Vefsíða um stórmótið í Djúpavík til minningar um Pál Gunnarsson

Sett hefur verið upp vefsíða um Stórmótið í Djúpavík til minningar um Pál Gunnarsson sem fram fer 20. og 21. júní nk.  

Vefsíða mótsins 

Sverrir sigraði á Grand Prix-móti

Fall er fararheill er oft sagt. Sverrir Þorgeirsson skákmeistarinn efnilegi úr Hafnarfirði mætti alþjóðlega meistaranum Arnari E.Gunnarssyni í fyrsu umferð Grand Prix mótsins í gærkvöldi og varð að lúta í lægra haldi. 

Sverrir lét síðan engan bilbug á sér finna, lagði hvern andstæðingin af öðrum að velli og stóð að lokum uppi sem sigurvegari kvöldsins með 6 vinninga af 7 mögulegum. Þrátt fyrir að þurfa að láta sér lynda annað sætið i þessu móti, með 5 af 7, er  Arnar E. Gunnarsson efstur í Grand Prix mótaröðinni. Pálmi R. Pétursson  og Jorgé Fonseca urðu jafnir Arnari í 2.- 4. sæti með 5 vinninga.  Jafnir í 5.- 6. sæti urðu Helgi Brynjarsson og Kristján Örn Elíasson með 4½.  

Gaman að sjá Pálma R. Pétursson sestan við skákborðið hér sunnan heiða. Hann var um árabil einn sterkasti skákmaður Norðlendinga en er nú búsettur sunnanlands. Unglingaverðlaunin skiptust á milli Benjamíns G. Einarssonar og Dags Kjartanssonar en þeir hlutu báðir 3½ vinning. Þátttakan var nokkuð góð 16 keppendur mættu til leiks að þessu sinni. Grand Prix kannan góða féll sigurvegaranum í skaut og góð tónlistarverðlaun hlutu allir efst menn og unglingar.

Skákstjórninni skiptu þeir bróðurlega á milli sín Helgi Árnason úr Fjölni og Óttar Felix Hauksson TR.

Guðmundur Kristinn Lee í TR

Hinn efnilegi Guðmundur Kristinn Lee, einn af heimsmeisturum Salaskóla, hefur ákveðið að ganga til liðs við Taflfélag Reykjavíkur. Guðmundur hefur verið í Taflfélaginu Helli fram til þessa.

Guðmundur verður öflug viðbót við unglingalið TR, sem ætlar sér stóra hluti á næsta ári, en nýverið gengu tveir aðrir Salaskólastrákar til liðs við TR.

 

Stigamót Hellis fer fram 23.-25. maí

Stigamót Taflfélagsins Hellis verður haldið í sjöunda sinn dagana 23.-25. maí.   Fyrirkomulagi hefur nú verið breytt en að þessu sinni er mótið helgaratskákmót og er öllum opið.  Góð verðlaun eru í boði á mótinu.  

Skráðir keppendur:

• Henrik Danielsen (2510)
• Halldór Brynjar Halldórsson (2221)
• Sævar Bjarnason (2220)
• Páll Sigurðsson (1870)
• Paul Joseph Frigge (1827)
• Dagur Andri Friðgeirsson (1810)

Þátttökugjöld eru kr. 3.000 fyrir fullorna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir flesta til að tefla kappskákir innlands í sumar.   

Núverandi Stigameistari Hellis er Omar Salama

Umferðatafla: 

• 1.-4. umferð, föstudaginn 23. maí (19:30-23:30)
• 5. umferð, laugardaginn 24. maí (11-15)
• 6. umferð, laugardaginn 24. maí (17-21)
• 7. umferð, sunnudaginn 25. maí (11-15)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.com/
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Kaupthing Open: Henrik, Björn og Hannes í beinni

Henrik Danielsen (2511), Hannes Hlífar Stefánsson (2583) og Björn Þorfinnsson (2417) verða í beinni útsendingu á vef Kaupthings Open í dag en þá fer áttunda og næstsíðasta umferð fram.  Henrik teflir við franska stórmeistarann Christian Bauer (2619) en Björn og Hannes tefla saman.  Það gera einnig Jón Viktor Gunnarsson og Ingvar Jóhannesson.  Umferðin hefst kl. 15:30.

• Heimasíða mótsins
• Skákirnar í beinni

Kaupthing Open: Henrik í 5.-11. sæti

Stórmeistarinn Henrik Danielsen (2511) er í 5.-11. sæti með 5 vinninga eftir sjöundu umferð Kaupthings Open sem fram fór í dag í Lúxemborg.  Hannes Hlífar Stefánsson (2583), Stefán Kristjánsson (2483), Björn Þorfinnsson (2417) og Þröstur Þórhallsson (2417) hafa 4½ vinning.  Ingvar Þór Jóhannesson (2344) og Hjörvar Steinn Grétarsson (2291) unnu en aðrir gerðu jafntefli í skákum dagsins.  

Úrslit sjöundu umferðar:

 

Danielsen,Henrik	GM	Gharamian,Tigran	IM	½-½
Stefansson,Hanne	GM	Velicka,Petr	GM	½-½
Kristjansson,Ste	IM	Thorfinnsson,Bjo	FM	½-½
Thorhallsson,Thr	GM	Delorme,Axel	FM	½-½
Nebolsina,Vera	WGM	Gunnarsson,Jon V	IM	½-½
Rudolf,Anna	WGM	Thorfinnsson,Bra	IM	½-½
Johannesson,Ingv	FM	Raykhman,Alexand		1-0
Thalwitzer,David		Gretarsson,Hjorv		0-1

Staðan:

Efstir með 5½ vinning eru stórmeistararnir Andrei Istraescu (2628), Rúmeníu, Parimarjan Negi (2514) og Abhjeet Gupta (2521), Indlandi, og Dmitry Frolyanov (2553), Rússlandi.  Staða íslensku skákmannanna er sem hér segir:

•  5.-11. Henrik 5 v.
• 12.-24. Hannes, Stefán, Björn og Þröstur 4½ v.
• 25.-38. Ingvar og Jón Viktor 4 v.
• 39.-50. Bragi og Hjörvar 3½ v.

Pörun áttundu og næstsíðustu umferðar:

 

Bauer,Christian	GM	Danielsen,Henrik	GM
Thorfinnsson,Bjo	FM	Stefansson,Hanne	GM
Ajrapetjan,Yuriy	GM	Thorhallsson,Thr	GM
D`Costa,Lorin A	FM	Kristjansson,Ste	IM
Gunnarsson,Jon V	IM	Johannesson,Ingv	FM
Gretarsson,Hjorv		Haub,Thorsten Mi	IM
Thorfinnsson,Bra	IM	Wagener,Claude	FM

 

• Heimasíða mótsins
• Skákirnar í beinni

Síðasti dagur til að skila mótum til útreiknings í dag

Síðasti dagur til að skila mótum til skákstigaútreiknings er í dag.  Senda skal mótstöflur í netfangið [e-mail].

 

Ivanchuk efstur í Sofíu

Úkraínski stórmeistarinn Vassily Ivanchuk (2740) er sem fyrr efstur á M-tel mótinu í Sofíu í Búlgaríu þrátt fyrir að hafa gert tvö jafntefli.  Annar er heimamaðurinn Veselin Topalov (2767) með 5 vinninga.  Athygli vekur slök frammistaða Kínverjans Bu Xiangzhi (2708) sem hefur aðeins hlotið 1 vinning og Aronians (2763) sem hefur 2 vinninga. 

Staðan:

• 1. Ivanchuk (2740) 6 v. af 7
• 2. Topalov (2767) 5 v.
• 3.-4. Radjabov (2751) og Cheparionv (2696) 3½ v.
• 5. Aronian (2763) 2 v.
• 6. Bu Xiangzhi (2708) 1 v.

Heimasíða mótsins

Sigur vannst á Dönum

Skáksveit KR fór mikla sigurför til Danmerkur um síðustu helgi þar sem keppt var undir nafninu "KR Skak Artilleriet", Dönum til hrellingar, enda fór svo að sigur vannst á bæði Jótum og Köbenhavn United. 

Laugardaginn 10. maí var keppt  við sameinað lið Jóta í Herning á 22 borðum.   Í fyrri umferð vann "Stórskotalið KR" með 14 v.gegn 8 og í síðari umferð með 13 v. gegn 9 eða alls báðar viðureignirnar með 27 v. -17 v.         Tefldar voru atskákir með 25 mín. umhugsunartíma.

Þriðjudaginn 13. maí var síðan att kappi við styrkt lið Öbro Skakforening í Kaupmannahöfn á 21 borði , en skákklúbburinn hafði fengið ýmsa aðra til liðs við sig.  Sú keppni var mun jafnari og endaði með jafntefli eða 10½ gegn 10½ í báðum uMyndirmferðum eða  alls .21 v. gegn -21.  Því var efnt til bráðbana og tefld 7 mín. hraðskák til úrslita ein umferð, sem KR vann 12½ -8½.. Heildarúrslit urðu því  33½  v. gegn  29½ v. KR í hag.

Sveit KR skipuðu eftirtaldir skákmenn í borðaröð:   Gunnar Kr. Gunnarsson; Gunnar Finnlaugsson; Harway G. Tousigant; Jón Friðjónsson; Árni Einarsson; Hilmar Viggósson; Dr. Ingimar Jónsson; Guðmundur G. Þórarinsson; Daði Guðmundsson; Kristjón Stefánsson,  form; Össur Kristinsson; Stefán Þormar Guðmundsson; Guðfinnur R. Kjartansson; Sigurður E. Kristjánsson; Gísli Gunnlaugsson; Páll G. Jónsson; Kristinn Bjarnason; Grímur Ársælsson; Björn Víkingur Þórðarson; Jón Steinn Elíasson; Einar S. Einarsson, fararstjóri; Árni Þór Árnason.

Var þessi keppnisför og selskapsreisa klúbbfélaganna og eiginkvenna þeirra afar vel lukkuð í alla staði og móttökur höfðinglegar að Dana hálfu. Þetta er þriðja för klúbbsins af þessu tagi og stefnt er að því að að herja á fleiri lönd í fyllingu tímans.  

Ávallt hafa sigrar unnist. 

Myndir má finna í myndaalbúmi 

Hraðkvöld hjá Helli á mánudag

Hraðkvöld hjá Helli verður haldið mánudaginn 19. maí í Hellisheimilinu í Mjódd og hefst kl. 20.  Eins og venjulega eru tefldar 7 umferðir með 7 mínútna umhugsunartíma þannig að mótið tekur tiltölulegan stuttan tíma!  Ljúffeng verðlaun í boði! 

Sigurvegarinn fær pizzu fyrir tvo frá Domionos auk þess sem einn heppinn útdreginn keppandinn fær sömu verðlaun. 

Þátttökugjald er kr. 300 fyrir félagsmenn en kr. 500 fyrir aðra. Þátttökugjald er kr. 200 fyrir 15 ára og yngri félagsmenn en kr. 300 fyrir aðra.

Teflt er í Hellisheimilinu, Álfabakka 14a.  

Allir velkomnir!