TR í úrslit eftir sigur á SA

Taflfélag Reykjavíkur vann öruggan sigur á Skákfélagi Akureyrar í viðureign félaganna í undanúrslitum Hraðskákkeppni taflfélaga sem fram fór í húsnæði SÍ í gær.   TR-ingar fengu 52 vinninga gegn 20 vinningum norðanmanna en staðan í hálfleik var 25,5-10,5.   Arnar Gunnarsson og Snorri G. Bergsson voru bestir TR-inga en Rúnar Sigurpálsson var bestur norðanmanna.   

Á fimmtudagskvöld fer fram viðureign Íslandsmeistara Hellis og Skákdeildar Haukar í Hellisheimilinu og hefst kl. 20

 

 

Árangur TR-inga:

 

• Arnar E. Gunnarsson 9,5 v. af 12
• Snorri G. Bergsson 9,5 v. af 12
• Stefán Kristjánsson 8,5 v. af 12
• Dagur Arngrímsson 8,5 v. af 12
• Guðni S. Pétursson 6 v. af 12
• Þröstur Þórhallsson 5,5 v. af 6
• Jón Viktor Gunnarsson 4,5 v. af 5
• Júlíus Friðjónsson 0 v. af 1

Árangur SA-manna:

• Rúnar Sigurpálsson 5,5 v. af 12
• Arnar Þorsteinsson 5 v. af 12
• Halldór B. Halldórsson 3,5 v. af 12
• Björn Ívar Karlsson 3 v. af 12
• Þórleifur Karlsson 2 v. af 12
• Stefán Bergsson 1 v. af 12

 

Boðsmót TR: Hvítur 0 - Svartur 5

Boðsmót Taflfélags Reykjavíkur, sem að þessu sinni er alþjóðlegt mót, hófst í kvöld og bar það til tíðinda að stjórnendur svörtu mannanna höfðu ávallt sigur!  Hinir stigahærri unnu hina stigalægri þó með þeirri undantekningu að Pólverjinn Andrzej Misiuga sigraði Ingvar Þór Jóhannesson.   Önnur umferð fer fram á morgun og hefst kl. 17. 

Úrslit 1. umferðar 

Matthías Pétursson - Domantis Klimciauskas 0-1
Esben Lund - Jón Viktor Gunnarsson 0-1
Daði Ómarsson - Bragi Þorfinnsson 0-1
Ingvar Þ. Jóhannesson - Andrzej Misiuga 0-1
Kestutis Kaunas - Guðmundur Kjartansson 0-1

Heimasíða TR 

EM ungmenna: Þrjú töp í Króatíu

Ekki gekk vel hjá íslensku skákmönnunum í 4. umferð Evrópumóts ungmenna, sem fram fór í dag í Zagreb í Króatíu.   Hjörvar Steinn Grétarsson, sem hafði fullt hús fyrir umferðina í flokki drengja 14 ára og yngri, tapaði fyrir rússneska alþjóðlega meistarann Sanan Sjugirov (2407).  Sverrir Þorgeirsson (2064) og Hallgerður Helga Þorsteinsdóttir (1808), sem bæði tefla í flokki 16 ára og yngri töpuðu einnig.

Hjörvar hefur 3 vinninga, Hallgerður 1,5 vinning en Sverrir 1 vinning.

 

 

 

 

Röðun 5. umferðar: 

Rd.	Bo.	No.		Name	FED	Rtg	Pts.	Result	Pts.		Name	FED	Rtg	No.	Group
5	39	62		Thorgeirsson Sverrir	ISL	2064	1		1		Bekarovski Filip	MKD	1950	78	Boys U16
5	8	19		Gretarsson Hjorvar Stein	ISL	2168	3		3		Kanarek Marcel	POL	2226	10	Boys U14
5	23	36		Richard Emma	FRA	1962	1½		1½		Thorsteinsdottir Hallgerdur	ISL	1808	54	Girls U16

Úrslit 4. umferðar: 

Rd.	Bo.	No.		Name	FED	Rtg	Pts.	Result	Pts.		Name	FED	Rtg	No.	Group
4	28	36		Anton Teodor	ROU	2212	1	1 - 0	1		Thorgeirsson Sverrir	ISL	2064	62	Boys U16
4	1	2	IM	Sjugirov Sanan	RUS	2407	3	1 - 0	3		Gretarsson Hjorvar Stein	ISL	2168	19	Boys U14
4	20	54		Thorsteinsdottir Hallgerdur	ISL	1808	1½	0 - 1	1½		Fernandez Laura	FRA	2036	22	Girls U16

• Skákirnar í beinni
  
• Heimasíða mótsins
• Chess-Results

EM ungmenna: Hjörvar í beinni

Skák Hjörvars Steinn Grétarsson (2168) gegn rússneska alþjóðlega meistarann Sanan Sjugirov (2407), sem er næststigahæsti keppandinn í flokki Hjörvars er nú sýnd beint á vefnum.    

• Skákirnar í beinni
  
• Heimasíða mótsins
• Chess-Results

Patrekur Maron sigraði á unglingameistaramóti Namibíu

Heimsmeistarar grunnskólasveita, skáksveit Salaskóla, er nú að útbreiða fagnaðarerindi skákarinnar í Namibíu eins og lesa má ítarlega um á bloggsíðu Hrannars Baldurssonar.    Þau tóku þátt í unglingameistaramóti Namibíu fyrir 20 ára og yngri. Sú keppni var æsispennandi fram á síðustu stundu. Sterkustu keppendurnir frá Namibíu voru þeir Fares Fani, Goodwill Khoa og Ralph Uri-Khob, en 17 þátttakendur voru í þessum flokki.  Patrekur Maron Magnússon stóð uppi sem sigurvegari eftir að hafa leyft tvö jafntefli, við Guðmund Kristinn Lee og Fares Fani, en Patrekur sigraði Jóhönnu í spennandi skák snemma móts. Jóhanna tapaði fyrir Fani Fares en sigraði hins vegar Goodwill Khoa, þann sem vann Patrek í sveitakeppninni. Birkir Karl Sigurðsson náði stórgóðum árangri, þar sem að hann náði 5 vinningum af 7 mögulegum. En mest spennandi skákin var í næstsíðustu umferð, þegar Páll Andrason fékk Fares Fani með hvítu.

Gummi og Patti voru búnir að gera jafntefli þannig að ef Fari næði að vinna Palla væri sigurinn í mótinu hans; en Palli tefldi enska leikinn á mjög frumlegan hátt; og tókst að finna fjöldann allan af skemmtilegum möguleikum í mjög þröngri stöðu. Loks tókst honum að ná í peð andstæðingsins og sigraði af miklu öryggi, án þess að leika nokkrum ónákvæmum leik. Þetta er besta skák sem ég hef séð Palla tefla. Fyrir vikið komst Patrekur einn í fyrsta sætið og hélt því með öruggum sigri í síðustu umferð gegn Fritz Namaseb. Þar sem að Salaskólabörnin voru gestir á mótinu fengu þau engin verðlaun, en fengu viðurkenningu þegar klappað var fyrir þeim í lok verðlaunaafhendingar.

Lokatölur mótsins voru þannig: 

• Patrekur Maron Magnússon - 6 vinningar af 7
• 2.-3.
• Fares Fani (Namibíumeistari 20 ára og yngri) - 5,5 vinningar
• Páll Andrason
• 4.-7.
• Jóhanna Björg Jóhannsdóttir - 5 vinningar
• Goodwill Khoa
• Engelhardt Nowaseb
• Birkir Karl Sigurðsson
• 8.-10
• Guðmundur Kristinn Lee - 4 vinningar
• Armin Diemer
• Ralph Uri-Khob

o.s.frv...

Skáksveitin tók einnig þátt um daginn í Namibíumeistaramóti skólasveita sem gestasveit, þar sem þátt tóku grunnskólar, gagnfræðaskólar og menntaskólar frá Namibíu.  Börnin sýndu og sönnuðu styrk sinn enn einu sinni með því að leggja alla andstæðinga sína, sjö að tölu, og hlutu 27 vinninga af 28 mögulegum. Namibíumeistarinn náði 19.5 vinningum, og 2.-3. sætið náðu 19 vinningum. 36 sveitir alls staðar að frá Namibíu tóku þátt. 

Lokastaðan: 

1. Salaskóli, 27 vinningar af 28
2. Ella Du Plessis High School A, 19,5 v.
3. Okahandja Secondary School A, 19 v.
4. Ella Du Plessis High School B, 19 v.

Vinningar Salaskóla skiptust þannig:  

• borð: Jóhanna Björg Jóhannsdóttir - 7 vinningar af 7
• borð: Patrekur Maron Magnússon - 6 vinningar af 7
• borð: Páll Snædal Andrason - 7 vinningar af 7
• borð: Guðmundur Kristinn Lee - 5 vinningar af 5
• varamaður: Birkir Karl Sigurðsson - 2 vinningar af 2

Meira má lesa um ævintýri Salaskólakrakkanna á vefsíðu Hrannars.

• Bloggsíða Hrannars
• Salaskólaskák

HM í skák: Anand og Kramnik efstir

Indverjinn Viswanathan Anand (2792) og rússneski heimsmeistarinn Vladimir Kramnik (2769) eru efstir og jafnir með 2,5 vinning að lokinni fjórðu umferð Heimsmeistaramótsins í skák, sem fram fór í gærkveldi í Mexíkló.   Armeninn Aronian (2750) vann Ungverjann Leko (2751) en öðrum skákum lauk með jafntefli.    

 

 

 

 

 

Úrslit 4. umferðar: 

Kramnik, Vladimir - Grischuk, Alexander 1/2
Aronian, Levon - Leko, Peter 1-0
Morozevich, Alexander - Anand, Viswanathan 1/2
Svidler, Peter - Gelfand, Boris 1/2

Frídagur er í dag.   

Staðan:

1.-2. Anand (2792) og Kramnik (2769) 2,5 v.
4.-6. Grischuk (2726), Gelfand (2733), Morozevich (2758) og Aronian (2750) 2 v.
7.-8. Svidler (2735) og Leko (2751) 1,5 v.

 

• Heimasíða mótsins
  
• Skákirnar í beinni (hefjast kl. 19)

 

Arnaldur efstur skákmanna í Golfveislu Sparisjóðs Bolungarvíkur

Arnaldur Loftsson varð efstur skákmanna í Golfveislu Sparisjóðs Bolungarvíkur sem fram fór í dag í miklum kulda en mótið var hluti skákhátíðinnar sem fram þar á laugardag.  Arnaldur hafnaði í 2.-4. sæti sæti og fékk í verðlaun 4.000 kr. vöruúttekt í Shell-búðinni í Bolungarvík.  Unnsteinn Sigurjónsson varð í sjötta sæti. Sigurbjörn J. Björnsson fékk nándarverðlaun á þriðju holu og fékk að verðlaunum 4.000 kr. vöruúttekt í snyrtivörubúð á Ísafirði. 

Báðir gáfu þeir sín verðlaun til heimamanna.  Arnaldur gaf sín verðlaun til starfsmanna Sparisjóðs Bolungarvíkur en Sigurbjörn gaf sín verðlaun til heimamanns hvers kona á von á sér næstu daga.  Réttlátir þessir skákmenn! 

Röð efstu skákmanna var sem hér segir:

1. (4) Arnaldur Loftsson 38 punktar
2. (6) Unnsteinn Sigurjónsson 37 punktar
3. (9) Davíð Kjartansson 33 punktar
4. (10) Guðmundur Bjarni Harðarson 33 punktar
5. (15) Sigurður Ólafsson 30 punktar

Mynd: Arnaldur Loftsson á fyrsta teig á Golfvellinum í Bolungarvík í dag.  

Heildarúrslit mótsins   

EM ungmenna: Hjörvar með fullt hús eftir 3 umferðir

Hjörvar Steinn Grétarsson (2168), sem teflir í flokki 14 ára og yngri, sigraði Þjóðverjann Felix Graf (2273) í 3. umferð Evrópumóts ungmenna, sem fram fór í dag í Zagreb í Króatíu.   Hjörvar hefur fullt hús vinninga ásamt fjórum öðrum skákmönnum.  Hallgerður Helga Þorsteinsdóttir (1808), sem teflir í  flokki stúlkna 16 ára og yngri, sigraði en Sverrir Þorgeirsson (2064), sem einnig teflir í flokki 16 ára og yngri tapaði.   Sverrir hefur 1 vinning en Hallgerður 1,5 vinning.

Fjórða umferð fer fram á morgun.  Þá teflir Hjörvar við rússneska alþjóðlega meistarann Sanan Sjugirov (2407), sem er næststigahæsti keppandinn í flokki Hjörvars.

 

 

 

• Heimasíða mótsins
• Chess-Results

Boðsmót TR hefst á morgun

Boðsmót Taflfélags Reykjavíkur hefst á morgun, mánudag.  Mótið er nú með öðru sniði en áður en a-flokkur mótsins er nú alþjóðlegt skákmót sem er með svipuðu sniði og Fiskmarkaðsmót Hellis, sem fram fór í sumar.  Tveir ungir og efnilegir skákmenn tækifæri á að spreyta sig en það eru þeir Daði Ómarsson og Matthías Pétursson.  Einnig fer fram sterkur b-flokkur þar sem gamla keppan Björn Þorsteinsson er meðal keppendae þar fá einnig ungir og efnilegir skákmenn að spreyta sig.

Gott framtak hjá TR-ingum en Torfi Leósson mun vera prímusmótorinn á bakvið mótshaldið.   

Keppendur í a-flokki:

1. AM Jón Viktor Gunnarsson (2427)
2. AM Bragi Þorfinnsson (2389)
3. AM Kestusis Kaunas (2273), Litháen
4. FM Esben Lund (2396), Danmörku
5. FM Ingvar Þór Jóhannesson (2344)
6. FM Guðmundur Kjartansson (2306)
7. Domantas Klimciauskas (2162), Litháen
8. Andrzej Misiuga (2147), Póllandi
9. Daði Ómarsson (1951)
10. Matthías Pétursson (1919)

Keppendur í b-flokki:

1. Björn Þorsteinsson (2194)
2. Þorvarður F. Ólafsson (2156)
3. Hrannar Baldursson (2112)
4. Guðni Stefán Pétursson (2107)
5. Sverrir Þorgeirsson (2064)
6. Jóhann Ingvason (2064)
7. Ingvar Ásbjörnsson (2028)
8.  Vilhjálmur Pálmason (1904)

Heimasíða TR

 

Bolungarvíkursaga

Í gær fór fram Stórmót Kaupþings og Sparisjóðs Bolungarvíkur - Hraðskákmót Íslands í Bolungarvík.  Ritstjóri sem var skákstjóri mótsins hefur tekið saman smá pistil um mótið.  

Flogið var snemma að morgni.  Ferðalagið var reyndar heldur flóknara en stefnt var að en ekki þótti lendingarveður á Ísafirði og var þess í stað flogið til Þingeyrar og rúta tekin til Ísafjarðar.   Það sprakk svo á rútunni í göngunum!   Eftir ferðina var aðkomumönnunum komið fyrir í þessar fínu íbúðir og ekki væsti um þá.

Þrátt fyrir tafirnar tókst að byrja mótið nánast á réttum tíma.   Forseti bæjarstjórnar, Anna G. Edvardsdóttir, setti mótið og lék fyrsta leiknum í skák Helga Áss og Ólafs Ásgrímssonar.  Tefldar voru 20 umferðir sem er mesti umferðarfjöldi sem mér er kunnugt um á móti hérlendis!   Sennilega hefði verið nóg að hafa þær 15 því pörunin var orðin nokkuð sérstök í lokaumferðunum.  Lengi leit út fyrir að Helgi Áss myndi vinna mótið en Guðmundur Halldórsson vann stórmeistarann í 18. umferð og þá náði Arnar forystunni sem hann lét ekki af hendi.  

Arnar er eitursnjall skákmaður á styttri tímamörkunum og vinnur flest hrað- og atskákmót, sem hann tekur þátt í .  Helgi og Þröstur urðu í 2.-3. sæti og höfnuðu góðu boði ritstjórans um vítakeppni í handbolta til að útkljá hvor yrði annar.  Sennilega gert sér grein fyrir því að þeir myndu ekki setja mörg mörk!

Í boði voru ýmis aukaverðlaun og m.a. verðlaun fyrir besta grunnskólanemann í Bolungarvík en mikill fjölda nemenda þar tóku þátt.   Þar urðu fimm efstir og jafnir.

Það voru þeir Ingólfur Hallgrímsson, Jakob Szuterawski, Daníel Ari Jóhannsson, Patryk Gawek, Páll Sólmundur Halldórsson.  

Bolvíkingar stóðu sig vel.  Bræðurnir Unnsteinn og Magnús Sigurjónssynir tóku sitthvor aukaverðlaunin og Halldór Grétar Einarsson fékk verðlaun sem besti Bolvíkingurinn. 

Að loknu móti var myndarleg verðlaunaafhending og svo glæsimatur í Kjallaranum.  Á Kjallaranum er ég ekki frá því að handsalað hafi verið að Hraðskákmót Íslands yrði næstu 5 ár á Bolungarvík.   

Einhver hraustmenni fóru svo í golf í morgun og hafa sjálfsagt þurft að hýrast á golfvellinum við kulda og vosbúð enda skítakuldi fyrir vestan.   Reyndar grunar mig að sumir golfarnir hafi verið fremur svefnvana og eru sjálfsagt nú í flugvél á leiðinni heim, kaldir og hraktir.   

Bolvíkingum þakka ég fyrir frábærar móttökur.  Sjáumst að ári!

Smá myndasafn frá mótinu má finna undir "myndaalbúm" ofarlega til vinstri.    

Myndir: Arnar og Jón Viktor, Guðmundur Bjarni, sem varð jafn Arnaldi að vinningum, og Áslaug Kristinsdóttir og bæjarstjórahjónin, Grímur og Helga Vala. 

Gunnar Björnsson