Hou Yifan heimsmeistari kvenna

 

Kínverska skákdrottningin Hou Yifan (2608) endurheimti í dag heimsmeistaratitil kvenna. Hún vann sjöundu skákina í heimsmeistaraeinvígi hennar og hinnar úkraínsku Önnu Ushenina (2500). Þar með tryggði hún sér sigur í einvíginu þrátt fyrir þremur skákum væri enn ólokið. Lokaúrslit urðu 5,5-1,5 og ljóst að hún kínverska var einfaldlega mun sterkari á öllum sviðum.

 

Lokahóf mótsins fer fram á hinum merkilega degi, mánudeginum 23. september. 

Það væri óneitanlega gaman að fá Hou Yifan, sem tók þátt í N1 Reykjavíkurskákmótinu 2012 eins og allir muna, aftur til landsins enda bræddi hún hér hug og hjörtu íslenskra skákáhugamanna.

• Heimsasíða einvígisins
• Beinar útsendingar (hefjast kl. 7)