Guðmundur gerði jafntefli í tólftu umferð

FIDE-meistarinn, Guðmundur Kjartansson (2328), gerði jafntefli við Portúgalann Ricardo Sousa (2133) í tólftu og næstsíðustu umferð í dag í Gaziantep í Tyrklandi.  Guðmundur hefur 5 vinninga og er í 81.-90. sæti. 

Enn á ný eru á forystuskipti á mótinu.  Efstir með 9 vinninga fyrir lokaumferðina eru stórmeistararnir David Howell (2561), Englandi, og Abhijeet Gupta (2551) og Parimerjan Negi (2529), Indlandi.  

Guðmundur mætir Bosníumanninum Slavisa Ilic (2081) í 13. og síðustu umferð mótsins sem fram fer í fyrramálið. 

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Aðalfundur TR fer fram í kvöld

Aðalfundur Taflfélags Reykjavíkur 2008  verður haldinn fimmtudaginn 14. ágúst kl. 20  í húsakynnum félagsins að Faxafeni 12 í Reykjavík

Allir félagsmenn eru hvattir til að mæta. Venjuleg aðalfundarstörf.

Stjórnin.

Frestur til að skila mótum til stigaútreiknings að renna út

Frestur til að skila mótum til stigaútreiknins rennur út á morgun 15. ágúst.  Mótum skal skila til Omars Salama í netfangið í [e-mail].

Guðmundur tapaði í 11. umferð

FIDE-meistarinn, Guðmundur Kjartansson (2328),tapaði fyrir austurríska skákmanninum Gareth Oliver (2196) í elleftu umferð heimsmeistaramóts unglinga, sem fram fór í dag í Gaziantep í Tyrklandi. Guðmundur hefur 4,5 vinning og er í 81.-92. sæti. 

Enn eru forystuskipti á mótinu en þýski alþjóðlegi meistarinn Arik Braun (2533) er aftur kominn í forystu en hann hefur 8,5 vinninga.   Braun er aðeins 23. stigahæsti keppandi mótsins.  Sex skákmenn hafa 8 vinninga svo búast má við afar harði baráttu um heimsmeistaratitilinn.

Guðmundur mætir Portúgalanum Ricardo Sousa (2133) í tólftu og næstsíðustu umferð, sem fram fer á morgun.    

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Aronian efstur fyrir lokaumferðina

Armenski stórmeistarinn Levon Aronian (2737) hefur hálfs vinnings forskot fyrir lokaumferð FIDE Grand-mótsins eftir jafntefli við Aserann Teimour Radjabov (2744).  Rússinn Svidler (2738) vann landa sinn Jakovenko (2709) en öðrum skákum lauk með jafntefli.  Kínverjinn Wang Yue (2704), Úkraíninn Sergey Karjakin (2727) og Radjabov eru í 2.-4. sæti, hálfum vinning á eftir Armenanum.  

Lokaumferðin hefst kl. 10 í fyrramálið.   

 

Úrslit 12. umferðar:

 

Name	Rtg	Res.	Name	Rtg
Kamsky Gata	2723	½  -  ½	Gashimov Vugar	2717
Svidler Peter	2738	1  -  0	Jakovenko Dmitry	2709
Cheparinov Ivan	2687	½  -  ½	Al-Modiahki Mohamad	2556
Gelfand Boris	2720	½  -  ½	Karjakin Sergey	2727
Radjabov Teimour	2744	½  -  ½	Aronian Levon	2737
Grischuk Alexander	2728	½  -  ½	Ivanchuk Vassily	2781
Wang Yue	2704	½  -  ½	Navara David	2646

Staðan:

Rank		Name	Rtg	FED	Pts	SB.
1	GM	Aronian Levon	2737	ARM	7½	41,50
2	GM	Wang Yue	2704	CHN	7	41,50
3	GM	Karjakin Sergey	2727	UKR	7	39,75
4	GM	Radjabov Teimour	2744	AZE	7	37,75
5	GM	Kamsky Gata	2723	USA	6½	38,50
6	GM	Gashimov Vugar	2717	AZE	6½	36,50
7	GM	Ivanchuk Vassily	2781	UKR	6	36,50
8	GM	Jakovenko Dmitry	2709	RUS	6	36,25
9	GM	Grischuk Alexander	2728	RUS	6	35,75
10	GM	Cheparinov Ivan	2687	BUL	6	34,50
11	GM	Svidler Peter	2738	RUS	6	34,50
12	GM	Gelfand Boris	2720	ISR	5	30,00
13	GM	Navara David	2646	CZE	4	24,50
14	GM	Al-Modiahki Mohamad	2556	QAT	3½	19,50

• Heimasíða mótsins
• Skákirnar í beinni

Hafnarmót á Akureyri í dag

Skákfélag Akureyrar og Hafnasamlag Norðurlands standa fyrir útihraðskákmóti á Oddeyrarbryggju á miðvikudaginn 13. ágúst, og hefst taflið kl. 11.00 f.h.  Áætlað að það ljúki um kl. 13.00.  Ekkert þátttökugjald.  

Eitt stærsta skemmtiferðaskip sem hefur komið til Akureyrar leggst að bryggju á miðvikudagsmorgun en það heitir Grand Princess og er um 109 þúsund lestir og 289 m að lengd.  

Stórmót Árbæjarsafns og Taflfélags Reykjavíkur

Hið árlega Stórmót Árbæjarsafns og Taflfélags Reykjavíkur fer fram sunnudaginn næstkomandi, 17. ágúst.

Teflt er í Kornhlöðuhúsinu í Árbæjarsafni, eins og undanfarin ár, og hefst mótið kl.14.

Tefldar verða 7 skákir með umhugsunartímanum 7 mín. á skák.

Verðlaun verða:

• 1. 10.000 kr.
• 2.   7.000 kr.
• 3.   5.000 kr.

Þátttökugjöld eru:

• Fullorðnir (18 ára og eldri): kr. 600
• Börn 17 ára og yngri: ókeypis

 

Guðmundur gerði jafntefli í tíundu umferð

FIDE-meistarinn, Guðmundur Kjartansson (2328), gerði jafntefli við filippseyska skákmanninn  Pascua Haridas (2174) í tíundu umferð heimsmeistaramóts unglinga, sem fram fór í dag í Gaziantep í Tyrklandi.  Guðmundur hefur 4,5 vinning og er í 66.-82. sæti.   

Ísraelski stórmeistarinn, Maxim Rodshtein (2605), er efstur með 8 vinninga.  Þýski alþjóðlegi meistarinn Arik Braun (2533) og filippseyski stórmeistarinn Wesley So (2577) eru í 2.-3. sæti með 7,5 vinning.  

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Aronian efstur í Sochi

Með tveimur sigrum í röð hefur armenski stórmeistarinn Levon Aronian (2737) tekið forystuna á FIDE Grand-mótinu, sem fram fer í Sochi í Rússlandi. Í dag sigraði hann Ísraelann Boris Gelfand (2720).   Enn á ný var fremur fjörleg umferð en fjórum skákum lauk með hreinum úrslitum.  Í 2-4. sæti eru Kínverjinn Wang Yue (2704), Úkraninn Sergey Karjakin (2727) og Aserinn Teimour Radjabov (2744).

Úrslit 11. umferðar:

 

Name	Rtg	Res.	Name	Rtg
Wang Yue	2704	½  -  ½	Kamsky Gata	2723
Navara David	2646	½  -  ½	Grischuk Alexander	2728
Ivanchuk Vassily	2781	½  -  ½	Radjabov Teimour	2744
Aronian Levon	2737	1  -  0	Gelfand Boris	2720
Karjakin Sergey	2727	1  -  0	Cheparinov Ivan	2687
Al-Modiahki Mohamad	2556	0  -  1	Svidler Peter	2738
Jakovenko Dmitry	2709	1  -  0	Gashimov Vugar	2717

Staðan:

 

 

Rank		Name	Rtg	FED	Pts	SB.
1	GM	Aronian Levon	2737	ARM	7	34,50
2	GM	Wang Yue	2704	CHN	6½	36,25
3	GM	Karjakin Sergey	2727	UKR	6½	33,75
4	GM	Radjabov Teimour	2744	AZE	6½	31,00
5	GM	Jakovenko Dmitry	2709	RUS	6	33,25
6	GM	Kamsky Gata	2723	USA	6	32,25
7	GM	Gashimov Vugar	2717	AZE	6	30,25
8	GM	Ivanchuk Vassily	2781	UKR	5½	30,50
9	GM	Grischuk Alexander	2728	RUS	5½	30,00
10	GM	Cheparinov Ivan	2687	BUL	5½	29,50
11	GM	Svidler Peter	2738	RUS	5	26,00
12	GM	Gelfand Boris	2720	ISR	4½	24,25
13	GM	Navara David	2646	CZE	3½	19,25
14	GM	Al-Modiahki Mohamad	2556	QAT	3	15,25

 

• Heimasíða mótsins
• Skákirnar í beinni (byrja kl. 11)

Hafnarmót á miðvikudag

Skákfélag Akureyrar og Hafnasamlag Norðurlands standa fyrir útihraðskákmóti á Oddeyrarbryggju á miðvikudaginn 13. ágúst, og hefst taflið kl. 11.00 f.h.  Áætlað að það ljúki um kl. 13.00.  Ekkert þátttökugjald.  

Eitt stærsta skemmtiferðaskip sem hefur komið til Akureyrar leggst að bryggju á miðvikudagsmorgun en það heitir Grand Princess og er um 109 þúsund lestir og 289 m að lengd.