Skákmót Kaupþings og Sparisjóðs Bolungarvíkur - Hraðskákmót Íslands 2007

Skákmót Kaupþings og Sparisjóðs Bolungarvíkur – Hraðskákmót Íslands 2007 – verður haldið í Bolungarvík laugardaginn 15. september nk. Mótið er öllum opið og tefldar verða 5 mínútna skákir, 20 umferðir alls. 

Mikið verður um dýrðir í Bolungarvík á meðan mótinu stendur og höfðinglega tekið á móti þátttakendum. Fjölbreytt og margvísleg verðlaun eru í boði, bæði fyrir sterkari skákmeistara sem og algjöra byrjendur. Fyrir þau sem koma langt að er boðið upp á sérstakan pakka sem inniheldur:

• Flug Reykjavík-Ísafjörður-Reykjavík (einnig frá Akureyri/Egilsstöðum).
• Rúta Ísafjörður-Bolungarvík-Ísafjörður.
• Gisting eina nótt í Bolungarvík.
• Þátttökugjald í mótið.
• Afsláttur á dansleik um kvöldið.
  

Pakkinn allur kostar aðeins kr. 9.500 á mann. 

Mikilvægt er að fólk skrái sig á netfangið [e-mail] ef það ætlar að tryggja sér sæti með flugi og þiggja pakkatilboðið. Skráningarfrestur rennur út miðvikudaginn 5. september, en óvíst er hvort sæti verði til fyrir þá sem ekki skrá sig um hæl.

Fyrir þau sem ekki þiggja pakkatilboðið kostar kr. 1.000 fyrir fullorðna að taka þátt í mótinu en ókeypis er fyrir börn og unglinga (16 ára og yngri).

DAGSKRÁ
 

Laugardagur 15. september, Íþróttamiðstöðinni Árbæ, Bolungarvík

• kl. 13.00 – Keppni hefst.
• kl. 15.00 – Kaffihlé.
• kl. 15.30 – Keppni heldur áfram.
  
• kl. 18.30 – Keppni lýkur - verðlaunaafhending.

Síðar um kvöldið fyrir þau sem vilja: Dansleikur og skemmtan að hætti heimamanna.

Á sunnudag kl. 10 – 15 fer fram opið golfmót í Bolungarvík. Áhugasamir þátttakendur á skákmótinu fá frítt inn á golfmótið.

KOMA/BROTTFÖR

Laugardagur 15. september: brottför frá Reykjavík kl. 09.00 – koma til Ísafjarðar kl. 09.40

Sunnudagur 16. september: brottför frá Ísafirði kl. 12.35 – koma til Reykjavíkur kl. 13.15.

Fyrir golfunnendur er brottför kl. 17.20 og koma kl. 18.00. Vinsamlegast látið vita við skráningu hvort flugið er valið.

GISTING

Heimamenn munu sjá öllum skákmönnum sem þiggja "pakkatilboðið" fyrir gistingu í svefnpokaplássi.

VERÐLAUN

1. sæti	85.000 kr.
2. sæti	45.000
3. sæti	30.000
4. sæti	25.000
5. sæti	20.000
1. sæti 16 ára og yngri	10.000
1. sæti eldri en 50 ára	10.000
1. sæti undir 2.100 stig	10.000
1. sæti undir 1800 stig	10.000
1. sæti stigalausir	10.000
1. sæti Bolvíkinga	10.000
1. sæti kvenna	10.000

 

Börn og unglingar undir 16 ára fá viðurkenningu fyrir þátttökuna. Þeir sem vinna til aðalverðlauna í mótinu geta ekki einnig unnið til aukaverðlauna.
 

SKRÁNING

Skráning er á netfangið [e-mail]. Skákmenn þurfa að tilkynna við skráningu hvort þeir taki þátt í golfmótinu og hvaða forgjöf þeir hafa. Takmarkað pláss er í flug til og frá Ísafirði laugardaginn 15. sept. og sunnudaginn 16. sept. svo einungis þeir sem eru fyrstir til að skrá sig tryggja sér pláss. Borga þarf fyrir pakkatilboðið innan við sólarhring eftir skráningu, að upphæð kr. 9.500, annars telst skráning ekki gild.

Hægt er að borga í gegnum heimabanka á eftirfarandi reikning:

Kennitala S.Í.: 580269-5409 - Reikningsnúmer: 301-26-580

Senda þarf staðfestingu á [e-mail]

Allir skákunnendur vita að Bolungarvík er sögufrægur skákstaður sem í gegnum tíðina hefur getið af sér fjölda skákmeistara í fremstu röð. Það er því er vel við hæfi að Hraðskákmót Íslands þetta árið sé haldið í Bolungarvík, en Skáksambands Íslands heldur mótið í samvinnu við styrktaraðila.

Kaupþing , Sparisjóður Bolungarvíkur og Bolungarvíkurbær eru aðalstyrktaraðilar mótsins.