Lokapistlar Björns frá Kína

Þriðji pistill

Það var skrítið ástandið í íbúð 1108, í E-byggingu ÓL-þorpsins í nótt. Enginn okkar náði að sofa almennilega og voru menn á ferli í meira og minna alla nótt að ná sér í vatn eða fara á klósettið. Við verðum greinilega lengur að jafna okkur á tímamismuninum en ég hélt.

Við vorum þó tilbúnir í baráttuna við Ungverja sem að hófst kl.10 að morgni.

3.umferð: Ísland - Ungverjaland 1,5 - 2,5 (Hannes, Héðinn, Henrik og Stefán)

Baráttan var afar hörð í þessari umferð og lengi vel var ég ansi bjartsýnn fyrir okkar hönd. Mér leist strax vel á stöðuna hjá Henrik enda tefldi hann af miklum krafti. Hann tapaði þó peði um miðbik skákarinnar en biskuparnir hans voru afar virkir og GM Varga tefldi framhaldið illa. 1-0 fyrir Ísland. Á meðan var Hannes að halda jafntefli gegn GM Almasi eftir smá pressu frá Ungverjanum og því var ég orðin vongóður um punkta, einn eða tvo. Allt kom þó fyrir ekki og Stebbi tapaði sinni skák, þar sem hann hafði líklega verra tafl frá byrjun og það sama gerðist fyrir Héðinn. Á borðinu var sigur Ungverjans Ruck sanngjarn enda var hann með yfirburðatafl. Hann tók hinsvegar þá skringilegu ákvörðun að skáka tvisvar með riddara á f7 og svo aftur á g5 þar sem hann var upphaflega. Héðinn lék Kh6 í þriðja sinn og krafðist svo jafnteflis enda staðan vissulega komin upp þrisvar sinnum. Þá upphófst mikil reikistefna - dómari viðureignarinnar náði í skorblað og var Héðni tjáð að hann ætti að skrifa skákina upp og svo var klukkan sett í gang þar sem að Héðinn var með 2 min. á klukkunni. Skákirnar voru auðvitað sendar beint út á netinu og þar sést greinilega að Héðinn hafði rétt fyrir sér.

Dómarinn setti svo klukku Héðins nokkrum sinnum í gang en Héðinn stoppaði hana jafnharðan og mótmælti hástöfum. Hafði hann þegar upp var staðið tapað rúmlega 30 sek. á því rugli. Að því sögðu fékk Héðinn gult spjald, rautt spjald og svo var gargað að hann skyldi leika annars myndi hann tapa skákinni.  Lék þá Héðinn tveimur leikjum áður en að hann gafst upp.

Vandræðin voru þau að það stendur greinilega í reglum mótsins að skila þurfi inn skorblaði til að sanna mál sitt en þeim er þó ekki dreift til keppenda fyrir skákirnar.  Ég taldi einfaldlega að það að skákirnar væru sýndar beint á netinu væri nóg en svo virðist ekki vera.

Það var með ólíkindum aumkunnarvert að horfa á Robert Ruck á meðan þessu stóð. Hann vissi þokkalega upp á sig sökina en sá ekki sóma sinn í að stöðva þetta fíaskó með því að bjóða Héðni jafnteflið.

En þrátt fyrir mótmæli okkar var ekkert gert og strax raðað í næstu umferð og mönnum sagt að hefja taflmennsku.

4.umferð: Slóvakía - Ísland 0,5-3,5 (Hannes, Héðinn, Henrik, Stefán)

Ég missti því miður af nánast allri þessari umferð þar sem að ég stóð í smá stappi útaf atvikinu gegn Ungverjum. Var að lesa reglurnar og reyna að tuða eitthvað fyrir hönd Héðins. Þegar ég kom hinsvegar að borðunum var Henrik búinn að knésetja sinn andstæðing. Slóvakíski stórmeistarinn reyndi að þyrla upp moðreyk í jafnri stöðu en skapaði þar með veikleika í stöðu sinni sem að Henrik nýtti sér til fulls. Héðinn hafði full tök á sinni skák gegn Íslandsvininum IM Vavrak, á borði Stefáns var staða sem að ég botnaði ekkert í og Hannes var peði undir í endatafli en þó með mikla jafnteflissjénsa. Að lokum kláraði Héðinn sína skák sannfærandi með sigri og Stebbi sneri á andstæðing sinn í tímahrakinu. Skemmtilegt atvik átti sér stað þegar að Slóvakinn rak kónginn sinn um koll og Stebbi krafðist gula spjaldsins, minnugur spjaldsins sem að hann fékk í hraðskákinni. Engin miskunn! Hannes hélt svo auðveldlega jafntefli og afar góður sigur því staðreynd.

5.umferð: Ísland - USA 1,5 - 2,5 (Hannes, Héðinn, Henrik, Björn)

Eftir hádegismatinn ákváðum við að hvíla Stefán og hleypa liðstjóranum inná. Mín skák var sú fyrsta til að klárast og voru hörmungarnar miklar. Ég tefldi alltof passíft en náði þó að komast út í einfalt endatafl sem ég hélt að ég myndi halda án mikilla erfiðleika. Svo datt mér allt í einu í hug að vera „dýnamískur" og leika peði til f5 enda mætti hann ekki drepa með e-peði sínu því hrókur héngi á e1. Kaninn drap það nú bara samt og þá sá ég að biskup hans valdaði hrókinn. Hrikaleg yfirsjón og eftirleikurinn auðveldur. Mér til enn meiri hrellingar var staðan ekki góð í öðrum skákum. Hannes samdi jafntefli á nánast sama tímapunkti og ég gaf. Henrik var að verjast í endatafli með mislitum biskupum og Héðinn var í einhverri beyglu fannst mér.  Henrik er hinsvegar heltraustur í endatöflum og hélt sér auðveldlega og Héðinn náði að komast út í stöðu þar sem að hann átti talsverða vinningssjénsa.  Bandaríski stórmeistarinn Kraai náði hinsvegar að halda jöfnu með því að þvinga fram þráskák og þar með tryggja USA sigur með minnsta mun. Við vorum mjög óánægðir með þessa niðurstöðu.

6.umferð: Íran - Ísland 2-2 (Hannes, Héðinn, Henrik, Stefán)

Íranarnir senda sterka sveit til leiks og sérstaklega eru þeir skeinuhættir í styttri skákum eins og GM Moradiabadi sýndi okkur fram á í Reykjavik Blitz í ár. Ég var því mjög ánægður þegar að Moradiabadi samþykkti jafnteflisboð Henriks sem stýrði svörtu mönnunum. Stebbi komst lítið áfram gegn stórmeistaranum Bhageri og sættist því einnig á skiptan hlut nokkuð sem ég var mjög sáttur með á þeim tímapunkti. Ástæðan fyrir því var sú að Héðinn var að hamast við að hirða hvert peðið á fætur öðru af andstæðingi sínum og átti auðunnið tafl. Eitt matchpoint því í húsi og Hannes enn að berjast. Andstæðingur Hannesar fylgdist ekki vel með úrslitum annarra skáka  og spurði á einum tímapunkti liðstjórann sinn hvort að hann mætti bjóða jafntefl en því var snarlega hafnað. Því miður tefldi hann af mikilli festu og áræði eftir að hann áttaði sig á því að um væri að ræða „must-win" skák og knésetti Hannes í endataflinu. Ágætis úrslit engu að síður enda vorum við mjög nærri því að taka bæði stigin.

Fyrir síðasta dag lúrum við því í 9.sæti og erum í sæmilegri stöðu. Með góðum endaspretti gætum við eygt von  um að komast í undanúrslitin en til þess verður allt að ganga upp.

Að lokum er hér smá saga af Mikhail Gurevich fyrir Ingvar, vin minn, enda er sá maður líklega sá svalasti sem sögur fara af. Kína er mikið lögregluríki eins og menn vita og því eru hér lögreglumenn í fullum skrúða út um allt, líka inni í skáksalnum. Inni á klósettunum eru umfangsmiklar merkingar um að það megi ALLS EKKI reykja þar og vappa löggurnar reglulega þangað inn til að sinna eftirliti. Það var því afar skemmtilegt að sjá Gúrann halla sér upp að skilti sem á stóð „SMOKING FORBIDDEN" og reykti af áfergju.  Ég vildi að ég hefði haft myndavél á mér.

Kveðja frá Kína,

Bjössi.

Fjórði pistill

Síðasti dagur mótsins rann upp og vorum við í góðum gír fyrir baráttuna sem framundan var. Því miður voru stríðsguðirnir ekki á okkar bandi og sérstaklega var dagurinn hörmulegur fyrir þann sem þessi orð skrifar.

7.umferð: Túrkmenistan - Ísland 1,5 - 2,5 (Héðinn, Henrik, Stefán, Björn)

Túrkmenistar voru fínir andstæðingar á þessum tímapunkti að okkar mati en þó mátti ekki vanmeta þá því þeir eru alveg grjótharðir hraðskáksmenn.

Hannes gerði mér þann ljóta grikk að óska eftir hvíld fyrir síðustu tvær umferðirnar og því var mér stillt upp  gegn 13 ára barni frá Túrkmenistan sem er alveg hrikalega góður. Ég hafði horft upp á hann slátra Jakobi Vang Glud í umferðinni á undan og því ætlaði ég aldeilis að vanda mig. Skemmst er frá því að segja að ég sá aldrei til sólar eftir vafasama byrjunartaflmennsku og var illa rassskelltur af barninu - ég skrifa þessi orð með óbragð í munni.

Sem betur fer komu félagar mínir mér til bjargar en tæpt stóð það. Þegar ég stóð upp frá mínu borði var Henrik aðeins með hrók gegn drottningu andstæðingsins en átti þó ýmsa praktíska möguleika ekki síst vegna þess að andstæðingurinn var í gríðarlegu tímahraki.  Skákin þróaðist á besta veg og með því að hóta einhverju trikkinu í hverjum leik tókst Henriki að plata andstæðinginn að lokum. Héðinn tefldi svo afar góða skák á fyrsta borði og knésetti reyndan andstæðing sinn auðveldlega. Þá var Stefán einn eftir og hann var í smá beyglu með engan tíma á klukkunni . Strákurinn er hinsvegar manna seigastur undir mikilli pressu og hann náði að tryggja sér jafntefli eftir klukkubarningamaraþon.

Sigur með minnsta mun gegn Túrkmenum og eins og heyra má þá stóð sá sigur afar tæpt.

8.umferð: Ísland - Tyrkland 1,5 - 2,5 (Hannes, Héðinn, Henrik, Stefán)

Tyrkirnir stilltu upp hefðbundnu liði - Gurevich á fyrsta borði og svo þrír vel þjálfaðir ungir tyrkneskir alþjóðlegir meistarar á borðum 2-4. Hannes var með hvítt á Gurevich og var liðið sammála um það að stutt jafnteflisboð frá okkar manni myndi henta okkur ágætlega enda værum við sterkari en þeir á öðrum borðum.  Það gekk eftir en því miður fóru aðrar skákir á versta veg. Héðinn, sem teflt hafði síðustu skákir alveg frábærlega, átti slæma skák gegn tyrkjanum Emre Can og varð að gefast upp þegar stutt var liðið á viðureignina. Staðan á öðrum borðum var samt ágætt - Stefán hafði fínt tafl gegn sínum andstæðingi og Henrik stóð til vinnings gegn Mert Erdogdu.  Henrik var skiptamuni yfir en varð samt að passa sig því Tyrkinn var með talsvert sprikl. Líklega vanmat Henrik spriklið og lék skákinni niður í sárgrætilegt tap. Stefán vann svo sína skák sannfærandi og því var tap með minnsta mun staðreynd.

Alveg ótrúlega svekkjandi úrslit því með sigri eða jafntefli þá hefðum við fengið tækifæri til að tefla úrslitaviðureign, líklega við Indland skv. mínum útreikningum, um sæti í fjögurra liða úrslitum mótsins.

9.umferð: Mexíkó - Ísland 2-2 (Hannes, Héðinn, Stefán, Björn)

Það var erfitt að mótivera sig fyrir þessa umferð þegar að möguleikar okkar höfðu runnið okkur úr greipum. Við vissum þó að með sigri myndum við væntanlega tryggja okkar 6. eða 7.sætið og við vildum reyna að enda eins ofarlega og okkur var unnt.

Henrik var miður sín eftir tapið gegn Tyrkjanum og óskaði eftir fríi í síðustu umferð og því fékk ég tækifæri til að rétta minn hlut. Ég ætla að reyna að gleyma föstudeginum 16.október 2008 úr mínu persónulega skákminni sem fyrst.

Hannes og Stefán komust lítið áleiðis gegn andstæðingum sínum. Mexíkaninn ungi, Manuel Leon Hoyos var greinilega smeykur við Róbótið því hann tefldi með ólíkindum leiðinlega og virtist afar sáttur við skiptan hlut. Héðinn vélaði síðan andstæðing sinn niður og kórónaði þar með stórgóða frammistöðu sína í mótinu. Þrátt fyrir hrikalega skák gegn Tyrkjanum þá var frábært að horfa á úrvinnslu Héðins í sumum skákunum og einnig var flott að fíaskóið gegn Ruck skyldi ekki sitja meira í honum en raun bar vitni.

Þá var það undir mér komið að tryggja okkur bæði matchpointin en því miður brást ég. Ég tefldi Taimanov-árásina gegn Ben-Oni andstæðingsins og þegar að kunnátta mín þraut þá hafði ég hreinlega ekki hugmynd um hvað ég ætti til bragðs að taka. Þá lagðist ég í þunga þanka og úðaði svo út nýjung og í raun nýju plani í stöðunni. Það var reyndar ekkert rosalega gott plan en nýjung engu að síður! Upphófust þá mikil uppskipti sem enduðu í jöfnu endatafli.  Mér varð svo á smá ónákvæmni sem að varð til þess að Mexíkaninn gat sett á mig smá pressu. Ég hefði nú samt undir öllum kringumstæðum átt að halda jafntefli en því miður þá var ég yfirbugaður í tímahrakinu og endaði með að falla á tíma með tapað tafl.

Niðurstaðan því 10 matchpoint af 18 mögulegum og 22 vinningar. Þökk sé nokkrum stórum sigrum þá öngluðum við saman ansi mörgum vinningum og því enduðum við í 9.sæti sem var ágætt úr því sem komið var. Við vorum hinsvegar mjög óheppnir að enda ekki í hærra sæti að mínu mati - ef við förum í smá EF-leik þá hefðum við endað í 6.sæti EF að ég hefði haldið jafntefli í síðustu skákinni og EF að við hefðum náð 2 matchpointum til viðbótar þá hefðum við einfaldlega farið í úrslitin. Þangað fóru t.d. Íranir en þökk sé tapi okkar gegn Tyrkjum þá fengu Íranir þá stoðsendingu og nýttu sér hana með 3-1 sigri.

Að lokum þá kemur smá yfirlit yfir viðureignirnar og í hvaða sæti þessar tilteknu þjóðir lentu:

1.       Mongólar - sigur, 3,5 - 0,5 (27.sæti)

2.       Eistar - sigur, 4-0, (7.sæti)

3.       Ungverjar - tap, 1,5-2,5 (5.sæti)

4.       Slóvakía - sigur, 3,5 - 0,5 (17.sæti)

5.       USA  - tap, 1,5 - 2,5 (2.sæti)

6.       Íran - jafntefli, 2 - 2 (4.sæti)

7.       Túrkmenistan, sigur, 2,5 - 1,5 (8.sæti)

8.       Tyrkland, tap, 1,5 - 2,5 (12.sæti)

9.       Mexíkó, jafntefli, 2 - 2 (13.sæti)

Ánægðastur var ég með stórsigrana gegn Eistum og Slóvökum. Tapið gegn Tyrkjum var hrikalegt og eyðilagði í raun gott mót en einnig var grætilegt að engir af tæpu viðureignunum gegn USA, Íran og Ungverjalandi skyldu ekki detta með okkur eins og miklir möguleikar voru á.

En það þýðir ekki að væla - mótið var skemmtilegt, staðurinn frábær og hreint út sagt mikil upplifun að koma hingað. Ég er einnig sannfærður um að þessi reynslu geri mönnum gott fyrir ÓL-mótið sem framundan er - hópurinn var hristur saman hér.

Framundan eru nokkrir frídagar áður en við höldum heim á leið. Við ætlum að reyna að kíkja á helstu túristastaðana næstu daga, amk á múrinn góða og Forboðnu borgina svo eitthvað sé nefnt.

Í gær fóru ég, Stefán og Hannes út úr ÓL-þorpinu að borða og enduðum við niðri á stórri verslunargötu í miðri Peking. Þar var einskonar útimarkaður þar sem að Kínverjarnir kepptust við að steikja og elda furðulega hluti - t.d. ýmsar pöddur og kvikindi sem að ég hefði ekki ímyndað mér að maður ætti að geta borðað. Þar voru meðal annars djúpsteiktir sporðdrekar á boðstólnum og þar sem ég er nú sporðdreki þá lét ég auðvitað vaða. Bragðið var alls ekki slæmt og það eina sem ég get í raun kvartað yfir var það að halinn með hinum eitraða broddi fór illa niður í gegnum hálsinn og festist þar lengi vel.

Yfir og út.

Björn

Íslandsmót 15 ára og yngri fer fram í dag

Á morgun fer fram Íslandsmót 15 ára og yngri í Vestmannaeyjum.  Nú eru skráðir 40 manns úr 7 félögum á mótinu og koma milli 15 og 20 krakkar ofan af landi.   Þátttakan virðist ætla að slá öll met því heyrst hefur að yngri krakkarnir í grunnskólanum í Eyjum hafa sýnt mikinn áhuga, enda er skákkennsla í öllum bekkjum upp í 5. bekk frá því í haust.

Má fastlega búast við yfir 50 keppendum á mótinu, en útlit er fyrir milli 15 og 20 keppendum ofan af landi. Í fyrra tók 31 skákmaður þátt en venjuleg þátttaka er á milli 30 og 40.  

Mótsblaðið er komið úr prentun og verður dreift í hús í bænum í kvöld.  Mótið hefst kl. 9 í fyrramálið og stendur allan daginn.  

Margir sterkir skákkrakkar hafa skráð sig, eins og sést á listanum yfir keppendur (sjá heimasíðu TV) og er von á spennandi keppni.

Enn er unnt að skrá sig hjá SÍ (sími: 568 9141 og netfang: [e-mail]) og síðan hjá TV eftir það og á mótsstað í fyrramálið í síðasta lagi.

Heimasíða TV

Anand sigraði Kramnik

Anand sigraði Kramnik í þriðju einvígisskák þeirra sem fram fór í dag og leiðir nú einvígið 2-1.  Kramnik hafði hvítt og tefld var slavnesk vörn.  Skákin var æsileg og lauk með sigri Indverjands eftir 41 leik.  Fjórða skákin fer fram á morgun og hefst kl. 13. 

Að þessu sinni verður skákin sýnd í þráðbeinni útsendingu á Skák.is!

Fastan tengill á útsendingarnar má finna efst til vinstri á Skák.is.

• Útsendingin á Skák.is
• Heimasíða einvígisins

EM taflfélaga: Hjörvar með jafntefli gegn stórmeistarara

Hvorki Taflfélagið Hellir né Taflfélag Bolungarvíkur riðu feitum hesti frá fyrstu umferð EM taflfélaga, sem fram fór í dag í Kallithea í Grikklandi.  Bolvíkingar töpuðu 0-6 fyrir spænsku sveitinni Linex Magic en Hellir tapaði ½-5½ fyrir tékknesku sveitinni 1. Novoborsky SK.  Hjörvar Steinn Grétarsson (2284) gerði jafntefli við stórmeistarann Petr Haba (2546).   

 

Úrslit 1. umferðar:

Bo.	42	Bolungarvik Chess Club	Rtg	-	10	Linex Magic	Rtg	0 : 6
10.1	IM	Gunnarsson Jon Viktor	2430	-	GM	Adams Michael	2734	0 - 1
10.2	IM	Thorfinnsson Bragi	2383	-	GM	Ponomariov Ruslan	2719	0 - 1
10.3	FM	Arngrimsson Dagur	2392	-	GM	Cheparinov Ivan	2696	0 - 1
10.4		Gislason Gudmundur	2328	-	GM	Akopian Vladimir	2679	0 - 1
10.5		Halldorsson Gudmundur	2251	-	IM	Perez Candelario Manuel	2520	0 - 1
10.6	FM	Einarsson Halldor	2264	-	FM	Cabezas Ayala Ivan	2374	0 - 1

 

o.	15	1. Novoborsky SK	Rtg	-	47	Hellir Chessclub	Rtg	5½: ½
15.1	GM	Hracek Zbynek	2613	-	FM	Lagerman Robert	2363	1 - 0
15.2	GM	Stocek Jiri	2578	-	FM	Johannesson Ingvar Thor	2355	1 - 0
15.3	GM	Markos Jan	2557	-	FM	Bjornsson Sigurbjorn	2323	1 - 0
15.4	GM	Haba Petr	2546	-		Gretarsson Hjorvar Steinn	2284	½ - ½
15.5	IM	Simacek Pavel	2477	-		Salama Omar	2258	1 - 0
15.6	GM	Cvek Robert	2532	-		Edvardsson Kristjan	2245	1 - 0

Í 2. umferð, sem fram fer á morgun, mæta Bolar litháísku sveitinni Panevezys Chess Club, en Hellir mætir CE Le Cavalier Didderdange frá Lúxemborg.

Andstæðingarnir í 2. umferð:

40. Panevezys Chess Club (0 / 1,5)
Bo.		Name	Rtg	FED	1	2	Pts.	RtgAvg
1		Pileckis Emilis	2472	LTU	½		0,5	2757
2		Beinoras Mindaugas	2434	LTU	0		0,0	2719
3	IM	Starostits Ilmars	2480	LAT	½		0,5	2642
4		Zickus Simonas	2315	LTU	0		0,0	2664
5		Bucinskas Valdas	2325	LTU	½		0,5	2629
6	IM	Zapolskis Antanas	2346	LTU	0		0,0	261

 

46. CE Le Cavalier Differdange (0 / 1)
Bo.		Name	Rtg	FED	1	2	Pts.	RtgAvg
1	IM	Henrichs Thomas	2485	GER	0		0,0	2557
2	IM	Bakalarz Mietek	2330	LUX	½		0,5	2518
3		Jansen Christof	2263	LUX	½		0,5	2465
4		Jeitz Christian	2251	LUX	0		0,0	2513
5		Gengler Pierre	2200	LUX	0		0,0	2398
6		Mauquoi Rudi	2032	LUX	0		0,0	2322

 

Alls taka 64 sveitir þátt.  Bolvíkingar hafa á að skipa þeirri 42. sterkustu en Hellismenn þá 47. sterkustu.  

• Heimasíða mótsins
• Chess-Results
• Heimasíða Hellis
• Heimasíða TB

Jóhann sigraði á fimmtudagsmóti

Jóhann H. Ragnarsson sigraði örugglega á fimmtudagsmóti TR sem fram fór í gærkvöldi.  Að þessu sinni voru tefldar 9 umferðir og hlaut Jóhann 8,5 vinning, 1,5 vinningi meira en Kristján Örn Elíasson sem hafnaði í 2. sæti með 7 vinninga. 

Úrslit urðu eftirfarandi:

• 1. Jóhann H. Ragnarsson 8.5 v
• 2. Kristján Örn Elíasson 7
• 3-5.Júlíus L. Friðjónsson, Helgi Brynjarsson, Magnús Matthíasson 6  
• 6. Dagur Andri Friðgeirsson 5.5     
• 7. Þór Valtýsson 5       
• 8-10. Brynjar Níelsson, Eiríkur Örn Brynjarsson, Sigurjón Haraldsson  4.5     
• 11-12. Óttar Felix Hauksson, Tjörvi Schiöth 4       
• 13-14. Páll Andrason, Pétur Axel Pétursson, 3.5     
• 15. Helgi Stefánsson, 3       
• 16. Benjamín Gísli Einarsson, 2.5     
• 17-18. Hjálmar Sigurvaldason, Sveinn Gauti Einarsson 1.5

Þriðja skák heimsmeistaraeinvígisins hafin

Þriðja einvígisskák heimsmeistaraeinvígis Anands og Kramnik er hafin.  Kramnik hefur hvítt.  Skákirnar eru uppfærðar meðan teflt er, en upplýsingum er seinkað um hálftíma, þannig að ekki er alveg um beina útsendingu að ræða. 

Tengil á beina útsendingu má finna hér og auk þess er fastur tengill á útsendingar efst á vinstri hluta síðunnar á meðan á einvíginu stendur.  

Útsendingin hófst kl. 13:30.  Fyrstu tveimur skákunum lauk með jafntefli. 

Alls tefla þeir 12 skákir.   

• Útsendingin á Skák.is
• Heimasíða einvígisins

Íslandsmót 15 ára og yngri fer fram á morgun

Á morgun fer fram Íslandsmót 15 ára og yngri í Vestmannaeyjum.  Nú eru skráðir 40 manns úr 7 félögum á mótinu og koma milli 15 og 20 krakkar ofan af landi.   Þátttakan virðist ætla að slá öll met því heyrst hefur að yngri krakkarnir í grunnskólanum í Eyjum hafa sýnt mikinn áhuga, enda er skákkennsla í öllum bekkjum upp í 5. bekk frá því í haust.

Má fastlega búast við yfir 50 keppendum á mótinu, en útlit er fyrir milli 15 og 20 keppendum ofan af landi. Í fyrra tók 31 skákmaður þátt en venjuleg þátttaka er á milli 30 og 40.  

Mótsblaðið er komið úr prentun og verður dreift í hús í bænum í kvöld.  Mótið hefst kl. 9 í fyrramálið og stendur allan daginn.  

Margir sterkir skákkrakkar hafa skráð sig, eins og sést á listanum yfir keppendur (sjá heimasíðu TV) og er von á spennandi keppni.

Enn er unnt að skrá sig hjá SÍ (sími: 568 9141 og netfang: [e-mail]) og síðan hjá TV eftir það og á mótsstað í fyrramálið í síðasta lagi.

Heimasíða TV

Hallgerður Helga efst á Íslandsmóti kvenna

Hallgerður Helga Þorsteinsdóttir er efst með 2½ vinning að lokinni þriðju umferð Íslandsmóts kvenna sem fram fór í gærkveldi.  Elsa María Kristíndardóttir er önnur með 2 vinninga.   Stefanía Bergljót Stefánsdóttir er efst í b-flokki.

Tinna Kristín Finnbogadóttir vann Sigurlaugu í þokkalegri skák þar sem Sigurlaug lék af sér manni og náði ekki mótsspili.

Sigríður Björg lék illa af sér á móti Elsu og varð skákin aðeins um 20 leikir. En lengsta skák kvöldsins var tefld af þeim Hallgerði og Guðlaugu þar sem Hallgerður fékk líklega betra upp úr byrjuninni en að lokum jafnaðist taflið og upp kom hróksendatafl sem Gulla reyndi að vinna en náði ekki og því varð jafntefli niðurstaðan.

Hallgerður er því í mjög góðum málum með 2,5 vinning af 3 mögulegum en Elsa hefur 2 vinninga. Tinna er komin með 1,5 ásamt Siggu.

Jóhanna er byrjuð að tefla í mótinu og þær Tinna gerðu jafntefli í gær í frestaðri skák en Tinna hefði að ósekju mátt tefla áfram með tvo létta menn gegn Hrók, Ulker frestaði gegn henni í dag og verður sú skák tefld á miðvikudag í næstu viku. Frestuð skák hennar gegn Guðlaugu verður tefld á sunnudag kl. 15 en næsta umferð er svo á mánudag.

Búið er að slá inn þær 10 skákir sem búnar eru í mótinu og má nálgast þær á chess-results.

En þá að B flokknum.

Hrund og Tara frestuðu sinni skák og tefla á sunnudag kl. 16. 

Camilla og Ástrós Lind tefldu heldur köflótta skák sem endaði með að kóngarnir stóðu einir eftir. Þær gátu unnið hvor aðra nokkrum sinnum í skákinni.

Karen Eva tapaði fyrir Stefaníu nokkuð örugglega en það sama var ekki alveg upp á teningnum hjá Hildi Berglind og Katrín Ástu. Þar var Hildur reyndar allan tíman með kolunnið en hún lék illa af sér í lokin og Katrín átti mát í einum. það sá hún hins vegar ekki og tók peð í staðinn sem dugði Hildi til að máta.

Margrét Rún og Hulda frestuðu og tefla á morgun, Föstudag kl. 14.30.

Dagbjört Edda tapaði fyrir Aldísi og hið sama gerði Sóley Lind gegn Ástu Sóley eftir að hún græddi kall í byrjuninni en gaf svo síðar Drottninguna og fleiri kalla.

Frestaðar skákir núna um helgina verða tefldar í Faxafeni 12. og skákstjóri verður Ólafur Ásgrímsson.

Chess-Results

Björn Ívar, Sverrir og Sigurjón efstir

Björn Ívar Karlsson, Sverrir Unnarsson og Sigurjón Þorkelsson eru efstir með 2½ vinning á Haustmóti Taflfélags Vestmannaeyja en þriðja umferð fór fram í gærkvöldi með 7 skákum en einni skák var frestað, þ.e skák Þórarins og Nökkva. Helstu úrslit kvöldsins voru að Sigurjón vann Karl Gauta og Sverrir og Björn Ívar gerðu jafntefli.  

úrslit 3. umferðar

Bo.	No.		Name	Pts.	Result	Pts.		Name	No.
1	3		Unnarsson Sverrir	2	½ - ½	2		Karlsson Bjorn Ivar	1
2	2		Thorkelsson Sigurjon	1½	1 - 0	2		Hjaltason Karl Gauti	5
3	4		Olafsson Thorarinn I	1		1½		Sverrisson Nokkvi	7
4	6		Gudjonsson Olafur T	1	1 - 0	1		Gautason Kristofer	10
5	8		Gislason Stefan	1	1 - 0	1		Olafsson Olafur Freyr	11
6	12		Bue Are	1	1 - 0	1		Jonsson Dadi Steinn	9
7	15		Olafsson Jorgen Freyr	0	0 - 1	0		Eysteinsson Robert Aron	13
8	16		Palsson Valur Marvin	0	1 - 0	0		Magnusson Sigurdur A	14

 

Staðan:

 

Rk.	Name	Rtg	Pts.
1	Karlsson Bjorn Ivar	2140	2,5
2	Unnarsson Sverrir	1875	2,5
3	Thorkelsson Sigurjon	1895	2,5
4	Hjaltason Karl Gauti	1645	2,0
5	Gislason Stefan	1545	2,0
6	Bue Are	0	2,0
7	Gudjonsson Olafur T	1600	2,0
8	Sverrisson Nokkvi	1560	1,5
9	Olafsson Olafur Freyr	1230	1,0
10	Jonsson Dadi Steinn	1275	1,0
	Gautason Kristofer	1270	1,0
12	Olafsson Thorarinn I	1650	1,0
13	Palsson Valur Marvin	0	1,0
14	Eysteinsson Robert Aron	0	1,0
15	Magnusson Sigurdur A	0	0,0
16	Olafsson Jorgen Freyr	0	0,0

• Heimasíða TV
• Chess-Results

 

Hjörleifur með tveggja vinninga forskot

Hjörleifur Halldórsson hélt áfram sigurgöngu sinni á Haustmóti SA en fórnarlamb hans í sjöundu umferð, sem fram fór í gærkveldi, var skákdrottningin Ulker Gasanova.

 

 

 

 

 

Önnur úrslit í 7. umferð:

• Sigurður Arnarson - Hersteinn Heiðarsson 1-0
• Haukur Jónsson - Jóhann Óli Eiðsson 0 - 1
• Tómas Veigar Sigurðarson - Hjörtur Snær Jónsson 1 - 0
• Sveinn Arnarsson - Mikael Jóhann Karlsson    frestað

Frestuð skák úr 5. umferð. Tómas Veigar Sigurðarson - Ulker Gasanova   0 - 1

 

Staðan eftir 7. umferðir:

1.	Hjörleifur Halldórsson	7 v.
2.	Sigurður Arnarson	5 v. + frestaða skák
3.	Tómas Veigar Sigurðarson	4,5
4.	Jóhann Óli Eiðsson	4,5
5.	Sveinn Arnarsson	4   + frestaða skák
6.	Ulker Gasanova	3,5 + frestaða skák
7.	Haukur Jónsson	2
8.	Mikael Jóhann Karlsson	1,5 + frestaða skák
9.	Hjörtur Snær Jónsson	0    + frestaða skák
10.	Hersteinn Heiðarsson	0    + frestaða skák

Áttunda og næstsíðasta umferð fer fram á sunnudag og hefst kl. 14.00. Þá mætast:

Jóhann Óli Eiðsson - Sveinn Arnarsson, Ulker Gasanova - Haukur Jónsson, Hjörtur Snær Jónsson - Mikael Jóhann Karlsson, Hersteinn Heiðarsson - Hjörleifur Halldórsson, Tómas Veigar Sigurðarson - Sigurður Arnarson.

Skákfélag Akureyrar