Oliver Aron: Pistill frá Riga

Þann áttunda ágúst 2015 héldum ég og Hjörvar út á opið mót í Riga. Það fyrsta sem við gerðum þegar við komum út var að sjálfsögðu að finna McDonald‘s. Guðmundur Kjartansson tefldi einnig á mótinu en ferðaðist ekki með okkur Hjörvari frá Íslandi þar sem hann var á ferðalagi og kom svo beint til Riga.

Í fyrstu umferð fékk ég Alexei Shirov og tefldum við mjög áhugaverða skák sem verður skýrð hér að neðan.

Í annarri umferð tefldi ég við Dmitri Petrov (2104) og tapaði þeirri skák eftir slaka taflmennsku af minni hálfu.

Í þriðju umferð tefldi ég við Van Veenendal Elmer (2053), í þeirri skák tefldi ég alltof kæruleysislega og lék hrikalega af mér og tapaði í kjölfarið.

Í fjórðu umferð var sjálfstraustið ekki það besta eftir þrjú töp í röð og fékk ég ekki góða stöðu eftir byrjunina en náði einhvern veginn að vinna þá skák, á móti Alexander Volesky (2018)

Í fimmtu umferð fékk ég Vaidatos Valintejos (2085) og fékk stöðu sem að mér líkaði ekki vel við þó að tölvan hafi metið hana fína. Ég gerði þau mistök að opna stöðuna á vitlausum tímapunkti og fékk það beint í andlitið. Fékk ég þá verri stöðu en hún varð jöfn aftur en ég lék mig í mát í tveimur leikjum.

Í sjöttu umferð tefldi ég við Mitskevich Yauheniya (1922) og vann þá skák nokkuð örugglega.

Í sjöundu umferð tefldi ég við Daniil Egorov (2080). Í þeirri skák fékk ég mun betra tafl en mistókst að nýta mér það og gerði jafntefli eftir miklar sviptingar.

Í áttundu umferð tefldi ég við Valentin Dragun (2073), sú skák var alltaf mjög jafnteflisleg og endaði í jafntefli.

Í níundu umferð tefldi ég við ungan Rússa að nafni Arseniy Nesterov. Ég var kominn með unnið tafl þar en var í miklu tímahraki og tefldi illa í tímahrakinu og endaði það þannig að ég lék af mér og tapaði skákinni.

Ég endaði með 3/9 sem er að sjálfsögðu mikil vonbrigði og tefldi ég langt undir getu. Ég tapaði 64 stigum á mótinu.

Ég þakka SÍ fyrir stuðninginn.

Oliver Aron Jóhannesson

[Event "Riga Open"] [Site "?"] [Date "2015.08.10"] [Round "?"] [White "Shirov, Alexei"] [Black "Jóhannesson, Oliver"] [Result "1-0"] [ECO "B48"] [PlyCount "93"] [SourceDate "2015.09.01"] 1. e4 c5 2. Nf3 e6 3. d4 cxd4 4. Nxd4 Nc6 {Paulsen afbrigðið í Sikileyjarvörn} 5. Nc3 Qc7 6. Be3 a6 7. Qf3 {Þessi leikur er að verða frekar vinsæll} b5 8. Nxc6 Qxc6 9. O-O-O {Hérna er hann eiginlega búinn að skuldbinda sig til að fórna riddara á d5 eftir b4} b4 10. Nd5 { Aðrir leikir gefa svörtum mjög þægilega og góða stöðu} exd5 11. exd5 Qb7 (11... Qf6 {var líka möguleiki}) 12. Bd4 {ekki besti leikurinn en hann heldur ennþá pressu á svartan} d6 13. Bd3 Ne7 14. Rhe1 Bd7 15. Qg3 Qc7 16. Re4 (16. Bxg7 Rg8 17. Bxf8 Kxf8 18. Qh4 Bb5 {er áhugaverður varíantur sem leiðir út í stöðu sem er jöfn en með fullt af möguleikum}) 16... f6 17. Rde1 Bb5 {Leikurinn sem hann missti af í skákinni, nú er svartur kominn með mjög fína stöðu} 18. Bxb5+ axb5 19. Rxe7+ Bxe7 20. Qxg7 Rf8 21. Bxf6 Rxf6 22. Qxf6 b3 23. c3 Rxa2 24. Re3 Ra1+ {Þetta hefur allt verið frekar þvingað hingað til} 25. Kd2 Ra2 26. Qh8+ Kd7 27. Qxh7 Rxb2+ 28. Kc1 Rc2+ 29. Kb1 Qd8 30. Qf5+ Kc7 31. Qf7 Kb6 32. Qxe7 Qxe7 33. Rxe7 Rxf2 {Þetta endatafl er algjörlega jafnt} 34. Rg7 Kc5 35. h4 Kc4 36. Rc7+ Kd3 (36... Kxd5 37. Rg7 Kc4 {hefði auðvitað verið mun betra, ég tók þá ákvörðun að fara á d3 í miklu tímahraki og hélt að hann gæti ekkert gert ef ég myndi alltaf hóta c3 peðinu}) 37. g4 Rf4 38. Kb2 Rxg4 39. Kxb3 Ke4 40. c4 Rg3+ 41. Kb4 bxc4 42. Kxc4 Rg4 {tapleikurinn} (42... Rg2) (42... Rg1 {bara Hg1 og Hg2 gefa jafntefli}) 43. Re7+ Kf5+ 44. Kb5 Kf6 45. Re6+ Kf7 46. Rh6 Ke7 47. Rh7+ 1-0