Magnus Carlsen efstur!

Magnus Carlsen (2733) sigraði Hollendinginn Loek van Wely (2681) í tíundu umferð Corus-mótsins sem fram fór í dag í Wijk aan Zee í Hollandi og sýndi þar mikla útsjónarsemi eftir að hafa haft tapað tafl.  Carlsen er efstur með 6,5 vinning, Aronian (2739) annar með 6 vinninga en fimm skákmenn hafa 5,5 vinning og því mikil spenna fyrir lokaumferðirnar þrjár en Carlsen á eftir að mæta bæði Anand og Kramnik, sem eru á meðal þeirra sem hafa 5,5 vinning.

Úrslit 10. umferðar:

L. van Wely - M. Carlsen	0-1
V. Anand - P. Leko	½-½
V. Kramnik - B. Gelfand	½-½
T. Radjabov - V. Topalov	½-½
S. Mamedyarov - J. Polgar	½-½
P. Eljanov - V. Ivanchuk	0-1
M. Adams - L. Aronian	½-½

Staðan:

1.	M. Carlsen	6½
2.	L. Aronian	6
3.	V. Kramnik T. Radjabov M. Adams V. Ivanchuk V. Anand	5½
8.	S. Mamedyarov V. Topalov P. Leko	5
11.	J. Polgar	4½
12.	L. van Wely	4
13.	B. Gelfand	3½
14.	P. Eljanov	3

Í b-flokki er Slóvakinn Sergei Movsesian (2677) efstur með 7,5 vinning en Frakkinn Bacrot (2700) og Englendingurinn Nigel Short (2645) eru í 2.-3. sæti með 6,5 vinning.

Í c-flokki er Ítalinn ungi Fabiano Caruana (2598) efstur með 7 vinninga. 

Í heiðursflokki er Korchnoi (2605) efstur með 3 vinninga eftir 4 umferðir. 

Ellefta umferð fer fram á föstudag.  Þá mætast m.a.: Carlsen-Anand, Aronian-van Wely, Leko-Kramnik og Topalov-Mamedyarov

Corus-mótið er án efa sterkasta skákmót ársins en meðal keppenda eru 10 af 13 sterkustu skákmönnum heims og eru meðalstig 2742 skákstig.  B-flokkurinn er einnig mjög sterkur en þar eru meðalstig 2618 skákstig. 

• Heimasíða mótsins
  
• Skákirnar í beinni (hefjast kl. 12:30)
• Skákhornið (íslenskir "spekingar" skýra gang mála)