Jólapakkamót Hellis

Jólapakkamót Hellis verður haldið laugardaginn 20. desember í Ráðhúsi Reykjavíkur. Mótið hefst kl. 13 og er ókeypis á mótið en mótið er fjölmennasta unglingamót hvers árs.  

Keppt verður í 4 aldursflokkum, flokki fæddra 1993-1995, flokki fæddra 1996-97, flokki fæddra 1998-99 og flokki fæddra 2000 og síðar.

Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.

Skráning fer fram á heimasíðu Hellis.

Unglingameistaramót Íslands

Unglingameistaramót Íslands 2008 fer fram í Faxafeni 12, Reykjavík dagana 21. og 22. desember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2008" og í verðlaun farseðil (á leiðum Icelandair) á skákmót erlendis.

Umferðatafla:            

• Sunnudagur 21. des. kl. 13.00          1. umferð
•                                   kl. 14.00          2. umferð
•                                   kl. 15.00          3. umferð
•                                   kl. 16.00          4. umferð
• Mánudagur 22. des.  kl. 11.00          5. umferð
•                                  kl. 12.00          6. umferð
•                                  kl. 13.00          7. umferð

 

Tímamörk:                  25 mín á keppanda

Þátttökugjöld:            kr. 500.-

Skráning:                    [e-mail] 

Jólaskákmót ÍTR og TR

Skáksveit Rimaskóla sigraði í yngri flokki Jólaskákmóts grunnskóla sem haldið var um helgina.   Sveit Engjaskóla sigraði í stúlknaflokki.  Skáksveit Rimaskóla sigraði svo einnig í eldri flokki. 

Þetta er í 27. sinn sem hið árlega Jólaskákmót grunnskóla í Reykjavík var haldið , í samvinnu  Íþrótta- og tómstundaráðs Reykjavíkur og Taflfélags Reykjavíkur.

Á annað hundrað keppendur voru skráðir til leiks að þessu sinni og var mótið tvískipt að venju. Í yngri flokki, 1. - 7. bekkur, var þátttakan sérlega góð 20 sveitir mættu til leiks og þar af  þrjár hreinar  stúlknasveitir auk þess að fjöldi stúlkna tók þátt í blönduðum sveitum. Þetta er einkar ánægjuleg þróun og gaman að sjá hvað stelpurnar eru að verða margar og góðar í skákinni.

Rétt er að benda á myndaalbúm mótsins.

Í eldri flokki mættu sjö sveitir til leiks, þar af mætti Hólabrekkuskóli með tvær sveitir. Hagaskóli kom skemmtilega á óvart og sýndu skákgyðjunni þá virðingu að mæta snyrtilegastir allra til mótsins. Allir keppendur Hagaskólaliðsins voru klæddir svörtum jökkum, hvítum skyrtum og með hálstau. Fyrir vikið var liðinu veitt sérstök aukaverðlaun sem best klædda lið keppninnar! Það verður sérstaklega að geta þeirra fjögurra skóla sem flestar sveitir áttu á Jólamótinu, þar er skáklíf með miklum blóma og til fyrirmyndar. Auk fyrrnefnds Hólabrekkuskóla, sem sendi alls sex sveitir, skal að sjálfsögðu Rimaskóli nefndur sem sendi fimm sveitir og sigraði í báðum flokkum. Einnig var afbragðsþátttaka  frá Engjaskóla  sem sendi fimm sveitir til leiks og sigraði í stúlknaflokki og Fossvogskóla sem sendi fjögur lið í yngri deild þar af eitt stúlknalið. Röð efstu sveita er sem hér segir:

Eldri  flokkur, 8.- 7.  bekkur

1         Rimaskóli             20½ af 24

1.       Hjörvar Steinn Grétarsson 2. Hörður Aron Hauksson 3. Ragnar Elí Guðmundsson  4. Gunnlaugur Skarphéðinsson

 

2.       Hagaskóli             17½

1.       Mikalel Luis Gunnlaugsson 2. Ólafur Kjaran Árnason 3. Gunnar Thor Örnólfsson 4. Árni Guðbjartsson 1. vm. Jóhannes Bjarki Tómasson 2. vm. Árni Þór Lárusson

 

3.       Laugalækjarskóli  15

1     Örn Leó Jóhannsson 2. Eyjólfur Emil Jóhannsson 3. Gísli Axel ragnarsson 4. Jóhann Karl Hallsson

 

Yngri flokkur opinn,  1. - 7. bekkur

1         Rimaskóli a- sveit            22½ af 24

1.       Dagur Ragnarsson 2. Jón Trausti Harðarson 3. Oliver Aron Jóhansson 4. Patrekur Þórsson

 

2.       Hólabrekkuskóli a- sveit              17½

1.       Dagur Kjartansson 2. Brynjar Steingrímsson 3. Birgir S. Baldvinsson 4. Sverrir Kristjánsson

 

3.       Rimaskóli b- sveit            15½

1.       Friðrik Gunnar Vignisson 2. Kristófer Jóhannesson 3. Jóhann Arnar Finnsson 4. Kjartan Vignisson

 

Yngri flokkur stúlkur,  1. - 7. bekkur

1.       Engjaskóli            13

1.        Elín Nhung Viggósdóttir  2. Eygló Freyja Þrastardóttir 3. Eva Valdís Hákonardóttir 4. Filippía Lind Geirsdóttir 1, vm. Arndís Einarsdóttir

 

2.       Rimaskóli             11

1.       Hrund Hauksdóttir 2. Rakel Rós Halldórsdóttir 3. Svandís Rós Ríkharðsdóttir 4. Sunna Almornik 1. vm. Heiðrún Hauksdóttir

 

3.       Hólabrekkuskóli 10

1.       Emilia Huld Johnsen 2. Donika Kolica 3. Harpa Ingólfsdóttir 4. Selma Þórhallsdóttir

Skákstjórar:  Ólafur H. Ólafsson og Óttar Felix Hauksson TR. Mótsstjóri: Soffía Pálsdóttir ÍTR.

Myndaalbúm mótsins

 

Annþór sigraði á Jólamót Frelsingjans og Hróksins

Jólamót Frelsingjans, skákfélagsins að Litla Hrauni, og Hróksins, var haldið sunnudaginn 7. des.

18 manns tóku þátt og langt síðan svo margir skráðu sig síðast til leiks í skákmóti þar fyrir austan. Ekkert var gefið eftir í þeim sjö umferðum sem tefldar voru enda glæsilegir vinningar, bikar og heiður að veði.

Annþór Kristján Karlsson sýndi glæsileg tilþrif við borðið og stóð að lokum efstur á palli, með bikarinn á lofti en hann hlaut fimm vinninga. Þór Ólíver Gunnlaugsson varð annar með fjóra og Ari Kristján Runólfsson þriðji. Þeir Ingi Páll Eyjólfsson og Jónas Ingi Ragnarsson náðu fjórum vinningum einnig, en voru lægri á stigum.

Bóka- og tónlistarútgáfan SÖGUR gaf öllum þátttakendum glæsilega vinninga og fékk lof fyrir.

 Hrókurinn hefur staðið fyrir æfingum og mótum að Litla Hrauni í tæp fjögur ár og hefur verið farið tvisvar í mánuði. Stór hópur skákmanna og -kvenna hefur tekið þátt í ferðum þessum og að þessu sinni fóru þeir Magnús Matthíasson, varaforseti Skáksambandsins, Arnar Valgeirsson og meistararnir Róbert Harðarson og Hrannar Jónsson.

Tefldu þeir sem gestir og þó Frelsingjarnir hafi teflt af miklum krafti þá verður að geta þess að Róbert -sem á mótinu fékk viðurnefnið "Hakkavélin"- hafði flesta vinninga, sex og hálfan, Hrannar fimm og hálfan og Magnús kom á eftir Annþóri með fimm vinninga. Arnar var nær hinum endanum.

Nafnbirting er með fullu leyfi vinningshafanna.

Minningarmót um Lárus Johnsen

Skákdeild F E B heldur minningarmót um Lárus heitinn Johnsen þriðjudaginn 9 desember sem hefst kl. 13 að Stangarhyli 4.  Tefldar verða 7 umferðir með 15 mínútna umhugsunartíma.

Allir skákmenn 60 ára og eldri velkomnir. Nauðsynlegt að mæta tímanlega.  Mótið byrjar á mínútunni kl 13:00.    

Friðrik gerði jafntefli í áttundu umferð

Friðrik Ólafsson (2440) gerði jafntefli við við lettnesku skákkonuna Viktorije  Cmilyte (2512) í áttundu og síðustu umferð alþjóðlega mótsins í Prag í Tékklandi þar sem gamalreyndir skákkappar öttu kappi við sterkar skákkonur.  Stígandi var í taflmennsku Friðriks sem byrjaði illa en seig vel á þegar á mótið leið.  

Hinir gamalreyndu höfðu sigur 17,5-14,5.  Hort var þeirra bestur og reyndar bestur allra en hann hlaut 6,5 vinning.  Karpov fékk 5,5 vinning, Friðrik 3,5 eins og áður sagði og Uhlmann 2 vinninga. 

Cmilyte var efst kvennanna með 4,5 vinning.  Ushenina og  Jacková fengu 4 vinninga og  Němcová fékk 2 vinninga. 

• Heimasíða mótsins
• Skákirnar í beinni

Jón Viktor endaði í 1.-3. sæti í Belgrad

Jón Viktor Gunnarsson (2430) endaði í 1.-3. sæti ásamt serbneska alþjóðlega meistarann Srdjan Cvetkovic (2378) og serbneska stórmeistaranum Dejan Antic (2489) á alþjóðlega mótinu Belgrad Trophy, sem lauk í Serbíu í gær.  Jón Viktor hlaut 7,5 í níu skákum.  Jón Viktor gerði jafntefli serbneska alþjóðlega meistarann Cvetkovic í lokaumferðinni.

Guðmundur Kjartansson (2284) gerði jafntefli við alþjóðlega meistarann Slavisa Brenjo (2482) og Dagur ARngrímsson við Mersid Kahrovic (2259).  Snorri G. Bergsson (2340) tapaði fyrir alþjóðlega meistaranum Milan Bozic (2435).    Þeir fengu 6 vinninga og enduðu í 20-40. sætil.  Guðmundur og Snorri voru hálfum vinningi frá því að ná áfanga að alþjóðlegum meistaratitli.  

J230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Friðrik gerði jafntefli í sjöundu umferð

Friðrik Ólafsson (2440) gerði jafntefli við við tékknesku skákkonuna Jana Jacková (2360) í sjöundu umferð alþjóðvega mótsins í Prag þar sem gamalreyndri kappar tefla við skákkonur.  Friðrik hefur 3 vinninga en þeir gamalreyndu leiða nú 16-12 fyrir lokaumferðina sem fram fer í dag.

Hort er efstur kappanna með 6 vinninga og Karpov annar með 5 vinninga.

Viktorije  Cmilyte er efst kvennanna með 4 vinninga Jacková er önnur með 3,5 vinning.

Lokaumferðin hefst kl. 12 en skákirnar eru í beinni á netinu.

• Heimasíða mótsins
• Skákirnar í beinni

Gífurlegir yfirburðir Torfa á fimmtudagsmóti

Torfi Leósson sigraði með þriggja vinninga forskoti á fimmtudagsmóti gærkvöldins þegar hann hlaut níu vinninga í níu skákum.  Þrír ungir og efnilegir skákmenn fylgdu á eftir með sex vinninga; Páll Andrason, Patrekur Maron Magnússon og Dagur Andri Friðgeirsson.

Úrslit:

• 1. Torfi Leósson 9 v af 9
• 2-4. Páll Andrason, Patrekur Maron Magnússon, Dagur Andri Friðgeirsson 6 v
• 5. Sigurjón Haraldsson 5,5 v
• 6-9. Rafn Jónsson, Óttar Felix Hauksson, Kristján Örn Elíasson, Geir Guðbrandsson 5 v
• 10-12. Helgi Stefánsson, Ingi Tandri Traustason, Tjörvi Schiöth 4,5 v
• 13-16. Finnur Finnsson, Birkir Karl Sigurðsson, Benjamín Gísli Einarsson, Pétur Axel Pétursson 3 v
• 17. Dagur Kjartansson 2 v
• 18. Andri Gíslason 1 v

Næsta mót fer fram nk. fimmtudagskvöld kl. 19.30.

Jón Viktor og Snorri sigruðu stórmeistara - Jón Viktor í 1.-6. sæti

Jón Viktor Gunnarsson sigraði serbneska stórmeistarann Dragoljub Velimirovic (2415) og Snorri G. Bergsson (2340) vann serbneska stórmeistarann Bosko Abramovic (2484).  Dagur Arngrímsson (2392) vann FIDE-meistarann Roman Protsenko (2265) og Guðmundur Kjartansson (2284) gerði jafntefli við alþjóðlega meistarann Dejan Nestorovic (2424).

Jón Viktor hefur 7 vinninga og er efstur ásamt Srdjan Cvetkovic (2378) og Miko Popchev (2426), Snorri hefur 6 vinninga og er í 6.-20. sæti með 6 vinninga og Guðmundur og Dagur hafa 5,5 vinning og eru í 21.-35. sæti. 

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins