Jón Viktor eftur með fullt hús á Gagnaveitumótinu

Alþjóðlegi meistarinn Jón Viktor Gunnarsson (2409) er efstur með fullt hús að lokinni fimmtu umferð Gagnaveitumótsins - Haustmóts TR sem fram fór í dag. Töluvert var um frestanir, meðal annars vegna Framsýnarmótsins og Vasteras-mótsins í Svíþjóðum og staðan í öllum flokkum nokkuð óljós.

A-flokkur:

Jón Viktor Gunnarsson (2409) vann sína fimmtu skák í röð þegar hann vann Kjartan Maack (2128). Dagur Ragnarsson (2040) vann Jóhann H. Ragnarsson (2037) en Sverrir Örn Björnsson (2136) og Oliver Aron Jóhannesson (2007) gerðu jafntefli.

Tveimur skákum var frestað og þar með talið toppviðureign Stefáns Kristjánssonar (2491) og Einars Hjalta Jenssonar (2305). Þær verða tefldar á morgun.

Jón Viktor er efstur með 5 vinninga, Einar Hjalti hefur 4 vinninga og Stefán hefur 3,5 vinning.

B-flokkur:

Jón Trausti Harðarson (1930) er efstur með 4,5 vinning en þremur en enn eru fjórar skákir ókláraðar og tveir keppendur geta náð Jóni Trausta að vinningum.

C-flokkur:

Elsa María Kristínardóttir (1787) er efst með 3,5 vinning. Tveimur skákum var frestað og getur staðan á toppnum breyst.

D-flokkur:

Haukur Halldórsson (1539) er efstur með 4 vinninga. Skákunum á 2. og 3. borði var frestað og fleiri geta náð Hauki að vinningum.

Flestar frestuðu skákirnar verða tefldar á morgun og staðan ætti að vera ljósari að þá.

• Heimasíða TR
• Chess-Results 
• Myndaalbúm (GB)