Pistill Braga frá Riga

Pistill frá Braga Þorfinnssyni þar sem hann fjallar um alþjóðlegt mót í Riga í fyrrasumar.

Eftir miklar vangaveltur í sumar ákváðum við bræður að leggja land undir fót og skella okkur á skákmót. Það höfðum við ekki gert tveir saman síðan við lögðum upp í mikla frægðarför til Hastings á því dramatíska og sögulega ári 2001. (Þar tapaði ég 20 stigum og Björn sópaði upp 20 stigum ef minnið svíkur mig ekki). Miðað við árangur okkar að þessu sinni er líklegt að við tökum aftur skákferð saman eftir svona tíu ár. Fyrir valinu varð alþjóðlegt mót í Ríga, Lettlandi. Björn var sérstaklega hlynntur að tefla þarna þar sem að með því bætti hann við öðru landi, í fáránlega kúl landaleikinn sinn (sem gengur einfaldlega út á það að hann heimsæki sem flest lönd). Ég var líka með einhverjar rómantískar Tal sögur í kollinum, beint upp úr bókum Sosonko, þannig að ég var auðveldlega sannfærður. Ríga var málið. Það var allt að því barnsleg tilhlökkun í okkur, þegar við lögðum af stað í þessa reisu. Gleði Björns bróður er jafnan einlæg og smitandi. Það er skemmst frá því að segja, að við náðum ekki að sýna okkar bestu hliðar í þetta skiptið. Þó var ekki um að ræða einhvern harmleik á 64 reitum en við vitum báðir að við eigum að gera betur. En ferðin var ánægjuleg í alla aðra staði og lærdómsrík á marga vegu.

 Ég hef aldrei verið sérstaklega mikill aðdáandi morgunumferða og það sýndi sig í þessu móti. Helsti gallinn á því var að tvisvar sinnum voru tefldar tvær umferðir á dag (2. og 3. umferð, sem og 5. og 6. umferð) Þá voru tímamörkin 90 30 á alla skákina, þ.e. enginn viðbótartími eftir 40. leikina. Maður var einfaldlega mættur í gamla góða íslenska deildakeppnisfyrirkomulagið þarna úti.  Það hentaði mér e.t.v. illa þar sem ég var frekar æfingalaus eftir sumarið. Ég fór þó ágætlega af stað í mótinu og var kominn með 3 af 4. Hlutirnir fóru að fara úrskeiðis í 5. og 6. umferð. Í þeirri fyrri mátti ég sætta mig við tap í langri skák gegn ungum óbilgjörnum Rússa, en í þeirri síðari missti ég gjörunna stöðu niður í jafntefli gegn lettneskum heimamanni. Ég náði aðeins að laga stöðuna með 1,5 af 2 í næstu umferðum en tap í síðustu (eldhress morgunumferð) lét mann verða fyrir vonbrigðum með mótið í heild. Það er alltaf mikilvægt að tapa ekki í síðustu umferð á skákmótum.

Við bræður nutum þess þó vel að vera í Ríga, það er falleg borg sem hefur upp á margt að bjóða. Við kíktum m.a. minnisvarða um Mikhail Tal, sem var staðsettur í stórum og blómlegum almenningsgarði. Það er einnig vel hægt að mæla með þessu móti, af mörgum ástæðum. Keppnisstaðurinn er vel ásættanlegur og mótið er sterkt. Þá er stutt að ganga í allar áttir og góðir veitingastaðir út um allt. Þá sýndi það sig að það er einnig heppilegt fyrir áfangaveiðara. Til dæmis náði Færeyingurinn og öðlingspilturinn Helgi Ziska sínum fyrsta stórmeistaraáfanga í mótinu og það var ánægjulegt að verða vitni að því.

En að lokum kemur hér skák sem ég tefldi við ísraelskan skákmann í 2. umferð mótsins: 

Bragi Þorfinnsson

[Event "Riga Open"] [Site "?"] [Date "2013.08.06"] [Round "?"] [White "Thorfinnsson, Bragi"] [Black "Aharon, Ofir"] [Result "1-0"] [ECO "A30"] [Annotator "Doe,John"] [PlyCount "95"] [EventDate "2013.??.??"] [SourceDate "2013.12.18"] 1. Nf3 c5 2. c4 Nc6 3. d4 cxd4 4. Nxd4 g6 5. e4 Nf6 6. Nc3 Nxd4 7. Qxd4 d6 8. Bg5 Bg7 9. Be2 O-O 10. Qd2 a5 {Í thessari stöðu er mun algengara að leika 10.- Be6 og fylgja thví síðan eftir með Da5. Thad mun vera Pet-lína hins góðkunna rússneska stórmeistara Vladimir Malakhov.} 11. Rd1 Be6 12. Qe3 Qc7 13. b3 a4 $5 {Hraustlega teflt.} 14. O-O {besta svarið.} (14. Nxa4 $6 Qa5+ $1 15. Kf1 Nxe4 { og svartur stendur betur.}) 14... axb3 15. axb3 Rfe8 16. Nb5 Qa5 17. h3 { Ágætur lítill leikur í anda Karpov.} Bd7 18. f4 (18. e5 $5 {var áhugaverður möguleiki í thessari stöðu.}) 18... Bxb5 $2 {Misráðið hjá svörtum. Hvíti biskupinn verður stórveldi á c4, thar sem hann mun herja á veikt f7 peðið.} ( 18... Bc6 $14) 19. cxb5 Qb4 20. Bc4 Nd7 21. e5 {mistökin í 18. leik koma nú í ljós. Menn hvíts eru allir í ákjósanlegum stöðum.} Nc5 22. f5 $1 {Hér er málið að opna línur. Öflugur leikur, sem hefði átt að færa hvítum afgerandi frumkvæði.} gxf5 23. exd6 $2 {slakur leikur, sem hjálpar bara svörtum.} (23. Rxf5 {eðlilegur og góður leikur.} e6 24. Bf6 $1 {og hvítur vinnur}) 23... exd6 24. Qf3 Ne6 {svartur er ennthá með verra, en getur barist fyrir hálfum punkti.} 25. Qxf5 Qc5+ {rétt ákvörðun sem eykur jafnteflismöguleikana fyrir svartan.} 26. Qxc5 dxc5 27. Bf6 Bxf6 28. Rxf6 {Sigurmöguleikarnir hjá hvítum byggjast á tví að biskupinn er sterkari en riddarinn, sem og að hann hefur betri peðastöðu á kóngsvængnum. Lögmálið um tvo veikleika, kemur upp í hugann.} Kg7 29. Rf3 Rad8 30. Rdf1 Re7 31. Rg3+ Kf8 $6 {svartur var kominn í tímapressu og gerir mistök.} (31... Kh8 $14) 32. Rf6 $1 {h7 peðið er í sigtinu.} Rd1+ 33. Kh2 Nd4 34. Rg5 Rc1 35. Rh6 Rc2 36. Bd5 Ne6 (36... Nxb5 {hefði verið betri leikur}) 37. Rg4 Ke8 $2 {Í skák koma oft tveir eða fleiri slakir leikir í röð. Staðan var thó orðin vonlítil á svartan hvort eð er.} 38. Rxh7 Rf2 39. Rg8+ Kd7 40. Bxb7 $18 {Annað peð fellur í valinn og eftirleikurinn er auðveldur.} Kd6 41. Ba8 Rb2 42. Rg3 Nd4 43. b6 Rxb3 44. Rxb3 Nxb3 45. Rh6+ {tryggir sigurinn endanlega.} Re6 46. b7 Kc7 47. Rh8 Rb6 48. Rc8+ {og svartur gafst upp.} 1-0