Carlsen hélt jafntefli gegn Kramnik á ótrúlegan hátt - Þröstur vann

Öllum skákum sjöttu og næstsíðustu umferðar London Chess Classic lauk með jafntefli.   Þar á meðal hélt Carlsen (2802) jafntefli gegn Kramnik (2791) á hreint ótrúlegan hátt.   Carlsen er efstur ásamt Anand (2804) og McShane (2645) fyrir lokaumferðina sem fram fer á morgun.  Umferðin hefst kl. 12.   Stórmeistarinn Þröstur Þórhallsson (2367), sem teflir í opnum flokki, vann enska stórmeistarann Keith Arkell (2431) og er í 4.-14. sæti með 6 vinninga.

Staðan í aðalmótinu:

• 1.-3. Carlsen, Anand og McShane 10 stig
• 4.-5. Nakamura og Kramnik 9 stig
• 6. Adams 7 stig
• 7. Howell 3 stig
• 8. Short 2 stig

Gefin eru 3 stig fyrir sigur og 1 fyrir jafntefli í aðalmótinu.

FIDE Open:

Þröstur mætir indverska stórmeistaranum Abhijeet Gupta (2600) í lokaumferðinni.   Skákin verður sýnd beint hér og hefst kl. 12:30.  

Ensku stórmeistararnir Gawain Jones (2575) og Simon Williams (2473) eru efstir með 7 vinninga.  Enn einn enskur stórmeistari Neil McDonald (2449) er þriðji með 6,5 vinning.  

Almennt um mótin:

Þátt taka 8 skákmenn og eru meðalstig keppenda 2725 stig.   Stigahæstur keppenda er Anand (2804) en aðrir þátttakendur eru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611).  Þröstur Þórhallsson (2367) tekur þátt í FIDE Open, sem er viðburður sem fram fer samhliða.   Þar tefla 175 skákmenn og þar af 11 stórmeistarar.   Meðal keppenda eru Boris Avrukh (2675), Ísrael, Abhijeet Gupta (2600), Indlandi, sem var meðal sigurvegara á MP Reykjavíkurskákmótinu síðasta og Gawain Jones (2575).   Englandi.   Þröstur er nr. 29 í stigaröð keppenda.

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• FIDE Open (flokkur Þrastar)