Íslandsmótið í netskák

Íslandsmótið í netskák fer fram sunnudaginn 28. desember á ICC og hefst kl. 20. Mótið er öllum opið og er teflt er einum flokki.  Skráning fer fram á Skák.is.

Mótið er elsta landsmót í netskák í gervöllum heiminum en fyrsta Íslandsmótið fór fram 1996.   Tímamörk eru 4 2 (4 mínútur + 2 sekúndur á leik) og tefldar eru 9 umferðir. 

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en 19:55.

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á www.skak.is.  Þeir sem ekki hafa hugbúnað til að tefla geta halað niður þar til gerðu forriti.   Einnig er hægt að tefla í gegnum java-forrit.  

Núverandi Íslandsmeistari í netskák er Stefán Kristjánsson en hann hefur sigrað oftast allra ásamt Arnari E. Gunnarssyni eða þrisvar sinnum..   

Verðlaun:

1. kr. 10.000
2. kr. 6.000
3. kr. 4.000
4. Fjórir frímunðir á ICC
5. Tveir frímánuðir á ICC

Undir 2100 skákstigum (miðað við nýjustu íslensku skákstig):
1. Fjórir frímunðir á ICC
2. Tveir frímánuðir á ICC

Undir 1800 skákstigum (miðað við nýjustu íslensku skákstig):
1. Fjórir frímunðir á ICC
2. Tveir frímánuðir á ICC

Stigalausir:
1. Fjórir frímunðir á ICC
2. Tveir frímánuðir á ICC

Kvennaverðlaun:
1. Fjórir frímunðir á ICC
2. Tveir frímánuðir á ICC

Öldungaverðlaun (50+)
1. Fjórir frímunðir á ICC
2. Tveir frímánuðir á ICC

Athugasemdir

[Ólafur Jens Sigurðsson (IP-tala skráð) 23.12.2008 kl. 12:02]

Það mætti benda á að nota FICS í stað ICC. FICS er hannað af sama fólki og hannaði ICC en þegar þeir sáu hvert ICC stefndi þá hættu þeir að vinna að ICC og stofnuðu annan frjálsan skák þjón sem er ókeypis að öllu leyti.

[Skák.is, 23.12.2008 kl. 13:44]

Það er bara með þetta eins og svo margt annað.    Þú borgar fyrir gæði og ég held að flestir hljóti að vera sammála að gæðin eru miklu meiri á ICC en FICS. A.m.k. færði ég mig yfir fyrir allmörgum árum.   Vill frekar borga nokkur hundruð krónur á mánuði og fá t.d. betri hugbúnað, beinar útsendingar frá stórmótum og fleiri innskráða skákmenn.  

Annars geta menn skráð á trial-aðgang (gildir í viku) og verið þannig með í Íslandsmótinu ókeypis!

Kveðja,
Gunnar

[Sigurður Daði (IP-tala skráð) 28.12.2008 kl. 12:47]

Gjörsamlega óþolandi þessi forrit sem eru notuð á ICC.  Allar skipanir faldar og ekki notendavænt fyrir byrjendur.  Ég tefli oftast á Playchess og þó þar séu ekki jafn mikið af sterkum skákmönnum og á ICC þá eru gæði hugbúnaðarins miklu meiri.  Ég setti inn Dasher hjá mér áðan til að æfa mig og lenti í því að tapa á tíma þar sem ég var með þráskák og sama staðan kom upp 14 sinnum í röð þar til ég féll á tíma og tapaði skákinni!!  Og ekkert á skjáborðinu sem hægt er að klikka á til að krefjast.  Manni finnst lágmark að þessi forrit kunni lágmarks skákreglur. 

[Skák.is, 28.12.2008 kl. 14:37]

Mæli nú frekar með Blitzin.  Mér finnst hann frekar auðveldur í notkun.