Aðalfundur TR

Aðalfundur Taflfélags Reykjavíkur 2008  verður haldinn fimmtudaginn 14. ágúst kl. 20  í húsakynnum félagsins að Faxafeni 12 í Reykjavík

Allir félagsmenn eru hvattir til að mæta. Venjuleg aðalfundarstörf.

Stjórnin.

Guðmundur með jafntefli í níundu umferð

FIDE-meistarinn, Guðmundur Kjartansson (2328), gerði jafntefli við Miguel Angel Alvarez Ramirez (2194) frá Mexíkó í níundu umferð heimsmeistaramóts unglinga, sem fram fór í dag í Gaziantep í Tyrklandi.  Guðmundur hefur 4 vinninga og er í 66.-83. sæti.  

Þýski alþjóðlegi meistarinn Arik Braun (2533) er efstur með 7½ vinning en hann er aðeins 23. stigahæsti keppandinn og óhætt að segja að árangur hans hafi komið á óvart.   Stórmeistararnir David Howell (2651), Englandi, og Maxim Rodshtein (2605), Ísrael, eru í 2.-3. sæti með 7 vinninga.  

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Wang Yue, Gashimov, Aronian og Radjabov efstir í Sochi

Fimm af sjö skákum í 10. umferð á FIDE Grand - mótinu lauk með hreinum úrslitum í dag.  Fjórir skákmenn leiða nú með 6 vinninga eða með tvo í plús en það eru Kínverjinn Wang Yue (2704), Aserarnir Vugar Gashimov (2717) og Teimour Radjabov (2744) og Armeninn Levon Aronian (2737).

 Úrslit 10. umferðar:

Name	Rtg	Res.	Name	Rtg
Kamsky Gata	2723	½  -  ½	Jakovenko Dmitry	2709
Gashimov Vugar	2717	1  -  0	Al-Modiahki Mohamad	2556
Svidler Peter	2738	0  -  1	Karjakin Sergey	2727
Cheparinov Ivan	2687	0  -  1	Aronian Levon	2737
Gelfand Boris	2720	1  -  0	Ivanchuk Vassily	2781
Radjabov Teimour	2744	1  -  0	Navara David	2646
Grischuk Alexander	2728	½  -  ½	Wang Yue	2704

 

Staðan:

Rank		Name	Rtg	FED	Pts	SB.
1	GM	Wang Yue	2704	CHN	6	30,50
2	GM	Gashimov Vugar	2717	AZE	6	27,75
3	GM	Aronian Levon	2737	ARM	6	27,50
4	GM	Radjabov Teimour	2744	AZE	6	26,75
5	GM	Cheparinov Ivan	2687	BUL	5½	26,75
6	GM	Kamsky Gata	2723	USA	5½	26,00
7	GM	Karjakin Sergey	2727	UKR	5½	25,25
8	GM	Grischuk Alexander	2728	RUS	5	25,50
9	GM	Jakovenko Dmitry	2709	RUS	5	24,75
10	GM	Ivanchuk Vassily	2781	UKR	5	24,00
11	GM	Gelfand Boris	2720	ISR	4½	22,00
12	GM	Svidler Peter	2738	RUS	4	21,00
13	GM	Navara David	2646	CZE	3	14,75
14	GM	Al-Modiahki Mohamad	2556	QAT	3	13,50

 

• Heimasíða mótsins
• Skákirnar í beinni (byrja kl. 11)

Arnþór Sævar í TR

Arnþór Sævar Einarsson (2246) hefur gengið til liðs við Taflfélag Reykjavíkur.  Arnþór Sævar hefur síðustu ár verið í Helli.

 

Borgarskákmótið fer fram 18. ágúst

Borgarskákmótið fer fram mánudaginn 18. ágúst, og hefst það kl. 16:00.  Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár.  Gera má ráð fyrir að margir af sterkustu skákmönnum þjóðarinnar taka þátt í því.   Skákmenn eru hvattir til að skrá sig sem fyrst. Mótið er öllum opið og er þátttaka ókeypis en skráning fer fram á www.hellir.com. 

Einnig er hægt að skrá sig í  í síma 866 0116.   Tefldar verða 7 umferðir með 7 mínútna umhugsunartíma.     Þetta er í 23. sinn sem mótið fer fram og er þetta iðulega eitt best sótta skákmót hvers árs.  Í fyrra sigraði  Stefán Kristjánsson, sem þá tefldi fyrir RARIK.  Athyglisvert er að allir þeir sem hafa sigrað á mótinu frá upphaf eru nú ýmist stórmeistarar eða alþjóðlegir meistarar. 

Verðlaun:

1. 15.000 kr.
2. 10.000 kr.
3.   5.000 kr. 

Sigurvegarar frá upphafi:

• 1986: Íslenska álfélagið (Helgi Ólafsson)
• 1987: Hótel Loftleiðir (Jón L. Árnason
• 1988: Bílaborg (Karl Þorsteins)
• 1989: VISA-Ísland (Þröstur Þórhallsson)
• 1990: Íslenskir aðalverktakar (Þröstur Þórhallsson)
• 1991: Nesti (Haukar Angantýsson)
• 1992: Eimskip (Helgi Áss Grétarsson)
• 1993: Dagvist barna (Héðinn Steingrímsson)
• 1994: Sveinsbakarí (Helgi Áss Grétarsson)
• 1995: Búnaðarbanki Íslands (Margeir Pétursson)
• 1996: Íslenskir aðalverktakar (Hannes Hlífar Stefánsson)
• 1997: Gras efnavörur (Arnar E. Gunnarsson)
• 1998: Hrói Höttur (Jón Garðar Viðarsson)
• 1999: MP verðbréf (Margeir Pétursson)
• 2000: Innkaupastofnun Reykjavíkurborgar (Helgi Ólafsson)
• 2001: Verkfræðistofan Afl (Hannes Hlífar Stefánsson)
• 2002: Hlöllabátar (Hannes Hlífar Stefánsson)
• 2003: NASA (Helgi Ólafsson)
• 2004: SPRON (Jón Viktor Gunnarsson)
• 2005: RST-Net (Arnar E. Gunnarsson)
• 2006: Menntasvið Reykjavíkurborgar (Arnar E. Gunnarsson)
• 2007: RARIK (Stefán Kristjánsson)
• 2008: ??????????????????

Róbert Lagerman lyfti bikarnum á Greenland Open 2008

Sextíu og fjórir þátttakendur skráðu sig til leiks á sjötta Greenland Open mótinu á austurströnd Grænlands sem fram fór í gær, laugardaginn 9. ágúst í íþróttahöllinni í Tasiilaq. Gríðarlega skemmtileg stemning myndaðist á mótinu þar sem íslenskir meistarar og áhugamenn, grænlenskir krakkar og nokkrir harðir danir börðust við borðin. Yngsti þátttakandinn var Aqqa Larsen sem er fimm ára og mætti í hverja skák eins og sannur veiðimaður, lék af miklum krafti og náði að leggja nokkra.

Mótið var að þessu sinni til heiðurs Sigurði "ísmanni" Péturssyni, sem verður sextugur í haust. Hann hefur um árabil búið í Kuummiut, fimm hundruð manna þorpi og siglt með sendinefndir Hróksins ófáar ferðirnar milli bæja, auk þess að hýsa þá sem haldið hafa uppi skáklífinu i Kuummiut.

Fyrir mótið var stjórn Löberen - biskupsins - skákfélaginu i Tasiilaq, þökkuð samvinnan og góðar mótttökur. Fengu stjórnarmenn íslenska tónlist í boði Smekkleysu og glæsilegt eðaltaflsett að gjöf, sem greinilega fyllti þá krafti því þeir veittu Íslendingunum harða keppni.

Tefldar voru níu umferðir eftir Monradkerfi þar sem umhugsunartíminn var 7 mínútur. Fyrir síðustu umferð var svo Sigurður kallaður á svið og hann hlaðinn gjöfum, íþróttagalla frá Henson, konfekti frá Sandholt, íslenskri tónlist og að auki fékk hann taflborð áritað af sjálfum Garry Kasparov.

Þegar upp var staðið voru þeir Róbert og Einar K. Einarsson efstir með 7,5 vinninga en Róbert nokkru hærri á stigum. Lagði hann Arnar Valgeirsson á fyrsta borði í síðustu umferð en Einar hafði sigur gegn Pétri Atla Lárussyni á öðru borði.

Veitt voru verðlaun fyrir efstu sæti hjá dömunum en þar kom í þriðja sæti Ingrid Kalia, í því öðru Saga Kjartansdóttir, andlit Hróksins í ferðinni og sú sem afhenti vinningana. Efst stúlkna varð Lea Ignatiussen og fékk hún glæsilega skáktölvu auk verðlaunapenings auðvitað.

Veitt voru verðlaun fyrir þá sem ekki voru í leiðangri Hróksins og þriðji varð Gaba Taunajik, annar hinn eitilharði kennari og meðstjórnandi Löberen, Hans Erik Larsen og efstur á palli sjálfur formaðurinn, Polle Lindt, sem stoltur tók á móti Kasparovborði og eðalköllum með gullmedalíu um háls. Náði hann fjórða sæti í mótinu sem er stórgóður árangur því margir öflugir skákmenn tóku þátt.

En þá voru það verðlaun fyrir efstu sætin: Spánverjinn öflugi Jorge Rodrigez Foncega náði bronsinu með sigri á Gunnari Frey Rúnarssyni í síðustu umferðinni, Einar K. Einarsson fékk silfrið og Róbert Lagerman, varaforseti Hróksins, fagnaði gullinu og lyfti glæsilegum bikar á loft við gríðarlegar undirtektir.

Svo var dregið um fimmtán happadrættisvinninga sem komu frá Henson, Smekkleysu og Sandholt, en ungur piltur hreppti þó glæsilega skáktölvu og brosti breitt.

Er Róbert þá sá eini sem hampað hefur bikarnum tvisvar á Greenland Open, en hann vann einnig 2005. Englendingurinn Luke McShane vann 2003, Jóhann Hjartarson 2004, Henrik Danielsen 2006 og forseti skáksambands Íslands, Björn Þorfinnsson í fyrra.

Ótrúleg veðurblíða hefur verið í Tasiilaq alla vikuna og engin lát eru á. Leiðangursmenn nota sunnudaginn til að fara í göngutúra um nágrennið þar sem náttúrufegurðin er engu lík, pakka niður og tefla við grænlensku krakkana sem koma í heimsókn og vilja meiri skák.

Eldsnemma í fyrramálið verður svo hoppað um borð í Þyt, fley Sigurðar ísmanns, sem kemur leiðangursmönnum til Kulusuk þar sem flogið verður með Flugfélagi Íslands, helsta styrktaraðila ferða Hróksins til Grænlands, heim til Reykjavíkur.

Lokastaðan:

 

1-2  Róbert Lagerman (1)                       2364     8.5     

       Einar K. Einarsson (3)                     2100     8.5     

  3   Jorge Fonseqa (4)                            2040     7       

  4   Polle Lind (38)                                             6.5    

5-14  Gunnar Freyr Rúnarsson (2)          2120    6       

      Pétur Atli Lárusson (5)                     2000     6      

      Arnar Valgeirsson (59)                                  6       

      Ásgeir Sandholt (48)                                     6       

      Hans Erik Larsen (36)                                   6      

      Guðmundur Valdimar Guðmundsson (14)    6

      Gaba Taunajik (56)                                       6    

      Anders Pivat (47)                                          6      

      Konrad Larsen (34)                                      6    

      Mathias Kunuk (33)                                     6   

15-17 Toby Sigurðsson (50)                               5.5

      Aqqaluk Johansen (19)                                5.5  

      Hákon Svavarsson (53)                               5.5     

18-27 Atli Viðar Thorstensen (57)                    5  

      Sigurður Ismand (61)                                  5       

      Jökull Arnarsson (8)                                   5       

      Dines Ignatiussen (15)                               5      

      Age Konelionsen (27)                                5     

      Josva Jörgensen (21)                                  5       

    Ásgeir Bergmann (11)                                 5     

      Ferdinand Mikaelsen (43)                         5 

     Andri Thorstensen (58)                              5    

   Hans Ib Kuitse (30)                                      5      

• Heimasíða Grænlandsfaranna
• Myndaalbúm ferðarinnar

Guðmundur vann í áttundu umferð

FIDE-meistarinn, Guðmundur Kjartansson (2328), vann Tyrkjann Berc Deruni (2032) í áttundu umferð heimsmeistaramóts ungmenna, sem fram fór í dag í Gaziantep í Tyrklandi.  Guðmundur hefur 3½ vinning og er í 67.-82. sæti.  

Í níundu umferð, sem fram fer á morgun, teflir Guðmundur við Miguel Angel Alvarez Ramirez (2194) frá Mexíkó. 

Eftir með 6½ vinning eru kínverski stórmeistarinn Chao B Li (2590) og þýski alþjóðlegi meistarinn Arik Braun (2533).

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Æfingarkeppnin á milli EM- og HM-fara

Æfingakeppni milli skákliðs EM-fara og skákliðs MH fór fram í húsnæði Skáksambands Íslands helgina 9.-10. ágúst.

Tefldar voru kappskákir, 90 mín. á skák og 30 sek. á leik.  Mótshaldarar voru Edda Sveinsdóttir og Torfi Leósson.  Helgi Ólafsson kom í heimsókn báða dagana og fór yfir skákir með krökkunum.

Þar sem þetta var æfingamót var hart barist og allar skákir tefldar í botn.  Lokaúrslit urðu 10-6 fyrir skáklið MH sem teflir á Norðurlandamótinu á Íslandi í haust, en þess má geta að margir sterkir
forfölluðust í lið EM-fara, enda fór æfingamótið fram á sumarleyfistímanum.

Skáklið EM-fara:

Sverrir Þorgeirsson  1,5 af 2
Hallgerður Helga Þorsteinsdóttir 1,5 af 4
Jóhanna Björg Jóhannsdóttir 2 af 4
Geirþrúður Anna Guðmundsdóttir 0 af 2
Helgi Brynjarsson (gestur) 1 af 2
Sigríður Björg Helgadóttir (gestur) 0 af 2

Skáklið MH:

Atli Freyr Kristjánsson 2,5 af 4
Daði Ómarsson 2,5 af 4
Matthías Pétursson 3,5 af 4
Tinna Kristín Finnbogadóttir 1,5 af 4

1. umf.

Sverrir Þorgeirsson - Atli Freyr Kristjánsson 1-0
Hallgerður Helga Þorsteinsdóttir - Daði Ómarsson 0-1
Jóhanna Björg Jóhannsdóttir - Tinna Kristín Finnbogadóttir 1-0
Helgi Brynjarsson - Matthías Pétursson 0,5-0,5

2. umf.
Atli Freyr Kristjánsson - Hallgerður Helga Þorsteinsdóttir 0,5-0,5
Daði Ómarsson - Jóhanna Björg Jóhannsdóttir 0-1
Matthías Pétursson - Sigríður Björg Helgadóttir 1-0
Tinna Kristín Finnbogadóttir – Helgi Brynjarsson 0,5-0,5

3. umf.
Atli Freyr Kristjánsson - Geirþrúður Anna Guðmundsdóttir 1-0
Daði Ómarsson - Sverrir Þorgeirsson 0,5-0,5
Matthías Pétursson - Jóhanna Björg Jóhannsdóttir 1-0
Tinna Kristín Finnbogadóttir - Hallgerður Helga Þorsteinsdóttir 0-1

4. umf.
Sigríður Björg Helgadóttir - Tinna Kristín Finnbogadóttir 0-1
Hallgerður Helga Þorsteinsdóttir - Matthías Pétursson 0-1
Jóhanna Björg Jóhannsdóttir - Atli Freyr Kristjánsson 0-1
Geirþrúður Anna Guðmundsdóttir - Daði Ómarsson 0-1

Cheparinov og Wang Yue efstir í Sochi

Búlgarinn Ivan Cheparinov (2687) og Kínverjinn Wang You (2704) eru efstir og jafnir með 5½ vinning að lokinni níundu umferð FIDE Grand Prix-mótsins, sem fram fór í dag í Sochi í Rússlandi.  Sem fyrr var mikið um jafntefli en Kínverjinn var eini sigurvegari dagsins þegar hann vann Radjabov (2744).  Frídagur er á morgun. 

 

 

Úrslit 9. umferðar:

 

Name	Rtg	Res.	Name	Rtg
Grischuk Alexander	2728	½  -  ½	Kamsky Gata	2723
Wang Yue	2704	1  -  0	Radjabov Teimour	2744
Navara David	2646	½  -  ½	Gelfand Boris	2720
Ivanchuk Vassily	2781	½  -  ½	Cheparinov Ivan	2687
Aronian Levon	2737	½  -  ½	Svidler Peter	2738
Karjakin Sergey	2727	½  -  ½	Gashimov Vugar	2717
Al-Modiahki Mohamad	2556	½  -  ½	Jakovenko Dmitry	2709

Staðan:

 

 

Rank		Name	Rtg	FED	Pts	SB.
1	GM	Cheparinov Ivan	2687	BUL	5½	24,50
2	GM	Wang Yue	2704	CHN	5½	24,25
3	GM	Gashimov Vugar	2717	AZE	5	22,25
4	GM	Ivanchuk Vassily	2781	UKR	5	21,75
5	GM	Radjabov Teimour	2744	AZE	5	21,50
6	GM	Kamsky Gata	2723	USA	5	21,25
7	GM	Aronian Levon	2737	ARM	5	20,25
8	GM	Grischuk Alexander	2728	RUS	4½	19,50
9	GM	Jakovenko Dmitry	2709	RUS	4½	19,50
10	GM	Karjakin Sergey	2727	UKR	4½	19,50
11	GM	Svidler Peter	2738	RUS	4	18,25
12	GM	Gelfand Boris	2720	ISR	3½	15,75
13	GM	Navara David	2646	CZE	3	13,50
14	GM	Al-Modiahki Mohamad	2556	QAT	3	12,75

 

 

• Heimasíða mótsins
• Skákirnar í beinni (byrja kl. 11)

Guðmundur tapaði í sjöundu umferð

FIDE-meistarinn, Guðmundur Kjartansson (2328), tapaði fyrir, Tyrkjanum Fetri Apaydin (2187) í sjöundu umferð heimsmeistaramóts unglinga sem fram fór í dag í Gaziantep í Tyrklandi.  Guðmundur hefur 2½ vinning og er í 86.-94. sæti. 

Frídagur er á morgun en í áttundu umferð, sem fram fer á sunnudag, teflir Guðmundur við Tyrkjann Berc Deruni (2032). 

Efstir með 6 vinninga eru enski stórmeistarinn David Howell (2561) og þýski alþjóðlegi meistarinn Arik Braun (2533).

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins