Jafntefli í fyrstu skák heimsmeistaraeinvígisins

Kramnik og Anand gerðu fremur litlaust jafntefli í fyrstu skák heimsmeistaraeinvígis þeirra sem fram fór í Bonn í Þýskalandi í dag.  Kramnik hafði hvítt og var skákin 32 leikir.  Önnur einvígissskákin fer fram á morgun og rétt er að benda á að hægt verður að fylgjast með skákinni hér á Skák.is.  Útsendingin hefst kl. 13:30. 

Útsendingin á Skák.is
Heimasíða einvígisins

Ísland byrjar vel í atskákinni - pistill Björns númer 2

Eftir hörmungardag í hraðskákinni í gær (sem þó skilaði okkur 11. sætinu) vorum við upplitsdjarfir fyrir átök dagsins. Við sváfum allir eins og englar í nótt og þreytan eftir ferðalagið var horfin úr líkamanum. Þó var einn danskur kroppur sem var yfirbugaður og þar á ég við Henrik okkar Danielsen sem var mjög slappur og óskaði því eftir fríi í atskákunum tveimur dag. Liðstjórinn lét persónulega skáksýki hafa áhrif á sig og samþykkti beiðnina  - þessi djókur verður aldrei þreyttur.

Fyrsta umferðin hófst kl.15.00 á kínverskum tíma og var ég mættur niður á skákstað kl.14.00 til að senda pistil heim og gulltryggja að allt væri í lagi með liðsuppstillinguna okkar. Það verða ekki gefnir fleiri punktar í þessu móti!

1.umferð: Ísland - Mongólía 3,5 - 0,5 (Hannes, Héðinn, Stefán, Björn)

Mongólar eru ekki með sitt sterkasta lið heldur senda unga stráka til leiks sem allir eru með um 2300 stig. Maður er nú alltaf smeykur við slíkar sveitir því styrkleiki þeirra getur verið mjög á reiki. Við unnum hinsvegar afar sannfærandi  sigur sem ég var mjög ánægður með. Ég og Héðinn völtuðum yfir andstæðinga okkar með svörtu mönnunum og Stefán tefldi módelskák í Caro-Kann að sínu mati! Andstæðingurinn hefði hugsanlega átt að geta varist betur en hann leyfði okkar manni að svíða sig aðeins of auðveldlega. Hannes var við það að yfirspila andstæðinginn gjörsamlega en gerði þau mistök að nota of mikinn tíma og vanda sig kannski aðeins of mikið. Í tímahraki gerði hann mistök en þó ekki það alvarleg að jafnteflið væri í hættu.  Ágætis úrslit og töluvert betri byrjun en gegn Englendingunum í hraðskákinni.

2.umferð: Eistland - Ísland 0-4 (Hannes, Héðinn, Stefán, Björn)

Getur maður annað en elskað að tefla þegar allt gengur upp? Við vorum sáttir við að mæta Eistlendingum sem að eru áþekkir okkur að styrkleika - þ.e. á pappírunum. Maður á kannski ekki að vera með of mikla strategíu í gangi í svona stuttum skákum en ég var mjög meðvitaður um að aðalatriðið væri að tryggja sigur í viðureigninni og þar með 2 stig, sjálfur vinningafjöldinn væri aukaatriði. Ég var eiginlega ögn brenndur eftir skákina gegn Ítalanum þar sem að léleg ákvörðun kostaði okkur sigur í viðureigninni.

Allar skákirnar voru í járnum lengi vel en þegar á leið fór allt að detta með okkur. Ég var fyrstur til að leggja minn andstæðing að velli í skák sem mér fannst ég hafa stjórn á allan tímann.  Vissulega hafði Eistinn sín færi en ég fékk aldrei þá tilfinningu að ég væri að missa tökin á stöðunni.  Þegar ég gat farið að fylgjast með öðrum skákum sá ég að Stebbi var að vinna sinn andstæðing í endatafli en það var víst eftir einhverja þrautargöngu í byrjun skákarinnar. Í sömu andrá vélaði Héðinn andstæðing sinn samviskusamlega niður og staðan því 3-0 og Hannes enn að tafli. Ég var nú ekki alveg að skilja stöðuna hjá Hannesi til að byrja með því GM Kualots virtist vera með vænlegt tafl. Við skoðuðum skákina svo í Fritz eftir skákina og var tölvan sammála mér til að byrja með en fór svo að átta sig eftir smá stund og læra að meta færin sem svartur hafði.  Hannes gerði sér alveg grein fyrir þessu og tefldi lokin óaðfinnanlega til sigurs. Virkilega góð skák hjá „The Robot" enda var hann afar kátur eftir hana.

Uppskeran því  7,5 vinningar af 8 mögulegum og 2-3.sæti staðreynd.  Á morgun teflum við gegn Ungverjum á 2.borði og hefur Hannes hvítt á fyrsta borði. Ég reikna fastlega með að aðalliðinu verði stillt upp því Henrik var orðinn allt annar maður í kvöld og tilbúinn í baráttuna. Ég verð þó ófeiminn að skipta skrattakollunum út ef að þeir standa sig ekki enda tefldi ég eins og engill í dag!!

 

Sjálfar aðstæðurnar hérna eru svo til fyrirmyndar. Við gistum í stórri íbúð í ÓL-þorpinu sem er þó bara með þremur svefnherbergjum en þremur klósettum! Ég og Hannes deilum svítunni - risastórt herbergi með stóru samliggjandi baðherbergi, Héðinn fékk eins manns herbergið sem er lítið en notalegt. Henrik og Stefán eru svo í gúanóinu en þeirra herbergi er álíka stórt og herbergi Héðins. Þar hafa líka tekið sér bólfestu blóðþyrstar moskítóflugur sem að hafa verið duglegar að gæða sér á blóði Stefáns en látið Henrik að mestu í friði. Stebbi er nokkuð illa farinn á sál og líkama eftir þessar árásir en hann náði að hefna sín í kvöld með því að drepa fjögur kvikindi með lófanum. Eftir höggin voru fjórir myndarlegir blóðblettir á veggnum enda voru flugurnar vel mettar eftir síðustu nætur.

Við erum svo með nafnspjöld hangandi um hálsinn sem tryggja okkur aðgang að mótsstað sem og aðgang í matsalinn rétt hjá hótelinu. Þar er okkur boðið upp á afar góðan morgunmat, viðbjóðslegan hádegismat en frábæran kvöldmat. Frekar skrítið að Kínverjarnir leggja einfaldlega enginn metnað í hádegismatinn! Eftir tvo daga hérna hafði ég nú varla áttað mig á þessu þótt að „lunchinn" væri vondur en eftir langt spjall við íslensku briddsarana þá var okkur tjáð þetta.

Talandi um kynni okkar af briddsurunum en strax við lendingu rakst ég á Gunnar Björn Helgason sem er skákmönnum af minni kynslóð góðu kunnur. Hann keppir fyrir Íslands hönd í ungmennakeppninni í Bridge og urðu með okkur fagnaðarfundir.  Svo hittum við Svein (man ekki eftirnafnið) sem að allir sem að sóttu Helli heim í Þönglabakkann kannast við. Hann var gaurinn sem gargaði alltaf: „SKIPTA".  Aðrir briddsarar hafa ekki orðið á vegi okkar en sem komið er. Gunnar verður hérna til 21.október eins og við skákmennirnir og því er alveg ljóst að við eigum eftir að taka góða kvöldstund með ungmennaliðinu í bridge áður en yfir lýkur.

Sjálft mótið er svo frábærlega skipulagt. Skáksalurinn er rúmgóður og flottur en eini gallinn er kannski sá að mótið gengur ansi hægt. Þegar pörunin er komin í ljós hefst  mikið ferli. Mönnum er leyft að athuga pörunina og stuttu síðar tilkynnir yfirdómarinn í hátalarakerfinu að eftir séu 5 min. af tímanum sem menn hafa til að skila inn borðaröðun fyrir næstu umferð. Þá fer í gang skeiðklukka (300 sek) á stórum flatskjá og niðurtalning hefst. Um leið og niðurtalningunni lýkur er lokað fyrir breytingar og svo hefst 300 sek. niðurtalning í sjálfa skákina. Þá er eins gott að menn taki sér sæti því umferðin hefst nákvæmlega eftir þessar 300 sek. og menn tapa ef að rassinn er ekki í stólnum. Þess má geta að spennufíklar fara yfirleitt á klósettið þegar 180 sek. eru eftir!

Þetta kerfi er reyndar til fyrirmyndar þótt að agalausir Íslendingar séu reyndar vanir meiri sveigjanleika.

Heilt yfir þá er þetta stórkostleg upplifun fyrir skákmenn að taka þátt í þessu sjónarspili.

Á morgun verða tefldar 4.umferðir, á fimmtudaginn verða svo síðustu 3 umferðirnar kláraðar. Fjögur efstu liðin komast áfram í undanúrslit á föstudaginn en aðrar þjóðir fara í pásu. Við eigum svo flug heim 21.október og fáum því 3-4 daga til að skoða okkur um í Kínaveldi. Dagskráin er á þessa leið:

i)                    Kínamúrinn

ii)                   Forboðna höllin

iii)                 Torg hins himneska friðar

iv)                 Sumarhöllin

v)                  Kínverskt karókí ásamt kínversku hrísgrjónavíni

vi)                 Sjálft manndómsprófið: Hvuttasnæðingur

Að því sögðu vil ég óska EM-förunum íslensku góðrar ferðar (vildi óska að ég væri að fara með ykkur), og sendi baráttukveðjur til allra Íslendinga og Anands.

Björn Þorfinnsson

Hrund, Ástrós Lind og Tara Sóley efstar í b-flokki

Hrund Hauksdóttir (1190), Ástrós Lind Guðbjörsdóttir og Tara Sóley Davíðsdóttir eru efstar og jafnir með 2 vinninga að lokinni 2. umferð b-flokks Íslandsmót kvenna sem fram fór í kvöld.

Myndaalbúm frá mótinu (frá Helga Árnasyni).  

Staðan:

 

Rk.	Name	Rtg	Club/City	Pts.
1	Hauksdottir Hrund	1190	Fjolnir	2,0
	Gudbjornsdottir Astros Lind	0		2,0
	Davidsdottir Tara Soley	0		2,0
4	Stefansdottir Stefania Bergljot	1360	TR	1,5
	Sigurdardottir Camilla Hrund	0		1,5
6	Johannsdottir Hildur Berglind	0	Hellir	1,0
	Finnbogadottir Hulda Run	0	UMSB	1,0
	Kristjansdottir Karen Eva	0		1,0
	Bergmann Katrin Asta	0		1,0
	Sverrisdottir Margret Run	0	Hellir	1,0
11	Gautadottir Aldis Birta	0		0,0
	Juliusdottir Asta Soley	0		0,0
	Sverrisdottir Dagbjort Edda	0		0,0
	Palsdottir Soley Lind	0	TG	0,0

 

Chess-Results

Jóhann Örn sigraði á afmælismóti FEB

Afmælismót Skákdeildar Félags eldri borgara fór fram í dag í Félagsheimilinu Ásgarði í Stangarhyl. Þátttaka var mjög góð 36 öldungar mættir til leiks.  Tefldar voru 9 umferðir með 10 mínútna umhugsunartíma. Jóhann Örn Sigurjónsson og Sigurður Herlufsen urðu efstir og jafnir með 8 vinninga, en Jóhann örlitið hærri á stigum og telst sigurvegari. 

Björn Þorsteinsson, varð þriðji, með .5v, Haraldur Axel Sveinbjörnsson, Grímur Ársælsson og Páls G. Jónsson, í -6 sæti með 6. vinninga. Haraldur, Páll og Magnús Pétursson, náðu bestum rangri 75 ára og eldri.  Sigurður Pálsson, fyrrverandi formaður, var heiðraður fyrir vel unnin störf.

Myndaalbúm frá mótinu (frá Einari S. Einarssyni)

Lokastaðan:

• 1-2       Jóhann Örn Sigurjónsson                  8 vinninga
•             Sigurður Herlufssen                          8     ---
•  3         Björn Þorsteinsson                            7 ½
• 4-6       Haraldur Axel Sveinbjörnsson          6    
•             Grímur Ársælsson                             6     
•             Páll G Jónsson                                   6   
• 7-8       Grétar Áss Sigursson                        5 ½
•             Össur Kristinsson                              5 ½
• 9-16     Gísli Gunnlaugsson                          5
•             Leifur Eiríksson                                5
•             Þorsteinn Guðlaugsson                     5
•             Hreinn Bjarnason                             5
•             Baldur Garðarsson                           5
•             Magnús V Pétursson                        5
•             Sigurður Kristjánsson                      5
•             Sæmundur Kjartansson                    5
• 17-18   Bragi G Bjarnason                           4 ½
•             Þór Valtýsson                                   4 ½
• 19-25   Egill Sigurðsson                              4
•             Halldór Skaftason                            4
•             Friðrik Sófusson                              4
•             Guðmundur Jóhannsson                  4
•             Jón Víglundsson                              4
•             Jónas Ástráðsson                             4
•             Sveinbjörn Einarsson                      4
• 26-30   Gísli Sigurhansson                          3 ½
•             Finnur Kr Finnsson                         3 ½
•             Birgir Ólafsson                               3 ½
•             Halldór Jónsson                              3 ½
•             Haukur Tómasson                          3 ½
• 31-33   Björn V Þórðarson                       3
•             Einar S Einarsson                          3
•             Hermann Hjartarson                      3
•  34       Hrafnkell Guðjónsson                   1 ½
• 35        Árni B Jóhannsson

Skákþing Íslands - 15 ára og yngri fer fram næstu helgi í Eyjum

Keppni á Skákþingi Íslands 2008 - 15 ára og yngri (fædd 1993 og síðar) verður í Vestmannaeyjum laugardaginn 18. október nk.  Tefldar verða 9 umferðir eftir monrad kerfi og er umhugsunartími 20 mín. á skák fyrir keppanda.

Ítarlegar upplýsingar um ferðir og gistingu  má finna á heimasíðu TV

Umferðataflan er þannig:

 

Laugardagur 18. október       kl. 09.00-12.15           1., 2., 3. og 4. umferð

                                               kl. 12.15-13.00           Hádegishlé

                                               kl. 13.00-17.00           5., 6., 7, 8. og 9. umferð

                                               kl. 17.10                     Verðlaunaafhending

 Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin - auk bikara fyrir Drengjameistara Íslands og Telpnameistara Íslands og bikarar fyrir efsta krakka í hverjum árgangi.

Skákstaður:     AKÓGES húsið Hilmisgötu í Vestmannaeyjum.     

Skráning í síma 568 9141 virka daga kl. 10-13 og með tölvupósti: [e-mail]. 

Skráningu lýkur 17. október.

Nöfn allra keppenda sem skrá sig fyrir hádegi 15. október munu birtast í mótsbæklingi

Upplýsingar um ferðir og gistingu gefur Karl Gauti Hjaltason í síma 898 1067

netf.: [e-mail]

Útsending frá heimsmeistaraeinvíginu á Skák.is

Á Skák.is verður hægt að sjá nýjustu skákina úr heimsmeistaraeinvígi Anands og Kramniks. Skákirnar eru uppfærðar meðan teflt er, en upplýsingum er seinkað um hálftíma, þannig að ekki er alveg um beina útsendingu að ræða. 

Tengil á beina útsendingu má finna hér og auk þess er fastur tengill á útsendingar efst á vinstri hluta síðunnar á meðan á einvíginu stendur.  

Fyrsta skák einvígisins byrjar kl. 15 í dag og því má vænta að útsendingin hér hefjist um 15:30.

Alls tefla þeir 12 skákir.   

• Útsendingin á Skák.is
• Heimasíða einvígisins

Fyrsti Kínapistill Björns

Þá er alvaran hafin hér í Peking. Teflt er í hinni geysistóru höll Beijing International Conference Center sem er hús á mörgum hæðum og með geysimörgum sýningarsölum. Þar fer keppni fram í öllum hugaríþróttunum og hef ég nú þegar skellt mér að horfa aðeins á ungmennakeppnina í Bridge og svo úrslitin í dammi. Það er reyndar frekar fyndið að sjá dammkeppnina enda er borðið alveg eins og skákborð, 8x8, þeirra nota sömu FIDE-klukkur og við auk þess að nota blöð sem eru alveg eins og skákskriftarblöðin okkar. Ég las svo viðtal á mótsstað við fyrrverandi heimsmeistara sem sagði að damm væri flóknara en skák...tja....bíddu.....eru tölvurnar ekki örugglega búnar að leysa damm?

Við byrjuðum sumsé kl. 10.00 á kínverskum tíma sem er kl. 2.00 um nótt á íslenskum tíma. Ferðalagið var afar erfitt og satt best að segja vorum við talsvert vankaðir í morgunsárið. Ég hafði farið á mótsstað í gær og fengið upplýsingar um reglurnar í mótinu en í þeim eru þrír athyglisverðir punktar sem að reyna mun á:

i)                    Ef að skákmaður ýtir taflmanni á borðinu um koll og leikur án þess að lagfæra hann þá tapar hann umsvifalaust skákinni.

ii)                   Ef að skákmaður er ekki sestur við borðið þegar að aðaldómarinn tilkynnir að umferðin eigi að byrja þá tapar hann umsvifalaust skákinni, jafnvel þó að hann standi við stólinn.

iii)                 Ef að mönnum er ekki leikið akkúrat á reitinn þá getur andstæðingurinn kvartað (eða dómarinn tekið sjálfur ákvörðun um það). Við fyrstu kvörtun fær viðkomandi gult spjald og verði manninum aftur á í messunni þá fær hann rauða spjaldið og tapar skákinni.

Í hraðskákinni er rétt að taka fram að tímamörkin eru 3 min. og 2 sek. í viðbótartíma.

En við vorum sumsé afar vankaðir í morgun og vorum mjög seinir að leggja af stað á mótsstað. Gangan tók svo örlítið meiri tíma en við áætluðum og þegar að við vorum við dyrnar þá sáum við að klukkan var 10. Þá var auðvitað hert á göngunni og þegar við komum í keppnissalinn voru allir aðrir að setjast - við vorum því hólpnir. Þá hófst gleðin.

1.       umferð:  England - Ísland, 2,5 - 1,5 (Hannes, Héðinn, Henrik, Stefán)

 

Við vorum glaðir að fá Englendingana enda var ætlunin að ímynda sér að andstæðingarnir væru annaðhvort Darling eða Clown og svo refsa þeim grimmilega. Allt kom hinsvegar fyrir ekki og þrátt fyrir að við værum mun sterkari þá tapaðist viðureignin með minnsta mun. Hannes tapaði eftir mikla baráttu gegn IM Andrew Greet í skák sem að hann átti ekki skilið að tapa, Héðinn gleymdi sér og féll á tíma með aðeins betri stöðu og Henrik komst ekkert áfram gegn sínum andstæðingi og samdi jafntefli í mislitu biskupaendatafli. Stebbi slátraði hinsvegar sínum andstæðing i gjörsamlega. Hrikaleg úrslit.

 

2.       umferð:  Ísland - Kína 0 -4 (Hannes, Héðinn, Henrik, Stefán)

 

Áætlunin var að vinna einhverja létta sveit í næstu umferð og koma sterkir tilbaka og því voru heimamenn ekki óskaandstæðingar. Þeir gerðu aðeins jafntefli í fyrstu umferð og við vorum efstir þeirra sem töpuðu. Sveit þeirra var ógnarsterk eða á þessa leið: Bu, Wang Yue (sem heilsaði mér auðmjúklega), Wang Hao og Ni Hua. Við hefðum nú samt átt að taka einhverja punkta af þeim - Hannes var með betra þegar hann lék af sér manni, það sama gerðist fyrir Héðinn þegar hann var kominn með yfirburði jafnt sem á klukku sem og borði og Stebbi var með góðu stöðu nánast allan tímann þar til í blálokin. Stefán upplifði það að fá gula spjaldið þegar að hann lék hróki sínum 80% á b4 og 20% á b3. Það var frekar undrandi Punkur sem að fékk áminninguna frá dómaranum.  Í hvaða íþrótt var hann staddur?

 

3.       umferð: Japan - Ísland 0-4 (Héðinn, Henrik, Stefán, Björn)

Í þessari umferð var talið gott að leyfa liðstjóranum áhugasama að spreyta sig. Japanir eru ekki sterk skákþjóð og var þessum vinum okkar í efnahagsmálum samviskusamlega ýtt útaf borðinu á öllum borðum.

4.       umferð: Ísland - Ítalía 2-2 (Hannes, Héðinn, Henrik, Björn)

 

Stefán ákvað að hvíla og því fékk ég að tefla aðra skák mína í mótinu. Það voru mistök. Hannes og Henrik unnu afar sannfærandi með hvítu mönnunum en ég og Héðinn vorum óheyrilega óheppnir með svörtu mönnunum. Héðinn var með gjörunnið tafl en lék sig í mát og ég var með mikla yfirburði þegar ég lék af mér skiptamuni. Það kom ekki að sök og skömmu síðar gat ég tryggt mér jafntefli (engar skákir búnar, hefði að sjálfsögðu tekið því ef tveir vinningar hefðu verið í húsi) með því að hóta óverjandi máti og þá hefði Ítalinn neyðst til að taka þráskák. Ákvarðanatakan var hinsvegar eitthvað brengluð og ég fór út í sullumbull í staðinn þegar að báðir voru með 10 sek. eftir á klukkunni. Svo lék ég samviskusamlega öllu niður í tímahrakinu og tapaði. Afar þreytt úrslit gegn sveit sem við áttum að vinna.

 

5.       umferð: Litháen - Ísland 0-4 (Hannes, Héðinn, Henrik, Stefán)

 

Litháenar eru ekki með sitt sterkasta lið - eingöngu unga stráka sem eru um og yfir 2400 stig. Taldi þá samt seigari en þetta í hraðskák en niðurstaðan var einfaldlega sú að við unnum sannfærandi í öllum skákum. Íslenska vélin er komin í gang og hana fær ekkert stöðvað!

Að loknum fimm umferðum kom langt hádegisverðarhlé. Við fáum að borða á hótelinu okkar sem að er í talsverðri fjarlægð frá mótsstað og fyrst við vorum búnir að rölta alla þessa leið þá ákváðu menn að leggja sig aðeins á milli umferða.  Það átti eftir að reynast dýrkeypt og er heiti síðari þáttar einfaldlega: „Íslendingar læra skákreglurnar".

6.       Umferð: Ísland - Ástralía 1,5 - 2,5 (Hannes, Héðinn, the man who wasnt there, Stefán)

Við gleymdum okkur hrikalega á klukkunni og þegar við komumst til átta þá var klukkan rúmlega 12 min.  í umferð. Ákváðum við þá í skyndi að Henrik skyldi hvíla og hljóp ég af stað á hraða antilópunnar enda varð að skila borðaröðuninni inn 5 min. fyrir umferð. Þegar ég kom „í mark" var hraðinn orðin svipaður hámarkshraða skjaldbökunnar en samt taldi ég mig nú alveg vera að ná þessu. Þegar ég kem síðan inn í salinn og tæplega 2-3 skref í bakann þar sem skila átti inn liðinu þá er tilkynnt að það sé búið að loka fyrir breytingar í hátalakerfinu. Ég tek auðvitað síðustu metrana í góðu stökki en það gerði dómarinn líka og harðbannaði mér að skila inn liðinu. Sveigjanleikinn enginn og þrátt fyrir smá taut mitt þá leyfði hann mér ekki að skila inn blaðinu.  Þá voru 5 min. í umferð og ómögulegt að ná í Henrik á þeim tíma og því hófst umferðin með autt borð hjá Íslandi á 3.borði -  eitt-núll fyrir Ástralíu. Hannes var lengi vel hársbreidd frá því að yfirspila andstæðinginn gjörsamlega en IM Smerdon barðist vel og uppskar ósanngjarnt jafntefli. Stebbi vann svo sína skák sannfærandi en á 2.borði máttum við þola beiskan ósigur þegar að Héðinn tapaði með því að rekast í kónginn sinn með erminni og ýta ósjálfrátt á klukkuna áður en kóngurinn var lagaður.  Umsvifalaust „brútal" tap og því tap með minnast mun í heildina. Dísús segi ég nú bara.

 

 

7.       Umferð: USA - Ísland 1-3 (Hannes, Héðinn, Henrik, Stefán)

 

Enn var heppnin ekki með okkur. Baráttan var hörð í öllum skákum en smá saman fór þetta á versta veg. Stebbi tefldi sína verstu skák og féll á tíma þegar hann var í bullandi vandræðum. Hannes tefldi við Shabalov og var nú líklega með tapað tafl en var með sprikl sem gerði Kananum/Lettanum erfitt fyrir. Svo erfitt var það að Hannes plataði Shaba og var með gjörunnið tafl þegar að hann rekur sig í kónginn hjá andstæðingnum og ýtir á klukkuna. Dómarinn var reyndar ekki á staðnum en Shabalov krafðist vinnings. Það sama gerðist fyrir Henrik þegar „Den Danske" var peði yfir gegn GM Fridel og við sáum fram á kreisting. Strax tap.  Héðinn bjargaði svo umferðinni með sannfærandi sigri á Perelsteyn.

 

8.       Umferð: Ísland - Ísrael 3-1 (Hannes, Héðinn, Henrik, Björn)

 

Ísraelar senda mjög veikt lið til leiks og því var sigurinn í raun of lítill. Hannes vann strax þegar að andstæðingurinn var ekki mættur í byrjun og undirritaður og Henrik unnu sannfærandi. Héðinn lenti hinsvegar í smá basli í byrjuninni og eftir mikla baráttu sem virtist vera að skila jafntefli þá féll okkar maður á tíma. En sigur er alltaf sigur og tvö matchpoint í húsi. Fyrir umferðina skildu leiðir en Stefán var orðinn frekar slappur og ákvað því að fara heim á hótel og hvíla sig. Skáksjúkur liðstjóri féllst á það.

 

9.       Umferð: Ísland - Pakistan 3-1 (Hannes, Héðinn, Henrik, Björn)

Sannfærandi á öllum borðum fyrir utan slys hjá Henrik.

10.   Umferð: Ísland - Austurríki 1,5 - 2,5 (Hannes, Héðinn, Henrik, Björn)

 

 

Þessi úrslit voru eiginlega þau mest svekkjandi enda vorum við farnir að eygja möguleika á góðu sæti með áframhaldandi velgengni. Austurríkismennirnir ættu venjulega að vera þægilegir andstæðingar en allt brást sem hægt var. Hannes gerði jafntefli á fyrsta borði og ég vann (það skal koma fram...auðveldlega) á fjórða borði en Héðinn og Henrik töpuðu því miður báðir. Andstæðingi Henriks ekki boðið til Íslands að tefla eftir sína framkomu - svo mikið er víst.

 

11.   Umferð: Írak - Ísland 1-3 (Hannes, Héðinn, Henrik, Björn)

 

Írakarnir voru ansi hressir og spjölluðu mikið fyrir skákirnar. Sérstaklega var minn andstæðingur vinalegur og það er reyndar alveg ótrúlegt hvað það hefur oft slæm áhrif á taflmennskuna hjá mér.  Einbeiting fer veg allrar veraldar. Það sem ég er að reyna að segja er....að ég tapaði samviskusamlega. Sem betur fer unnu samt allir aðrir og því var 3-1 sigur staðreynd. Henrik lenti í smá deilum þar sem að andstæðingurinn lék ólöglegum leik, kóngi ofan í, sem að Henrik drap, án þess að ýta á klukkuna og kallaði á skákstjóra (og féll á tíma meðan hann beið eftir honum). Þetta olli miklu fjaðrafoki hjá Írökum sem voru alveg brjálaðir og tóku ekki röksemdum okkar um að leikur væri ekki kláraður fyrr en að ýtt væri á klukkuna. Skákdómarinn var hinsvegar sammála okkur en ég efast um að Henrik drepi kóng í bráð - þetta var of mikið vesen fyrir það!

 

Skemmtilegu móti var því lokið og vorum við hundfúlir með árangurinn.  Við finnum þó allir hversu mikið ferðalagið situr í okkur og því vona ég að á morgun verðum við landi og þjóð til sóma.

Við enduðum í 11.sæti en vinningafjöldi einstakra liðsmanna var þessi:

• 1.       Hannes                6/10
• 2.       Héðinn                5/11
• 3.       Henrik                  6,5/11*
• 4.       Stefán                  4/6
• 5.       Björn                    4/6

* Henrik tapaði skák sem var í raun mér að kenna. 6,5/10 er í raun hið eiginlega skor.

Í rauninni vorum við bara sáttir við 11.sætið miðað við hvað við vorum óheppnir og í raun hreinlega lélegir á köflum J

Á morgun hefst svo atskákin og ætlum við svo sannarlega að taka okkur saman í andlitinu fyrir hana.

Ég reyni svo að koma með pistil um aðstæður síðar.

Kveðja til kreppueyjunnar,

Björn

Íslandi endaði í 11. sæti

Íslenska skákliðið sem keppir á Hugarleikunum í skák (World Mind Games), hafnaði í 11. sæti í hraðskákkeppni sem fram fór í dag en fyrirfram var liðinu raðað í áttunda sæti.  Kínverjar urðu efstir, Úkraínumenn aðrir, Ungverjar þriðju og Indverjar fjórðu.   Þessi lið tefla til úrslita.  Hannes Hlífar Stefánsson stóð sig best en hann fékk 6 vinninga af 10 mögulegum á fyrsta borði.  Á morgun hefst atskákkeppni

Lokastaðan:

 

Rk.		Team	Team	TB2
1		China	CHN	34,5
2		Ukraine	UKR	29,0
3		Hungary	HUN	29,0
4		India	IND	26,0
5		Vietnam	VIE	26,0
6		Estonia	EST	28,0
7		Philippines	PHI	25,5
8		Iran	IRI	26,0
9		Turkey	TUR	22,0
10		Latvia	LAT	22,5
11		Iceland	ISL	24,5
12		Brazil	BRA	23,5
13		Mongolia	MGL	23,0
14		Turkmenistan	TKM	23,0
15		United States Of America	USA	22,5
16		Mexico	MEX	22,0
17		England	ENG	22,0
18		Australia	AUS	21,5
19		Italy	ITA	21,0
20		Singapore	SIN	20,5
21		Austria	AUT	20,5
22		Denmark	DEN	24,5
23		Norway	NOR	23,0
24		Pakistan	PAK	21,0
25		Lithuania	LTU	18,5
26		Slovakia	SVK	19,0
27		Iraq	IRQ	21,0
28		Japan	JPN	14,0
29		Israel	ISR	15,5
30		Korea	KOR	11,0
31		Macau	MAC	4,0
32		Cyprus	CYP	0,0

 
Árangur íslensku fulltrúanna:

1. SM Hannes Hlífar Stefánsson (2575) 6 v. af 10 (Rpf 2544)
2. SM Héðinn Steingrímsson (2397) 5 v. af 11 (Rpf 2397)
3. SM Henrik Danielsen (2492) 5½ v. af 11 (Rpf 2330)
4. AM Stefán Kristjánsson (2474) 4 v. af 6 (Rpf 2351)
5. FM Björn Þorfinnsson (2399) 4 v. af 6 (Rpf 1952)

• Heimasíða mótsins
• Chess-Results

Ulker sigraði Guðlaugu

Fimmta umferð Íslandsmóts kvenna var tefld í dag en heldur óvenjulegt er að byrja í 5. umferð móts.   Úrslit urðu einnig óvenjuleg því Ulker Gasanova frá skákfélagi Akureyrar sigraði Íslandsmeistarann frá í fyrra, Guðlaugu Þorsteinsdóttur. eftir að Guðlaug lék af sér drottningu í betra miðtafli.  

Skák Sigríðar og Sigurlaugar endaði með jafntefli en Hallgerður vann Elsu þar sem Hallgerður var alltaf með betri stöðu. Skák Tinnu og Jóhönnu er frestað.  

Úrslit fimmtu umferðar:

Round 5 on 2008/10/22 at 19:00
SNo.		Name	Rtg	Res.		Name	Rtg	SNo.
3		Sigridur Bjorg Helgadottir	1595	½ - ½		Sigurl Regin Fridthjofsdottir	1806	8
4		Johanna Bjorg Johannsdottir	1692	-		Tinna Kristin Finnbogadottir	1654	2
5		Hallgerdur Thorsteinsdottir	1915	1 - 0		Elsa Maria Kristinardottir	1776	1
6	WFM	Gudlaug Thorsteinsdottir	2156	0 - 1		Ulker Gasanova	1415	7

 
Önnur umferð verður tefld annað kvöld (þriðjudag) og þá tefla:

Round 2 on 2008/10/14 at 19:00
SNo.		Name	Rtg	Res.		Name	Rtg	SNo.
8		Sigurl Regin Fridthjofsdottir	1806	-		Hallgerdur Thorsteinsdottir	1915	5
6	WFM	Gudlaug Thorsteinsdottir	2156	-		Johanna Bjorg Johannsdottir	1692	4
7		Ulker Gasanova	1415	-		Sigridur Bjorg Helgadottir	1595	3
1		Elsa Maria Kristinardottir	1776	-		Tinna Kristin Finnbogadottir	1654	2

 

Chess-Results

B-flokkur Íslandsmót kvenna hófst í kvöld

14 skákkonur taka þátt í  b-flokki Íslandsmóts kvenna sem hófst í kvöld.  Úrslit fyrstu umferðar urðu sem hér segir:   

Keppendalisti:

SNo.	Name	NRtg	FED	Club
1	Stefania Bergljot Stefansdottir	1360	ISL	TR
2	Hrund Hauksdottir	1190	ISL	Fjolnir
3	Aldis Birta Gautadottir	0	ISL
4	Asta Soley Juliusdottir	0	ISL
5	Astros Lind Gudbjornsdottir	0	ISL
6	Camilla Hrund Sigurdardottir	0	ISL
7	Dagbjort Edda Sverrisdottir	0	ISL
8	Hildur Berglind Johannsdottir	0	ISL	Hellir
9	Hulda Run Finnbogadottir	0	ISL	UMSB
10	Karen Eva Kristjansdottir	0	ISL
11	Katrin Asta Bergmann	0	ISL
12	Margret Run Sverrisdottir	0	ISL	Hellir
13	Soley Lind Palsdottir	0	ISL	TG
14	Tara Soley Davidsdottir	0	ISL

Úrslit 1. umferðar:

 

Round 1 on 2008/10/13 at 19:00
Bo.	SNo.	Name	Pts	Res.	Pts	Name	SNo.
1	8	Hildur Berglind Johannsdottir	0	0 - 1	0	Stefania Bergljot Stefansdottir	1
2	2	Hrund Hauksdottir	0	1 - 0	0	Hulda Run Finnbogadottir	9
3	10	Karen Eva Kristjansdottir	0	1 - 0	0	Aldis Birta Gautadottir	3
4	4	Asta Soley Juliusdottir	0	0 - 1	0	Katrin Asta Bergmann	11
5	12	Margret Run Sverrisdottir	0	0 - 1	0	Astros Lind Gudbjornsdottir	5
6	6	Camilla Hrund Sigurdardottir	0	1 - 0	0	Soley Lind Palsdottir	13
7	14	Tara Soley Davidsdottir	0	+ - -	0	Dagbjort Edda Sverrisdottir	7

 

Pörun 2. umferðar sem fer fram á morgun (þriðjudag) og hefst kl. 19:

 

Round 2 on 2008/10/14 at 19:00
Bo.	SNo.	Name	Pts	Res.	Pts	Name	SNo.
1	1	Stefania Bergljot Stefansdottir	1	-	1	Camilla Hrund Sigurdardottir	6
2	11	Katrin Asta Bergmann	1	-	1	Hrund Hauksdottir	2
3	5	Astros Lind Gudbjornsdottir	1	-	1	Karen Eva Kristjansdottir	10
4	14	Tara Soley Davidsdottir	1	-	0	Asta Soley Juliusdottir	4
5	3	Aldis Birta Gautadottir	0	-	0	Margret Run Sverrisdottir	12
6	9	Hulda Run Finnbogadottir	0	-	0	Dagbjort Edda Sverrisdottir	7
7	13	Soley Lind Palsdottir	0	-	0	Hildur Berglind Johannsdottir	8