Reykjavíkurskákmótið hefst í dag

23. Alþjóðlega Reykjavíkurskákmótið verður opnað við hátíðlega athöfn í Skákhöllinni Faxafeni í dag, mánudag, klukkan 17:00. Margar af frægustu skákstjörnum heimsins taka þátt en þetta er eitt fjölmennasta mót Skáksambandsins frá upphafi og hluti af Alþjóðlegri skákhátíð í Reykjavík í minningu Bobbys Fischer.  Hér má sjá umfjöllun um nokkra keppendur og keppendalistann eins og hann lítur núna út.  Allir boðnir hjartanlega velkomnir að vera viðstaddir setningu mótsins kl. 17!

Alþjóðlega Reykjavíkurskákmótið var fyrst haldið árið 1964 og í gegnum tíðina hafa nær allir bestu skákmeistarar heims lagt nafn sitt við mótið.

Reykjavíkurskákmótin byggja því á glæsilegri og sögulegri hefð, enda er mótið eitt þekktasta og virtasta skákmót í heimi.

Umfjöllun um nokkra keppendur: 

GM Wang Yue, Kína - 2698, GM Wang Hao, Kína - 2665 Kína er að verða eitt helsta stórveldi heimsins í skák og eru hinir ungu Wang Yue (20 ára) og Wang Hao (18 ára) vitnisburður um það. Þeir eru báðir í hópi 50 sterkustu skákmanna heims og hefur Yue þegar rofið 2700-stiga múrinn en það hafa fáir skákmenn leikið eftir.  Það verður fróðlegt að fylgjast með þeim félögum að tafli í Reykjavik og verður það að teljast afar líklegt að annar hvor þeirra standi uppi sem sigurvegari.M Fabiano Caruana, Ítalía - 2598. Yngsti stórmeistari USA/Ítalíu. Fæddist í Bandaríkjunum og ólst þar upp, teflir undir ítölskum fána en býr í Búdapest í Ungverjalandi þar sem auðvelt er að tefla reglulega á sterkum skákmótum. Sigraði nýlega með yfirburðum á ítalska meistaramótinu og er á mikilli hraðferð yfir 2600 stig. Er talinn vera eitt mesta efni heims um þessar mundir og hefur Garry Kasparov t.a.m. mikið álit á honum.

GM Ahmed Adly, Egyptaland - 2551. Adly skaust uppá stjörnuhiminn með því að enda í 1-6.sæti á Reykjavik Open 2006. Síðan þá hefur leiðin legið uppá við og hápunkturinn hingað til er þegar hann tryggði sér sigur á geysilega sterku heimsmeistaramóti ungmenna. Það er til vitnis um baráttuna sem býr í þessum unga Egypta að hann gerði ekki eitt einasta jafntefli í mótinu - sigraði í 10 skákum en tapaði þremur. Þetta var fyrsti sigur Afríkubúa á Heimsmeistaramóti í skák og hefur gert það að verkum að skákin er að komast fyrir alvöru á kortið í Egyptalandi. 

GM Elshan Moradiabadi, Íran - 2506. Þetta er 23 ára gamall strákur - frá Íran. Er næst sterkasti skákmaður Íran sem er í mikilli sókn sem skákland enda er það vel við hæfi. 

IM Amon Simutowe, Sambía - 2457. Amon er fæddur 1982 og er að berjast við það að verða fyrsti stórmeistarinn frá "sub-Saharan region". Hann er búinn að klára alla þrjá áfanganna en vantar víst stigin til að verða útnefndur. Hérna er grein um kappann á heimasíðu sem skrifar bara um þeldökka skákmenn :) http://www.thechessdrum.net/historicmoments/HM_Simutowe/index.html.

IM Tania Sachdev, Indland - 2421. Núverandi Indlandsmeistari kvenna sem er að verða eitt mesta skákveldi heims þökk sé heimsmeistaranum Anand. Hún er 21 árs. Illya Nyzhnyk, Úkraína - 2406. Fæddur árið 1996 og verður því 12 ára á árinu. Hann er að verða alþjóðlegur meistari og næsta árið sker úr um það hvort að honum takist að verða yngsti stórmeistari sögunnar. Komst í heimsfréttirnar með því að sigra í afar sterkum B-flokki á Moscow Open þá aðeins 10 ára gamall og tefldi alltaf með bangsa í fanginu. 

FN Ray Robson, USA - 2389. Eitt mesta efni sem komið hefur fram í Bandaríkjunum í langan tíma. Fæddur árið 1994 og verður útnefndur alþjóðlegur meistari á næstunni. Reykjavik Open verður frumraun hans á alþjóðlegu móti í Evrópu en áður hefur hann eingöngu spreytt sig í barna- og unglingamótum.

Stefanova - fyrrverandi heimsmeistari kvenna! 

Keppendalistinn eins og hann leit út kl. 10 í morgun.  Pörun mun vera væntanlega upp úr hádegi.

 

1	GM	Wang Yue	Kína	2698
2	GM	Wang Hao	Kína	2665
3	GM	Victor Mikhalevski	Ísrael	2632
4	GM	Vadim Malakhatko	Belgía	2600
5	GM	Fabiano Caruana	Ítalía	2598
6	GM	Stelios Halkias	Grikkland	2580
7	GM	Georg Meier	Þýskaland	2570
8	GM	Mohamad Al-Modiahki	Qatar	2569
9	GM	Goran Dizdar	Króatía	2565
10	GM	Hannes Hlifar Stefansson	Ísland	2564
11	GM	Kjetil A. Lie	Noregur	2556
12	GM	Normunds Miezis	Lettland	2553
13	GM	Igor-Alexandre Nataf	Frakkland	2552
14	GM	Ahmed Adly	Egyptaland	2551
15	GM	Alojzije Jankovic	Króatía	2541
16	GM	Tiger Hillarp Persson	Svíþjóð	2539
17	GM	Luis Galego	Portúgal	2529
18	IM	Dejan Bojkov	Búlgaría	2523
19	GM	Aloyzas Kveinys	Litháen	2521
20	GM	Elshan Moradiabadi	Íran	2521
21	GM	Henrik Danielsen	Ísland	2506
22	GM	Pontus Carlsson	Svíþjóð	2501
23	GM	Vidmantas Malisauskas	Litháen	2489
24	IM	Stefan Kristjansson	Ísland	2476
25	IM	Emil Hermansson	Svíþjóð	2472
26	IM	Peter Vavrak	Slóvakía	2472
27	GM	Antoaneta Stefanova	Búlgaría	2464
28	IM	Amon Simutowe	Zambía	2457
29	IM	Ketevan Arakhmia-Grant	Skotland	2457
30	IM	Jon Ludvig Hammer	Noregur	2441
31	IM	Miodrag Perunovic	Serbía	2440
32	IM	Jon Viktor Gunnarsson	Ísland	2429
33	IM	Espen Lie	Noregur	2428
34	IM	Inna Gaponenko	Úkraína	2422
35	IM	Tania Sachdev	Indland	2421
36	IM	Elisabeth Paehtz	Þýskaland	2420
37	IM	Bragi Thorfinnsson	Ísland	2406
38	FM	Illya Nyzhnyk	Úkraína	2405
39	IM	Milos Popovic	Serbía	2405
40	FM	Magnus Orn Ulfarsson	Ísland	2400
41	FM	Ray Robson	USA	2389
42	IM	Jana Jackova	Tékkland	2375
43	FM	Nils Grandelius	Svíþjóð	2371
44	IM	Tatjana Vasilevich	Úkraína	2370
45	FM	Bjorn Thorfinnsson	Ísland	2364
46	GM	Heikki Westerinen	Finnland	2362
47	FM	Dagur Arngrimsson	Ísland	2359
48	FM	Robert Lagerman	Ísland	2348
49	WGM	Anna Zozulia	Belgía	2344
50	WIM	Katerina Nemcova	Tékkland	2342
51	FM	Ingvar Thor Johannesson	Ísland	2338
52	FM	Snorri G. Bergsson	Ísland	2333
53	WGM	Sarai Sanchez Castillo	Venesúela	2312
54	FM	Joachim Thomassen	Noregur	2308
55	FM	Gudmundur Kjartansson	Ísland	2307
56		Genzling, Alain	Frakkland	2298
57	FM	Eugene Rebers	Holland	2297
58		Oskar Bjarnason	Ísland	2290
59	FM	David Kjartansson	Ísland	2288
60	FM	Sigurbjorn Bjornsson	Ísland	2286
61		Kristjan Edvarðsson	Ísland	2261
62		Arnar Thorsteinsson	Ísland	2255
63		Hjorvar Steinn Gretarsson	Ísland	2247
64	FM	Sahaj Grover	Indland	2242
65	WIM	Ellen Hagesaether	Noregur	2234
66	IM	Saevar Bjarnason	Ísland	2226
67	FM	Srinath Narayanan	Indland	2210
68		Bjorn Freyr Bjornsson	Ísland	2194
69	WIM	Christin Anderson	Svíþjóð	2194
70		Jon Arni Halldorsson	Ísland	2174
71		Andrzej Misiuga	Pólland	2157
72	WFM	Simona Limontaite	Litháen	2152
73		Stefan Thor Sigurjonsson	Ísland	2136
74		Erlingur Thorsteinsson	Ísland	2132
75		Gunnar Finnlaugsson	Ísland	2128
76		Christophe Gueneau	Frakkland	2126
77	WFM	Steil-Antoni, Fiona	Lúxemborg	2122
78		Sverrir Thorgeirsson	Ísland	2120
79		Sverrir Orn Bjornsson	Ísland	2116
80		Johann Ingvason	Ísland	2105
81		Johann Ragnarsson	Ísland	2085
82		Ted Cross	USA	2079
83		Vigfus Vigfusson	Ísland	2052
84		Atli Freyr Kristjansson	Ísland	2019
85		Marie Frank-Nielsen	Danmörk	1969
86		Helgi Brynjarsson	Ísland	1914
87		Julie Almer	Svíþjóð	1914
88		Bjarni Magnússon	Ísland	1913
89		Bjarni Jens Kristinsson	Ísland	1822
90		Elsa Maria Kristinardóttir	Ísland	1721

 Heimasíða mótsins

Athugasemdir

[Snorri Bergz, 3.3.2008 kl. 13:14]

Einn af þeim sem fjallað er um þarna að ofan, Negi litli, kemst því miður ekki á mótið. Annars flott!