Vignir tapaði í sjöttu umferð

Vignir Vatnar Stefánsson (1963) tapaði fyrir bandaríska FIDE-meistaranum Aravind Kumar í sjöttu umferð HM ungmenna sem fram fór í Durban í Suður-Afríku í dag. Vignir hefur 3,5 vinning og er í 31.-42. sæti. 

Frídagur er á morgun en sjöundu umferð, sem fram fer á fimmtudaginn, teflir Vignir við heimamanninn Paul Gluckman (1702) sem ber titil FIDE-meistara eftir að hafa orðið Afríkumeistari í flokki 10 ára og yngri árið 2012.

Vignir Vatnar er nr. 30 í stigaröð 105 keppenda. Taflfélag Reykjavíkur, Skáksamband Íslands, Skákskóli Íslands, Skákdeild KR, Gallerý Skák, Skákstyrktarsjóður Kópavogs, Rótarýklúbbur Kópavogs og Jói Útherji styðja við þátttöku Vignis á mótinu.

• Heimasíða mótsins
• Chess-Results
• Heimasíða TR
• Beinar útsendingar