Sævar efstur á Vinnslustöðvarmótinu

Alþjóðlegi meistarinn Sævar Bjarnason (2250) er efstur með fullt hús að lokinni þriðju umferð Vinnslustöðvarmótsins, sem fram fór í dag í Vestmannaeyjum.  Einar K. Einarsson (2010) er annar með 2,5 vinning.   Alls taka 16 skákmenn þátt í mótinu.  Fjórða umferð fer fram í kvöld en mótinu líkur á morgun með fimmtu umferð. 

Heimasíða Taflfélags Vestmannaeyja 

 

Jafntefli hjá Friðriki í áttundu umferð

Friðrik Ólafsson gerði stutt jafntefli, í 18 leikjum, við hollenska alþjóðlega meistarann Willy Hendriks (2420) í áttundu og næstsíðustu umferð Euwe Stimulans skákmótsins sem fram fór í dag í Arnhem í Hollandi.  Friðrik hefur 3,5 vinning og hefur unnið tvær skákir á mjög skemmtilegan hátt en með svörtu mönnunum en gengið verr með hvítu mönnunum.  

Oscar Panno og Nona Gaprindashvili hafa einnig gert jafntefli en öðrum skákum áttundu umferðar er enn ólokið.  

Í níundu umferð sem fram fer á morgun mætir Friðrik Panno.   

Staðan eftir 7. umferð:

1. AM Amon Simutome (2421), Sambía, 6,5 v.
2. SM  Dibyendru Barua (2462), Indlandi  6 v.
3. SM Nona Gaprindasvili (2364), Georgíu, 4,5 v.
4. FM Puchen Wang (2348), Nýja Sjálandi, 4 v.
5.-7. SM Friðrik Ólafsson (2452) 3 v.
5.-7. AM Willy Hendriks (2420), Hollandi, 3 v.
5.-7. SM Oscar Panno (2457), Argentínu, 3 v.
8. KSM Bianca Muhren (2334), Hollandi, 2,5 v.
9. AM Helgi Dam Ziska (2408), Færeyjum, 2 v.
10. Vincent Rothuis (2441), Hollandi, 0,5 v. 

• Heimasíða mótsins
• Skákirnar í beinni (virkar í Explorer en ekki í Firefox)
• Skákhornið (Eyjólfur Ármannsson fer yfir skákina leik fyrir leik og skýrir gang mála)
  

Ný skákstig væntanleg

Ný skákstig eru væntanleg fyrsta september nk.  Mótshaldarar eru hvattir til að skila mótum til útreiknings eigi síðar en 30. ágúst en að öðrum kosti verða þau ekki reiknuð.

Eftirfarandi mót hafa skilað sér:

• Fiskmarkaðsmót Hellis
• Sumarskákmót Skákfélags Akureyrar
• Landsmót í skólaskák (eldri- og yngri flokkar)

Atskákmót:

• Landsmót UMFÍ

 

Sóknarsigur Friðriks í Arnhem

Friðrik Ólafsson sigraði hinn unga Hollending, Vincent Rothuis (2441), sem er aðeins 17 ára, í mikilli sóknarskák í sjöundu umferð Euwe Stimulans skákmótinu sem tefld var í dag í Arnhem í Hollandi.  Friðrik hafði svart og blés Hollendingurinn ungi strax til mikillar sóknar.   Friðrik tók hraustlega á móti og eftir miklar flækjur mátaði Friðrik Hollendinn í 26 leik!  Friðrik hefur 3 vinninga.   

Öðrum skákum sjöundu umferðar er enn ólokið en staðan efstu manna fyrir umferðina var sem hér segir:

1. AM Amon Simutome (2421), Sambía, 5,5 v.
2. KSM  Dibyendru Barua (2462), Indlandi  5 v.
3. KSM Nona Gaprindasvili (2364), Georgíu, 4,5 v.

• Heimasíða mótsins
• Skákirnar í beinni (virkar í Explorer en ekki í Firefox)

Reyknesingar unnu Fjölnismenn

Skákfélag Reykjanesbæjar sigraði Skákdeild Fjölni í 1. umferð Hraðskákkeppni taflfélaga, 39.5 - 32.5,  Viðureignin fór fram í Keflavík síðastliðinn mánudag.

Guðmundur Sigurjónsson stóð sig best heimamanna með 9 vinninga og Jóhann Ingvason fékk 8 vinninga.

Tómas Björnsson Fjölni stóð sig þó best allra og fékk 12 v af 12 mögulegum.  Jón Árni Halldórsson kom næstur Fjölnismanna með 7 vinninga.

Reyknesingar eru því komnir í 8 liða úrslit þar sem þeir mæta Akureyringum.    

Smári Rafn stóð sig vel á Spáni

Félagar úr Skákfélagi Akureyrar voru iðnir að tefla erlendis í júlí, níu voru í Danmörku, tveir í Tekklandi og

Smári Rafn Teitsson tók þátt í alþjóðlegu móti í Valensíu á Spáni og honum gekk mjög vel hlaut 5,5 vinning af 9 mögulegum og hafnaði í 17.-28 sæti af 100 keppendum. Vann hann m.a. Olgu Gerasimovitch stórmeistara kvenna frá Hvíta-Rússlandi, en hún hafnaði í 3.-8. sæti með 6,5 v. Sigurvegari varð alþjóðlegi meistarinn Kovacevic Slobodan með 7 vinninga.

 

Í dag hófst alþjóðlegt mót í Barcelona og keppir þar Sigurður Eiríksson í a -flokki en 306 keppendur eru í flokknum.

Euwe skákmótið: Friðrik tapaði í sjöttu umferð

Sjötta umferð á Euwe Stimulans skákmótinu var tefld í dag. Friðrik hafði hvítt gegn efsta manni mótsins, alþjóðlega meistaranum Amon Simutowe frá Zambíu. Skákinni lauk með sigri Amons eftir 38 leiki. Friðrik er með tvo vinninga, en Amon heldur forystunni á mótinu. Önnur úrslit í sjöttu umferð sem liggja fyrir:

Friðrik Ólafsson - Amon Simutowe 0-1
Bianca Muhren - Puchen Wang 1-0
Helgi Ziska - Dibyendu Barua
Oscar Panno - Vincent Rothuis 1-0
Nona Gaprindashvili - Willy Hendriks

 Heimasíða mótsins

KR-ingar unnu Austfirðinga

Skákdeild KR vann öruggan sigur, 57-15, á Skáksambandi Austurlands í fyrstu umferð hraðskákkeppni taflfélaga.  Hrannar Baldursson og Jóhann Örn Sigurjónsson voru bestir KR-inga, var með fullt hús en Bjarni Jens Kristinsson var bestur gestanna. 

KR-ingar mæta Íslandsmeisturum Hellis í 2. umferð (8 liða úrslitum).

Árangur KR-inga:

• Hrannar Baldursson 12 v. af 12
• Jóhann Örn Sigurjónsson 12 v. af 12
• Gunnar Gunnarsson 10,5 v. af 12
• Sigurður Herlufsen 10 v. af 12
• Vilhjálmur Guðjónsson 4 v. af 8
• Kristján Stefánsson 5 v. af 8
• Guðfinnur Kjartansson 2 v. af 3
• Jón G. Briem 1,5 v. af 6
  

Árangur SA-manna:

• Bjarni Jens Kristinsson 5 v.
• Björn Jónsson 3 v.
• Helgi Egilsson 2 v.
• Gunnar Finnsson 1,5 v.
• Kjartan Másson 1,5 v.
  
• Gísli B. Bogason 1.
  

 

 

 

Snorri í landsliðsflokki

FIDE-meistarinn Snorri G. Bergsson (2301) hefur tekið sæti í landsliðsflokki í stað Guðmundar Kjartanssonar sem hefur afboðað sig þar sem mótið rekst á Norðurlandamót framhaldsskólasveita.  Meðalstig eru 2359 skákstig og til að ná áfanga þarf sem fyrr 7 vinninga.

Keppendalistinn:

 

Skákmaður	Titill	Stig	Félag
Hannes Hlífar Stefánsson	SM	2568	TR
Þröstur Þórhallsson	SM	2461	TR
Stefán Kristjánsson	AM	2458	TR
Jón Viktor Gunnarsson	AM	2427	TR
Bragi Þorfinnsson	AM	2389	Hellir
Ingvar Þór Jóhannesson	FM	2344	Hellir
Davíð Kjartansson	FM	2324	Fjölnir
Dagur Arngrímsson	FM	2316	TR
Róbert Harðarson	FM	2315	Hellir
Snorri G. Bergsson	FM	2301	TR
Lenka Ptácníková	KSM	2239	Hellir
Hjörvar Steinn Grétarsson		2168	Hellir

 

Akureyringar og Bolvíkingar komnir áfram

Skákfélag Akureyrar vann öruggan sigur á Taflfélagi Akraness í 1. umferð (13 liða úrslitum), hraðskákkeppni taflfélaga, 65-7, en viðureign félaganna fór fram í Akranesi í gær.   Halldór Brynjar Halldórsson stóð sig best gestanna, hafði fullt hús vinninga.  Bolvíkingar unnu Selfyssinga, 51,55-21,5, í viðureign félaganna, sem fram fór í fyrradag. Sæbjörn Guðfinnsson var bestur Bolvíkinga en Páll Leó Jónsson var bestur Selfyssinga.  

Árangur SA-manna:

• Halldór B. Halldórsson 12 v. af 12
• Arnar Þorsteinsson 11,5 v.
• Rúnar Sigurpálsson 11 v.
• Björn Ívar Karlsson 11 v.
• Þórleifur Karlsson 10,5 v.
• Stefán Bergsson

Árangur TA-manna:

• Pétur Atli Lárusson 2 v.
  
• Viðar Másson 2 v.
  
• Gunnar Magnússon 1 v.
• Magnús Gíslason 1 v.
• Hörður Garðarsson 1 v.
• Magnús Magnússon 0 v.  
  

Árangur Bolvíkinga:

• Sæbjörn Guðfinnsson 10 v. af 12
• Halldór Grétar Einarsson 9,5 v.
• Magnús Pálmi Örnólfsson 9 v.
• Unnsteinn Sigurjónsson 9 v.
• Stefán Arnalds 7 v.
• Guðmundur Daðasvon 5 v.

Árangur Selfyssinga:

• Páll Leó Jónsson 5,5 v. af 12
• Ingimundur Sigurmundsson 5 v.
• Magnús Gunnarsson 3 v.
• Úlfhéðinn Sigurmundsson 2,5 v.
• Vilhjálmur Pálsson 2,5 v.
• Guðbjörn Sigurmundsson 2 v.
  

Ekki hafa borist í úrslit í viðureignum KR og Austurlands né Reyknesinga og Fjölnis.  

Bolvíkingar mæta Haukum í átta liða úrslitum og Akureyringar mæta sigurvegaranum í viðureign Reyknesinga og Austfirðinga.