Ný fundargerð stjórnar SÍ

Ný fundargerð stjórnar SÍ hefur verið birt á vefnum.  Í fundargerðinni er m.a. fjallað um afreksnefndina auk bókunar um skák og áfengi.

Um afreksnefnd segir:

Jón Gunnar Jónsson formaður nefndarinnar sagði frá því að rætt hafi verið við fjölmarga alþjóðlega meistara og efnilegustu skákmenn landsins af yngri kynslóð skákmanna og afreksmenn.  Þeir spurðir um markmið þeirra til árangurs, aðstöðu til skákiðkunar.  Jón Gunnar lagði fram formlega beiðni til stjórnarinnar um að kanna möguleika á því að koma á FIDE þjálfaranámskeiði á Íslandi á starfsárinu og kanna kostnað við námskeiðshald, en FIDE tók mjög vel í beiðni nefndarinnar.  Stjórnin samþykkti að athuga heildarkostnað á slíku námskeiðshaldi, hlut þátttakenda í kostnaði og áhuga á þátttöku á meðal taflfélaga og skákmanna á slíku námskeiði. 

Bókun um skák og áfengi:

Stjórn SÍ lítur á það sem brot á 13. gr laga sambandsins, þar sem talað er um "almennt velsæmi og sannan íþróttaanda" að fulltrúar eða styrkþegar á vegum SÍ neyti áfengis eða annarra vímuefna meðan á skákmótum stendur (frá upphafsdegi móts til loka síðustu skákar).  Farar-eða liðsstjóra er skilt að tilkynna um slík brot.  Áskilur stjórn SÍ sér þann rétt að beita viðurlögum eins og áhrif á  val á mót, landsliðsval, styrkgreiðslur, áfangagreiðslur o.fl.  Reglum um styrki SÍ verður einnig breytt til samræmis við þessa bókun, rætt verður við Félag skákdómara og erindi sent til taflfélaganna.  Dæmi um mót sem þessi bókun á við:  Skákþing Íslands-Landsliðsflokkur, EM-félagsliða, EM-einstaklinga, EM-landsliða, Ólympíumót og að sjálfsögðu öll mót yngri skákmanna erlendis á vegum SÍ.

Fundargerðir stjórnar SÍ