Kanadamenn sigruðu á Reykjavik Open Pub Quiz

 

Pub Quiz fór venju samkvæmt fram samhliða Reykjavíkur mótinu í ár.  Var þetta í fjórða skiptið sem keppnin fer fram og enn fengum við nýja sigurvegara, tvo kanadíska skákáhugamenn sem heita David Cumming og Michael Dougherty.  Fengu þeir 27 stig sem verður að teljast afar góð frammistaða, en umsjónarmaður keppninnar, Sigurbjörn Björnsson, sagði við upphaf hennar að sitt markmið væri að enginn fengi meira en 27 stig. 

 

 

 

Fast á hæla þeirra með 26 stig voru þeir Helgi Ólafsson og Dirk jan ten Geuzendam ritstjóri hins virta New in Chess.  Besta alíslenska liðið að þessu sinni var skipað þeim Ingvari Þ. Jóhannessyni og Jóni Gunnari Jónssyni, en þeir áttu nokkuð í land með að halda í við toppliðin tvö. 

 

 

Að þessu sinni fór keppnin fram á matsölustað Hörpunnar, Munnhörpunni og var sú staðsetning mjög góð.  Hefur keppnin unnið sér fast sæti sem hliðarviðburður við Reykjavíkurmótið og má ætla að svo verði næstu árin.

Spurningarnar fylgja með sem viðhengi.

Myndaalbúm (Hrafn Jökulsson)

 

Skrár tengdar þessari bloggfærslu:

• Spurningarnar