Vin Open

Mánudaginn 30. mars verður stórmót haldið í Vin, Hverfisgötu 47 í Reykjavík. Vin Open hefst klukkan 13:00.

Skákfélag Vinjar og Skákakademía Reykjavíkur sameinast um glæsilegt mót sem er hluti af Skákhátíðinni í Reykjavík eða Reykjavik Open. Von er á erlendum meisturum og fá þá félagar í Skákfélagi Vinjar, sem og aðrir sem áhuga hafa (þora) tækifæri til að reyna sig.

Tefldar verða sex umferðir með fimm mínútna umhugsunartíma. Að móti loknu verður boðið upp á glæsilegt kaffihlaðborð.

Veitt verða sérstök verðlaun fyrir þrjú efstu sætin, 60 ára+ og 16 ára og yngri. Einnig verða veitt verðlaun fyrir bestan árangur stigalausra.
-Allir þátttakendur fá bókavinninga.-

Skákstjórar og dómarar eru þeir Björn Þorfinnsson, forseti Skáksambands Íslands og framkvæmdastjóri Skákakademíu Reykjavíkur, og stjórnarmaður Skákademíunnar og varaforseti Hróksins, Fide meistarinn Róbert Lagerman.

Vin er athvarf Rauða kross Íslands fyrir fólk með geðraskanir og er að Hverfisgötu 47. Teflt er á mánudögum klukkan 13 og þá eru einnig mánaðarlega haldin mót. Allir velkomnir og það eru engin þátttökugjöld. Síminn þar er 561-2612.