Tómas sigraði í öðru móti TM-mótaraðarinnar

Önnur umferð TM mótaraðarinnar fór fram í gærkvöldi. Átta keppendur mættu til leiks, sigurreifir eftir handboltaúrslit dagsins og tefldu tvöfalda umferð, allir við alla.

Tómas Veigar tók forystuna snemma og lagði alla andstæðinga sína að velli  í fyrri umferðinni. Seinni umferðin var mun jafnari, enda tapaði Tómas fyrstu tveim skákum sínum. Staðan var þá orðin þannig að Sigurður Eiríksson, Sigurður Arnarson og Tómas voru því sem næst jafnir það sem eftir lifði móts og börðust þeir félagar allt til síðasta leiks. 

Leikar fór þannig að Tómas sigraði með 11½ vinning af 14. Sigurður Arnarson og Eiríksson komu næstir með 10 og Smári Ólafsson var fjórði með 8 vinninga.

Sigurður Arnarson hefur tekið forystuna í mótaröðinni og er með 17 vinninga. Mikael Jóhann er annar með 14 og Tómas Veigar þriðji með 11½

Úrslit:

Tómas Veigar                         11½ af 14.
Sigurður Arnarson                  10
Sigurður Eiríksson                  10
Smári Ólafsson                       8
Mikael Jóhann                        7
Jón Kristinn Þorgeirsson        3½
Ari Friðfinnsson                     3½
Atli Benediktsson                  2½