Jóhanna Björg sigraði í lokaumferðinni

 

 

 

Jóhanna Björg Jóhannsdóttir (1617) sigraði andstæðings sinn í níundu og síðustu umferð Stockholm Ladies Open sem fram fór í morgun.  Elsa María Kristínardóttir (1721) og Tinna Kristín Finnbogadóttir (1658) gerðu jafntefli en Hallgerður Helga Þorsteinsdóttir (1867) og Sigríður Björg Helgadóttir (1606) töpuðu.  Allar hækka þær á stigum fyrir frammistöðu sína, sérstaklega Hallgerður.

 

Úrslit 9. umferðar: 

Rd.	Bo.	No.		Name	Rtg	Pts.	Result	Pts.		Name	Rtg	No.	Group
9	48	101		Thorsteinsdottir Hallgerdur He	1867	3½	0 - 1	3½	WIM	Datuashvili Nona	2178	80
9	53	103		Kristinardottir Elsa Maria	1721	3	½ - ½	3		Djuréen Elin	1533	116
9	58	106		Helgadottir Sigridur Bjorg	1606	2½	0 - 1	2½		Bengtsson Jessica	1700	110
9	56	111		Åström Linda	1684	2½	½ - ½	2½		Finnbogadottir Tinna Kristin	1658	104
9	57	117		Rosenblad Louise	1521	2½	0 - 1	2½		Johannsdottir Johanna Bjorg	1617	105

Árangur íslensku stúlknanna: 

SNo		Name	Rtg	FED	1	2	3	4	5	6	7	8	9	Pts.	Rk.	Rp	Group
101		Thorsteinsdottir Hallgerdur He	1867	ISL	0	0	1	1	0	½	½	½	0	3,5	101	2082
103		Kristinardottir Elsa Maria	1721	ISL	0	0	1	0	1	0	1	0	½	3,5	103	1822
104		Finnbogadottir Tinna Kristin	1658	ISL	0	0	1	0	0	½	1	0	½	3,0	113	1736
105		Johannsdottir Johanna Bjorg	1617	ISL	0	0	1	0	½	0	1	0	1	3,5	106	1864
106		Helgadottir Sigridur Bjorg	1606	ISL	0	0	0	1	1	0	0	½	0	2,5	116	1659

 

• Heimasíða mótsins
• Chess results

 

Athugasemdir

[Helgi Árnason (IP-tala skráð) 25.3.2008 kl. 16:54]

Býsna sterku og þétttefldu skákmóti er lokið. Íslensku stúlkurnar eru reynslunni ríkari og hafa allar grætt á því að upplifa þennan viðburð í heimi kvennaskáklistar. Góð aðstaða, teflt á gististað og lítt spennandi útivistarveður gerði það að verkum að mótið reyndist stelpunum ekki eins erfitt og dagskráin gaf til kynna. Hallgerður Helga getur borið höfuðið hátt fyrir mjög góða frammistöðu. Hinar fjórar voru allar að sýna viðunandi taflmennsku en það vantaði hjá þeim að kroppa stig af 2000 stiga + skákkonunum líkt og Hallgerður gerði og Sigríði Björgu reyndist auðvelt á Politiken Cup í fyrra. Þessi ferð hefur eflt vináttu og góð tengsl á milli þessarra stelpna. Vonandi eiga þær allar eftir að láta að sér kveða sem keppnis-og landsliðsskákkonur í næstu framtíð.

Við verðlaunaafhendingu kom það ekki á óvart að skákkonur frá A-Evrópu voru fjölmennar í hópi þeirra 15 sem fengu glæsileg peningaverðlaun. Armenía, Georgía og Úkraina hljóta að eiga býsna sterk kvennalandslið í skák ekki síður en skáksveitir í hópi A landsliða.

Eftir mótið var tími kominn til að skreppa í Täby - Center eitt stærsta moll á Norðurlöndum. Þar var sest að snæðingi, stelpuborð og svo sérstakt strákaborð fyrir okkur Ómar og Þorstein pabba Hallgerðar. Vorvörurnar voru komnar í búðargluggana, vetrarklæðnaðurinn á 50% útsölu, kannski ekki í neinu samræmi við veðrið sem hefur verið óvenju kalt og vetrarlegt að sögn heimamanna, þetta frá frostmarki og allt upp í tveggja tölustafa frost.

Hópurinn kemur heim á morgun miðvikudag. Við tekur skólinn, samræmd próf og svo að sjálfsögðu fleiri metnaðarfull verkefni á sviði skáklistarinnar.

Það er ástæða til að þakka starfsmanni skak.is fyrir góðan og jákvæðan fréttaflutning af þessu öfluga móti eins og skákáhugamenn hafa fengið að lesa um síðustu daga.

Einnig endurtek ég þakkir til skákforystunnar fyrir að kosta Omar Salami til að fylgja stelpunum á skákstað. Hann hefur svo sannarlega lagt sig fram við að fara yfir skákirnar með stelpunum og undirbúa fyrir næstu skákir eins og tími hefur gefist til.