Friðrik vann í sjöttu umferð!

Friðrik Ólafsson (2440) er kominn á skrið á alþjóðlega mótinu í Prag í Tékklandi en í sjöttu umferð, sem fram fór í dag, en hann sigraði tékknesku skákkonuna Kateřina Němcová (2369).  Friðrik hefur 2,5 vinning.  Hinir gamalreyndu kappar sigruðu umferðina 2,5-1,5 og leiða nú 12,5-11,5.

Viktorije  Cmilyte er efst kvennanna með 4 vinninga en Hort er efstur hinna gamalreyndu með 5 vinninga og Karpov annar með 4 vinninga.  

Í sjöundu og næstsíðustu umferð, sem fram fer á morgun, teflir Friðrik við tékknesku skákkonuna Jana Jacková (2360).

Skákirnar hefjast kl. 15 en skákirnar eru í beinni á netinu.

• Heimasíða mótsins
• Skákirnar í beinni

Fimmtudagsmót hjá TR í kvöld

Hin
hefðbundnu fimmtudagsmót Taflfélags Reykjavíkur halda áfram í kvöld. 
Tefldar verða 9 umferðir með 7 mínútna umhugsunartíma og hefst mótið
kl. 19.30 en húsið opnar kl. 19.10.  Fríar veitingar í boði og
sigurvegarinn fær að launum glæsilegan verðlaunapening.  Teflt er í
skákhöll Taflfélags Reykjavíkur að Faxafeni 12 og þátttökugjald er kr
500 en frítt fyrir 15 ára og yngri.

Gunnar atskákmeistari öðlinga

Gunnar Björnsson (2146) varð í kvöld atskákmeistari öðlinga en hann hlaut 7½ vinning í 9 skákum.  Annar varð Júlíus Friðjónsson (2234) með 6½ vinning og þriðji varð alþjóðlegi meistarinn Sævar Bjarnason (2219) með 6 vinninga.  

Lokastaðan:

Rk.		Name	FED	RtgI	RtgN	Pts.
1		Bjornsson Gunnar	ISL	2146	2120	7,5
2		Fridjonsson Julius	ISL	2234	2135	6,5
3	IM	Bjarnason Saevar	ISL	2219	2210	6
4		Runarsson Gunnar	ISL	2114	1940	5,5
5		Eliasson Kristjan Orn	ISL	1961	1880	5
6		Valtysson Thor	ISL	2115	2005	5
7		Gunnarsson Magnus	ISL	2129	2035	5
8		Loftsson Hrafn	ISL	2242	2170	5
9		Benediktsson Frimann	ISL	1966	1775	5
10		Thorsteinsson Bjorn	ISL	2185	2190	5
11		Isolfsson Eggert	ISL	0	1865	5
12		Jonsson Sigurdur H	ISL	1878	1775	5
13		Finnsson Gunnar	ISL	0	1870	5
14		Sigurjonsson Johann O	ISL	2181	2110	4,5
15		Hauksson Ottar Felix	ISL	0	1835	3
16		Schmidhauser Ulrich	ISL	0	1525	2
17		Johannesson Petur	ISL	0	1205	1

• Heimasíða TR
• Chess-Results

Jón Viktor sigraði stigahæsta keppenda mótsins og er í 2.-6. sæti

Jón Viktor Gunnarsson sigraði serbneska stórmeistarann Branko Damljanovic (2596), sem er stigahæsti keppandi Belgrad Trophy í sjöundu umferð mótsins sem fram fór í dag.  Jón Viktor hefur 6 vinninga og er í 2.-6. sæti.

Snorri G. Bergsson (2340) og Guðmundur Kjartansson (2284) unnu sínar skákir gegn stigalægri andstæðingum og Dagur Arngrímsson (2392) gerði jafntefli við stigalægri andstæðing.   

Guðmundur og Snorri hafa 5 vinninga og eru í 13.-39. sæti og Dagur hefur 4,5 vinning og er í 40.-59. sæti.  Serbneski stórmeistarinn Srdjan Cvetkovic (2378) er efstur með 6,5 vinning.

Í áttundu og næstsíðustu umferð, sem fram fer á morgun, teflir Jón Viktor við hinn kunna serbneska stórmeistara Dragoljub Velimirovic (2415).   Snorri teflir einnig við kunnan stórmeistara Bosko Abramovic (2484) sem var meðal efstu manna á Reykjavíkurskákmótinu árið 1982.   

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Friðrik með jafntefli í fimmtu umferð í Prag

Friðrik Ólafsson (2440) gerði jafntefli við úkraínsku skákkonuna Anna Usenina (2496) í fimmtu umferð alþjóðlega mótsins þar sem gamalreyndir skákkappar tefla við skákkonur.   Friðrik hefur 1,5 vinning.  Karpov (2651) vann Jana Jacková (2360) og náði þar að hefna ófaranna úr fyrstu umferð en öðrum skákum er ólokið.

Í sjöttu umferð, sem fram fer á morgun, teflir Friðrik við tékknesku skákkonuna Kateřina Němcová (2369).  

Skákirnar hefjast kl. 15 en skákirnar eru í beinni á netinu.

• Heimasíða mótsins
• Skákirnar í beinni
• Skákhornið

Davíð og Björn efstir á atskákmóti Reykjavíkur - Davíð meistari

Davíð Ólafsson og Björn Þorfinnsson urðu jafnir og efstir með 5 vinninga í sex skákum á Atskákmóti Reykjavíkur sem fram fór á fullveldisdaginn 1. desember sl. Mótið var vel skipað en fleiri tóku þátt í mótinu en Atskákmóti Íslands þrátt fyrir að verðlaun væru sextán sinnum lægri!

Mótið var mjög spennandi en fyrir síðustu umferð áttu þrír keppendur raunhæfa möguleika á sigri og tveir til viðbótar fræðilegan möguleika. Davíð, Björn og Magnús Örn voru jafnir fyrir síðustu umferð með 4 vinninga en Björn og Magnús Örn mættust.

Í lokaumferðinni og hafði Björn betur. Á meðan atti Davíð kapp við Sigurð Ingason og hafði sigur. Þeir Björn og Davíð þurftu því að heyja einvígi um titilinn. Í hraðskákeinvíginu unnu þeir sína skákina hvor og stóðu þær viðureignir frekar stutt yfir. Í bráðabananum hafði Davíð loks sigur með svörtu mönnunum. Davíð Ólafsson er því atskákmeistari Reykjavíkur 2008 og í kaupbæti atskákmeistari Hellis 2008.

Lokastaðan á Atskákmóti Reykjavíkur:

• 1.   Davíð Ólafsson                       5v/6 (2-1)
• 2.   Björn Þorfinnsson                   5v    (1-2)
• 3.   Arnar Gunnarsson                  4,5v
• 4.   Magnús Örn Úlfarsson            4v
• 5.   Rúnar Berg                              4v
• 6.   Patrekur Maron Magnússon    4v
• 7.   Sigurbjörn Björnsson              3,5v
• 8.   Gunnar Freyr Rúnarsson         3,5v
• 9.   Jóhanna Björg Jóhannsdóttir  3,5v
• 10. Ingi Tandri Traustason            3,5v
• 11. Sigurður Ingason                     3v
• 12. Vigfús Ó. Vigfússon                  3v
• 13. Helgi Brynjarsson                     3v
• 14. Erlingur Þorsteinsson               3v
• 15. Dagur Kjartansson                   3v
• 16. Björgvin Kristbergsson             3v
• 17. Daði Magnússon                       2,5v
• 18. Hallgerður Helga Þorsteinsdóttir 2,5v
• 19. Birkir Karl Sigurðsson                2,5v
• 20. Örn Stefánsson                         2v
• 21. Ögmundur Kristinsson              2v
• 22. Ólafur Þór Davíðsson                1v
• 23. Pétur Jóhannesson                   1v
• 24. Brynjar Steingrímsson               0v

Friðriksmóts Landsbankans fer fram 13. desember

Friðriksmót Landsbankans fer fram í aðalútibúi Landsbankans í Austurstræti laugardaginn 13. desember nk.og hefst kl. 13.00. Mótið er öllum opið meðan húsrúm leyfir, en þátttakendur eru hvattir til að skrá sig sem fyrst hér á Skák.is.  Húsrúm er miðað við 60 keppendur.    

Verðlaun eru sem hér segir:

• 1) 100.000 kr.
• 2) 60.000 kr.
• 3) 50.000 kr.
• 4) 30.000 kr.
• 5) 20.000 kr.

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Tefldar verða 11 umferðir með 7 mínútna umhugsunartíma á mann og er reiknað með að mótinu ljúki um kl. 16.30.

Þetta er fimmta árið í röð sem Landsbanki Íslands og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Hægt er að fylgjast með skráningu hér.  

Jón Viktor sigraði í sjöttu umferð í Belgrad og er í 2.-13. sæti

Jón Viktor Gunnarsson sigraði FIDE-meistarann Lazar Stavnjak (2251) í sjöttu umferð Belgrad Trophy, sem fram fór í Serbíu í dag.  Dagur Arngrímsson (2392), Snorri G. Bergsson (2340) og Guðmundur Kjartansson (2284) töpuðu hins vegar allir.

Dagur tapaði fyrir, stigahæsta keppenda mótsins, stórmeistaranum, Branko Damljanovic (2596), Snorri fyrir stórmeistarann Goran Cabrilo (2500) og Guðmundur fyrir alþjóðlega meistarann Milan Bozic (2435).

Jón Viktor hefur 5 vinninga og er í 2.-13. sæti, Snorri, Guðmundur og Dagur hafa 4 vinninga og eru  29.-63. sæti. Serbneski alþjóðlegi meistarinn Srdjan Cvetkovic (2378) er efstur með fullt hús.

Í sjöundu umferð, sem fram fer á morgun, teflir Jón Viktor við Damljanovic og vonandi að hann nái að hefna ófara Snorra og Dags sem báðir hafa tapað fyrir honum.  Hinir tefla allir við stigalægri andstæðinga.

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Íslandsmet : 65 stúlkur á skákmóti í Eyjum!

Hreint gífurleg þátttaka var í dag í Vestmannaeyjum á stúlknaskákmóti Sparisjóðs Vestmannaeyja, þegar 65 stúlkur tóku þátt í mótinu og er það Íslandsmet í þátttöku á stúlknaskákmóti.  Taflfélag Vestmannaeyja stóð fyrir mótshaldinu.  Það varð uppi fótur og fit þegar allt bókstaflega fylltist í húsnæði Taflfélagsins klukkan 17 í dag og þangað streymdu stúlkur í stríðum straumum. 

Þegar allar höfðu skráð sig voru þær orðnar 65 talsins og ljóst að stelpurnar höfðu slegið Íslandsmet sem sett var fyrir nokkru í Reykjavík, þegar 49 stelpur mættu á skákmót sem þar var haldið.  Undanfarnar vikur hefur verið mikil mæting meðal stúlkna í skákkennslu Taflfélagsins í Eyjum, en í haust hóf Grunnskóli Vestmannaeyja skákkennslu meðal nemenda yngstu bekkja grunnskólans. 

Keppt var í 2 flokkum, hefðbundinni skák þar og í svokallaðri peðaskák, sem er sniðin að þörfum nýbyrjenda. 

Í mótinu sigraði Telma Lind Halldórsdóttir, en hún sigraði alla mótherja sína og fékk þar með fullt hús vinninga eða 5 talsins og fékk bikar að launum.  Sparisjóður Vestmannaeyja gaf öll verðlaun á mótinu auk bóka og ýmissa muna sem dregin voru út í lok mótsins.

Úrslit í einstökum flokkum (fjöldi í sviga).

Drottningarflokkur fæddar 1998 og eldri (13).

1. Telma Lind Halldórsdóttir 5 vinn.
2. Arna Þyrí Ólafsdóttir 4 v. (SB 17)
3. Indíana Guðný Kristinsdóttir 4 v. (SB 16,5)

Prinsessur fæddar 1999 ( 8).

1. Sigríður Margrét Sigþórsdóttir 4 vinn.
2. Andrea Ósk Sverrisdóttir 3,5 v.
3. Hrafnhildur Sigmarsdóttir 3 v.

Mjallhvítarflokkur fæddar 2000 (11).

1. Þorbjörg Júlía Ingólfsdóttir 3 vinn. (SB 17)
2. Inga Birna Sigursteinsdóttir 3 v. (SB 14,5)
3. Elsa Rún Ólafsdóttir 3 v. (SB 10,5)

Öskubuskur fæddar 2001 ( 9).

1. Eydís Ósk Þorgeirsdóttir 3,5 vinn. (SB 15,5)
2. Auðbjörg H. Sigþórsdóttir 3,5 v. (SB 13)
3. Anita Lind Hlynsdóttir 2,5 v.

Þyrnirósarflokkur fæddar 2002 og yngri ( 7).

1. Anika Hera Hannesdóttir 2 vinn. (SB 11,5)
2. Andrea Gunnlaugsdóttir 2 v. (SB 9)
3. Helga Sigrún Sveinsdóttir 1 v.

Peðaskák - Opinn flokkur (17 keppendur).

1. Anna Margrét Jónsdóttir.
2. Mía Guðmundsdóttir.
3. María Árnadóttir.

Þátttaka í árgöngum (65):

Mæður : 8 talsins,
Dömur 18-20 ára : 5 talsins, 1995 : 3 stúlkur
1996 : 8,
1997 : 1,
1998 : 2,
1999 : 8,
2000 : 11,
2001 : 9 og
2002 : 10 pæjur.

Friðrik gerði jafntefli í fjórðu umferð

Friðrik Ólafsson (2440) gerði jafntefli lettnesku skákkonuna Viktorije Cmilyte (2512) í fjórðu umferð alþjóðlega mótsins í Prag í Tékklandi þar sem gamalreyndir skákkappar tefla við skákkonur.   Hinir gamalreyndu höfðu betur 2½-1½ í umferðinni en eru engu að síður undir 7½-8½.  

Staða gamalreyndra kappa (Old-hands):

• Hort 3 v.
• Karpov 2½ v.
• Uhlmann 1 v.
• Friðrik 1 v.

Staða kvennanna (Snowdrops):

• Cmilyte 2½ v.
• Ushenina 2½v.
• Jacková 2 v.
• Němcová 1½ v.

Í fimmtu umferð, sem fram fer á morgun, teflir Friðrik við úkraínsku skákkonuna Anna Usenina (2496). 

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

• Heimasíða mótsins
• Skákirnar í beinni
• Skákhornið