Breyttar íslenskar skákstigareglur - mikilvægt að skila mótum á réttum tíma

Á fundi stjórnar SÍ var tekin sú ákvörðun í framhaldi af ákvörðun skákstiganefndar að framvegis skuli skiladagar til íslenskra skákstiga vera 15. þess mánaðar sem er fyrir skákstiga útreikning. 

Bent er sérstaklega á skiladagsetningar og viðbrögð við seinum skilum sem og þá staðreynd að það er hlutverk mótshaldara að skila inn mótum. Skákmenn verða sjálfsagt ekki hrifnir af því ef mótum er ekki skilað í tæka tíð. Skákstiganefnd hefur hér með látið af því verklagi að kalla eftir mótum.

Breytingarnar taka strax gildi.

Breyting varð á eftirfarandi grein um skákstigareglur:

Útreikningsdagsetningar

Þeir verða mánuði fyrr en útreikningadagar FIDE, þ.e.: 1.mars, 1. júní, 1. september og 1. desember.

Almennur skilafrestur til skákstiganefndar er strax að móti loknu, en í síðasta lagi 15. dags mánaðar fyrir útreikning. (15. febrúar, 15. maí, 15. águst og 15. nóvember) Þetta þýðir að skili mótshaldarar inn mótum til stiganefndar í tæka tíð geti stiganefnd áframsent mótið til FIDE og að skákstig eru tilbúin réttum tíma. Mótum sem skilað er eftir áðurnefndar dagsetningar verða ekki reiknuð fyrr en næsta tímabil á eftir.

Skákstigareglur má annars sjá á síðu Skáksambands Íslands. 

http://www.skaksamband.is/index.php?option=content&task=view&id=74&Itemid=39