EM: Pistill nr. 10 - hart barist í skákum dagsins

Það var heldur rólegra í 10. og næstsíðustu umferð en í þeirri níundu.  Hart var barist og engin stutt þrátefli.  Væntanlega vildi enginn taka séns á neinu slíku.  Frakkinn, Laurent Fressinet (2693), sem var meðal höfunda að hinni umdeildu 40 leikja reglu fyrir hönd atvinnustórmeistara, er efstur með 8 vinninga.   Níu skákmenn koma með 7,5 vinning og þar á meðal eru Íslandsvinirnir Malakhov (2705) og Bolagan (2687).  Öllum þessum skákmönnum dugar jafntefli á morgun en geta ekki samið stutt jafntefli!

24 skákmenn hafa 7 vinninga og eru í 11.-34. sæti.   Þar á meðal eru Caruana (2767), Dreev (2698), Jobava (2706), Kryvoruchko (2666) og Smeets (2610).  

Athyglisverð staða hjá þessum skákmönnum en 23 efstu komast áfram á Heimsbikarmótið (World Cup)  Þeir sem eru lægstir á stigum (tie break) þurfa á sigri að halda en halda en hinir þurfir jafntefli.   Gæti orðið athyglisvert að fylgjast með þessu.

19 skákmenn hafa 6,5 vinning og allir þurfa þeir nauðsynlega að vinna.  Þar á meðal vinur vorn, Ivan Sokolov (2653) sem mætir Hvít-Rússanum Andrey Zhigalko (2590).   Ekki eru einu sinni víst að sigur skili honum áfram á HM en ef ég þekki minn mann rétt verður allt lagt undir!

Hannes Hlífar Stefánsson (2531) vann fínan sigur á austurríska FIDE-meistaranum Mario Schachinger (2391).  Hannes hefur nú 5 vinninga og mætir svissneska alþjóðlega meistaranum Beat Zueger (2425) í lokaumferðinni.  

Héðinn Steingrímsson (2556) náði jafntefli með mikilli þrautsegju gegn úkraínska alþjóðlega meistaranum Vasily Nedilko (2392) eftir að hafa tapað tafl lengi og um tíma hrók undir.  Góð þrautsegja og barátta skilaði sér þar.  Héðinn mætir hollenska FIDE-meistaranum David Klein (2418) í lokaumferðinni.

Minnt er á lokaumferðin hefst kl. 10.