Jóhann Hjartarson sigraði á vel skipuðu og skemmtilegu afmælismóti í Hótel Glym

Jóhann Hjartarson sigraði á sérlega skemmtilegu og vel skipuðu Afmælismóti Jóns L. Árnasonar í Hótel Glym, sunnudaginn 12. desember. Jóhann, sem er stigahæsti skákmaður Íslands, hlaut 8 vinninga af 9 mögulegum og tapaði ekki skák. Heiðursgesturinn Jón L. Árnason, sem varð fimmtugur á dögunum, lenti í 2. sæti með 7,5 vinning en jafnir í 3.-5. sæti urðu Helgi Ólafsson, Bragi Þorfinnsson og Hjörvar Steinn Grétarsson með 6,5 vinning.
 
Í 6.-9. sæti með 6 vinninga voru Gylfi Þórhallsson, Stefán Bergsson, Örn Leó Jóhannsson og Sigurður Daði Sigfússon.  Í 10.-13. með 5,5 vinninga voru Björn Þorfinnsson, Halldór Grétar Einarsson, Guðmundur Gíslason og Árni Þorvaldsson. Í 14.-20. sæti með 5 vinninga urðu Tómas Björnsson, Sævar Bjarnason, Páll Sigurðsson, Hjörtur Jóhannsson, Emil Sigurðarson, Birkir Karl Sigurðsson og Páll Andrason. Í 21.-27. sæti með 4,5 vinning urðu Gísli S. Gunnlaugsson, Jorge Fonseca, Ingi Tandri Traustason, Bjarni Sæmundsson, Stefán Pétursson, Gunnar Nikulásson og Birgir Rafn Þráinsson.
        
Aðrir keppendur voru Ingi Agnarsson, Einar Valdimarsson, Friðgeir Hólm, Csaba Daday, Vignir Vatnar Stefánsson, Ólafur Ásgrímsson, Inga Birgisdóttir, Kristján Örn Elíasson, Einar S. Einarsson, Heimir Páll Ragnarsson, Jon Olav Fivelstad, Ásgeir Sigurðsson, Jón Birgir Einarsson, Sóley Lind Pálsdóttir, Haukur Halldórsson, Hjalti Reynisson, Arnar Valgeirsson, Elías Lúðvíksson og Örnólfur Hrafn Hrafnsson.
 
Glæsileg verðlaun voru veitt á Afmælismótinu. Efstu menn hlutu peningaverðlaun, en að auki hlaut sigurvegarinn 2 nætur fyrir tvo í einu af lúxushúsum Hótel Glyms, auk málsverðar á hinu rómaða veitingahúsi staðarins. Aðrir sem lögðu til verðlaun og vinninga voru Ólöf Davíðsdóttir glerlistakona, Dýrfinna Torfadóttir skartgripahönnuður, Hótel Hamar, Sæferðir Stykkishólmi, Fossatún í Borgarfirði, Landnámssetrið í Borgarnesi, Elkem Ísland, Forlagið, Bjartur-Veröld, Sögur útgáfa, Opna útgáfa, Penninn-Eymundsson og Sena.
 
Skákmótið í Hvalfirði þótti heppnast sérlega vel og í mótslok tilkynnti Ragna Ívarsdóttir, fyrir hönd staðarhaldara í Hótel Glym, að leikurinn yrði örugglega endurtekinn að ári.

 

Myndaalbúm mótsins