Úrslitum Hraðskákkeppni taflfélaga frestað

Úrslitum Hraðskákkeppni taflfélaga, sem átti að fara í kvöld á milli Taflfélags Reykjavíkur og Taflfélags Bolungarvíkur hefur verið frestað þar sem ekki hefur verið flugfært til Ísafjarðar seinni partinn.  Ný dagsetning hefur ekki verið ákveðin.

Eddu-pistill

Nýjan pistil frá Eddu Sveinsdóttir fararstjóra á EM ungmenna þar sem fjallað er um fjórðu umferð má nú finna á bloggsíðu hennar. Meðal umfjöllunarefna eru skák, kirkjur, gym og ís!

Kristján Örn sigraði á fimmtudagsmóti

Fyrsta fimmtudagsmót vetrarins fór fram í kvöld í Skákhöll TR.  Alls tóku 11 þátt og var keppnin æsispennandi en úrslit réðust ekki fyrr en í 7. og síðustu umferð þegar hraðskákmeistari TR, Kristján Örn Elíasson, skaust upp í efsta sætið ásamt Jon Olav Fivelstad eftir sigur á Sigurlaugu R Friðþjófsdóttur.  Kristján Örn varð svo efstur á stigum.  Björn Jónsson leiddi lengi vel en missti flugið undir lokin og slæmt tap gegn Magnúsi Kristinssyni í lokaumferðinni gerði út um sigurvonir hans.

Á ýmsu gekk í skákunum að vanda þegar hraðskák á í hlut en líklega verður atvik í skák Óttars Felix og Ólafs S Ásgrímssonar seint slegið en þá reyndi Ólafur afar frumlegt bragð til að rugla Óttar í ríminu.  Um miðbik skákarinnar ætlaði Ólafur að drepa biskup Óttars með sínum biskup en tók sinn út af borðinu og lagði biskup Óttars niður á nýjan reit í staðinn.  Þetta virtist rugla Óttar í ríminu, sem hugsaði í lengri tíma og virtist ekkert skilja í þessu nýja bragði.  Að lokum segir hann þó við Ólaf að þetta geti varla talist leikur og Ólafur gaf skákina í kjölfarið.  Hraðskákin getur sannarlega verið skrautleg!

Úrslit urðu annars eftirfarandi:

• 1. Kristján Örn Elíasson 5.5 v af 7 22 stig
• 2. Jon Olav Fivelstad 5.5 v 21,5 stig
• 3-4. Björn Jónsson, Magnús Kristinsson 5 v
• 5. Þórir Benediktsson 4,5 v
• 6. Sigurjón Haraldsson 3,5 v
• 7-9. Óttar Felix Hauksson, Sigurlaug R. Friðþjófsdóttir, Elsa María Kristínardóttir 3 v
• 10-11. Ólafur Ásgrímsson, Hjálmar Sigvaldason 2 v

Stjórn TR þakkar fyrir ánægjulegt mót og hvetur skákáhugamen til að mæta á næsta mót, fimmtudaginn 25. september.

Sex skákmenn efstir og jafnir á Skáþingi Garðabæjar

Sex skákmenn eru efstir og jafnir með fullt hús að lokinni annarri umferð Skákþings Garðabæjar sem fram fór í kvöld.   Það eru Einar Hjalti Jensson, Henrik Danielsen, Sigurður Daði Sigfússon, Omar Salama, Jóhann H. Ragnarsson og Stefán Bergsson.  Úrslit voru afar hefðbundin í 2. umferð það er að hinir stigahærri unnu iðulega.  Þó má nefna að Guðmundur Kristinn Lee sigraði Inga Tandra Traustason.   

Úrslit 2. umferðar:

 

Bo.	Name	Res.	Name
1	Henrik Danielsen	1  -  0	Kjartan Gudmundsson
2	Baldur Helgi Moller	0  -  1	Sigurdur Sigfusson
3	Einar Hjalti Jensson	1  -  0	Siguringi Sigurjonsson
4	Bjarni Jens Kristinsson	0  -  1	Omar Salama
5	Pall Sigurdsson	0  -  1	Johann Ragnarsson
6	Tjorvi Schioth	0  -  1	Stefan Bergsson
7	Larus Knutsson	1  -  0	Kjartan Masson
8	Thorvardur Olafsson	1  -  0	Sigridur Bjorg Helgadottir
9	Gisli Hrafnkelsson	0  -  1	Jakob Saevar Sigurdsson
10	Oddgeir Ottesen	1  -  0	Pall Andrason
11	Gudmundur Kristinn Lee	1  -  0	Ingi Tandri Traustason
12	Svanberg Mar Palsson	1  -  0	Birkir Karl Sigurdsson
13	Eirikur Orn Brynjarsson	1  -  0	Sveinn Gauti Einarsson
	Dagur Kjartansson	1  -  -	Bye

Staðan:

 

Rank		Name	Rtg	Club	Pts
1		Einar Hjalti Jensson	2223	TG	2
2	GM	Henrik Danielsen	2526	Haukar	2
3	FM	Sigurdur Sigfusson	2324	Hellir	2
		Omar Salama	2212	Hellir	2
		Johann Ragnarsson	2157	TG	2
6		Stefan Bergsson	2097	SA	2
7		Larus Knutsson	2113	TV	1½
8		Jakob Saevar Sigurdsson	1860	Godinn	1
9		Baldur Helgi Moller	2076	TG	1
		Bjarni Jens Kristinsson	1912	Hellir	1
		Pall Sigurdsson	1867	TG	1
		Oddgeir Ottesen	1822	Haukar	1
		Svanberg Mar Palsson	1751	TG	1
		Eirikur Orn Brynjarsson	1664	TR	1
15		Kjartan Gudmundsson	2004	TV	1
		Siguringi Sigurjonsson	1895	KR	1
17		Tjorvi Schioth	0	Haukar	1
18		Kjartan Masson	1715	S.Aust	1
19		Gudmundur Kristinn Lee	1465	Hellir	1
20		Thorvardur Olafsson	2177	Haukar	1
21		Dagur Kjartansson	1310	Hellir	1
22		Sigridur Bjorg Helgadottir	1595	Fjölnir	½
23		Gisli Hrafnkelsson	1575	Haukar	0
24		Ingi Tandri Traustason	1774	Haukar	0
25		Pall Andrason	1532	TR	0
		Birkir Karl Sigurdsson	1325	TR	0
		Sveinn Gauti Einarsson	1285	TG	0

 

Röðun 3. umferðar (föstudagur kl.  19:30):

 

 

Bo.	Name	Res.	Name
1	Omar Salama	-	Henrik Danielsen
2	Sigurdur Sigfusson	-	Johann Ragnarsson
3	Stefan Bergsson	-	Einar Hjalti Jensson
4	Bjarni Jens Kristinsson	-	Larus Knutsson
5	Oddgeir Ottesen	-	Thorvardur Olafsson
6	Kjartan Masson	-	Baldur Helgi Moller
7	Kjartan Gudmundsson	-	Svanberg Mar Palsson
8	Siguringi Sigurjonsson	-	Eirikur Orn Brynjarsson
9	Dagur Kjartansson	-	Pall Sigurdsson
10	Jakob Saevar Sigurdsson	-	Tjorvi Schioth
11	Sigridur Bjorg Helgadottir	-	Gudmundur Kristinn Lee
12	Ingi Tandri Traustason	-	Gisli Hrafnkelsson
13	Pall Andrason	-	Birkir Karl Sigurdsson
	Sveinn Gauti Einarsson	-  -	Bye

 

• Heimasíða mótsins
• Chess-Results

Daði, Patrekur og Jóhanna unnu í fjórðu umferð

Enn er stígandi í íslenska liðinu en alls komu fimm vinningar í hús í fjórðu umferð eins og Davíð Ólafsson og Edda Sveinsdóttir gera bæði góð skil í pistlum sínum.  Daði Ómarsson, Patrekur Maron Magnússon og Jóhanna Björg Jóhannsdóttir unnu, Hjörvar Steinn Grétarsson, Friðrik Þjálfi Stefánsson, Hallgerður Helga Þorsteinsdóttir og Geirþrúður Anna Guðmundsdóttir gerðu jafntefli.  Hjörvar hefur 3 vinninga og Hallgerður Helga en þau eru bæði taplaus.  

Staða íslensku skákmannanna er sem hér segir:

• Hjörvar hefur 3 vinninga
• Hallgerður Helga hefur 2½ vinning
• Daði, Jóhanna Björg og Geirþrúður Anna hafa 2 vinninga
• Friðrik Þjálfi hefur 1½ vinning
• Patrekur Maron hefur 1 vinning
• Sverrir, Dagur Andri og Tinna Kristín hafa ½ vinning

Úrslit 4. umferðar

 

Thorgeirsson Sverrir  2102 ISL Rp:1903 Pts. 0,5
4		Acarbay Aydin	1825	TUR	0	Boys U18
Omarsson Dadi  2029 ISL Rp:2304 Pts. 2,0
4		Izso Daniel	2233	HUN	1	Boys U18
Gretarsson Hjorvar Steinn  2299 ISL Rp:2321 Pts. 3,0
4		Vardanian Haik G.	2177	ARM	½	Boys U16
Magnusson Patrekur Maron  1872 ISL Rp:1869 Pts. 1,0
4		Potpara Nikola	1833	MNE	1	Boys U16
Fridgeirsson Dagur Andri  1812 ISL Rp:1745 Pts. 0,5
4		Dimitrijevic Radmilo	2186	SRB	0	Boys U14
Stefansson Fridrik Thjalfi  0 ISL Rp:1654 Pts. 1,5
4		Machan Jan	1608	CZE	½	Boys U12
Finnbogadottir Tinna Kristin  1655 ISL Rp:1605 Pts. 0,5
4		Dincel Melodi	1845	TUR	0	Girls U18
Thorsteinsdottir Hallgerdur  1907 ISL Rp:2149 Pts. 2,5
4		Hitter Gabriella	2075	HUN	½	Girls U16
Johannsdottir Johanna Bjorg  1655 ISL Rp:1912 Pts. 2,0
4		Messam-Sparks Lateefah	1904	ENG	1	Girls U16
Gudmundsdottir Geirthrudur Ann  0 ISL Rp:1927 Pts. 2,0
4		Strzelczyk Anna	1823	POL	½	Girls U14

 

Röðun 5. umferðar:

 

 

Rd.		Name	Rtg	FED	Re.	Group
Thorgeirsson Sverrir  2102 ISL Rp:1903 Pts. 0,5
5		Vukcevic Nemanja	1884	MNE		Boys U18
Omarsson Dadi  2029 ISL Rp:2304 Pts. 2,0
5		Kulakov Viacheslav	2360	RUS		Boys U18
Gretarsson Hjorvar Steinn  2299 ISL Rp:2321 Pts. 3,0
5		Ketzetzis Georgios	2099	GRE		Boys U16
Magnusson Patrekur Maron  1872 ISL Rp:1869 Pts. 1,0
5		Klecker Tadeas	2162	CZE		Boys U16
Fridgeirsson Dagur Andri  1812 ISL Rp:1745 Pts. 0,5
5		Kokotovic Aleksandar	0	BIH		Boys U14
Stefansson Fridrik Thjalfi  0 ISL Rp:1654 Pts. 1,5
5		Segura Santos Luis	1739	ESP		Boys U12
Finnbogadottir Tinna Kristin  1655 ISL Rp:1605 Pts. 0,5
5		bye	-	-		Girls U18
Thorsteinsdottir Hallgerdur  1907 ISL Rp:2149 Pts. 2,5
5		Abdulla Khayala Mardan Qizi	2029	AZE		Girls U16
Johannsdottir Johanna Bjorg  1655 ISL Rp:1912 Pts. 2,0
5		Jimenez Lupianez Laura	1901	ESP		Girls U16
Gudmundsdottir Geirthrudur Ann  0 ISL Rp:1927 Pts. 2,0
5		Vatkali Dimitra	1889	GRE		Girls U14

 

 

• Heimasíða mótsins
• Bloggsíða Eddu Sveinsdóttur (fararstjóra)
• Chess-Results

EM ungmenna - pistill 4. umferðar

Ágæt umferð í dag.  Við vorum einungis stigalægri í sjö skákum af tíu, stigahærri í tveimur og u.þ.b. jöfn stig í einni.  Uppskeran í dag reyndist vera fimm vinningar eða 50%.  Rennum yfir skákirnar í dag.

U-12 drengir:

Jan Machan, CZE (1608) - Friðrik Þjálfi Stefánsson (0)  ½-½

Stutt skák hjá yngsta keppandanum í dag.  Frönsk vörn, steindrepið á d5 og jafntefli fljótlega.  Það má svo sem búast við svona skákum í frönsku vörninni.  Það er samt mjög athyglivert að Friðrik er greinilega ekki metinn sem skyldusigur þó að hann sé stigalaus.  Menn sjá greinilega styrkleika hans í skákunum sem hann er búinn að tefla.

U-14 stúlkur:

Anna Strzelczyk, POL (1823) - Geirþrúður Anna Guðmundsdóttir (0)  ½-½

Annað stutt jafntefli í franskri vörn.  Hér var þó talsvert eftir af skákinni en jafntefli með svörtu gegn þokkalega stigaháum keppanda er vel ásættanlegt.

U-14 drengir:

Radmilo Dimitrijevic, SRB (2186) - Dagur Andri Friðgeirsson (1812)  1-0

Hversu óheppinn getur maður orðið?  Með hálfan vinning af þremur og fær tæplega 2200 stiga mann.  Þá er ekkert annað að gera en að tefla vel.  Dagur tefldi mjög vel framan af í dag og var gjörsamlega að ganga frá sterkum andstæðingi sínum.  Því miður valdi hann ekki rétta framhaldið (sem hann var þó búinn að sjá) og tapaði.  Dagur getur greinilega unnið hvern sem er í þessum flokki og það er aðeins tímaspursmál að vinningarnir fari að skila sér.

U-16 stúlkur:

Gabriella Hitter, HUN (2075) - Hallgerður Helga Þorsteinsdóttir (1907)  ½-½

Hallgerður er búin að vera að tefla vel á mótinu.  Þessi skák var engin undantekning á því.  Segja má að andstæðingur hennar hafi rétt hangið á jafntefli í þessari skák.

Lateefah Messam, ENG (1890) - Jóhanna Björg Jóhannsdóttir (1655)  0-1

Tími til kominn að við fengjum að njóta smá heppni.  Jóhanna fékk mjög slæma stöðu fljótlega eftir byrjunina, tapaði peði og fékk raunverulega koltapað tafl.  Maður vinnur hins vegar ekki með því að gefast upp og að lokum hafði Jóhanna sigur í skrautlegri skák.

U-16 drengir:

Haik G. Vardanian, ARM (2177) - Hjörvar Steinn Grétarsson (2299)  ½-½

Í þessari skák gerðist aldrei neitt merkilegt.  Staðan lokaðist og niðurstaðan því jafntefli.

Patrekur Maron Magnússon (1872) - Nikola Potpara, MNE (1883)  1-0

Fljótlega eftir byrjunina fékk Patrekur heldur verri stöðu.  Hann tefldi vörnina vel í framhaldinu og eftir mikla baráttu hafði hann loks sigur.  Tími til kominn að barátta hans og dugnaður skili sigri.

U-18 stúlkur:

Tinna Kristín Finnbogadóttir (1655) - Melodi Dincel, TUR (1845)  0-1

Ekki góð skák hjá Tinnu.  Hún tefldi þó byrjunina ágætlega en brenndi sig á því að sækja of skart fram með peðum í stað þess að koma öllum mönnunum út.  Fyrirvaralaust vafði mát í borði yfir og skákin tapaðist í framhaldinu.  Tinna hefur samt verið að tefla vel á mótinu og á eftir að uppskera samkvæmt því.

U-18 drengir:

Sverrir Þorgeirsson (2102) - Aydin Acarbay, TUR (1825)  0-1

Sverrir hefur verið frekar lánlaus á þessu móti og var það enn í dag.  Hann tefldi mjög athyglisverða skák (slavi með skiptum litum) og fékk fína stöðu.  Hann teygði sig þó of langt í að vinna peð áður en kóngurinn var kominn í skjól og kóngstaðan gaf eftir.  Slæmt tap í skák sem ekki hefði þurft að fara svona illa.  Sverrir kemst vonandi á skrið í næstu umferðum.

Daði Ómarsson (2029) - Daniel Izso, HUN (2233)  1-0

Flott skák hjá Daða.  Raunverulega voru u.þ.b. 20 fyrstu leikirnir tefldir heima!  Við vorum með nákvæmlega sömu stöðuna á eldhúsborðinu í morgun og kom upp í skákinni.  Daði sýndi góðan skilning á stöðunni og vann þarna góðan sigur.

Davíð Ólafsson

Nýr pistill frá Eddu

Nýjan pistil frá Eddu Sveinsdóttir fararstjóra á EM ungmenna má nú finna á bloggsíðu hennar. 

Úrslitaviðureign Bola og TR fer fram á morgun

Úrslitaviðureign Taflfélags Bolungarvíkur og Taflfélags Reykjavíkur fer fram á morgun föstudag á Bolungarvík.  Lið félaganna skipa:

TR

• 1. Stefán Krisjánsson
• 2. Arnar Gunnarsson
• 3. Guðmundur Kjartansson
• 4. Bergsteinn Einarsson
• 5. Júlíus Friðjónsso
• 6. Kristján Örn Elíasson
• Liðsstjóri og varamaður:  Óttar Felix Hauksson

 

TB

• 1. Jón L Árnason
• 2. Jón Viktor Gunnarsson
• 3. Bragi Þorfinnsson
• 4. Dagur Arngrímsson
• 5. Guðmundur Gíslason
• 6. Magnús Pálmi Örnólfsson
• 7. Halldór Grétar Einarsson
• 8. Árni Ármann Árnason
• 9. Unnsteinn Sigurjónsson
• 10. Magnús Sigurjónsson
• Liðsstjóri:  Guðmundur Daðason

 

EM ungmenna - Pistill 3. umferða

 

Í þriðju umferð, líkt og fyrri tveimur umferðunum, vorum við stigalægri á flestum borðum.  Við vorum þó stigahærri á tveimur borðum og jöfn stig voru á einu borði en á sjö borðum vorum við öllu stigalægri.  Stelpurnar héldu uppi heiðri okkar og skiluðu þremur af fjórum vinningum í hús.

U-12 drengir:

Friðrik Þjálfi Stefánsson (0) -  Nassim Azizi, GER (0)  ½-½

Friðrik Þjálfi fékk fína stöðu út úr byrjuninni og vann mjög fljótlega peð.  Skömmu síðar yfirsást honum gervi-mannsfórn andstæðingsins sem kostaði hann tvö peð og var þá orðinn peði undir.  Friðrik tefldi framhaldið vel og var aldrei í taphættu.  Ágæt skák sem endaði með jafntefli.

U-14 stúlkur:

Geirþrúður Anna Guðmundsdóttir (0) - Svetlana Mirzabekyan, ARM (1847)  1-0

Góð skák hjá Geirþrúði í dag.  Hún tefldi byrjunina vel, fékk heldur betri stöðu og var með áætlunina á hreinu alla skákina.  Virkilega vel teflt og öruggur sigur.

 

U-14 drengir:

Dagur Andri Friðgeirsson (1812) - Ivaylo Stoyanov, BUL (1978)  0-1

Dagur fór í röng uppskipti í byrjuninni og fékk heldur verri stöðu.  Andstæðingur hans tefldi framhaldið mjög vel og sigraði örugglega í þessari skák.  Dagur var með á hreinu hvað fór úrskeiðis hjá honum og mun ekki lenda í svona aftur.

U-16 stúlkur:

Hallgerður Helga Þorsteinsdóttir (1907) - Maryann McDonald, SCO (0)  1-0

Hallgerður heldur áfram að tefla vel.  Sú skoska reyndist ekki mikil fyrirstaða og vann Hallgerður þessa skák örugglega.

 

Jóhanna Björg Jóhannsdóttir (1655) - Ebru Kaplan, TUR (1878)  1-0

Góð skák hjá Jóhönnu.  Tyrkneska stúlkan var lögð að velli í skemmtilegri skák.  Hér nýtti Jóhanna styrkleika sinn í taktík vel og vann laglegan sigur.  Þessu vil ég sjá meira af!

U-16 drengir:

Hjörvar Steinn Grétarsson (2299) - Pawel Kowalczyk, POL (2138)  ½-½

Mikil baráttuskák þar sem Hjörvar var með heldur betra alla skákina.  Pólverjinn varðist vel og niðurstaðan því jafntefli.

Sebastian Muheim, SVI (2104) - Patrekur Maron Magnússon (1872)  1-0

Patrekur víxlaði leikjum í byrjuninni og fékk ekki alveg stöðuna sem hann vildi.  Hann missti síðan af besta framhaldinu og tapaði í afar erfiðri skák.

U-18 stúlkur:

Maria Dvoranova, SVK (1891) - Tinna Kristín Finnbogadóttir (1655)  1-0

Ágæt skák lengi framan af hjá Tinnu.  Andstæðingur hennar hélt þó frumkvæðinu alla skákina og ónákvæmi í vörninni kostuðu þessa skák.

U-18 drengir:

Anastasios Pavlidis, GRE (2270) - Sverrir Þorgeirsson (2102)  1-0

Sérlega flókin og lífleg skák.  Stundum koma hinar furðulegustu stöður með háu flækjustigi upp hjá Sverri og var þetta ein af þeim.  Sverrir missti þráðinn við skemmtilega riddarafórn andstæðingsins á f7 og fann ekki best framhaldið og mátti því sætta sig við tap.

Nikolai Shukh, ARM (2370) - Daði Ómarsson (2029)  1-0

Mikil baráttuskák hjá Daða með svörtu gegn mjög sterkum andstæðingi.  Skákin var lengi vel í jafnvægi en andstæðingur Daða tefldi mjög vel og knúði fram sigur.  Daði var samt ekki langt frá því að ná punkti þarna.

Davíð Ólafsson

Fimmtudagsmót TR hefjast í kvöld kl. 19.30

Tefldar verða 7 umferðir með 7 mínútna umhugsunartíma og er teflt í Skákhöll TR, Faxafeni 12.  Húsið opnar kl. 19.10.

Þátttökugjald er kr 500 en ókeypis fyrir 15 ára og yngri og boðið verður upp á léttar veitingar án endurgjalds.  Mótin eru opin öllum.  Nánari upplýsingar um fyrirkomulag mótanna má finna á vef Taflfélags Reykjavíkur, http://taflfelag.is/?c=frettir&id=394&lid=&pid=

Stjórn Taflfélags Reykjavíkur hvetur alla skákáhugamenn til að mæta og upplifa stemninguna í Skákhöllinni.