Gesturinn sigursælastur í Stangarhyl í gær

Það var mikið um að vera í  Stangarhylnum í gær þar sem Æsir tefldu sinn sextánda skákdag vetrarins, á skákdeginum sjálfum sem er afmælisdagur Friðriks Ólafssonar. Áður en menn byrjuðu að tefla var skemmtileg uppákoma. Einar S Einarsson forseti Skáksögufélagsins stóð fyrir því að opna vefsíðu um Friðrik Ólafsson okkar fyrsta stórmeistara. Friðrik var mættur á staðinn ásamt konu sinni Auði Júlíusdóttir. Menntamálaráðherra Illugi Gunnarsson opnaði síðuna og flutti stutt ávarp.

Össur Skarphéðinsson mætti á staðinn. Hrafn Jökulsson skákfrömuður og einn af ritstjórum heimasíðunnar var einnig mættur ásamt nokkrum fleiri gestum.

Þegar þessu var lokið þá fóru menn að tefla.

Byrjað var á að tefla Friðriks þemu, þannig að skákmenn fengu í hendur skákir eftir Friðrik. Þar sem leiknir höfðu verið 7-8 leikir og síðan tefldu skákmenn eftir eigin hyggjuviti.

Friðrik var með svart í öllum skákunum og auðvitað vann hann þær allar á sínum tíma og það er gaman að segja frá því að svartur vann á átta borðum af þrettán í þessari fyrstu umferð í gær

Andstæðingar Friðriks í þessum skákum voru Bent Larsen,Michael Tal og Robert G. Wade.

Róbert Lagerman  formaður Vinaskákfélagsins var mættur í Ásgarði í gær og tefldi með öldungunum sem gestur. Róbert er ekki orðinn löglegur eldri borgari ennþá en nálgast óðum. Róbert varð efstur  með 71/2 vinning af 9 mögulegum, hann gerð þrjú jafntefli og vann hinar. Við þökkum Róbert kærlega fyrir komuna.

Í öðru til fjórða sæti urðu þrír jafnir með 7 vinninga það voru þeir Sæbjörn G Larsen, Jón Þ Þór og Friðgeir K Hólm.

Næsta föstudag  29 jan. verður Toyotaskákmótið haldið í Söludeild Toyota í Garðabæ.

Mótið hefst kl. 13.00

Það eru tuttugu þátttakendur búnir að skrá sig til leiks.

Ég vil biðja þá sem ætla að vera með á föstudaginn að láta okkur vita í síma 8931238 Finnur Kr Finnsson og 8984805 Garðar Guðmundsson

Það er betra fyrir mótshaldara að hafa einhverja hugmynd um fjöldann fyrir mót.Svo er hinn möguleikinn að mæta nógu snemma á skákstað áður en við byrjum að tefla kl. 13.00

Í gær enduðum við á því að draga út þrjá keppendur sem fengu afhent Kærleikstré sem höfðinginn Guðfinnur R Kjartansson kom með og gaf klúbbnum.

Við þökkum kærlega fyrir það.

Þeir heppnu voru Maggi P, Árni Thor og Ásgeir Ingvason. 

Finnur Kr sá um skákstjórnina í gær.

Sjá nánari úrslit í töflu og myndir frá ESE