Hannes Hlífar Stefánsson heiðraður

Síðastliðið föstudagskvöld stóð stjórn Taflfélags Reykjavíkur fyrir hófi sínum sterkasta félagsmanni, Hannesi Hlífari Stefánssyni, til heiðurs.  Árangur Hannesar við taflborðið er einstakur en hann er tífaldur Íslandsmeistari í skák og hefur unnið þann titil 10 sinnum á síðustu 11 árum en í eitt skipti tók Hannes ekki þátt í Íslandsmótinu.

Í tilefni einstaks árangurs, afhenti Óttar Felix Hauksson formaður TR, Hannesi Hlífari glæsilegan viðurkenningarskjöld.

 

Myndir frá athöfninni má finna á heimasíðu TR.

Hjörleifur hefur tveggja vinninga forskot

Hjörleifur hefur náð tveggja vinninga forskot þegar aðeins þrjár umferðir eru eftir á Haustmóti Skákfélags Akureyrar, en sjötta umferð fór fram í dag en Hjörleifur hefur fullt hús.  Sigurður Arnarson er annar með 4 vinninga og frestaða skák að auki og Sveinn Arnarsson er þriðji með 4 vinninga.

Úrslit sjöttu umferðar:

• Jóhann Óli Eiðsson      -     Hjörleifur Halldórsson    0 - 1
• Hersteinn Heiðarsson  -  Tómas Veigar Sigurðarson 0 - 1
• Mikael Jóhann Karlsson - Haukur Jónsson             0 - 1
• Hjörtur Snær Jónsson - Sveinn Arnarsson               0 - 1
• Ulker Gasanova - Sigurður Arnarson                    frestað

Röð efstu manna:

• 1. Hjörleifur Halldórsson 6 v.
• 2. Sigurður Arnarson     4 + frestaða skák.
• 3. Sveinn Arnarsson     4
• 4. Tómas Veigar Sigurðarson 3,5 + frestaða skák.
• 5. Jóhann Óli Eiðsson 3,5
• 6. Ulker Gasanova    2,5 + tvær frestaðar skákir.

Sjöunda umferð fer fram á fimmtudag og hefst kl. 19.30, þá eigast við:

Haukur - Jóhann,  Hjörleifur - Ulker, Sigurður - Hersteinn, Tómas - Hjörtur, Sveinn - Mikael.

Skákfélag Akureyrar

Jorge R. Fonseca vann í Perlunni

Skákfélag Vinjar og Hrókurinn héldu hraðskákmót í Perlunni á laugardaginn í tilefni alþjóðlegs geðheilbrigðisdags.

Þrjátíu og þrír þátttakendur skráðu sig til leiks þar sem tefldar voru sjö umferðir eftir Monrad kerfi og umhugsunartíminn var sjö mínútur.

Þetta var fjórða árið í röð sem mót þetta er haldið og Forlagið gaf glæsilega bókavinninga. Veitt voru verðlaun í barna-, unglinga-, kvennflokki og einnig í flokki sextíu ára og eldri þar sem Finnur Kr. Finnsson varð hlutskarpastur.

Jorge Fonseca, Gunnar Freyr Rúnarsson og skákstjórinn Róbert Lagerman urðu efstir og jafnir með sex vinninga, þar sem Jorge vann Róbert, sem vann Gunnar Frey, sem síðan vann Jorge...

Jorge varð þó efstur eftir stigaútreikning.

Hin bráðefnilega Hildur Berglind Jóhannsdóttir sigraði í kvennaflokki, en hún er níu ára gömul. Birkir Karl Sigurðsson sigraði í flokki tólf ára og yngri og Patrekur Maron Magnússon í flokki 13-18 ára.

Mótið fór afar vel fram, þó ekki vantaði baráttuna við borðin.

Úrslit:

 

1-3   Jorge R. Fonseca                             6       
        Gunnar Freyr Rúnarsson                  6       
        Róbert Lagerman                             6       
  4    Magnús Matthíasson                        5.5    
5-7   Birgir Berndssen                              5       
        Arnljótur Sigurðsson                        5   
        Vigfús Óðinn Vigfússon                   5     
8-10  Patrekur Maron Magnússon           4,5
        Páll Sigurðsson                                4.5     
        Kjartan Guðmundsson                     4.5     
11-15 Pétur Atli Lárusson                        4       
        Ingi Tandri Traustason                     4       
        Finnur Kr. Finnsson                         4       
        Óli Árni Vilhjálmsson                       4
        Emil Ólafsson                                   4     
16-18 Birkir Karl Sigurðsson                   3.5     
        Benjamín Gísli Einarsson                  3.5     
        Arnar Valgeirsson                            3.5     

og aðrir minna...

Myndir frá úrslitaviðureign hraðskákmóts taflfélaga

Myndir frá úrslitaviðureign Taflfélags Reykjavíkur og Taflfélags Bolungarvíkur sem fram fór í síðastliðnum mánuði má finna á heimasíðu TR.

Afmælismót eldri borgara

Í tilefni 10 ára afmælis skákdeildar eldri borgarara verður haldið veglegt hraðskákmót þriðjudaginn 14. október kl 13.00 í félagsheimili eldri  borgara Ásgarði að Stangarhyl 4.

Tefldar verða  níu umferðir með 10 mínútna umhugsunartíma.

Veitt verða peningaverðlaun og verðlaunapeningar fyrir þrjú efstu sætin.  Einnig verða veitt verðlaun til þriggja efstu manna í hópnum 75 ára og eldri.

Allir skákmenn 60 ára og eldri velkomnir

Sverrir og Karl Gauti efstir í Eyjum

Önnur umferð Haustmóts TV var tefld í fyrradag, en fresta varð tveimur skákum. Sverrir vann Stefán í snarpri skák þar sem í lokastöðunni gat Stefán ekki varist miklu liðstapi eða máti. Karl Gauti vann Are í lengstu skák kvöldsins. Gauti vann peð í miðtaflinu og síðan annað og voru þá úrslitin ráðin

Úrslit 2. umferðar:

Bo.	No.		Name	Pts.	Result	Pts.		Name	No.
1	1		Karlsson Bjorn Ivar	1		1		Gudjonsson Olafur T	6
2	7		Sverrisson Nokkvi	1		1		Thorkelsson Sigurjon	2
3	3		Unnarsson Sverrir	1	1 - 0	1		Gislason Stefan	8
4	5		Hjaltason Karl Gauti	1	1 - 0	1		Bue Are	12
5	13		Eysteinsson Robert Aron	0	0 - 1	0		Olafsson Thorarinn I	4
6	14		Magnusson Sigurdur A	0	0 - 1	0		Jonsson Dadi Steinn	9
7	10		Gautason Kristofer	0	1 - 0	0		Olafsson Jorgen Freyr	15
8	16		Palsson Valur Marvin	0	- - +	0		Olafsson Olafur Freyr	11

• Heimasíða TV
• Chess-Results

Hjörleifur í forystu á Akureyri

Sigurganga Hjörleifs Halldórssonar heldur áfram á Haustmótinu en hann vann Mikael Jóhann Karlsson í 5. umferð sem fór fram í gær.

 

Önnur úrslit urðu:

• Sigurður Arnarson - Jóhann Óli Eiðsson 1-0
• Haukur Jónsson - Sveinn Arnarsson 0-1. 
• Öðrum skákum var frestað. 

Staða efstu keppenda eftir 5. umferðir:

• 1. Hjörleifur Halldórsson 5 vinninga
• 2. Sigurður Arnarson 4 v
• 3. Jóhann Óli Eiðsson 3,5 v
• 4. Sveinn Arnarsson 3 v,               
• 5.-6. Tómas Veigar Sigurðarson og Ulker Gasanova 2,5 v og + frestuð skák.

Sjötta umferð fer fram á sunnudag og hefst kl. 14.00. Þá mætast: Jóhann Óli - Hjörleifur, Hersteinn - Tómas, Mikael - Haukur, Hjörtur og Sveinn.

Henrik sigraði á Hraðskákmóti Garðabæjar

 Henrik Danielsen stórmeistari sigraði á Hraðskákmót Garðabæjar, sem fram fór 6. október sl.  Henrik hlaut 12 vinninga af 13 mögulegum.

Þeir sem veittu honum helst keppni voru Omar Salama, Einar Hjalti Jensson og Þorvarður F. Ólafsson sem voru í toppbaráttunni allan tímann. Svanberg Pálsson hirti þó vinninga af bæði Omari og Einari þannig að þeir urðu neðar en útlit var fyrir.

Lokastaðan:

Place Name                     Loc  Club   Score Berg.
  1   Henrik Danielsen,        2500 Haukar 12    68.00
  2   Omar Salama,             2220 Hellir 11    61.50
 3-4  Þorvarður F Ólafsson,    2165 Haukar 10    50.50
      Einar Hjalti Jensson,    2210 TG     10    49.50
  5   Pálmi Pétursson,         2105 Mátar  9     39.00
 6-7  Svanberg Már Pálsson,    1650 TG     8.5   42.75
      Björn Jónsson,           2010 TG     8.5   36.25
  8   Páll Sigurðsson,         1870 TG     6     18.50
  9   Gísli Hrafnkelsson,      1575 Haukar 4.5    9.50
 10   Birkir Karl Sigurðsson,  1325 TR     4      8.00
 11   Ingi Tandri Traustason,  1710 Haukar 3.5    7.50
 12   Magnús Matthíasson,      1725 SSON   3      7.00
 13   Tjörvi Schiöth,               Haukar 1      0.00

Laugardagsæfing hjá TR

Barna- og unglingaæfing verður hjá Taflfélagi Reykjavíkur laugardaginn 11. október.  Að venju hefst æfingin kl. 14 en húsið opnar kl. 13.40. Alþjóðlegi meistarinn Sævar Bjarnason mun standa fyrir kennslu en einnig fer fram hefðbundið laugardagsmót.  Aðgangur er ókeypis og eru börn, unglingar og forráðamenn hvött til að mæta. 

Teflt er í húsnæði TR að Faxafeni 12.

Hraðskákmót í tilefni alþjóðlegs geðheilbrigðisdags

Hraðskákmót er haldið í tilefni alþjóðlegs geðheilbrigðisdags, og fer það fram laugardaginn 11. okt. kl. 14:00 í Perlunni.  (alþjóðlegur geðheilbrigðisdagur er 10. október og fer þá fram hátíðardagskrá, sjá vefslóð www.10okt.com)

Þetta er í fjórða sinn sem þetta mót er haldið og 40 voru skráðir í fyrra.

Forlagið gefur glæsilega bókavinninga og veitt verða verðlaun fyrir þrjú efstu sæti, auk þess í barna-, unglinga-, kvennaflokki og +60.  Einning happadrættisvinningar, allir eiga séns.

Ekkert þátttökugjald og allir velkomnir.  Skákstjórar eru Róbert Lagerman og Arnar Valgeirsson.