Landsliðsþjálfarar fyrir Ólympíuskákmótið í Bakú ráðnir

Stjórn SÍ hefur að tillögu landsliðsnefndar gengið til samstarfs við landsliðsþjálfara fyrir Ólympíuskákmótið í Bakú í 1.-14. september næstkomandi.

Landsliðsþjálfari í opnum flokki verður Ingvar Þór Jóhannesson og landsliðsþjálfari í kvennaflokki Björn Ívar Karlsson.

Ingvar er vel kunnugur þessu starfi en hann var liðsstjóri kvennaliðsins á Ólympíumótinu í Tromsö í Noregi árið 2014 og liðsstjóri í opnum flokki á Evrópumóti landsliða í Reykjavík 2015.

 

Björn Ívar er þrautreyndur þjálfari og fór t.d. með unglingalandsliðsinu til Porto Carras í fyrra. Björn Ívar verður einnig þjálfari á Norðurlandamóti stúlkna í apríl-maí 2016.

Stjórn SÍ býður þá félaga báða hjartanlega velkomna til starfa.