmundsson Einar S	1695	1720	SR	1	1479	-7,3
21		Kristbergsson Bjorgvin	0	1215	TR	0,5	1317
22		Johannesson Petur	0	1035	TR	0,5	1273

Röðun 6. umferðar:

 

Bo.	Name	Pts.	Result	Pts.		Name
1	Thorsteinsson Bjorn	4½		4	FM	Thorsteinsson Thorsteinn
2	Valtysson Thor	4		4		Ragnarsson Johann
3	Halldorsson Bragi	3½		3½		Bjornsson Eirikur K
4	Gunnlaugsson Gisli	3		3½		Vigfusson Vigfus
5	Grigorianas Grantas	2½		2½		Gunnarsson Magnus
6	Sigurdsson Pall	2½		2½		Palsson Halldor
7	Matthiasson Magnus	2		2		Jonsson Sigurdur H
8	Fridthjofsdottir Sigurl  Regin	2		2		Breidfjord Palmar
9	Thrainsson Birgir Rafn	2		1		Gudmundsson Einar S
10	Johannesson Petur	½		2		Thorhallsson Pall
11	Kristbergsson Bjorgvin	½		1		Solmundarson Kari

 

• Heimasíða TR
• Chess-Results

Reykjavíkurmót grunnskólasveita fer fram í dag

Reykjavíkurmót grunnskólanna í skák 2009 fer fram miðvikudaginn 6. maí nk. og hefst kl.17. Tefldar verða 7 skákir með 10 mín. umhugsunartíma á skák.  Allar sveitirnar keppa í einum opnum flokki, en veitt verða verðlaun fyrir þrjár efstu sveitirnar og þrjár efstu stúlknasveitirnar.  Auk þess verður happdrætti að móti loknu þar sem allir keppendur geta unnið til verðlauna.

Hver sveit skal skipuð fjórum nemendum frá hverjum skóla auk 1-4 varamanna. Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv.

Sigursveitin verður Reykjavíkurmeistari grunnskólasveita 2009 og hlýtur farandbikar til vörslu í eitt ár.

Mótið hefst, sem áður segir, kl.17 og lýkur um kl.20.  Verðlaunaafhending og happdrætti verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Íþrótta- og tómstundaráðs Reykjavíkur og fer keppnin fram í félagsheimili T.R., Faxafeni 12, Reykjavík.

Mikilvægt er að skólarnir sendi fylgdarmann með sínu liði, keppendum til halds og trausts.

Þátttaka tilkynnist til skrifstofu Íþrótta- og tómstundasviðs eða á netfang: [e-mail] einnig er hægt að senda skráningu á [e-mail]  eigi síðar en þriðjudaginn 5. maí. Skráning í síma 411-5000 

Þátttökurétt hafa eingöngu nemendur í grunnskólum Reykjavíkur.

Skólalit Skákskólans

Skólaslit Skákskóla Íslands í yngri deildum skólans voru laugardaginn 2. maí en þá var haldið  vormót skólans í þrem flokkum, byrjendaflokki I, byrjendaflokki II og framhaldsflokki. Þátttaka  var góð en einhverjir nemendur í þessum flokkum voru á meistaramótinu í skólaskák á Akureyri.

Í framhaldsflokki sigraði  Oliver Aron Jóhannesson en hann hlaut 5 vinninga af sex mögulegum. Í 2. sæti varð Dagur Ragnarsson með 4 ½ vinning og Patrekur Þórsson með 4 vinninga.

Í byrjendaflokki I sigraði Sigurður Kjartansson en hann geri sér lítið fyrir og vann allar skákir sínar sex að tölu. Í 2.sæti varð Sölvi Daníelsson með 4 ½ vinni g g í 3. sæti varð Eysteinn Högnason með 4 vinninga.

Í byrjendaflokki II varð hlutskarpastur Jón Ólafur Hannesson með 3 ½ vinning af fjórummögulegum, Halldór Atli Kristjánsson varð í 2. sæti með 2 ½ vinning og í 3.sæti einnig með 2 ½  vinning en lægri á stigum var Halldór Atli Kristjánsson. 

Auk þess sem hver þátttakandi fékk verðlaunapening fyrir þátttökuna og prófskírteini fyrir frammistöðu í prófi voru veitt gull, silfur og bronsverðlaun fyrir efstu sætin og vönduð töfl.

Aðalskákstjórar voru kennarar þessara hópa þeir Stefán Bergsson og Davíð Kjartansson.

Meistaramót skólans hefst svo föstudaginn 22. maí nk. En þar verða tefldar sjö umferðir eftir svissneska kerfinu.

Hjörvar efstur á Boðsmóti Hauka

10 skákir fóru fram í Boðsmóti Hauka í kvöld. Mikið er af frestuðum skákum svo að staðan er mjög óljós, sérstaklega í B-flokki.
 
A-flokkur:
Jorge Fonseca - Hjörvar Steinn Grétarsson   0-1
Lenka Ptacnikoca - Sverrir Örn Björnsson     1-0
Þorvarður Fannar Ólafsson - Stefán Freyr Guðmundsson frestað
Hlíðar Þór Hreinsson - Oddgeir Ottesen    1-0
 
Staðan:
Hjörvar Steinn   3/3
Hlíðar Þór         2,5/3
Lenka              2,5/3
Stefán Freyr     2/3
Sverrir Örn       1,5/3
Þorvarður         1,5/3
Jorge               0/4
Oddgeir            0/4
 
 
B-flokkur:
Einar Valdimarsson - Páll Sigurðsson      0-1            
Halldór Pálsson - Bjarni Jens Kristinsson  0-1
Svanberg Már Pálsson - Marteinn Þór Harðarson  0-1
Patrekur Maron Magnússon - Elsa María Kristínardóttir  1-0

Staðan:
Bjarni Jens       2,5/3
Patrekur          2/2
Halldór            2/3
Páll                1,5/2
Marteinn         1,5/2
Einar              0,5/4
Elsa               0/2
Svanberg        0/2
 
 
C-flokkur:
Auðbergur Magnússon - Geir Guðbrandsson  0-1
Gísli Hrafnkelsson - Gústaf Steingrímsson   1/2-1/2
Dagur Andri Friðgeirsson - Vigfús Óðinn Vigfússon  frestað
Ingi Tandri Traustason - Tjörvi Schiöth   1-0

Gísli              2,5/4
Ingi Tandri     2,5/4
Geir              2/3
Vigfús           1,5/2
Gústaf          1/2
Auðbergur      1/3
Tjörvi           0,5/3
Dagur           0/1

Öðlingamótið: Pörun fimmtu umferðar

Birgir Rafn Þráinsson (1610) sigraði Björgvin Kristbergsson (1215) í frestaðri skák fjórðu umferðar sem fram fór í kvöld.  Í fimmtu umferð, sem fram fer á morgun, mætast m.a. Jóhann - Björn, Þorsteinn - Páll og Magnús - Þór.  

Rððun fimmtu umferðar:

 

Bo.	Name	Pts.	Result	Pts.	Name
1	Ragnarsson Johann	4		3½	Thorsteinsson Bjorn
2	Thorsteinsson Thorsteinn	3		2½	Sigurdsson Pall
3	Gunnarsson Magnus	2½		3	Valtysson Thor
4	Palsson Halldor	2½		2½	Halldorsson Bragi
5	Vigfusson Vigfus	2½		2½	Grigorianas Grantas
6	Jonsson Sigurdur H	2		2½	Bjornsson Eirikur K
7	Gunnlaugsson Gisli	2		2	Thrainsson Birgir Rafn
8	Matthiasson Magnus	2		1	Fridthjofsdottir Sigurl  Regin
9	Thorhallsson Pall	1		1	Solmundarson Kari
10	Gudmundsson Einar S	1		1	Breidfjord Palmar
11	Johannesson Petur	0		0	Kristbergsson Bjorgvin

• Heimasíða TR
• Chess-Results

Reykjavíkurmót grunnskólanna fer fram á miðvikudag

Reykjavíkurmót grunnskólanna í skák 2009 fer fram miðvikudaginn 6. maí nk. og hefst kl.17. Tefldar verða 7 skákir með 10 mín. umhugsunartíma á skák.  Allar sveitirnar keppa í einum opnum flokki, en veitt verða verðlaun fyrir þrjár efstu sveitirnar og þrjár efstu stúlknasveitirnar.  Auk þess verður happdrætti að móti loknu þar sem allir keppendur geta unnið til verðlauna.

Hver sveit skal skipuð fjórum nemendum frá hverjum skóla auk 1-4 varamanna. Hverjum skóla er heimilt að senda fleiri en eina sveit til þátttöku og skal þá sterkasta sveitin nefnd A, sú næststerkasta B, o.s.frv.

Sigursveitin verður Reykjavíkurmeistari grunnskólasveita 2009 og hlýtur farandbikar til vörslu í eitt ár.

Mótið hefst, sem áður segir, kl.17 og lýkur um kl.20.  Verðlaunaafhending og happdrætti verður strax að móti loknu.

Sveitakeppni grunnskóla í Reykjavík er haldin í samvinnu Taflfélags Reykjavíkur og Íþrótta- og tómstundaráðs Reykjavíkur og fer keppnin fram í félagsheimili T.R., Faxafeni 12, Reykjavík.

Mikilvægt er að skólarnir sendi fylgdarmann með sínu liði, keppendum til halds og trausts.

Þátttaka tilkynnist til skrifstofu Íþrótta- og tómstundasviðs eða á netfang: [e-mail] einnig er hægt að senda skráningu á [e-mail]  eigi síðar en þriðjudaginn 5. maí. Skráning í síma 411-5000 

Þátttökurétt hafa eingöngu nemendur í grunnskólum Reykjavíkur.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 4. maí og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).