EM ungmenna - pistill 9. umferðar

U-12 drengir:

Friðrik Þjálfi Stefánsson (0) -  Ian McDonald, SCO (0)  ½-½

Mjög jöfn skák sem endaði með jafntefli eftir að teflt hafði verið til þrautar.  Hvorugur gaf nokkur færi á sér.

U-14 stúlkur:

Geirþrúður Anna Guðmundsdóttir (0) - Lidia Tomnikova, RUS (1980)  1-0

Frábær skák hjá Geirþrúði í dag.  Hún tefldi endataflið sérstaklega vel og uppskar góðan sigur á sterkri rússneskri stúlku.

U-14 drengir:

Cristian-Danut Siclovan, ROU (1946) - Dagur Andri Friðgeirsson (1812) 0-1

Góð skák hjá Degi.  Hann þjarmaði að andstæðingi sínum í miðtaflinu og sigraði glæsilega.

 

 

 

U-16 stúlkur:

Hallgerður Helga Þorsteinsdóttir (1907) - Mariya Korniyuk, UKR (2009) ½-½

Enn ein fín skák hjá Hallgerði sem endaði fljótlega í jafntefli.  Hallgerður hefur teflt mjög traust í gegnum allt mótið og uppskorið eftir því.

Jóhanna Björg Jóhannsdóttir (1655) - Michaela Pavelkova, CZE (1886) ½-½

Fín skák hjá Jóhönnu.  Hún fékk betri stöðu út úr byrjuninni en andstæðingi hennar tókst að þvinga fram þráleik og niðurstaðan varð því jafntefli.

U-16 drengir:

Nils Grandelius, SWE (2366) - Hjörvar Steinn Grétarsson (2299) 1-0

Hlutirnir gegnu ekki upp hjá Hjörvari í dag og Nils vann góðan sigur.  Lítið meira um þessa skák að segja annað en að Hjörvar bar full mikla virðingu fyrir andstæðingi sínum.  Hjörvar getur nefnilega unnið hvern sem er á góðum degi.

Patrekur Maron Magnússon (1872) - Dmitry Andryukov, RUS (0) 0-1

Patrekur lenti í erfiðu endatafli sem ekki reyndist unnt að bjarga.  Þó að þessi rússi sé skráður stigalaus, þá á hann inni stig og birtist með yfir 2000 stig á næsta FIDE lista.

U-18 stúlkur:

Tinna Kristín Finnbogadóttir (1655) - Aleksandra Dragojevic, BIH (0) 1-0

Fín skák hjá Tinnu.  Hún hreinlega valtaði yfir andstæðinginn sem aldrei átti möguleika í þessari skák.

U-18 drengir:

Daði Ómarsson (2029) - Sverrir Þorgeirsson (2102) ½-½

Lítið um þessa skák að segja annað en það að það er leiðinlegt að þeir skildu lenda saman.  Stutt jafntefli varð niðurstaðan úr því.

Að lokum vil ég þakka krökkunum fyrir skemmtilegt mót þar sem þau lögðu sig virkilega fram.  Ég vona að þau hafi lært mikið af þessu móti sem kemur til með að skila sér í framförum á næstunni.

Davíð Ólafsson

Athugasemdir

[Skák.is, 25.9.2008 kl. 23:01]

Ég vil nota tækifærið og þakka Davíð fyrir hans pistla.  Ákaflega gaman að fá þetta svona í æð.  Eddu þakka ég einnig fyrir hennar skrif.   

Held að skákheimur sé mjög þakklátur.  Búið að gefa fordæmi fyrir liðsstjóra framtíðinnar!

Kveðja,
Ritstjórinn

[Sindri Guðjónsson, 26.9.2008 kl. 00:47]

Ég vil líka þakka fyrir pistlana. Fannst mjög skemmtilegt að fylgjast með. Þar sem flestir hækkuðu sig á stigum, þá reikna ég með að mér sé óhætt að óska keppendum til hamingju með árangurinn.

[Sverrir Örn Björnsson (IP-tala skráð) 26.9.2008 kl. 08:57]

Tek undir þetta, skemmtilegir pistlar og maður fylgist betur með árangri krakkanna fyrir vikið.