Bragi Þorfinnsson fjórtándi stórmeistari Íslands í skák!

Bragi Þorfinnsson náði lokaáfanga að alþjóðlegum stórmeistarameistaratitli í dag eins á Kragerö-mótinu eins og áður hefur komið fram á Skák.is. Í umferðum dagsins dagsins gerði Bragi annars vegar jafntefli við litháíska stórmeistarann Aloyzas Kveinys (2550). Þar með var ljóst að Bragi hefði 6 vinninga fyrir níundu og síðustu umferð. Andstæðingurinn í lokaumferðinni varð enska landsliðskonan Jovanka Houska (2408) og að sigur Braga myndi tryggja honum þriðja og síðasta áfangann að stórmeistaratitli.

Skák Braga byrjaði ekki vel og var hann  kominn með illteflanlega úr byrjun skákarinnar og tveimur peðum undir. Jovönku, sem hafði teflt byrjunina mjög vel varð þá á smá ónákvæmni. Eftir það sýndi Bragi engin grið, tefldi frábærlega, og hirti af henni hvert peðið á fætur öðru og vann sigur í 57 leikjum. Frábær skák hjá Braga eftir ef undanskilin er ónákvæm taflmennska í byrjun skákarinnar.

Sigurinn þýddi þriðja stórmeistaraáfanga Braga. Áður hafði hann náð áföngum á Íslandsmóti skákfélaga sem og í breskri keppni taflfélaga. Bragi hefur einnig uppfyllt það skilyrði að hafa náð 2500 skákstigum svo öllum formsatriðum fyrir stórmeistaratitli er uppfyllt. 

Í viðtali við Skák.is sagði Bragi:

Hef stefnt að þessu síðan ég heimaskítmátaði Bjössa bróður minn i sveitinni a Löngumýri, draumur frá barnæsku að rætast. Ég náði mér vel á strik allt mótið i þessum fallega norska firði. Það er allt hægt þegar maður hefur trú a sjalfum sér og heldur alltaf áfram. Þetta er bara byrjunin.

Bragi verður að öllum líkindum útnefndur stórmeistari í FIDE-fundi sem haldinn verður í apríl nk. í Hvíta-Rússlandi.