180 krakkar með á Jólapakkamóti Hellis

Alls tóku 180 krakkar þátt á vel heppnuðu Jólapakkamóti Hellis, sem fram fór í dag í Ráðhúsi Reykjavíkur.  Þátttakendur voru á ýmsu aldri en yngi keppandinn var fjögurra ára og sá elsti 15 ára!  Keppendur koma víð að og voru úr ríflega 50 skólum og tveir voru enn í leikskóla!  Sá sem lengst kom að er frá Akureyri.  Salaskólakrakkar voru fjölmennastir en Rimskólakrakkar voru næstfjölmennastir.   Kjartan Magnússon, borgarfulltrúi og formaður Íþrótta- og tómstundaráðs Reykjavíkur setti mótið og lék fyrsta leik þess.

Omar Salama tók ríflega 100 myndir og má finna þær hér. 

Sigurvegarar mótsins voru Patrekur Maron Magnússon og Hörður Aron Hauksson meðal strákanna í a-flokki (1993-95) en Jóhanna Björg Jóhannsdóttir, Geirþrúður Anna Guðmundsdóttir og Stefanía Bergljót Stefánsdóttir voru efstar stelpnanna.

Friðrik Þjálfi Stefánsson var efstur strákanna í b-flokki (1996-97) en Hrund Hauksdóttir var efst stelpnanna. 

Óliver Jóhannsson var efstur strákanna í c-flokki (1998-99) en Ásta Sóley Júlíusdóttir var efst stelpnanna.

Guðjón Páll Tómasson og Jón Arnar Sigurðsson voru efstir strákanna í d-flokki (2000 og yngri) en Heiðrún Anna Hauksdóttir efst stelpnanna.  Heiðrún er systir Hrundar, sem fékk sömu verðlaun í b-flokki.

Heildarúrslit má finna á heimasíðu Hellis.

Í lok mótsins fór fram verðlaunaafhending og svo happdrætti þar sem m.a. var dregin út skáktölva sem Friggi Troung vann í happdrættinu.  

Hellir vill þakka þeim, sem styrktu mótið á einn eða annan hátt.  Verðlaun og happdrættisvinninga gáfu Bókabúð Máls og Menningar í Hallarmúla, Edda útgáfa, Landsbankinn, Skákskóli Íslands, Bókaútgáfan Bjartur, ÍTK, Speedo og Sambíóin.     Góa gaf öllum krökkunum svo nammipoka. 

Auk þess styrkja eftirtalin fyrirtæki við mótið:  Bakarameistarinn, Body Shop, Faxaflóahafnir, Fröken Júlía, Gissur og Pálmi, Hitaveita Suðurnesja, ÍTR, Kaffi París, Landsbanki Íslands, MP banki, Reykjavíkurborg, Seðlabanki Íslands, Sorpa, SPRON, Suzuki bílar og Verkís við mótið.

Hellir þakkar öllum þessum aðilum fyrir stuðninginn.  Án þeirra væri mótshaldið ómögulegt.

Skákstjórn önnuðust:  Björn Þorfinnsson, Rúnar Berg, Davíð Ólafsson, Hallgerður Helga Þorsteinsdóttir, Róbert Lagerman, Edda Sveinsdóttir, Vigfús Ó. Vigfússon, Paul Frigge, Gunnar Björnsson og Omar Salama.

Heimasíða Hellis